Mizo film "Kunga, Bye Bye"

Mizo film “Kunga, Bye Bye”

February 18th, 2012 8:30 pm by LaMea CâcTùs FLh

Mizorama Shopping mall lian ber Nahaia Shopping Mall chung bera awm multiplex screen no.3 atanga ka chhuah pah chuan ka film en zawh chiah “Kunga, Bye Bye” tih chu ngaihtuah zuiin a changtupa Dr.Mahminga pa zia leh zeizia te, a changtunu Tetei hmelthatzia, a changtupa nena an inhmehzia leh misualpa Lr hlonchhing hur hmelzia, sual thiamzia te ka ngaihtuah a.

Ka chhuk zel a, Starbucks coffee in pah chuan mall kawta film poster te en chungin ka ngaihtuah kual a, poster pakhat a “Ngaihzual Nang Nen Part-12” tih intar chungchang te, a producer HV-a, nikum Oscar a Best Foreign Film award dawng pha “Phira leh Ngurthanpari” tih film siamtu, Mizo te zinga allrounder, How to use Google tih lehkhabu a ziah avanga khawvel hmelhriat leh mi hausa tawntaw te ka rilru ah a rawn lang chho va.

Filmstar hlui tih takah, Pu HV-a film siam thiamzia te, Ngaihzual Nang Nen hmuhnawmzia leh a changtu lrpa leh Mamboihtei inhmehzia te rilru ah a rawn lut a. A bula War film poster intar chu kan melh leh a, Sandman PRESENTS Laipui A Puak Thei Ta Lo tih chu hmu in George Lucas of India an tih Sandman a film anih vang hrim hrim chuan enchakna ka nei nghal a. A ni taka, ani hi special graphics lama mi turu a niin a film siam tawh te hmuhnawmlo a awm ngai heklo. Ka rilru in a chhui zel a, Mizo te zingah hian film siamtu leh changtu ropui anlo tam tawh zia te alo lang a, tunhma lamte nena khaikhin chuan thil mak a tlingin thangtharte hi chuan kum 20 hmalam a kan film te kha chu en se an nuihpui nasa in a rinawm.

A ni taka, kum 20 hmalam te kha chuan kan Mizo film neih ve ang chhunte kha chu an ropui lemlo ani e. A changtupa rethei deuh, a hnua IAS tling; misualpa hausa deuh, misualpa kid te lah baseball cap sen khum lova insual thiamlo leh acting skill neilo tak tak anni si. Kan film te khan story base a neitha loin script lamah an pachhia a, tin camera quality a hniam bawk. Tunah zawng engkimah hma kan sawnin Hollywood pha emlo mah ila, Bollywood ai chuan kan duai bik tawhlo. Kan film industry hi belhchian a dawl chho va, Comercial film lamah Bollywood tluklo mahila, a story leh acting lamah hi chuan South Indian film industry angin Mizoram film industry hian ngaihhlut a hlawhchhoin nikum maiah pawh Rempy-i film Asteric Ka Duhlo Chetihin Cannes ah award a dawng hial anih kha . Mahse, hetiang a Mizoram film industry a rawn thang hi a bul berah chuan kan ram politics inthlak vang aniin kan ram lo changkan chhan pawh ani a, ropui ka tiin kan ram dinhmun lo danglam dan te rilru in a chhui chhunzawm ta a.

Kum 20 dawn ani ta, kan ram ti a kan chhuan Mizoram tluchhe mek chuan 2013 inthlan a nei zoin kar lovah, vote pawh an chhiar hmain Voting machine khawih chingpen, tihchhiat leh buaina dang avangin Zoram chu a pum buai a. Election Commision in election thla ruk hnuah neih tur tih thuchhuah siam mahse mipuiin thlan tur an hre loin rin an nei tawh silo. Mizorama Party lian pahnih National Front leh National Congress chu ringngam an awm tawh lova, ram siamtha tak tak lova oppositional politics chu tu pawhin an ning tawh si. Dik tak chuan party lian NF leh NC in kum tam anin sawrkar chhawk chhung khan hmasawnna a awmlo tih hmuhhmaih theih ani loin an hruaitu Chemtatrawta leh Selthuama, in sawisel a, pakhat thil tih sawichhiat chan a lo chang te kha chu mipuiin ram hruaitu ah an duh tawh silo. A ni taka, tunhnu pawh hian khang hunlai politics kha chu tumahin kan ngai lova, kohkir chakna kan nei heklo.

Chutah ram hmangaihna leh veina rilru a awmlai chuan party thar 2 alo ding ta rup amai. He party pahnih, Tuaisiala leh a nupui Aduhi kaihhruai Misual for Mizoram (MFM) leh Misual Ram Hmangaihtu (MRH) tih Sheldoni leh a kid Chhuaklinga kaihhruai te hi an huhang anain a tu ate pawh an thawm ana a, an campaign dan leh policy te erawh ain zulin a hma a kan hriat party te nen erawh kha chuan a dang hle thung. Tichuan inthlan chu a zoin Party thar MFM chuan majority changin sawrkarna an siam ta a. Hemi 2015 inthlan ah hian mak takin Party thar MFM ina a seat lak bang zawng chu party thar tho MRH hian an chang vekin party hlun pahnih NC leh NF te chu an artelukawn a. A hnu 2020 inthlan ah pawh an pahnih hian an tangdun chungin an artelukawn leh a, an hruaitute an beidawng ta nen an thiat ta hial reng ani.

Sawrkar thar MFM chu an hruaitu hoin an tangin policy pawh an siam uluk hle a, CM thar Tsa chuan ram dinchhuahnan chuan WTC (Wine Tourism Coffee) a pawimawh ber tiin helam ah pawh hian hma ala reng a. Dan lova ram neih zawng zawng la letin tihtak zeta Coffee ching duh hnenah tanpuina sem chhuakin Agri leh Horti lam mithiamte vilna hnuaiah thingtlang loneitu tamtakin helam kawng hi an zawh a. Hetianga Coffee chin an thlang hi tunhma MLUP ang kha ani lo. Sawrkar a tang a, monitoring a uluk bakah mithiam a hmuna enpui tur a ruat a. Tin, a strict bawkin, coffee thlang ching silo mitam tak jail ah tantir aniin, Loneitu te viltur a mithiam sawrkar hnathawk, an thawhna a kal talo tamtak pawhin suspend an tawk bawk. Tin, sawrkarin MLTP chu hlipin Zu pawh a duh tan in tur a awm ta a, Zu ruih avanga buaina siam, Rui chunga motor khalh te erawh Rs.10,00,000 chawi emaw kum 5 lungin tan aniin, MLTP hlih hlim phei kha chuan mi tamtak in he dan hi an tuar a, hremna a nasa lutuk tiin an sawisel a. Sawrkar erawh a hnungtawlh duh lo a, lungin tang duh si lo, pawisa fine tur neilo tan loan a pe thung. Kum 2 a ral meuh chuan Zu in dan mipuiin an thiam phah hle a, rui buai hmuh tur an awm ta lo bawk. Tin, Tourism lamah leh Grape Wine lam expert te rawnna hnuaiah hma chak taka lak aniin Sawrkar hmalakna ti thuanawp zawnga dodal tu an hausa emaw an rethei emaw tamtakin hrem an tawk bawk.

Hetianga chak a hmalak anih avang hian sawrkarin hna a thawhna kawngah tanmtak a bikin sawrkar hnathawk an lungawi lova, CM ber a khawng bawk nen, 2020 ionthlanah chuan MFM chu an tla tain MRH chuan Sawrkarna an chang ve thung a. Mahse, CM thar Sheldoni chuan MFM policy tamtak hnawl mahse, an hmachhuan WTC chu tha atiin hma pawh a lak chhunzawm a. Tunhma lo ang takin MFM pawh opposition ni mahse rulling MRH nen in rawnin kumtam an thawhrimna chuan zawi zawiin rah tha a chhuah ta a. Kum 10 alo ral leh meuh chuan Mizoram chu Tourism hmunpui ah lo changin Mizo wine leh Coffee te chu khawvel dangah pawh chuanawm alo ni chho in Company tamtak, a bikin Hospitality leh Technology, leh Finance sector a thang a, hna a tamin Sawrkar hna thawh te chu thalai tan pawh itawm ani talo.

Tunah zawng, A night in Reiek, Enjoy nature in Blue Mountain, Hnahlan Wine at its Best tihte chu khawvel a traveling package lar ani cho ta. Ram a thang a, a nuam a, mahni intih ngai lovin Switzerland of the East tiha koh kan ni ta a nih hi……

57 Responses to “Mizo film “Kunga, Bye Bye””

1
Pakak Says:
February 18th, 2012 at 8:34 pm
Haih jish
2
Pc-a Says:
February 18th, 2012 at 8:35 pm
:-O
3
century child Says:
February 18th, 2012 at 8:42 pm
A thui nek, chhiar dawn ila 🙂
4
hnarliana Says:
February 18th, 2012 at 8:54 pm
ava ropui em… 😀
5
Kawnga Says:
February 18th, 2012 at 8:55 pm
Ngaihnawm e. Nuihzatthlak karah thu tak chhar tur a tam bawk nen, i ziak thiam hle mai.

TS-a leh Sheldon-i te hi tlawn tan ila a tha ang. I prediction hi a dik chuan kan tisual dawn lo tawp mai. 😀
6
LaMea CâcTùs FLh Says:
February 18th, 2012 at 9:03 pm
Lr hlonchhing khi 😀
7
Ruata Pachuau Says:
February 18th, 2012 at 9:04 pm
Chhiar laklawh laiin kan nui lawk…. 😀 😀 ….chhiar zawm ang.
8
Chhuaklinga Says:
February 18th, 2012 at 9:04 pm
Tin, sawrkarin MLTP chu hlipin Zu pawh a duh tan in tur a awm ta a, Zu ruih avanga buaina siam,Rui chunga motor khalh te erawh Rs.10,00,000 chawi emaw kum 5 lungin tan aniin, MLTP hlih hlim phei kha chuan mi tamtak in he dan hi an tuar a, hremna a nasa lutuk tiin an sawisel a. Sawrkar erawh a hnungtawlh duh lo a, lungin tang duh si lo, pawisa fine tur neilo tan loan a pe thung. – Ka tran lutuk… Hahaha 😀 Nuihzatthlak karah thutak tha tak tak a tam mai. (Y) tren tren
9
Lamji Says:
February 18th, 2012 at 9:06 pm
Artelukawn nge artelupawn??
Pui hle mai,idea tha tiah2 khawp mai. (Y)
10
Soberboy Says:
February 18th, 2012 at 9:06 pm
tren tren!
11
Ruata Pachuau Says:
February 18th, 2012 at 9:14 pm
#9 Artelukawn
12
roseparvul Says:
February 18th, 2012 at 9:18 pm
😮
13
Robert April Says:
February 18th, 2012 at 9:19 pm
I thu ziak hian ka rin loh lam zawngin min hruai tlat…
Ka lung a leng.. 🙂
14
lrpa Says:
February 18th, 2012 at 9:27 pm
Va tha reuh e (Y) (Y)
A thuhmahruai lam aiin a chanve hnulam hi a khal tha tlat. Khal telh telh khawp mai..I ziah ang hi a thleng thei reng mawle…
15
Maisek Says:
February 18th, 2012 at 9:28 pm
ziak thiam hle mai.. (Y)
16
Awmtea Khiangte Says:
February 18th, 2012 at 9:36 pm
(Y) (Y)
17
TuaiSialA Says:
February 18th, 2012 at 9:39 pm
A ngaihnawm kher mai. Tin, awmzia a nei kher mai. Hmathlir i nei tha hle bawkin ka hria, a hlimawm bawk si. Mahse, Aduhi hian min duh tak tak lovang!

tren tren
18
sheldon Says:
February 18th, 2012 at 9:40 pm
Va tha lawi si ve. Nang hi fiction lam chauh i tui emaw ka tia, i ‘creative’ riau mai. Fiamthu ang a lang phenah khian thutak a awm (Y)

I prediction khi a dik ka ring tlat. Ka hna hi ka bansan ang a, Politics lam awn tan teh ang 😀

…Sheldoni leh a kid Chhuaklinga… 😀

tren tren
19
LaMea CâcTùs FLh Says:
February 18th, 2012 at 9:44 pm
Sheldoni leh a kid chhuaklinga 😀
20
Chhimphei val Says:
February 18th, 2012 at 9:50 pm
A ngainawm ang bawk in a nuizatthlak tel bawk a chhiar a nuam khawp mai (Y) . Kan nei lo ang tih pawh a sawi thei tawh lo 🙂 .
21
Chhuaklinga Says:
February 18th, 2012 at 10:10 pm
Boss-in rem a tih chuan chief sexy atan post-tupa hi nithei bawk se la. 😀 Tin, assembly spkr-ah pu Kawlte-a. 😀

tren tren
22
caribou Says:
February 18th, 2012 at 10:15 pm
I ziak lai vel hian i thluak i hmang nasa ngawtin ka ring….. a khal that telh telh tehreng nen, a nawi nak lawi bawk si.
23
sheldon Says:
February 18th, 2012 at 10:26 pm
Chhuaklinga’n ‘Boss’ min tih zel a tul tawh hi a buaithlak dawn tlat 😀
24
LaMea CâcTùs FLh Says:
February 18th, 2012 at 10:29 pm
Khawnge hlonchhing ahy
25
thachianga Says:
February 18th, 2012 at 10:31 pm
A hlimawm, ngaihnawm thawkhat e.
26
aduhi Says:
February 18th, 2012 at 10:34 pm
OT zuai: Whitney Houston vuina an tan dawn mek. Live in hetah http://www.tmz.com/2012/02/18/whitney-houston-funeral-livestream/#.Tz_SKHm1tQI
27
Chhuaklinga Says:
February 18th, 2012 at 10:35 pm
@24, IR hlawnching maw, a night a niang 😀 (li luh bo nghal vang vang)

tren tren
28
sheldon Says:
February 18th, 2012 at 10:37 pm
Lr Hlonchhing maw, a muhil 😀
29
LaMea CâcTùs FLh Says:
February 18th, 2012 at 10:40 pm
U sheldie, party siam tak tak teh. Ka tel ve sa
30
caribou Says:
February 18th, 2012 at 11:10 pm
@Aduhi #26: Whitney Houston chu an va vui har ve. Zan eng zat nge an tlaivarpui le?
31
lr hlonchhing Says:
February 18th, 2012 at 11:18 pm
Ka damlo ka thi zuai a, ka rawn harh chiah.
Lamea hi mi sawisa hneh khawp mai. Ka la sawisa ve dawn che ni, jish shala. Tete-i hi chu i bem hlawhtling chuang lovang aw, ngûma mi fawh phet a tum thin a a ti 😛
32
LaMea CâcTùs FLh Says:
February 18th, 2012 at 11:26 pm
I H hmel ami 😀
33
ChhanaPa Says:
February 18th, 2012 at 11:30 pm
Hahaha…Ngaihnawm khawp mai, (Y)
34
lr hlonchhing Says:
February 18th, 2012 at 11:33 pm
Lamea, sual suh aw. I u Sheldie ka pen tir mai ang che. 😛
35
zualbonez Says:
February 18th, 2012 at 11:37 pm
gudnite all (Y) 😛

http://www.youtube.com/watch?v=JQMe4fvHbyg
36
Mr.Chhurbura Says:
February 18th, 2012 at 11:49 pm
va ngaihnaw ve 😀 (Y)
37
lr hlonchhing Says:
February 18th, 2012 at 11:54 pm
Lamea thlan lungah ti hian an ziak a.

Lamea25 awm zia chu-

“Pitar 5 a ngai tawh a. Minu 10 a ngaih zingah pakua leh a chanve a hlawhtling. Vainu a khuaikhem ve tawh a, nula 10 a bem ve tawh bawk. A hlawhchham vek.” 😀 :-O
38
H.Vangchhia Says:
February 18th, 2012 at 11:58 pm
I suangtuah thiam roh mange hairehai 😀 (Y)
39
MaD Says:
February 19th, 2012 at 12:45 am
Post tha tak a ni (Y)
40
Chhuaklinga Says:
February 19th, 2012 at 1:28 am
Mu phawt mai teh ang, naktuk a lo ni leh der tawh mai. Good morrow/Mangust vek ule. (U)

tren tren
41
rinhlua_ralte Says:
February 19th, 2012 at 2:06 am
la kual lut nalh kher mai
42
Dr Mahminga Sailo Says:
February 19th, 2012 at 6:36 am
I va’n ziak thiam tak em! (Y)
A changtupa hming khi ziahlan loh ni phei se’ng chuan post tha ber of the week ka ti dawn asin le.. 😀
43
Leviji Says:
February 19th, 2012 at 7:13 am
:-O (Y)
44
chawnghilh Says:
February 19th, 2012 at 7:27 am
Cervantes-a DON QUIXOTE min tihrechhuak, France ram hmuingil chhohna tura mock-heroic kalphunga Novel fiamthu khermei nei kha an hlawkpui. Laisaizawk’s SUDDEN MUANGA pawh khan nghawng a neih that dawn viau lai khan WHOLE-a te PARTY khan an lei vek a, an halral a nih hial kha … hei, in kang, ram kang a tam zui.

ZEPHYR, LEIKHI MISS-te lah, rei lote daih chauh leh arbawmchhe hal an sawi ang leka min dek nui zuaitu an ni si. Sakhaw nek deuh THANGKURA te lah khan politics chu nek viau mah se, an lo break-up zuzi tawh si!

Good POST. (Y)
45
shailendra Says:
February 19th, 2012 at 1:23 pm
He post mai mai chuh… 😛 (Y) (D)
46
Chemtatrawta Says:
February 19th, 2012 at 2:11 pm
Selthuama hi ZNP a ni zawk ang. Opposition kumhlun ania.. 😉 😉
47
LaMea CâcTùs FLh Says:
February 19th, 2012 at 3:38 pm
46 🙂
PayableOnDeath(Zrma_C) Says:
February 19th, 2012 at 11:55 am
A va ropui em!
Tete-i Says:
February 19th, 2012 at 1:05 pm
i van ziak thiam mai mai tak…mahse a changtupa hming khi a dik lo..******* tih zawk tur..hehe..
lamea25 Says:
February 19th, 2012 at 1:10 pm
Tete, * khi ka hming hmasa mil chiah. Einch
51
Tete-i Says:
February 19th, 2012 at 6:55 pm
#Lamea.. chu chu lawm…hehe
52
Dr Mahminga Sailo Says:
February 19th, 2012 at 7:22 pm
Dik chiah. A changtupa i ziah khi chu tuai a nia…
53
lamea25 Says:
February 19th, 2012 at 7:30 pm
Ka rin aiin i zei. Einch
54
lamea25 Says:
February 19th, 2012 at 7:32 pm
52. Sihphir nuthlawi laka tla na deuh Tuai ami
55
Dr Mahminga Sailo Says:
February 19th, 2012 at 7:59 pm
#54…
56
lamea25 Says:
February 19th, 2012 at 8:13 pm
#55 che na thei viau nimaw
57
Chemtatrawta Says:
February 20th, 2012 at 1:38 pm
Lr hlonchhing hi mipa nge hmeichhia..