Khuallawmi
Kan khaw hming hi ka thup tlat dawn!… thil thleng tak tak a ni tlat. In 96 khua kan nih thu erawh ka zep lo ve! Khuallawmi hi mihrang a ni lo – ka nupuite unau 7 zinga upa ber dawttu a ni a; mi ang vak lo tia sawi theih ni mah se, buh leh balah an harsa ngai lo. Kum 32 leh thla 2 a nih chiahin pasal a nei a, nupa taima rum rut, kan khaw rama sakei a hran lai pawha feh thulh duh maih lo an ni. Kum 32 leh thla 2 chiaha pasal a neih chhan pawh ( 3 + 2 + 2 = 7 Pathian nambar, a ti. kha daih kha sin! ) A pasal pawh chuti tehlua a ni lo – “Siambawng, nang, khaw khat pachak nih manah hei hi pu la, saw tah sawn va keuh teh…” tih tawh chuan Vawk sum 6 pawh pu nawl nawl thei a ni. Kan bawngpui ke na, ram riak te kha amaha put haw zu tum a!!!
A rai!…
A’n rai laileng khawp a! Kawr tawt (tight) ha duh ngai reng reng lo kha, a rai chinah chuan a mara mar thei ang ber lo chu a ha duh reng reng lo! Dul chul hliau hliauin chawlhni tlai tin khawlai a fang thin a, khapin awmzia a nei si lo. Fapa ka neih hun chuan nangmah ang ka neih loh vek leh Titanic-a a changtupa ang kha ka nei ang… Fanu ka neih chuan Mami Varte ang ka nei ang… a ti chamchi thin. Ngawi teh, Ka’u Khual, keimah ang fapa i neih ngat chuan a luck tuluk tur hi i la buai zawk ang… te ka lo tifiam vel luam thin. 
Chhungkua kan buai
Pum nuam lo a sawi ta zeuh zeuh a, nau a vei ve dawn a nia’ng e… ti a, a rai tirh ni leh thla a hriat ang te kan han zawh chuan kut thliakin kan han chhut a, thla 15 zet a lo ni reng tawh a! A rapthlak a sin awww…! Ram chhuak thei lo khawpin, kar 2 chuang zet chu u leh nauten kan vil tlut a ni ber. Amah lah kan arpa chhiar khuan thawh khalhin “vawiin chu ka nei ngei dawn e, ka awmdanah ka inhre mai, tumah feh suh u…” a rawn ti tuk tin a. A paitu berin a tih miau chuan “Ka awi zozai tawh lo…” tih chi ni bawk si lo.
A vei tak tak ta e
Chutianga kar thum chhung zet feh hleithei lova a nau vei kan kil ni tin hnu chuan, tuk khat chu ka ni Romawii a rawn lang nawlh a. “Tuntum chu a ti ve tak tak tawh a nia, thlan tla bawrh bawrhin mut hmunah a let a let mai…” a rawn ti a, kan lawm kher mai. Kan tlan phei nghal a, amah chu ka en a – a nih hi… a ti ve dawn tak tak ta!… tih ka hre nghal. Ka pizawn – kan khuaa nau chhar thiam hmingthang, nau 50 zet chhar tawh chu naupang ka va koh tir a. Kar lovah ka pi pawh chu rawn thlengin, tihtur tul ang ang a rawn ti nghal bawrh bawrh a, a thlamuanthlak hle.
Chutia, darkar 2 zet nau vei anga a awm hnu chuan chaldara thisen zam lang truak khawp leh, awr phiar tawn tawn khawpin san a pe ve ta a! Sanpui vawi 3 meuh a pek hnu chuan nau lu a rawn lawr tut a, ka pi pawh thuh hmun rem tha meuhin a inring tawh hle. San pe sauh sauh turin a fuih reng a, a sang deuh reng bawk a. Mahse, nau lu bak san chhuah a nei thei ta lo. Naute nunnain a tuar mai ang tih hlaua kan inmelh hrek hrek lai chuan, na tuara rum hlurh hlurh phahin – “Khaih awww…” tiin sanpui a’n pe leh a.
A sang chhuak ta…!
A chhuak ta! A sang chhuak ta…!!! Mahse, a san chhuah chu nau a ni tlat lo!… Englo a ni… englo… Êk-tum lian tha lenglawng, a muka muk khal tlat, uih namen loa uih! (Pawi ta ber chu, hmunpui anga inkah ek hmasakna kan nei lo kha a ni. K’u Khuali khan ip hrang thiam tawh hek lo le. Dem suh u.) Amah lah thei leh thei lova ring rawn tunin, nau chhar tura lo inkau reng – a nu (ka pizawn) chu chiang kek-kawka rawn enin –
“Ka nu, hmeichia nge mipa?…” (Hemi tuma ka pizawnnu phur bawk si, beidawng hmel bawk si kha vawiin thleng hian ka la theihnghilh thei lo.)
“Mate, i san chhuah kha e, nau a ni lo… naute chu tunah hian a lu bak a la chhuak lo…”
“Ka san chhuah ngei kha, ka nu… ngati nge, a thi em ni? Kut ke kim a neih loh vang em ni?”
Kan u Chalchhuna a insum zo ta lo –
“Khuallawm, i san chhuah kha maw… êk a nih kha… êk!… êk-tum bak i la sang chhuak reng reng lo…!!!”
Siambawnga a che dawn!!!
Kan thawm vel avang chuan a nupui nau vei, na tuar thawm hre phaka awm ngam lo, Pa chak – Siambawnga (in neitupa/ ka nuphal) chu thawklehkhatah a van tla ang maiin a rawn lang nawlh a. Kum thum chuang an rap chunga ka hmuh tawh mau bul, chem fawng atana a tih ni awm tak chu a kut ding lama rawn humin “Khawnge, a ni lo lo a san chhuah chuan a lo chhuahna kua chu hei hian hnawhtawt ila ni mai lawm?…” a rawn ti hem mai le. Kareiiii…! Boruak a va sang mai awm ve le(h)!
Mahse, ka pi kha a lo fel hlauh a. Siambawng, kha… hei hi va phum rawh… tiin, a nupui san chhuah ‘Thil’ chu nalh taka funin a pe a. Nui vur vurin kawmchar kawlthei kung bulah a zuk phum a. Kawlthei zar kuai balin kros a siam a, a phun nghal a. (Vawk inah vawm lut zawk se aw… ka lo ti neuh neuh a.) Chutia, naute lu lawr tut tawh si, sang chhuak thei bawk si lo chu makpa chet a hun ta. Naute leh a nu nunna atan pawh a hlauhawm thei tlat.
Khaw thenawmah Health Worker pun turin, bike-in ka chhuak ta a. An health worker lah chu – Aizawl atanga awm thar, paw pheu mai, nula lian lam a ni a. Ka han biak vel atang leh a mitmeng atang chuan ka pe dak thei dawn tih ka hre mai a. Boruak en phah zelin, chance a awm chuan pe kâk ngei bawk ila… ka ti neuh neuh a. Chuan, kan khaw lam panin unau hmel hai antih hun velah kan inphur chhuak ta a… (Hemi chungchang hi chu chhunzawm leh ah…) 
San chhuah loh tur zawk a sang chhuak tih mai loh chu, K’u Khuali chuan harsatna em em nei lovin fapa a hring ta a, a hming pawh “Chharliana” a ni. Tunah hian kum 8 a ni ve ta! A nuin a hrin dawna harsatna leh zahna a tawn nasatzia te, na leh hreawm a tawrh nasatzia te, a pailai atanga beiseina nen hma lam hun thlira a phurzia te hriatpuitu ka ni ve tlat a – a tlangval hunah a nu zahpui leh hmusit zawnga a khawsa a nih ngat chuan “Chharliana” a hi ka vua ang!!!
January 21st, 2012 at 3:05 pm
Kawltea post a ni tlat a ngaihnawm ang, chhiar nghal ang
Report this comment
January 21st, 2012 at 3:10 pm
chhiar hmain tawngtai phawts teng
Report this comment
January 21st, 2012 at 3:14 pm
@2 amen
Report this comment
January 21st, 2012 at 3:19 pm
Kan nuih chhuah hawk hawk chu le.
Report this comment
January 21st, 2012 at 3:22 pm
“Khuallawm, i san chhuah kha maw… êk a nih kha… êk!… êk-tum bak i la sang chhuak reng reng lo…!!!”
a tlangval hunah a nu zahpui leh hmusit zawnga a khawsa a nih ngat chuan “Chharliana” a hi ka vua ang!!!
chhunzawmna tur khi ka van nghakhlelh tak em
Report this comment
January 21st, 2012 at 3:25 pm
Lolz ek uih deuh phum, cross la dah thlap khi ka nuih a za tawps
Report this comment
January 21st, 2012 at 3:32 pm
hahaha… kei pawh ka nuih a za!
Report this comment
January 21st, 2012 at 3:33 pm
Ka van chhiar chak tawh tak em…
Report this comment
January 21st, 2012 at 3:37 pm
Swimming pool kianga ding kawh luah min mitthla tir mange hairehai
Report this comment
January 21st, 2012 at 3:43 pm
Duh tawka i han sep hi chuan kan chhiar zung zung mai alom le…min ti hlim phian mai..rilru tam vak lo ho innei hi an tluang duh phian an ti ania
Report this comment
January 21st, 2012 at 3:46 pm
A tawp dan hi, a vai film em aw.
Report this comment
January 21st, 2012 at 3:50 pm
lol
Report this comment
January 21st, 2012 at 3:57 pm
@10
Report this comment
January 21st, 2012 at 4:03 pm
Hahaha.. Ka nui nasa lutukkk!!!!
Report this comment
January 21st, 2012 at 4:25 pm
KKK min lo hrethiam sela, breaking news lawk.
Khawthlang tuipui, tlabung chhak lama evangelist teacher,(BCM) mizo nula pakhat chu nizan khan, pawngsual ni a thudawn a ni. Tunah hian tlabung lama kohhran hruaitute leh police te, he thil thlenna hmun lamah hian an thang mek a ni awm e.
Source LPS & Tlabung YMA hruaitu.
…khrum
Report this comment
January 21st, 2012 at 4:41 pm
A ngai tho.
…khrum
Report this comment
January 21st, 2012 at 4:44 pm
Kawla, i nupui chanchin i ziahna a ni lo maw?
Report this comment
January 21st, 2012 at 5:01 pm
Dr vanlal kawlhawk leh, kareh tukhum thleng duai duaia min nuih tir chu le. I va lo post har em em ve, ka ngaihtuah chhuah niawm tak a ni.
Report this comment
January 21st, 2012 at 5:06 pm
Mami Varte hrin a tum chu, Ek tum a ni ta phawt a ni maw?
Dul vun a chuar tup tup mai alawm le.
Aw, inren suh misual.com tan..ziak zel teh, health worker pe dak, pe kak lam pang pawh khi
Report this comment
January 21st, 2012 at 5:08 pm
Ka nui nasa lutuk.
A tawp ber khi tha tawp, Nu leh Pa te hi zahpui ngailoh tur
Report this comment
January 21st, 2012 at 5:12 pm
hahaa…..dangdai ve le
Report this comment
January 21st, 2012 at 5:22 pm
chharliana unaupa kha kawlthei kung bulah an phum ta daih a ni maw?
Ava ngaihnawm em
Report this comment
January 21st, 2012 at 5:27 pm
Ha ha…..A phir pui chu a hming an sa ve lo em ni
Report this comment
January 21st, 2012 at 5:32 pm
ka chung chung leh ami hi a FA HRIN chu a ni thei mai ang em?
Report this comment
January 21st, 2012 at 5:34 pm
“Khawnge, a ni lo lo a san chhuah…
Tih lai tak hi!! lol
Report this comment
January 21st, 2012 at 5:35 pm
hui ha, ka nui nasa lutuk, chhiar zo lawk thei lo in ka nui phawt, chuan rawn chhiar zawm leh e
Report this comment
January 21st, 2012 at 5:41 pm
Mahse, ka pi kha a lo fel hlauh a. Siambawng, kha… hei hi va phum rawh… tiin, a nupui san chhuah ‘Thil’ chu nalh taka funin a pe a. Nui vur vurin kawmchar kawlthei kung bulah a zuk phum a. Kawlthei zar kuai balin kros a siam a, a phun nghal a. (Vawk inah vawm lut zawk se aw… ka lo ti neuh neuh a.)
Ka pum a nâ, duhtawk tawh teh ang. Ka riltam a reh zo tak ngial dawn….
Report this comment
January 21st, 2012 at 5:56 pm
HAHAHA..Dr. Ma Kawlhawka thin hi a
Mu chungin nui deuh si, nui lo deuh si..mangang deuhin min siam a
Report this comment
January 21st, 2012 at 6:02 pm
Report this comment
January 21st, 2012 at 6:15 pm
Hlim awm kher mai i post chu!,mahniin ka nui dir char char lawm chhiar zawngin.. :)))..
Report this comment
January 21st, 2012 at 6:17 pm
hahaha…van nuam e
Report this comment
January 21st, 2012 at 6:17 pm
Ka nuih a va za teh lul em. A chhunzawmna khi tih vat2 chi!
Report this comment
January 21st, 2012 at 6:23 pm
A va za tak em!
Beerthugs: Hla chu copy engzat nge lo keng ila tha ang? Naktuk chu kha lamah khan ka lo inkhawm dawn.
Report this comment
January 21st, 2012 at 6:44 pm
Ka va awih lo, dawt mah nise. Human physiology hre ve ik chuan ek kalna leh naute chhuahna (birth canal) a inzawm miah lo ania, tih in hre mai ang.
Report this comment
January 21st, 2012 at 6:58 pm
Hihi..Dr Kawlhawk chuan min tihlim ngei mai. I duh chuan thu hi chu i thiam mawle. Han chhiar ila a inla mar zaih mai a.
Health Worker pek dak leh dak loh chungchang khi nasa takin ka nghakhlel.
Report this comment
January 21st, 2012 at 7:24 pm
Khaw kara bike a inphurh chu in risk a awl asin
Report this comment
January 21st, 2012 at 7:25 pm
Haha….Dr. Zang-fak-awma thin tak hi chu awwwww…. kawmkil story lamah hi chuan i thei a ni
Report this comment
January 21st, 2012 at 7:57 pm
In lo hlim pui liam liama a lawmawm e.
mahse, khi… #34 physiology hre ve ik khian a man fuh lo deuh a nih khi
Report this comment
January 21st, 2012 at 8:08 pm
Report this comment
January 21st, 2012 at 8:16 pm
chhiar a van man hla thin em…a tha bok c…
Report this comment
January 21st, 2012 at 8:47 pm
ek canal leh naute canal are zaz a few cm apart khek khek mi hrelo ve te
chharliana hi ka rilruah zu han awm reng a mawle huhu
Report this comment
January 21st, 2012 at 8:49 pm
A va pui rem rem ve
. 
ngaihnawm khawp mai . .HW bike a i phur khi in chhuak tlai emai i pe kak angem le , 
rawn chhunzawm chiah la . .
Report this comment
January 21st, 2012 at 9:33 pm
Hahaha….:-))
engtin maw…health worker chu i pe dak, pe kak, pakak a maw..!!.haha3..(chhunzawm zel teh)
Report this comment
January 21st, 2012 at 9:44 pm
Va hlimawm ve
Titanic-a a changtupa chu a an hmel ta em le aw….?
Report this comment
January 21st, 2012 at 11:03 pm
A va ngaihnawm ve le..
Health worker nen in awm jel dan chu hriat ava chakawm ve awww…
Report this comment
January 22nd, 2012 at 8:39 am
#34 Borat- Human physiology chu iman fuh maithei. Mahse nupui i la nei lo a ni ang. A nih loh pawhin nau nei lai bulah i la awm tam lo a ni ang e. A kalna hrang mah se ek an cheh ve fo tih te chu hre tel ve tur chu i ni maw le. Hospital nurse ho zawt mai teh.
Report this comment
January 22nd, 2012 at 9:25 am
A va ngaihnawm e aw….. a hming, Khuallawmi tih atang hian eng engemaw min ngaihtuah chhuahtir e a. Thingtlang nula thenkhat tan chuan mahni hriatchian ngawih ngawih tlangval ai chuan handiman pawh an hlu zawk fo thin…..
Report this comment
January 22nd, 2012 at 3:38 pm
Ka ‘online’ mumal hman loh avangin a nui hnuhnung pawl a ka han tan chu le.
Report this comment
January 22nd, 2012 at 6:32 pm
Phir a hring a ni ber e … pakhat a damkhawchhuak, a dang lah kawlthei kung chawmna tur! A ngaihnawm inphaman chho purh mai!
Report this comment