Vawiin chu Taia pa nen kan zina; H.Vangchhia style in Daduhi zai ngaihthlak pahin kan tlana; a nuam ve khawp mai.
Archive for January, 2012
Daduhi zai
Saturday, January 28th, 2012Ninawm-rean (Korean) vangin maw!!
Saturday, January 28th, 2012Kum thar kan chuang kai ta bawk a, ka Puan In hmun ka’n zauh ve tan ang e. Ngawi renga mi thu ziak chhiar kum tluan reng mai zawng vawi khat pian ve manah a ho bik tlat. Mite angin tawngkam bungrua nei tha lo mah ila, nakina tu leh fate hovin A Pu thuziak an tih ve tur pakhat tal hnutchhiah lova val ka fam tur hi ni thei bik in ka hre lo a. Tun lai nula pawnfen ang deuh in, a pawimawh lai khuh zo tur tawk a fual, a itawm tawka chhingin mi(sual) mit hmuah a tum khatna atan kan thai kawi ve ang e.
Nausen pianghlim chuan tah bak a la thiam loh avangin a tum lawk vang reng pawh ni lovin a rawn tap chhuak hmasa ber a. Nakinah nau fel tak nge, tahbelh tak a la nih dawn pawh a hre bik hauh lo. Chutiang deuh chuan kei pawh ka thiam tawk a la nih miau avangin tawngkam fahrah te hmangin thu sai sa zet ka rawn thehchhuak ve a. Thu puitling leh chhiar nuam tak a nih pawh lo ring suh u; ring lo mai pawh ni lovin lo beisei lo hial zawk rawh u! Thu ziak lamah chuan literature hnute tui hne lai mek, barh chawp ngai ka la ni a. Ziak lama ka u rual, rilru vei zawng duh tawka sep chhuak thiam rual thiau awmkhawm in ni tih ka hria a. Chuvangin in sawiselna leh thurawn tha tak tak te beisei a, in zara par ka lo chhuan ve theih nan mualpho huamin ka rawn ziak ve rawih a ni e.
Speech Simulator
Saturday, January 28th, 2012Speech Simulator first phase chu ka zo fel ve leh ta a, hei hi speech software kan ti mai a, Thu ziah chu a chhiar thei tih na a ni mai. English chiah a la support a, features tlem te chhauh ka la dah a, la tih kim chhan zel ka tum chu a nia. Text file poh a chhiar tir par par theih a ni.
I hman chuan download la, install la, hmang ang che. Tichuan tha lo I tih lai leh feature awm se I tih ho lo comment ta la, tichuan 2nd Phase ka release hunah chung chu a theih ang ang ka lo dah tel dawn nia.
Download duh leh a screenshot en duh tan : https://www.zosoftnet.com/?p=321
Min Tanpui Teh U – Dual Booting Win 7 & Win XP
Saturday, January 28th, 2012Ka software hman duh-te an hlui deuh tawh a, XP chauhvin a support si, hman ngei ngei a ngai a, ka mamawh bawk si. Win 7 hman nuam ka ti a, ka hmang duh bawk si, Dual boot loh chuan a hman kawp theih silova, Dual boot dan tur instruction chiangkuang tak leh felfai tak min pek theih chuan ka lawm hle ang. Partition pawh 30 GB ve ve-in Win 7 load-na tur leh Win XP load-na tur ka then fel sa vek tawh bawk. Tunah hian Partition 1-ah Win 7 Ultimate ka load a, ka hmang mek. Ka computer hmanlai hi Sony Vaio Laptop Core i3, 4 GB RAM, 320 GB HDD a ni.
Midnight biryani
Friday, January 27th, 2012Hla ka post khat riau, ka inhmeh lo.
Ray LaMontagne and Damien Rice – To Love Somebody
Barry Gibb (Bee Gees) phuah, he pa hi hla a phuah nalh thei zek.
Inrinsiak ang u!
Friday, January 27th, 2012Joseph Lnta thlalak hi a nia. Republic Day lawmnaah Sports Minister, Pu Zodintluanga leh Ex-CM, Pu Zoramthanga te an titi vei luam a. Eng nge an sawi ang le? Intihhlim nan inrinsiak mai mai ang u!
Illuminati…. sawi ve lawk ang
Friday, January 27th, 2012Tunhnaiah thalaite zingah Illuminati leh Music Industry-a sulhnu an neih dan chungchang a rawn lar hluai a. Hmanniah ZoSoftNet post atang khan post ve tul tih riauna ka nei a, mahse thil controversial tak anih avangin fimkhur tak leh hriatthiam awl zawngin kan tarlang ang a, Sawikim vek sen anih loh avang leh thil inzawm buaichuar tak anih avangin kimchang tak erawh chuan kan tarlang thei awm lo ve.
Enge Illuminati?: Iluminati te hi an awm tak tak leh tak tak lohah inhnialna a na sa hle a. Ngaihruatna mai mai leh an awm tak tak ring lo tam tak an awm. Chutih laiin history kan thlir chuan Bavarian Illuminati kan hmu a. Luciferian Society nena inzawm tlat he Bavarian Illuminati hi kum zabi 17-na a Enlightenment Era laiin May 1, 1776-a German Philosopher Adam Weishaupt-a’n a ruk tawpkhawka a din pawl pakhat, Europe-a lal rorelna hrang hrang leh sakhaw bik neihte paih thla tura phiarruk hna thawktu pawl a ni. Mahse he Order of Illuminati hi Karl Theodor, Bavaria Elector chuan kum 1784 khan a tih tawp sak ta a ni.
Zo-vawk pawh Tuikuk kan pe duh ania..!! Mak tak kan ni..!!
Friday, January 27th, 2012Mizo hi kan mak angreng ve khawp mai a. Kan thil duhzawng leh lawmzawng chu khawilam nge, eng atangin nge, engtiangin nge, engtin nge ni zel ang tih pawh ngaihtuah lem lo hian kan bawh huang huang mai zel a.
Kan hmathlir a tawi ti ila, kawng thenkhatah chuan thlir thui kan inti fu lawi si. Hnam upa kan la nihlohnaah hian i puh thla vek mai zel phawt teh ang.
Zo-vawk, tereuhte, chum bing biang, a sa mawm zet pawh hi kan kawk a, “Tuikuk vawk saw” kan ti a. Zo-vawk tia kan sawi duh chu hmanlaia kan vulh ni lem lo, vawk lian tha pui pui, hmundang atanga kan lakluh tih hriat reng reng, inhnuaia naupang ek leh hnawmhnawk um peih lo tur khawpa lian leh tuanmuang, khawlaia lim kual zak zak peih lo tur tih hriat ngawih ngawih te hi a ni fo.
In ni ve tho em?
Friday, January 27th, 2012
Sakawrhmuituai kawng sang lai thlen hi chuan a hnuai lam kham chhengchhe lai hian ka mit a la fo thin.
(more…)
Ka huamhauh a nia!
Friday, January 27th, 2012JF Laldailova khan alu a lei reng rengin a tha tha thlang lovin a tê deuh leh tha vak lo pawh a la hmiah hmiah mai thin niin an sawi a. Kei erawh chuan a tha tha ka thlang zawt zawt a, midangin a chhia chhia chang mah se pawi ka ti lem lo. A tha a awm lohvin ka la phun zui a! A bûk tling lo aiin tlema rit hret zela lei ka’n duh deuh kher bawk a. Ka huamhauh a nia.
Aw.. Mahni hma ka van sial tak em! Ka inhmangaih si, ka duh zawng chauh ka ngaihtuah a, midang ka ngaichâng tawh lo reng reng. Ka tana a that dawn phawt chuan midang tana tha lo mah se pawi ka ti lo. Ka van sual tak.
Hausak leh neihnun ka châk em em a, ka hausak theihna tur a nih phawt chuan midang chu lo rethei mai mai mah se pawi ka ti thlawt lo. Eng nge, mahni tana chakai khawrh theuh theuh. A vak chak deuhvin a bawp lian deuh an chang mai tur alawm. Mi’n an neih hmaa neih ka duh a, mi neih theih loh nei thei bîk nih ka châk em em bawk si. Ka chuh huam huam a, ka bawh ruak ruak a; ka van chuhhelh reuh ve mawle.
(more…)
