(Thu leh hla zir lo leh thiamna nei lo na fam chu, ka tawn leh hriat dawrawm te te ka’n ziak chhuak leh thuai e! Eng tak ang ang maw? A sel duhin sel ula, inhnial duh inhnial teh u… 
)
Zawlkhawpui lamtluanga’n…
Kum 5 lai a liam ve leh ta reng mai. Ni khat chu Lunglei leh Aizawl inkar lirthei (Maxi Cab) kan chuanna ah C. Durthanga hla thlankhawm kha kan ngaithla a. Daduhi’n, ‘Kei zawng ka thlang Mizo val ngei’ tih hla a’n sak vang vang tak ah chuan, motor-a chuang ho kha min awiin, kan lo luangliam vek a lo ni a.
Vawi khat a’n sa zo chiah a, ka hnung chiaha putar thu chuan, muang ban chat hian, ‘Driver, kha hla kha chang engzat nge? chang sawm tal awm se ka va ti em!’ a’n ti chu. A thutna lam kan hawi thap. Driver leh a chuangte’n kan duhtlan em vangin Daduhi hla sak ringawt chu vawi sawm zet kan ngaihthlak chhunzawm ta a nih kha!!
Kawlthei Versus Kawiam?
Baktawng kan thleng a, kawngsirah theirah leh chawhmeh hrang hrang kan lei sap sap a. Lirtheia kan luh fel chuan, ka thutpui nula pakhat chuan Kawlthei/Kawiam a ei ta a. Chutah, tlar hnung atangin ka pu bawk chuan, ‘I kawiam kha ei zo thuai rawh, Baktawng I pelh meuh chuan Kawlthei ah a chang daih mai tur a nia!’ a ti leh ta.
Ni dang a la inhmu ngai miah lo kha kan innel chhawm ta viau hlawm a. Chhim leh hmar tawngkam thenkhat leh thil hming thenkhat in ang lo te kan sawi ho a, a hlimawm ta phian.
Bata showroom…
Bangalore lam ve thung aw. Kum hnih a vei ta. Ningani tlai a ni a, College kal lai a kan hun hman dan pangngaiin Kaval Byrasandra (RT Nagar) Youth group Bible study neih pui turin hmanhmawh ang reng deuhin Hostel atangin kawngpui ka pan hlawk hlawk a. Hmanhmawh veleh hian bus a muang thin tih bawk ka tawng leh ta.
Sum neih chhun chhun sen in huamin Auto-rickshow ka ko a. Ka tawng an hriatthiam theih loh thin vangin, muang ban chatin, ‘Anna, Kalval Byrasandra’ ka ti a. Hrethiam awm tak chuan lu bu nghut chungin Auto-rickshow khalhtu pawh chuan RT Nagar lam min pan pui ta a.
RT Nagar thlerpui (main road) kan thleng, a ding ta mai. ‘Engatinge I din tak mai?’ ka tih chuan. ‘Ele, Bata showroom I kal duh a ni lo’m ni, hei Bata showroom chu’ a ti ta mai! Hmanhmawh bawk nen, ka nuih a za ang reng khawp mai a. ‘Bata showroom ka ti lo, Kaval Byrasandra ka ti a lom’ ka tih chuan ani paw’n sawisel lem lo ka kal tumna lam chu min pan pui leh ta mai bawk a. Tlai deuh tawh ah ka va thleng a, naute’n min lo nghak thap.
A dang pawh…
Nitin a Office ka kalkawng hi Airport main road a nih vangin bus vei vak hi a tam ang reng a. Thla hnih khat chhung chu Bus conductor thusawi hi ka hre sual chiang khawp thin hi a lo ni a. Bus stop an lo thleng a, rang mangkheng in Chiblabla.., Chiblabla.. an ti a. A chang leh Doblabla.., Doblabla.. an ti mai hian ka hre thin. Khawi khua tak ah heng bus hi tlan thin ang maw? ka tih rilru fo a. Ka hriat chian hnu chuan Chikkabalapur leh Doddabalapur an sawina lek lo niin!!
Ni, tawngkam hi a ropui tlat. Tawng hrang hrang a awm a, tawng in ang hmang kha kan inhrethiam mai a ni. High School kan kal lai paw’n Lunglei Electric vengah vai naupang pahnih hi Hindi in an lo inbe zat zat a. Ka thianpa chuan, ‘anmahni tawng pawh hi an hriatthiam ka ring nek lo e a’ ti thla ngawt bawk. Mahse, kha’ng vai naupang khan kan thiam miah loh Hindi an dak zat zat thei thung. Engatimaw..? Ele, an tawng a ni tlat a lom.
Tin kan hnam bil tawng chu tu paw’n kan ngaina theuh. Mizo ngat phei chu hnamdang Mizo tawng thiam chiang lo pawh Mizo tawnga biak tum tlat kan la tam em hi. Tawng hrang hrang thiam tam erawh a finthlak, a tangkai bawk.
Tin, kan bula awm te tawngkama kan tawng theih chhung chu khawsakho hrim hrim pawh a nuam bik thin. Kawng tam takah Vai ho in min ngaihdan na chhan pakhat pawh hi Hindi kan thiam loh hi chhan pakhat a ni thei. Tin kan tawngkam hre ve lo na na na chu rel fiam vak pawh ni ila, a awmzia an hriat tlat loh avangin an nui vur vur tho thin!
Mizo tawng
Mizo chhungkua atang a seilian I nih chuan he tawng hi I damchhung in a pawimawh ang. Intichangkang in sapram/ram dang ah damchhung a I awm dawn te a nih ngawt loh chuan.
Hetih rual hian kan awmna hmun a zirin tawng leh lamdan a dang hret hret thung. Mizo chauh nilo in hnamdang pawh hi an ni vek. Keini hnam tlemte zing a Mizo tawng a tlem tlema a danglam chuan keini aia let za aia tam hnam dang zingah phei chuan a danglam nasa ngawt ta ve ang.
Englekhawle, hei hi ka sawi duh. Kan ngamtlak leh thian kawmngeih te zinga infiamna’n a han sawi bawrh bawrh hun chu a awm thin, a pawi lem lo. Mahse a lo a luat a lamdan dang deuh kan sawi emaw kan innuihzat mai thin erawh thil tha ber a ni lo mai thei. Kan intlawhpawh nasa tial tial a. Kan awmna lam apiang tawng hi tawmpui mai ila, a tha ber mai lo’m ni? ka ti.
Lunglei lama seilian, Aizawl lam a awm/khawsa chuan Kawlthei ti ve mai se; tin Aizawl lama seilian, Lunglei lama a a awm/khawsa thung paw’n Kawiam ti ve ta mai zawk se. Hei hi entirna pakhat mai a ni e. Midangte hawi tir hu hu ai chuan kan hriat chin chin kha chu kan awmna lam leh sawi ang zelin ti ta zel ila a hahdam zawk ang. Hetih rual hian, tih than leh lam than chu tihsual chang a lo awm paw’n innuihsawh emaw in fiam leh hrep hi ti lo hram hram ang u…
Similar Posts:
- DigCam hi showroom a mi ngei lei a tha em?
- Mizo hnahthlak inunau nan Mizo tawng
- Mahni tawng hman dik loh hi thil zahthlak ani
- Mizo leh Mizo tawng
- Mahni hnam tawng thiamloh a zahthlak
January 19th, 2012 at 7:32 pm
Mizotawng hi chu thiam hle a tha.
Report this comment
January 19th, 2012 at 7:43 pm
Mizo tawng ka theim noh
Lusei hai popo an hoih noh
fth
Report this comment
January 19th, 2012 at 7:48 pm
Isua = Th(r)uama?? … Lunglei lamah pawh Isua ka ti tho ang
PS: Post hlap hot tum na.
Report this comment
January 19th, 2012 at 7:51 pm
Hey DOCTOR Mahminga Sailo chu va ziak sei ve…
“Lunglei lamin, Aizawl lamin Ti ve mai se” tih ngawt pawh hi harsa ve deuh a ni…an ti ve mai lo thin a…
Yours, etc,
Dr. Selthuama
Report this comment
January 19th, 2012 at 7:51 pm
LusHAi ho hi nang mahni tawng bak thiam in nei lo va
Hot raw pip
Report this comment
January 19th, 2012 at 7:56 pm
Awmna tlang a dang fo thin angin tawng inang theuh theuh pawh thumal leh thluk dan inanglo a awm thei khawp mai. Entirna tha tak chu English rau rauvah ngawt pawh England English, American English, Swedish English te chu a dang niai mai asin…English theuh theuh. Chutiang tho chu a ni.
Mahse, Mizo ten kan hriat loh fo han sawitel hram ila (Burma lam bawk). Tiddim tawng, Falam tawng, Halkha tawng, tih kan hmang. Heihi Lunglei tawng, Aizawl tawng tihna ang chiah a ni. Tiddim te, Halkha te hi tawng hming a ni lova, tlangdung sawina ie:Halkha tlangdung tawng chu Lai holh (Pawi tawng) a ni, tihna ang a nih chu.
Tumkhat chu Delhi Mizoram House, Chanakyapuri a a awmlai khan dormatoryah kan thu thap a. House kawtah chuan vaipa hian, “Enaianaia” ti niawm tak hiana rawn lam nawk nawk mai a. Kan kalpui Para chuan, “A tui leh ngawt ang,” tiin a zuangtho thurh a a zuk lei ta a. Eng eng emaw mix nuaih mai hi a ni a, vai mix ka ei tawhah chuan ala tuilo ber awm e hairehai
Report this comment
January 19th, 2012 at 7:57 pm
Dr.Selthuama hairehai, ki khobor..khana khaise
good post.
Report this comment
January 19th, 2012 at 7:57 pm
Kawlthei nge tui Kawiam???
Report this comment
January 19th, 2012 at 7:59 pm
Thuama Tan tlangah an tawn bet = Isua kalvari tlangah an kheng bet
Report this comment
January 19th, 2012 at 8:02 pm
Thingfanghma – Nuhnun, Kahtawl – Laui, chutiang zelin.. kan thusawi tum kan inhriat tawn theih chuan a tawk viau ka ti mai. Mizoram chhung a cheng theuh theuh pawh chhimlam leh hmarlam tawngkam te a dang deuh a, khaw hran tawng pawh a dang a nia. A engapawh hi a tha vek. Good post
Report this comment
January 19th, 2012 at 8:05 pm
Chaw ka ei dawn (true story)
#sheldon, he post hi lo vaw hawt la
Report this comment
January 19th, 2012 at 8:09 pm
@chhangteval, a hnungzangah e mi vuak tur
Report this comment
January 19th, 2012 at 8:11 pm
I ziak tha bawn let tawp tawp.
Kan awm na leh chenpuite mil zela, tawng kan hman hi a tha a ni mai. In sél tur bik kan awm lo. Aizawl tawng zawng zawng a dik bik lova, Lunglei tawng zawng zawng a dik bik hek lo. Mizotawng tihausa tu-ah i ngai zawk ang u.
Report this comment
January 19th, 2012 at 8:12 pm
Ka roommate pawh kha sual thiam ve thei…phone a mizotawnga ka’n tawng tak tak hi chu, a ri hi a lo dang bok sia, ‘tikhan i biak nen khan in sawi tum chu in inhriatsak ve tho chu a nia maw?’ ti ngei zel..
Report this comment
January 19th, 2012 at 8:13 pm
hot raw pip…!
Report this comment
January 19th, 2012 at 8:16 pm
A ngaihnawm ka ti ngei mai. A hmasa ber khi a ngaihnawm ka ti ber a, putar fiamthu khi a ril hle. Tawng pawimawhzia i va tarlang thiam tak em!
Report this comment
January 19th, 2012 at 8:18 pm
Lunglei lamah chuan ngaihzawng pawh hi “ṭhian ṭha” (k)an ti tlat!
Shillong bus conductor-in “Piulih, Piulih” an tih pawh Happy Valley tihna a ni daih.
Report this comment
January 19th, 2012 at 8:24 pm
Prof. Rev. Dr. TuaiSialA MBBS! Awi…hepa credential ngahzia hi. Min lo sem ve
Tawng hi chu, kan inhriatthiam tawn chuan a tawk viau.
Ka beng ngeia ka hriat kan sawi ve lawk. Vaiphei nu leh eng nu emawni(Mizo chiahlo) kha Mizo tawngin an inbia a, mipa naupang a deuh hian a lo ngaihthla a, kalsawn pahin ‘Puitling si an va tawng fiahlo’ a tia, kan nuihpui ve viau
Report this comment
January 19th, 2012 at 8:25 pm
Narrow-minded or arrogant apiangin mi sawisel leh dem an ching mai zawk a ni.
Kawiam leh Kawlthei hi a inang chiah a, a tui dan pawh a inang chiah. Miin kawiam a tih chuan, a ti a ni mai. Miin kawlthei a tih tlat pawhin, a ti a ni ve mai. Innuihsawh leh chu e, kha e, bal e tih chiam a tul lo.
I ziak tha
Report this comment
January 19th, 2012 at 8:28 pm
Miin Kawiam a ei chuan Kawlthei tho a ni, a ei ni.
Report this comment
January 19th, 2012 at 8:38 pm
@20, nick turu tak a va ni em. Kha mah mah Er. a la tel lo lehnghal.
tren tren
Report this comment
January 19th, 2012 at 8:39 pm
Rahsiveng pa chu leh tih ka tum a, sawisual ka hlau si. Pu Roliana ka hrechhuak zawk.
Report this comment
January 19th, 2012 at 8:41 pm
In comment chhiar a nuam e. Ka tlangval laia ka ziak, ka’n herlum leh mai mai a nia.,
Report this comment
January 19th, 2012 at 8:44 pm
A va hot thei love
Ham-mawn hot hot
Report this comment
January 19th, 2012 at 8:50 pm
Awi awi awi Tuaisiala khi!
Report this comment
January 19th, 2012 at 8:51 pm
Hot raw pip
Report this comment
January 19th, 2012 at 8:52 pm
Post tupa chu i inti pachang ve ringawt e lo
Report this comment
January 19th, 2012 at 8:56 pm
Joseph sr@22, Venglai pa, Pu Roliana kha em ni i tih le!!
tren tren
Report this comment
January 19th, 2012 at 9:04 pm
Kan tlangval lai. Post tupa bialnu pawh i neihloh kha.ha hai
Report this comment
January 19th, 2012 at 9:21 pm
Ka hul..lolz..Mahminga post a nia..comment ve hram ka duh bawk si..
Language pawimawhna ka sawichiam dawn em maw ni le..nge..emotionally laden language tih vel te kan han sawizau ve hrim hrim zawk ang..
Hmanni Masi chawlh lai khan kan khua-a tawngthei lo pakhat, tette atanga mahni tal tala tal..Sign language pawh ama phuahchawp hmang mai mai hian khawmhma a rawn zuar a. Ka lu ka thin khum ngial hnu-ah pawh a kal duh miau loh avangin ka leisak ta nge nge a. Chutah, ka u hmeichhia awmna min zawt ni ngei hian ka hre ta a. Inhrilhfiah a har ngei mai. Engtin tehlul nge Gauhati-a an awm thu leh fa duhawm tak tak pahnih a neih tawh thute ka hrilh ang aw tiin ka ngaihtuah a. Ka notebook ka phawrh a. Thlalak vel ka entir ta ngawt a. Hmuhnawm a ti ngang mai a. Kan ri ta le lu mai a. Picture hi language ropui tak a nihzia a takin ka hmu a. Tuifinriat kama kan intawllen vel lai thlalak te chu mit tla dawn hian a thlir a…a pian ahnu lama tuifinriat la hmu ve ta lo chuan, ropui a ti takzet a. A thialbal zawrh..ka lu ka thinkhum ngial hnu-ah a pekin min pe ta vel a..lol..a thui lutuk em? Ka bang e! I post loh lam hawiin ka han tlak duah a!
Report this comment
January 19th, 2012 at 9:22 pm
Chhiar a nuam khawp mai. Ka duh lai tak pakhat chu tlar khatna ami “lirthei (maxicab)” tih khi ani. Maxicab sawi nana (Tata) “Sumo” an hmang vek mai hi a dik lo. Mahindra emaw Maruti emaw Toyota emaw pawh an hmang daih thei tlat. Vacuum claner sawi nana Hoover an hmang leh hmanni a TV a an live discussion ah baby cereals (food) sawi nana Cerelac an hmang tlat pawh kha ka ngai mawh. Cerelac lo hi brand dang an hmu lo tehreng nge ni.
Report this comment
January 19th, 2012 at 9:22 pm
@ Sheldon.. Vanglai kan pel tawh chu a nih hi…
@ lamea… Kan nu in a hre palh ang e… 
A rei ve ta, Vanapa Hall-a Lunglei pa pakhatin Team work (TRIM-uak) a tih kha chuan mipui khan an au el nasa, a sawitu ngei pawh a hamhaih!
(Bo leh daih)
Report this comment
January 19th, 2012 at 9:23 pm
Ka Dr pui paws a ni bawk a ★★★★★ pe hmiah teng… i lo ril hle mai, thianpa!
Report this comment
January 19th, 2012 at 9:23 pm
Nia, Bawkbawn leh Manta tih vel te pawh a niang chu……. piuuuu
Report this comment
January 19th, 2012 at 9:29 pm
Tawng sawi takah chuan; Mizo nula ho hi Tlangval lam ai hian State dangah hian hnamdang lakah an kawlh duh zek a nia:
Shillong College ah khan Pricipal Office kawtah hian Dar hi an khai a, Peon-in Class change hunah a vaw thin a. Khasi nula pakhat hian mizo nula kha polite tak khan a rawn zawt ve a, “Is the bell gone?” a rawn ti ha mai a. Mizo nula ta pek chuan, “Don’t you see? it is still hanging there” a han ti mai chu, a tum hman a, a kal tau nghawng nghawng mai maw le.
Report this comment
January 19th, 2012 at 9:30 pm
Borat@31
tui dahna atan a kan hman tlangpui container-te Brite kan ti tlat mai te hi.
tren tren.
Report this comment
January 19th, 2012 at 9:36 pm
Mak ve deuh mai chu, English, Hindi, Mizo hi ka kawm a zir zelin ka thiamin ka thiam lo niin ka hria.
Report this comment
January 19th, 2012 at 9:37 pm
Tomato – Bawkbawn thur. Tel (cooking oil) – Chhitui.. Ka va thiam em!!. Kan biaka te a zira thil an lam dan hriat chuan an lamdan ang hian ti ve mai ila a tha ber mai..
Report this comment
January 19th, 2012 at 9:57 pm
A tawp para hnih khi tha ka ti lutuk.. Kan awmna hmun a mi te hman ang zel a kan hman hi a fin thlak in ka o hre ve mai mai a, chhim lam ah kan awm a nih chuan ni te pasal pawh ka tang(trang) ti mai a tha..
Report this comment
January 19th, 2012 at 10:25 pm
In titi a ngaihnawmin a bengvarthlak hle mai…
Ka hlawkpui e. Mi pakhat ngaihdan ngawt ai chuan mi hrang hrang ngaihdan lakkhawm zawng a dan a dang e.
Report this comment
January 19th, 2012 at 11:24 pm
A post tu pa chu thu i thiam hle mai.. Mizo literature ah tution min la pe ve la a tha ang…Chuan..Pathlawi maw i nih? hehe
Report this comment
January 20th, 2012 at 12:54 am
Mahminga chu i ziak ngaihnawm khawp mai
Regional difference vanga tawng danglamah hi chuan a dik leh dik loh sawi theih a ni lo. Tawng dik lo erawh hi chu palzam mai lo vin zir thiam ve tum mai hi a tha ber e.
Report this comment
January 20th, 2012 at 12:58 am
muantea, fb hman lawk em?
Report this comment
January 20th, 2012 at 1:32 am
Tawng pawp pawp mai tur, kan native language an thiam bik lo.
Report this comment
January 20th, 2012 at 9:06 am
@ Tete-i… Hmeichhia leh uite chanchin bak tuition ka pe thei lo. Pathlawi zawnlai ka ni e…
@ muantea… Ka lawm e.
Tawng chungchang post leh comment lai laiin:
Tun lawk khan, Putar dawrah ah ka phone recharge ka tum a. Ka tawng a hriatthiam mai thin loh avangin AIRTEL recharge ka duh. AIRTEL, TEL ka ti lawm lawm a. A dawr ah hian ka kal ve zauh zauh avangin airtel service provider tana mobile phone a hman chu ka hre ve tawh a. A phone min pek chu ka ringhlel a, ARITEL a ni maw? ka’n ti chiah chu ‘AIRCEL i ti a ni lo’m ni? min ti ta! Telegu-in mi ankhum hrep! Kei lah (saptawng in) in ‘ka thusawi ngaithla chiang ta che ka pu’ ka ti bawk. Nuih hi a za thin mang e.. Babel in sang an lo sa kher kher hi chu awww…
Report this comment
January 20th, 2012 at 1:36 pm
Pu Prof. Rev. Dr. KC TuaiSialA MBBS, MD. Ph.D, LLB (Gauhati High Court): I hming hi ka lawm hle mai. Ka thianpa pakhat hming chu DONBOSCO a ni mauh mai. Min ti hrechhuak. Style hran nei deuha i chetla lai hi a hmuhnawm a nia.
Ka la chhiar ang hman veleh.
Report this comment