[Hla lam hi post a khat tawkin a awm ve deuh reng si a, hla lama tui deuh tan…]
Favang awllen lai a ni a, kan khaw thlanmualah ka pu thlan tifai turin ka chhuak phei a, a hmun ka thlen chuan pa (mikhual) pakhat, ka pu thlan bul lawk a lo thu hi ka hmu a, ri si lovin a hmui phun chuan eng thu emaw hi a sawi sep sep a….! Kei chuan ka pu thlan hnim pawh fai pah chuan ka mit sirin ka melh leh zauh zauh thin a.
Amah chu kum 45 mi vel, pa hleitling tak inkhai thli thlerh thlawrh, hmuihmul buk vak lova zuah a ni a. A inchei dan atang chuan eng ang hnathawk nge tih han rin thiam a har hle! T-shirt nghawngnei ban-bul a ha a, Levis Jeans da lam tawh a ha bawk a, Nike sneaker dum (AirMax) a bun bawk. G-Shock sana a bun duh dan atang chuan pen hmanga eizawng ringawt chu a nih ka’n ring lo ve ringawt a.
Chutia rei deuh tak a awm hnu chuan ka lam chu lo hawiin, “Vala, thla min lak sak ta che,” tih pah chuan a Sony digital camera te fel ren rawn chu a rawn hum chhuak a. Vawi hnih vawi thum ka hmeh sak hnu chuan camera chu ka pe leh a, thlalak chu an en nawn a, a bu nghut nghut a. Kal mai tuma a inher tawh chu a rawn hawi let a, “Tui i pai mial em?” a ti a, kei chuan ka ralthawl chu ka lo pe var a. Makti hmel (zawh duh nei hmel) deuhin ka en ho mai a!
Cigarette muangtea a tan zawh chuan ka zawh duh hria ang hrim chuan, “Zirsangzela Hnamte [L] hi I hria anga tiraw?” a ti a, keichuan ka hriat ve thin thu leh a hlaphuahte ka duh zia ka hrilh a. Ani chuan “ A nih, a hlaphuah zinga pakhat ‘Thlafam Vangkhua I kaipui le?’ tih kha i hria em ?” a ti a. Kei chuan ka la hriat ngai loh thu ka hrilh a. Ani chuan, “ Nia, sak lar hi a hlawh vak lova, mahse i lo ngaithla ngai lo pawh chu i thiamawm e, in la naupang deuhin a lang” a ti a. Kal pah chuan, ”Kha hla kha ka ngenna avanga a phuah a nia,” a ti a.
A kal liam hnu chuan chu thlan chu kan en chiang a, ka hmelhriat hnai tak a lo ni a. A pasal lah chu kan chhungte hnai tak a lo ni bawk a. Fa pakhat an nei chauh va, vanduai thlak deuhin a boral ta mai kha a ni si a. Chutia ka inngaihtuah lai chuan haw ka nghakhlel ta hle mai a, ka rilru chuan LV Arts-in Zirsangzela Hnamte Hla te tih a tlangzarh tawh, ka pa mi rawn lei sak, ka lehkhabu bawm a ka dah kha ka hre rauh rauh mai a.
Ka haw chu in phihfai pawh phihfai lovin ka room ka pan nghal a, ka hlabu roh ber mai chu kan keu ta dan dan a. Ka hmuh mai loh avangin a zawn awlna lam phek tawp ber chu kan keu va, ‘Thlafam Vangkhua I Kaipui Le?’…46 tih chu ka zuk hmu fuh ta a. No. 43-na ‘Zo Nun Mawi’, No. 44-na ‘A Hril Ve Tur’ tih chu kan hmu thuai a, a dawt kan keu chu No. 47-na ‘Run Hmun Len I Rel Ang’ tih a lo awm daih mai chu, e hiau No.45 leh N0.46-na hi an zep tel ve lo nge ni aw ti chuan ka buai ta hle mai a.
A hnunglam chu kan keu zung zung a, 48, 49,……72-na thleng chuan a indawt zuih mai si a. A hma lam atang chuan kan keu tha leh a, 37, 38, 39…42-na chuan a zawm ta daih mai a, ka rilru chuan LV Arts ho mai mai chu aw, an va fimkhur lo em tiin ka dem mawlh mawlh mai a. No.42 na kan keu leh chu No.46* Thlafam Vangkhua I Kaipui Le? Tih chu ka hmu ta! A no. indawt dan ka rilrua ka sel mawlh mawlh chu chu hla thu ka hmuh rual rual chuan a reh ta daih mai a. A hla thu chuan min va han hneh kher ve le..! Hei kan tarlang hram ang e !
1. Ka rawn fang thin kan sulhnu te,
Mahten kan vangkhaw chul ruai an;
In run thim ruai leh hrai lungrun,
Tawn chang hian dawn a sei vawng vawng.
Thunawn :
Ka biak lai khuanu leng,
Khiangawi lungdi then lunglen hi,
Ka tuar an a tawk mai lo em ni?
Thlafam vangkhua I kaipui le!
2.Hmanah chuan maw duhlai nang nen,
Leng dang ngai lote’n vangkhuaan;
Kumtluang run lum biahthu tiamin,
Hlimte’n tlaini kan len thin kha.
3.A pawi mange aw, a pawi ber mai,
Ti maia e dairial chan hi!
Tang dang belin khiangawi mah la,
Kumtluang daman ka ti che a sin.
4. Han ngai ve teh thadang nun tawi,
I ngaih lunglen zai thang vel hi;
I belhlai Khuanu run pel a,
Hringlama kiran kan au che.
Kha kan mikhual-pa chan ka han suangtuah zui a, a bialnuin pasal a neihsan tawh lunglen pawh tuar har a tih dawn nen, thihna kutvawt tak maiin a banah an kai zui leh chu Pathian zawhna pe ngam khawpin a tuar a ni tih chu zan mut pahin ka dawn chhunzawm a, famkim lohna khawvel tak hi chu aw….kan hmaah eng tak tawng ve ang I maw ti chung chuan ka suangtuahna khawvelah chuan ka cheng ta veng veng mai a!
P.S : A thluk hi solfa nen a rawn dah ka duh viau asin le…..scan dah kha in chekin a ngeih lo hlawm si a, ka dah ta lo mai a ni.
Similar Posts:
- Ka Thian Chawnghilh Tan….
- Ka Hmangral Leh Thin
- Mizo Lelte CFL Hmingthanga
- Thianpa Chabetkai, Love You
- Laikhum zalin tinkim ka dawn vel a
January 21st, 2012 at 12:31 pm
like like like
Report this comment
January 21st, 2012 at 12:32 pm
Ka va ngaithla chak e. Nei in awm mial em.
Report this comment
January 21st, 2012 at 12:34 pm
A tir lamah kha chuan hlathu zulzui a thawnthu phuahchawp (common deuh) ang chi kha a ni dawn emaw ka tia, mahse a lo ni hauh lo. Therefore he post hi ka like e, officially.
Report this comment
January 21st, 2012 at 12:46 pm
Ka va ngaithla chak e. Nei in awm mial
em.
Report this comment
January 21st, 2012 at 1:01 pm
Ngaihthlak a chakawm hle mai, a thu reng a tha.
Report this comment
January 21st, 2012 at 1:47 pm
Rilru a khawih hle mai. Mi i hmangaih takzet anih chuan, Midang neih san hial che mahse, i haw zui hauh lovang, a tana tha ber tur kha i la duh fan ang. Aw HMANGAIHNA a va mak em. Pathian pawhin hmelma kan nih lai meuh pawhin min Hmangaihna hi zuk dai tak tak thei hauh lova!! Min tlanchhuah leh nan a Fapa mal neihchhun a pek phah hial a sin. “Aw HMANGAIHNA sawi thiam ila, Nazareth Isua ngei kha, chuti takin min Hmangaih a,misual thiamloh chang tawh hnu. Aw HMANGAIHNA a va mak em…..
Report this comment
January 21st, 2012 at 1:59 pm
Hmangaihna hi a Ropui ang bawkin a nunrawng si
Report this comment
January 21st, 2012 at 2:25 pm
lung a leng e mai
Report this comment
January 21st, 2012 at 2:49 pm
A va ril dap dap ve aw.
Hmangaihna baka ropui leh buaipui tur leh chuang hi a lo awm love.
Report this comment
January 21st, 2012 at 3:03 pm
Ngaihnawm mange e, ngaihthlak a chakawm hle mai
Report this comment
January 21st, 2012 at 3:30 pm
Hmangaihna tak2 hi chu a ‘selfish’ lova, anmahni nei kher lo mah ila, a reh chuang si lo i ti deuh ani maw, Pu PKFanai
Report this comment
January 21st, 2012 at 3:36 pm
Ngaihnawm ve
Report this comment
January 21st, 2012 at 4:44 pm
Mp3 formatin Pi Lalhungchhungi sak ka nei, engtin nge share in duh ? Email id rawn thawn ula….!
Report this comment
January 21st, 2012 at 4:48 pm
vangchhia@gmail.com
Report this comment
January 21st, 2012 at 5:02 pm
Taka he hla hi Pu Zirsangzela nupui Pi Hungchhungi hian a duh ve viau anih ka ring a thlan lungphunah chuan ti hian a ziak thadang tih khi zuapain a thlak anih khi :-
“Han ngai ve teh Zuapa nun tawi,
I ngaih lunglen zai thang vel hi;
I belhlai Khuanu run pel a,
Hringlama kiran kan au che.”
http://i1093.photobucket.com/a.....aThlan.jpg
Report this comment
January 21st, 2012 at 5:13 pm
#14 : email limit 25mb a pel tlat mai, ftp tha deuh nei kan awm em?
Report this comment
January 21st, 2012 at 5:19 pm
Ka mp3 neih hi 68mb lai a ni a…….!
Report this comment
January 21st, 2012 at 5:25 pm
Ngaihnawm hle mai. A hla chu ngaihthlak a chakawm. A solfa chu rawn dah pawh ni la, ka hrethiam ve dawn chuang si lova…hahthlak thin!
Report this comment
January 21st, 2012 at 5:30 pm
@bmw: Youtube-ah kan upload dawn em ni? Mahse U Hungchhungi ka dil phawt loh chuan….! Kei chu ka ngaithla mek…:intithei:
Report this comment
January 21st, 2012 at 5:37 pm
A va ril ngaihnawm ve..like like like
Report this comment
January 21st, 2012 at 5:37 pm
lushai, lo ti rawh….a satu chu kan dil zuais la…
Mahni rilru natna pho chhuak tur chuan a tuartu bawk khan a ziak thiam zawk lawng maw, te ka lo ti ve mai mai a. A phuahtu khan thu leh hla thiam hle mahse…ka pain feel ang kha a feel ve si loh chuan…
Report this comment
January 21st, 2012 at 5:42 pm
A quality compromise hlek ila, a file size te zawkin siam kan tum a, hmanrua ka lo nei re re lo mai
Adobe premier(hman thiam ve chhun) installation disk ka lo nei mai lo….! Fonz-a hian a nei mial mai thei asin!
Report this comment
January 21st, 2012 at 6:03 pm
Report this comment
January 21st, 2012 at 6:04 pm
Kha le @aduh, Ralte, TS, maawm : Fonz-a suggestionin 4shared.com-ah hian ka upload a, a link ka rawn share che u…!
http://www.4shared.com/music/L.....ui_le.html
http://www.4shared.com/music/L.....ui_le.html?
Report this comment
January 21st, 2012 at 6:05 pm
lushai_er chu thil i va phhuah thiam ve..a hla thu ai mah chuan i phhuahchawp khi a ngaihnawm zawk ka ti..
Report this comment
January 21st, 2012 at 6:05 pm
Ha ha….mp3 emaw ka ti a, wav file zawk a lawm le….a quality a tha zawk a lawm ! Mp3 format chuan kan rawn dah leh hrim hrim ang!
Report this comment
January 21st, 2012 at 6:06 pm
Rilru a va hneh ve. Lung i tileng zo. He pa hla hi chu a tha hlawm ngawt mai.
Tinge maw Lv Arts pawh chu an tihsual nuaih le aw..!!
Report this comment
January 21st, 2012 at 6:11 pm
a nalh ka tih loh chi, a hla thu tha mahse
Report this comment
January 21st, 2012 at 6:13 pm
#25, @lrp : Ka phuah lo re re….tak tak a lawm
@bmw : Hlaphuahthiam lo tan chuan a thiam phuah tir hi tih than dan lo pawh a ni lem lo. Pu Hneha leh Pu Sangzela hi thian inkawm ngaih tak an ni hrim hrim bawk a….!
Pu Zirsangzela talent hi a ropui khawp mai, mahni experience ang chiah hian a phuah thiam zel a….! Hei lo pawh hi midang a phuah sak nual!
Report this comment
January 21st, 2012 at 6:17 pm
lushai, ka hria lawm. keimah ah a nia ka tih ni.
Report this comment
January 21st, 2012 at 6:21 pm
@lrp: I dl thei em ni? Vawi 20 vel i ngaihthlak chhuah hunah nalh i mai ang
@bmw : Link hi i dl thei em ? Nalh i tih zawng a ni vak nange?
Report this comment
January 21st, 2012 at 6:23 pm
Mihring talent ropui tak tak nei hi a awhawm ngawt mai! Kan tawngte hi khawvel hriat nise chuh!! miropui tak tak tur hi an tam ve ngawt ang chu!
Report this comment
January 21st, 2012 at 6:24 pm
Ka ngaithla mek e. Nalh uchuak chu ka ti lo a, mahse a thu hi a lungchhiatthlak tawp. Chhiar neuh neuh a ngaihtuah neuh neuh chi.
Report this comment
January 21st, 2012 at 6:24 pm
Hetiang hi alawm…chanchin tha lo, ngaihnawm bawk si ka tih thin chu…ngaihnawm dan a pawi hle mai
Report this comment
January 21st, 2012 at 6:26 pm
“Tang dang belin khiangawi mah la,
Kumtluang daman ka ti che a sin.”
Zirsangzela hlate hi ngaihzawng te nena inban tih lam vek hi a ni maiin ka hria.
Report this comment
January 21st, 2012 at 6:26 pm
lushai, ka ngaithla thuak e, a nalh hmel…mahse CKTP praise and worship ka la ngaithla tui rih..nakinah chiang deuhvin ka ngaithla nawn leh ang.
Report this comment
January 21st, 2012 at 6:28 pm
lushai_er#13 i hla hlui neih ho chu youtube ah upload ve la… nangman i peih loh pawhin fonz an a peih maithei sin. Hla hlui ho hi youtube ah hian ka zawng thina a awm nual tawh na in ala tam lo khawpmai…
Report this comment
January 21st, 2012 at 6:29 pm
#37 funny hi ka thlawp e. Alexfender pawh khan Mizo oldies tih channel a siam kha. Tiang deuh khan. Chuan lyrics hi a theih chuaan tel nghal zel se (tihtam fu lo maw). Mizo hlathu hi google chhuah a har a nia aw.
Report this comment
January 21st, 2012 at 6:31 pm
Ka haw hunah hla hlui ka collect anga ka rawn upload teuh ang.
Report this comment
January 21st, 2012 at 6:34 pm
pi aduh hei a english version ka thiante siam hi lo en mai rawh.
https://www.youtube.com/watch?v=DFDW9kILZv8
Report this comment
January 21st, 2012 at 6:38 pm
hahah funny i thiante chu ka nuih an tiza lutuk, hmeichhe bag kha a pawimawh sia. A hla in ti “bam” vek.
Report this comment
January 21st, 2012 at 6:38 pm
Ka Youtube pw ka theihnghilh tawh a…hei 4shared-ah hian ka rawn share ang che u!
@Aduh: Mizo hla te chu lyrics a ngai chuang em ni? I duh chuan ka rawn mail ang che..!
Report this comment
January 21st, 2012 at 6:40 pm
yessssss aduhi04@gmail.com ah hian englai pawhin hla ka dawng thei e
Report this comment
January 21st, 2012 at 8:35 pm
@Aduhi: Email i dawng em ?
hei hla hlui chu in duh chuan link
http://www.4shared.com/mp3/-CW....._-_Di.html
Report this comment
January 21st, 2012 at 8:52 pm
pu lushai_er, email ka dawnglo.
Report this comment
January 21st, 2012 at 9:01 pm
@Aduh : Hei hi i access thei em ? Email chu yahoo.co.in zawkah a lawm ka lo thawn le !
http://www.4shared.com/account.....=145206578
Report this comment
January 21st, 2012 at 9:05 pm
aw access thei e. lo download keuh tur a nih hi.
Report this comment
January 21st, 2012 at 9:17 pm
@Aduh: I access theih chuan ka hla hlui ho ka rawn share dawn e!
Report this comment
January 21st, 2012 at 9:21 pm
zirsangzela hla leh lalhungchhungi hla ho hei a intlar tuar mai
Report this comment