Tunhnaiah thalaite zingah Illuminati leh Music Industry-a sulhnu an neih dan chungchang a rawn lar hluai a. Hmanniah ZoSoftNet post atang khan post ve tul tih riauna ka nei a, mahse thil controversial tak anih avangin fimkhur tak leh hriatthiam awl zawngin kan tarlang ang a, Sawikim vek sen anih loh avang leh thil inzawm buaichuar tak anih avangin kimchang tak erawh chuan kan tarlang thei awm lo ve.
Enge Illuminati?: Iluminati te hi an awm tak tak leh tak tak lohah inhnialna a na sa hle a. Ngaihruatna mai mai leh an awm tak tak ring lo tam tak an awm. Chutih laiin history kan thlir chuan Bavarian Illuminati kan hmu a. Luciferian Society nena inzawm tlat he Bavarian Illuminati hi kum zabi 17-na a Enlightenment Era laiin May 1, 1776-a German Philosopher Adam Weishaupt-a’n a ruk tawpkhawka a din pawl pakhat, Europe-a lal rorelna hrang hrang leh sakhaw bik neihte paih thla tura phiarruk hna thawktu pawl a ni. Mahse he Order of Illuminati hi Karl Theodor, Bavaria Elector chuan kum 1784 khan a tih tawp sak ta a ni.
Kum zabi 17-na laia Weishaupt-a Bavaran Illuminati tih tawp sak a nih hnuin mi thiltithei leh thluak tha, hausa tak tak te chuan a ruk tawpkhawka pawl dinin khawvel pum hi rorelna pakhat hnuaia kun tir a, ram hrang hranga sawrkarte tlukchhiat tira Illuminati member ten an awpbeh khawvel thar NEW WORLD ORDER (NWO) siam chu an tum ber a ni. America ramin Independence an hmuh theihna te, Vietnam War etc te a sum lama vurtu investors lian a ruka inzawm Freemasons ho nen pawh a ruk taka inzawmna nei a sawi a ni. He NWO siam tur hian khawvela Bank zawng zawng inthlunzawm tira pawisa inang hman a, zirna in, sumdawnna leh media zawng zawng controll a sakhaw hrang hrang, abik takin Kristian sakhua tlukchhiat tir chu an tum niin sawi a ni a, mi lar tak tak Winston Churchill, The Bush Family, leh The Rothschilds te kha Illuminati member niin sawi an ni thin. Sakawlh te nen pawh an rinzawn hial thin.
Illuminati chungchang hi mi thiam tak tak te pawhin sawichian tur em em an hre thin lo. A ruk taka khawvel awpbet thei tura phiarru a, a ruk thei ang ber a inhmukhawm a che thin niin sawi a ni a, khawvel politics a an inhnamhnawih dan te, chhiatna hrang hrang a an inphumruk dan te chu chipchiarin kan sawi hman lovang. Mahse, tunlai thalaite ngaihven, hlimhlawp thil chinchhuahna bulpui Music Industry-a an sulhnu erawh Kristian thalaite tana a pawimawh avangin kimchang lo takin han bih zuai ila.
Illuminati te hian milar leh zaithiam lar tak tak te chu sum leh pai leh hmingthanna hmanga vurin an member te pawhin Illuminati sign hi a ruk thei ang berin an lantir thin a, tin, an hla thuah te pawh hian Setana fakna thu tam tak an zep ru thin. Heng hi hetia enliam mai chuan kan hmu thiam lova, mahse uluk taka en erawh chuan Illuminati symbol hi music video tam takah hian a lo inphum ru niin sawi a ni.
Illuminati symbol: Illuminati te hian an chhinchhiahna hi mit lawnga hmuh nghal mai theih loh, uluk taka bihchian erawh a hriat theih siin hmun tinrengah an zep ru thiam hle a, zirchiangtu thenkhat phei chuan Illuminati hian kan khawvel nitin nun hi kan hriatloh hlanin min controll a, an symbol pawh hi a ruk takin hmun tam takah a in phum ru niin an sawi.
Illuminati ho symbol chu han sawi fiah dawn ila- Illuminati te symbol-a mit hi Lucifer mit entirna a ni a, hei hian engkim a hmu thei (all seeing) a, Pyramid chhungah dah a ni. Pyramid chu a chhip a zuih a, a hnuailam a arh ang hian rorelna pakhat hnuaiah engkim kun tir tumna a lantir a ni. Tichuan Illuminati symbol chu Pyramid (triangle) chhunga Mit pakhat awm (Eye of Horus), a lem ami ang hi a ni. Hetiang lem hi building design hrang hrang te, company logo-ah te, music video leh fashion designer te kutchhuakah te leh US Dollar-ah ngei pawh hmuh tur a awm a ni. Tin, Illuminati te hian Kristian sakhua tlukchhiat tira anmahni malsawmtu Setana lalram din an tum tel bawk avangin Pyramid chhunga mit lem awm ‘Eye of Horus’ bakah hian Kel luruh ro lem, Pentagram etc te hi a rukin an chhinchhiahna atan an hmang bawk niin sawi a ni.
Illuminati leh MusicIndustry: A chunga kan sawi tak Illuminati pawl te hian kan nitin nunah nasa takin an inrawlh a, an chhinchhiahna hrang hrangte chu a rukin tam tak kawng hrang hrangin hmun hrang hrangah an phumru tel tawh a ni. An lal ram zauhna atana an hmanraw tangkai ber pakhat chu Music Industry leh Hollywood khu niin Illuminati chungchang zirchiangtute chuan an sawi. Illuminati te hian Setana chu Pathian aiin a ropui zawk niin an ngai kan tih tawh kha, chumi avang chuan Music Industry leh a behbawmah pawh hian Illuminati te hian an thuhnuaia an dah tawh zaithiam te music video-ah an chhinchhiahna hrang hrang Illuminati symbol te, kel lu ruh ro te, pentagram te, checker board (a dum leh a var) te, ni pathian lem etc te an lan tir nual hlawm a ni.
Tunlai thalai ten heng zaithiam Jay-Z, Beyonce, Rihanna, Lady Gaga, Katy Perry, Bob Dylan, Eminem etc te hi kan ngainain an hla pawh kan ngaithla tam hle mai. Heng zaithiam te hi Illuminati pawl nena inzawmna nei a sawi lar ber an ni. Illuminati Agent te hian zaithiam chu hmun nuam takah inhmuh falna hun an siam pui a, chutah chuan sum leh pai, nula hmeltha, larna leh hlawhtlinna etc hmangin zaithiam te chu an pawla lut turin an thlem thin niin an sawi a. Chutianga an pawl zawm tate chuan a ruk takin Setana an bia a, Setana pawhin Illuminati pawl kaltlangin nasa takin mal a sawm thin ni a sawi a ni. Setana hian a malsawmna chu ruah ang maiin a sur tir ni a heng zaithiam te hian an hriat avangin an hla thu tam takah malsawmna ruah anga sur tirtu Setana chu ‘Rain Man’ tiin an hla thu tam takah an tarlang a, pawisa ruah ang maia a sur vel pawh engmah hrethiam chiang lovin music video tam takah kan en liam mai thin awm e. Heng hian awmzia a nei a ni.
Rapper lar Jay Z hi Illuminati nena sawi zawm lar ber a ni a, a thawmhnaw siamchhuah (clothing line) Rockafella hi Illuminati nena inzawm Freemansons member mi hausa tawntaw Rockfeller Family hming sawina niin an sawi a, he clothing line logo pawh hi Illuminati sign (All seeing Eye-Engkim hmuthei Mit) ang kha a ni. Tin a thawmhnaw design dang Rocawear sign-ah pawh hian mit lem (Eye of Horus) chei danglam a hmang a ni. Jay Z hi Illuminati member ni a sawi a nih angin chumi tichiang tur chuan Alicia Keys nen an hla lar tak ‘Empire State of Mind’ ah pawh khan “Jesus can’t save you, life starts when the church ends” (Isua’n a chhandam thei lo che, Nunna chu kohhran tawp hunah a in tan chiah dawn) tiin a lo chham zuah zuah tawh a, amah malsawmtu Rain Man hming hi Rihanna nen an hla lar tak ‘Umbrella’ leh hla dangah te pawh a lo chham tel tawh a ni.
Chutiang bawkin Beyonce Knowles pawh hi Illuminati member ni a sawi a ni a, tunhnaiaa album hming ‘I am Sasha Fierce’-a ‘Sasha Fierce pawh hi ramhuaiin a awpbeh hnua a hming niin sawi a ni. Tin, tunhnai maiah pawh Illuminati te symbol ‘Kel luruh ro’ lemchuanga cheiranin thla a lak bakah Kel luruh ro (Baphomet) zungbun a bun lai thla tihlananih chei chuai bawk kha. Tin, tunlai Pop music-a lar em em Lady Gaga pawh hi Illuminati nena inzawm nia sawi a ni bawk. Ani pawh hian Kristian sakhua tibawrhbang zawngin music video a siam fo a, tin a video thenkhatah Kel luruh ro a khum lai te, ki lem vuaha a inchei te, ‘All Seeing Eye’ awmna kawr a hak te tam tak hmun tur a awm a ni.
Tin, Eminem pawh hian a hla thu tam takah Setana fakna leh amah chenchilhtu a chhungrilah a awm tih a chham chhuak a, ‘Rain Man’ chungchang pawh hi a hla thuah hmuh tur tam tak a awm. Hetiang deuh bawk hian zaithiam lar tam tak chuan lar leh hmingthanna, sum leh pai um avangin anmahni Setana hnena an inhralh thu hi zep lovin an lo puang chhuak tawh thin a. Naupan laia Pathian hla chauh sa thin, Katy Perry pawh hian TEN LIVE channel-in amah an interview tumin, “Kum 15 ka nih lai a music ka luhchilh tirh chuan Gospel Singer Amy Grant ang nih ka tum thin a, mahse ka hlawhchham avangin ‘ramhuai hnenah ka nun ka hralh ta a ni” tiin a sawi phawng mai a.
Tin rapper Kanye West, Bob Dylan, Jay Z etc te pawhin hetiang hian thu an lo chhakchhuah tawh bakah anmahni awp bettu ramhuai a awm thu leh an hla phuah thenkhat te pawh heng ramhuai ho pek hi niin an sawi hial a ni. Hetiang deuh hian zaithiam tam tak te chuan an hlaah Setana nena an inlaichinna hrang hrang an tarlang a, a thenin fiah takin sawi mahse a then chuan love story leh an nun buaina behchhanin thukru ang reng takin an ti lang thung thin.
Hetianga Setana malsawmna dawnga an thil tumte tihhlawhtling tura Illuminati hovin zaithiam te an awpbeh hnu hian talchhuah an harsat a, an nunah buaina nasa tak a thleng zui thin niin sawi a ni. Zirchiangtute chuan rapper lar Tupac Shakur, King of Pop Michael Jackson, popstar Alliyah, guitar legend Jimi Hendrix etc te thihdan pawh kha Illuminati te thah niin an sawi a. Illuminati pawla lo awm tawh mi lar tak tak te’n he pawl atanga talchhuah an tum chuan Illuminati te remruatnain hmingchhiatna mak pui puiin a bawm a, a hnuah chhan hrang hrang i.e OD, kahhlum, inawkhlum, accident etc vangtein an thi zui thin niin an sawi.
Awle, Illuminati chungchang hi inhnialna chawkchhuak thei (controversial) tak anih avangin Illuminati te hi an awm tak tak leh tak tak lohah thu kan titlu chiang dawn lo va, mahse Setana chhinchhiahna leh Setana fakmawina hla thu tam tak te hian kan nitin nun, kan computer, mp3 player, kan mobile phone etc min luahchilh reng tawh a ni tih erawh hi chu controversial mai nilovin a chiang em em a ni. Kristian thalai ten eng hla nge kan ngaihthlak thin a, eng music video nge kan en thin? Kan thawmhnaw hak thleng hian Kristian thalai te hian Setana chhinchhiahna kan lo pu vu vu em? Heng thil lakah hian kan inthiar fihlim thiam a pawimawh takzet a, Pathian no leh Ramhuai no kan dawm kawp thei lo tih kan hriat nawn leh a va tul em.
www.gilbertrenthlei.blogspot.com
Similar Posts:
- Illuminati Story
- McDonald’s BigMac
- Rupee symbol Unicode Standard zinga telh a ni e!
- Mami Varte a la chungnung ber
- Lal Pian Champha Thilpêk
January 27th, 2012 at 11:24 pm
Illuminati hi chu tak tak a nih leh nih loh ka hre hauh lo a, mahse Eminem, Bobdylan, Katy Perry etc hi chu Setanist an ni tih ka hre chiang a. An lar a an hla thu ah te setana fakna a tam a ni tih ka hre chiang a. An hla hi Mizo thalai ten an ngaithla nasa a ni tih ka hre chiang. He tiang hian setana hian mitam tak a bum in a fing ver vek a ni tih ka hre chiang a. Setana a inrawlh tawh chuan thiltha a awm ngai lo a ni tih ka hre chiang. Kan thalai te hetiang hmang hian setana hian vervek tak in an chiatna a pan pui mek tih ka hre chiang a. Chuvang chuan he post hi a ho ka ti ve lo.
Report this comment
January 27th, 2012 at 11:25 pm
@Zoho, he post hi lawm Music Industry ringawt a rawn chilh a… 666 te pawh a sawi kai theih ang chu male…Kum sang rorel thleng in.
Report this comment
January 27th, 2012 at 11:26 pm
Nia hp. a tamzawk hi chu an mahni chiah an inngaihtuah in ka hria, ka buailo tih ah an duhtawk der.Isua tan chuan ram chu an lak loh hmel hlawm khaw mai ka ti…
The Real – tihtheih nei tehreng mai, tihtheih neih kan inrin chiah in kan tithei ang, tihtheih kan neilo a kan inhriat/inrin tlat chuan kan tithei lo leh chiah bawk ang, Mizote hi kan la pilthui lo takzet, awareness kan pek that chuan kan thalai tamtak hi kan la chhan thei chiang, he misual platform hi chumi atan chuan a tha em em bawk.
Report this comment
January 27th, 2012 at 11:27 pm
@hp swing : khawngaihin eminem hla thu 1 ‘a satanic’ i tih chhan 1 lo sawi teh a.
Report this comment
January 27th, 2012 at 11:30 pm
Phek thar lamah comment leh i la. A post tupa lah chu a bo daih mai leh nghal a.
Report this comment
January 27th, 2012 at 11:30 pm
Sawi zel teh u, ka ning viau dawn a a ngaihnawm ka ti tan tlat hairehai
Report this comment
January 27th, 2012 at 11:30 pm
#104.. i tlai ta luo… are yaar
Report this comment
January 27th, 2012 at 11:32 pm
ka rawn lut e!!! A then chuan a HO in ti.. chu chu ka post dawn pawhin ka hre sa… mahse mi tam tak rilruah a awm a, hriatchian chak tam tak an awm bawk!!!.. Chuvanga post chu ka ni.. NAKTUK AH Pu KT-a hovin kan mini MI dawn bik bikkk
Report this comment
January 27th, 2012 at 11:33 pm
@Zoho, kan tihtheih tawk chu trawngtrai hi animai. TV leh Internet a awm chhung chuan kan khap dai lo ang.
Report this comment
January 27th, 2012 at 11:34 pm
century child…. i hre duh ami??? oi oi oi!!! a tam lutukkk!!!!! ka soi seng lo ka rilru a na
Report this comment
January 27th, 2012 at 11:38 pm
Nia, The Real… chu chu alawm a tir atanga ka lo hmuhzawm chu, MusicIndustry hi chu a 2nd half ah a rawn luhchilh ta mai chauh zawk alawm.
“A thluk ah i buai em ni” tih ang deuh khan Illuminati leh Secret Society awm leh awmloh khi in mutan a ni tlat,chu chu hming mai a ni a, guess work pawh a ni thui ang,hetia kan tih zel chuan Setana pawh guess work, pathian pawh guess work tih hi generation leh a an hmabak chu a ni chiang… khawthlang Society tihsual atang khuan harh ve mai thin ila aw… tisual ve kherlo vin… kan hmuh leh kan hriat chian em em, music leh sex leh drugs, celebrity Cult, Media Cult, Evil politics, One religion, one economics… a tam lutuk he post ah hian a inphum ru tun a nia.. chu chu in hnawl burh burh ka ring biklo em a, ka rawn tang deuh a ni e…
Report this comment
January 27th, 2012 at 11:43 pm
#110 : pakhat ringawt pawh han sawi sen loh theih chuhh
Report this comment
January 27th, 2012 at 11:46 pm
The Real… tawngtai ni mai lo ve le….natna hi an rem dawn vang a damdawi hi siam leh damna hna hi thawh a ni kher hleinem …indona alawm. I fate chu internet leh TV a awm avangin i aware dawn chuanglo em ni? ka ring lo…ringtu hi a beidawng in a hnual thing lo, chu chu a tan SUAL a ni zawk.
Report this comment
January 27th, 2012 at 11:46 pm
@Zoho, chu chu a dik. An life style thra lo lam ringawt kan lo copy na hi Illuminati kan copy ve na chu a nimai. Lalpa kan ram ti dam leh rawh ti a kan trawngtrai zual deuh deuh hi a ngai takzet ani.
Report this comment
January 27th, 2012 at 11:48 pm
in va tui ve! Mut pahin in comments te lo chhiar teh ang.
Report this comment
January 27th, 2012 at 11:49 pm
Century child my darling by eminem kha lo ngaithla ta che. Tiang hi alawm, chik tak tak mang si lo hian Eminem te hla in sak in sak chuan Inhriat loh lai in setana in lo fak hlarh hlarh mai ang.
Report this comment
January 27th, 2012 at 11:51 pm
@Zoho chu chu ka sawi tel vek tluk a ni, Chung te chu kan hrilh ang, kan khap bawk ang, Amaherawhchu, helai i in lum atranga i khap theih pawn a an va chhuah hnu a i khap leh theih tawh si loh hi a tam zawk a awm ka ring. Chumi hunah chuan tih theih dang i nei lo. I thu hrilh thrin te, i khap na thu te a zawm theih nan i trawngtrai ang.
Report this comment
January 27th, 2012 at 11:53 pm
Music ah hian a thu ringawt hi a pawimawh ber lo, chuti ni se, a hlathu chhiar in mi an tlu hum hum ang chu, a music, a bik in a beat leh a ken tel a philosophy leh a lifestyle a hi a ni zawk mah, chu chu DNA awakening nen an inzawm tlat bawk…chu chu voodoism, witchcraft, pagannism a kan hmuh leh kan hriat chian chu a ni.
Report this comment
January 27th, 2012 at 11:54 pm
Post leh comments zawng2 chhiar hman tep e..
Report this comment
January 27th, 2012 at 11:57 pm
Music hian ka lifestyle hi zuk ti danglam ve miah lo a…ka ngaihthlak pawlh nasat lutuk vang aniang
Report this comment
January 27th, 2012 at 11:58 pm
The Real, chutiang tur chu a ni e. Comment hmasa lam ah khan engmah tihtheih kan neilo i ti fel mai kha,tihtheih kan neih zia leh ti tur kan nih zia ka rawn uar a ni e.
Report this comment
January 28th, 2012 at 12:04 am
The Real, i upa tawh lutk aniang…. haha (:fiamthu:) music in a khawih nasat ber te chu adolescence chutah pawh thanlai tak tak, growth hormone chhuah tam lai hian a nghawng a nasa ber. Hei hi plants ah pawh an finfiah tawh kha. Tlai khawhnu a kan lunglen nachhan pawh kan theirawl chhualai a kan hla ngaihthlak kan ngaihthlak nawn leh ti hian a nih thin hi. Pitar 1, Lady Gaga hre ve lo hi han ngaihthlak tir ila, a hruaisual hauh ka ring biklo… hihi
Report this comment
January 28th, 2012 at 12:04 am
@Zoho, kan nei lo tluk ah ka ngai a tin lawm. Tunlai ah zilh loh fa chu kan tam tawh lo ang, mahse sual na a punlun tulh tulh tho, a awmzia ah chuan mahni in chhung khur a nopang treat a an treat te, la awm inno em em te, han zilh ni khua pawh a awih duam duam mai, mahse pawn lamah chuan sual va khawih hreh leh chuang miah lo, va nula/tlangval mah mah ta te hi an ni tlangpui. Hei vang hian ‘ti suh u’ kan va ti phak tawh bawk si lo, an tana theih tawp a trawngtrai a ni mai.
Report this comment
January 28th, 2012 at 12:06 am
The Real, mizo thalai te hian hre chiang mang si lo hian setanist ho hla hi an tuipui em em a. Kan hrilh hriat a, awarness kan pek chuan an ngaisang duh hauh lo ang. Hrilh hriat an ngai a lawm. Heng setanist ho lah hian fing vervek tak in an hla thuah te an phum ru a. kan thalai ten an hriat miah loh in Setana hi an lo fak ve hlarh hlarh thin a sin. Awarness kan pek chuan an ti duh bik tawp nang. Music dang ngaih thlak tur tam em mai. Chuvang in tawngtai chuah lo pawh, inhrilh hriat pawh kan ti thei reng a lawm. Hriat lohna chu a at em hi
Report this comment
January 28th, 2012 at 12:12 am
@hp swing : i ti lawmawm e. ka lo la ngaithla ngai miah lo.
“Tiang hi alawm, chik tak tak mang si lo hian Eminem te hla in sak in sak chuan Inhriat loh lai in setana in lo fak hlarh hlarh mai ang.”
ka fak hran lo e, a tha lai kan lo lawr keuh2 zawk a ni.
Report this comment
January 28th, 2012 at 12:12 am
Naupang chu a kalna awm kawng ah chuan zirtir la, a damchhung pawh in a thlah lovang tih hi kan zirchhuah a tul… fate tan a kan inhuam thuilo lutuk rahchhuah kan tawng mek a ni e…fate awareness pe tu tur nu leh pa leh khawtlang leh Kohhran hi kan aware hmasak a ngai reng a ni.
Report this comment
January 28th, 2012 at 12:15 am
@century child fiamthu mai mai a ni e
Report this comment
January 28th, 2012 at 12:27 am
@hp swing, music industry ngawr ngawr hi chilh loh tur, a dang tam tak a awm ania.
Ka comeback zan a kan tleivar threlh chu le…
Report this comment
January 28th, 2012 at 12:27 am
Music Industry ah chauh pawh hian a ni lo, entertainment leh Media hi Illuminati hian an control tlat bawk… in awihlo takin tawng dang in aw….
Music Industry ah chauh pawh hian a ni lo, entertainment leh Media hi Setana hian a control tlat bawk.. tihian a chiang em aw…?
Naupang an target zia mai hi a rapthlak hi ka ti, tunlai naupang toys leh entertainment a Bible kalh chi..power, fairy,magic, witchcraft, dragon,animism, demonism inphumru nasa lutuk te hi asin veiawm em em mai ni…
Report this comment
January 28th, 2012 at 12:28 am
Aw chiang Illuminati hi hman chhen lo a thra zawk in ka hria.
Report this comment
January 28th, 2012 at 12:30 am
@hp swing : alo nih tak chu a, mu til tel teh.
Report this comment
January 28th, 2012 at 12:45 am
Comment vak ka tum a, ka peih leh lo. wiki chawp mai mai..ka hre deuh riau ruai thin a, setanic lam nen a inzawl viau tih ang reng bak ka hre lo a, tunah pawh engmah ka hriat belh chuang lo.
Mihring hian zeldinthubawl hi kan hrat ve a, movies ah te fantasy mak pui pui kan hmu thin!
Music industry ah setana biak chuan an lar thin tih hi chu tih ve mai mai anih ka ring deuh! Khawvel a larte hi chu an lo bei nasa em a lawm le..talent nei tha em em te pawh hi an lar vek kher lo a, an destiny anih vangin an lar ani maiah ka ngai. Khawvel hrim hrim hi setana lalna ram ani hrim hrim a.
Report this comment
January 28th, 2012 at 12:52 am
The Real, khawvel hi setana lalna ram a nih hi. I in veng seng tak tak chuang lovang i piathar loh chuan. Piangthar rawh. Music ringawt ah pawh kan inveng seng lo nghal chu a nia. A hre deuh Pu Zoho a ten han sawi phei seng chuan hremhmun sarep kan ni mai. Pathian tello chuan Setana hi kan ngam lo a ni. Tin, Century child te ang kawp lawr lutuk leh duh tui lo ltk ho in an setanic ve tho em? hahaha
Report this comment
January 28th, 2012 at 1:12 am
hhahahaha.. hp swing lehhhh..
Report this comment
January 28th, 2012 at 3:02 am
Kan sawi ve leh lawks… Setanic, illuminati, etc… he post hi a ho ka tihna chhan chu Setana biak, illuminati, etc.. pawh ni za sarih rawh se, kan thu in fah tum dan hi a ni lo zawng a hawi niin ka hria. Setana kohhran a hming dah lo, Illuminati pawl zawm lo Kohhran Upa leh khawtlang a mi fel nia kan hriat te hi engzat nge kan Lalpa duh loh zawnga awm le? A post tute leh a sapawt tute ngei pawh hi Illuminati buaipui buaipui lo hian leh Setana kohhran leh illuminati pawl ho thil tih kan lo hmuh ve a ngaihthlak duh loh na lam buaipui luat tukah kan thupui ber tur kan theinghilh ang tih ka hlau hlel love.
Mahse kei chu Iron Maiden ngaithla tiah tiah… tin khulh zeuh thin.. heng te hi Illuminati ai chuan pawimawh zawk lo maw?
Report this comment
January 28th, 2012 at 5:48 am
Setana bia a hmingthangte chu an awm maithei. Amaherawhchu, hrechiang mang lova ngaih bel chawpa milar nazawng Setana bia a puh tlat hi a atthlak. “Mi sawi, ka chhiar” tih vel ringawta innghah hi tunlai khawvelah chuan a tawk tawh lo. Chik taka zirchian a tul fo.
Report this comment
January 28th, 2012 at 6:07 am
Setana fakna hla hi chu a tam; a tlangpuiin Heavy Metal Rock: Black Metal, Death Metal ah hian a tam zual. An hla sak dan atang pawhin an pangngai lo tih a hriat. Hengte hi changkanna ah ngaiin Mizo thalaiten an ngaithla nasa a ni.
Mai Mai: Kei pawh hmanah ka roomate pa khan mobile ah a play thin a, engtin emaw ni khan ka awm a, ka hrehawm tlat thin. A ni lah chuan a hla thu te zawmin a lampui vel chiam a. Chhuahsanin ka tawngtai ta a; Chumi ni chuan mak tak maiin a memory a format palh a, a hla neih zawng zawng a tibo vek ta a. Chu aia mak ka tih leh ka lawmna chu, a hnu kum 1 a kan inhmuh tumin “Thianpa, kei chu rock music hi ka ngaithla duh tawh lo. Setana fakna hi a hlathu-ah a lo awm deuh vek” tiin.
Report this comment
January 28th, 2012 at 7:31 am
ehe in va sawi thui ve
Report this comment
January 28th, 2012 at 8:58 am
Hetiang zawnga in sawi dawn a nih chuan….
Ngurthangvela hla ‘A Pe’ tihah hian ‘Setana’ tih a awm, a va rapthlak em!
Bible-ah hian Lucifera tih teh Setana tih te a inphumru….”Varparh, zinglam fapa” tih te a inziak…fimkhur a va tul awm em!
Illuminati hlau ho chu lo khur hlum mai mai teh u…A aia hlauh tur a tam emmmm mai…IN MAWL LUTUK, IN MAWL HLUM LO CHAUH A NI!
Report this comment
January 28th, 2012 at 9:19 am
Sela chu le(h). Hahahaha
Report this comment
January 28th, 2012 at 2:25 pm
Pangpuielhtliaka
selthuama
I’m your truth, telling lies
I’m your reasoned alibis
I’m inside, open your eyes
I’m you
Sad but true
Report this comment
January 28th, 2012 at 9:10 pm
Heavy Metal lar lai khan an sawi nasat thin kha le, a reh tawh emaw tia…. ka tui pui vak tawh lo
Report this comment
January 29th, 2012 at 6:37 am
Eminem “my darling” tih leh snoop dog “murder was the case that they gave me” tih kha lyrics nen lo ngai thla chhin ru!!
Report this comment