# Pa pakhat inkhawmnaa thusawi tur pawh khan kalkawnga tlangval pakhat thil lo zuk lai kha a dil a. Tlangval lah chuan a lo pe ve mai a. Meizial emaw a tihkha meizial aw zawng zu ni suh ganja a lo ni si! Thusawi tura a dingchhuak chu a khi hui mai a, ” Zanin chu inhla duk mai ka ti” a la tizui!
# Kan Kohhrana thusawi pakhat pawh hian Nova lawng tuk chanchin kha a sawi a. Nova lawng a tuk tir a, Lota te chhung a chuantir daih!
# upa pakhat thusawi tura dingchhuak tawh khan tarmit vuah a han tum a. A tarmit bawm emaw a tih kha a tunu powder bawm lek chu lo niin! Nuih lo chu har tak a ni.
# kan u pakhat, Pro. Pastor pawn ka thiannu te a inneihtir a. Tawngkam a thiam bawk a, a sawi nalh thei hle a. Mahse, a chesual ta tlat mai, mipuiin a thusawi an ngaithla thup a.. A tawpah ” Mihringin a zawm tawh chu Pathianin then suh se..” a han ti khauh mai chu(h)! Tumah insum thei an awm tawh lo.
# Khaw pakhatah(khaw hming thup ila) an inkhawm lai, thusawituin thu a sawi laiin tlangval pakhat hi a rawn ding hluai a. A muffler awrh lai chu a phelh sawk sawk a, maicham lamah chuan hual nei niawm tak hian a hnaih ta hruau hruau a. Thusawitu leh mipuiin an en thup tawh a. A nutei chuan a lo signal a, tlangval lah chuan ring leng lawngin, ” Ka nute, ka sazu hual kha kha lamah khan lo chang rawh aw..” a han ti mai chu.. Nui lo an awm lo reng reng, a thum hian a thum hem hem tawh mai a. Thusawituin sawi chhunzawm thei tawh hek lo! Banna hla an sa dawn a, tumahin an sa thei si lo, an tawngtai dawn pawhin tumah tawngtai thei hek lo. An ranrual tin ta ringawt a.
# Pu Liana khawmpui kal report pe pawh a pe kimchang awm a sin. Inrinni zan inkhawmnaah a pe a, dar 10 velah pawh an khawmpui kalna tur kawng chanve velah motor tang an la nem laih laih!
Similar Posts:
- Mitchhia kan awm em ?
- Bawm Pahnih
- Naupang kum 5 mi pawngsual a thah a ni
- “Ânu, i thi dawn ami?”
- Uire hmang Man Utd star Ryan Giggs leh Superinjunction
March 6th, 2012 at 2:24 am
Phek thar hawng ang.. kan nuih nasat manah!!
Report this comment
March 6th, 2012 at 3:17 am
Melthum kohhran pakhat sunday school kai kim lawmman buaipui ho sum hmanna report ah pawh Zun man- Rs.3 an ti tel.
Report this comment
March 6th, 2012 at 3:26 am
Sangpuiipa, a kimchang awm ve…!
Report this comment
March 6th, 2012 at 8:06 am
Pi Tete, i chetsualna khi ulukly-in ka chhiar a, keimah-ah chuan nuih lam pang a lang lo, “i khawngaihthlak awm ngawih ngawih-in ka hria, ka khawngaih lutuk che”
Leh-pekah chuan i chetsual ka ring tawh hauh lo… 
Report this comment
March 6th, 2012 at 8:26 am
Chutia chetchhiatna sawi takah chuan – kum 5 vel liamta ah khan ka damlo (pumna) kha damdawiin ah ka awm a, nachhawkna in min chiu a, ka rui deuh nge ni ka bula awmte hnenah khan kan tawngtai ang e ka tia. Ka tawngtai ta a an tia lawm, a tawp thei reng reng lova, minute 2/3 te ka ngawi vang vang a, ka la amen silo, an inhup reng a, ka muhil tawh emaw an tia, ka chhunzawm leh zauh thin a, a ning zual thenkhat chu an lo meng tawp tawh a, chuan Amen mumal pawh awmlo in ka lo muhilh san ta a.
Tunthleng hian khami tuma ka tawngtai dan kha chu min la kap reng hlawm
Report this comment
March 6th, 2012 at 8:59 am
Report this comment
March 6th, 2012 at 10:01 am
Chawngte ‘C’-a Chakma nuthlawi pakhat pawh a inhralh thain, a hralh tha thei khawp a. Mizoram Police hovin an dawr hneh phian a.
Tlai khat chu a lo nawr ve hman deuh nen —pawisa ba an pe tha thei lo a âng ve ta chiam a.
“Mizuram Pulit, sual le’tuk, payment ngai lo. Pastor a phel bel, payment nghal jel …” a ti.
A inâng lungawi lem hlei lo va.
Report this comment
March 6th, 2012 at 10:10 am
Chawngte lam sawi takah chuan tum khat chu kohhran secretary hian Pathian ram hi a hlan a lawm le. An tihdan kha a dang ve hrim hrim a. A petute hming mal mala lamin an pek zatte sawi tel vekin tawngtainain Pathian hnenah an hlan thin a.
Secretary chuan a chham zel a. Mahse a chham mek lai chuan kil khat atangin pa pakhat hian inti hre takin, “Pu Sawna pawh khan a pek ve kha ila chham tel lo a nia” a ti a. Thawhlawm hlantu chuan tawngtai lai vek chuan chu pa chu a lo chhang a. “Awle ka lam tep tawh” a ti ve leh mai a.
A tawngtai chhunzawm zel a. Midang paw’n an secreatry chu a tawngtai lai chuan an bengvar ta zel a. Mahse tlar hnung lama thu, pa phawk ve tak, inkhawm leh thilpek pawh ti vak ngai lem lo khan ding meuhin, ” Ka sawmapakhat pek kha i chhiar telloh chuan vawite khat mah ka pe ve tawh ngai lovang” a ti khiah mai a ni awm asin. Kohhran Secreraty a lungawi ta lo! A meng kuau a, chutia lo titu chu a kawk sauh sauh a, “Nang kha thu rawh, helaiah i sawi ve tur a awm lo” a ti a ni awm e. Hun tamtak liamtaa thilthleng a ni a, kan nuihpui fo thin….
Report this comment
March 6th, 2012 at 10:12 am
Haha..vawi khat pawh kan naute pakhatin damlo pakhat hnungchhawnin a bia a bia a, hnung nuai that zia te rei fe a explain hnuah a chhang si lo,a tih ngaihna hre loin ka pu ti a kaihthawh an tum chu mithi a chhungte lokalloh avanga ward atanga an la lak chhuah loh a lo zilh char char chu niin!
Report this comment
March 6th, 2012 at 10:18 am
#57 Chawnghilh,
Report this comment
March 6th, 2012 at 10:45 am
Haha, ka va nui nasa em
Report this comment
March 6th, 2012 at 11:13 am
Vawiin pawh ka off leh thei a, helaiah hian bu khuar leh kuk mai teh ang,,,
Report this comment
March 6th, 2012 at 11:14 am
38 zualbonez, ka muhil nui nasa lutuk 6pack ka lo nei tham mai ka tho chu he he
Report this comment
March 6th, 2012 at 12:37 pm
A nuihzatthlak lutuk lem lo mai thei a ka lo sawi lang leh hram teh ang…
Kum 1944 khan Sikulpui an tih mai thin – Serkawn Boys Hostel-ah khan Hostel Verandah-a kelpa (goat) riak thin chu a zun leh ek fel thenfai an nin tawh em avangin an PHIL a lawm le. A tukah hostel naupang chuan chawhmeh ta zan a.
Mahse kha kelpa te kha Pastor Challian kelpa te a lo ni reng mai. Zirna hmun atanga a ruka thil tih kha an haw hle a. Zirtirtu leh hotute chuan naupang ho chungthu chu an rel ta a. A then chu an sa viau a ni awm e, na taka hrem pawh an duh viau a ni.
Chuan le, phur takin naupang thil tisualte(kelsa eitute pawh an tel) hremna tur atan NI LENGA TUIKHUR KAWNG RIT tura tih chu an rel thlu ta a. Chutah le Chhim lam zawng zawng bialtu Hon. Inspector of School – Pu ZochhawniPa(Rev HW Carter-a) kha hrem zingah a intelh ve ta tlat mai. Tukhur kawng rittu zingah khan a thawk tam ber pawl a ni awm e. A hnuaia thawk- sikulpuia thawkte’n mak an ti hle a, an hotupa hremna tur kha an lo rel reng a lo ni a…
Naupang thilsual tihah khan Isua angin amah khan a phur ve ni mai hian ka ngai thin…
Report this comment
March 6th, 2012 at 1:40 pm
Ka la phur laklawh
Rev. Dr. Zai**** pawh kha a tlangval laiin a tawng mawh viau a niang, lehkha chhiar a peih bawk a, a nula rim naah pawh lehkha chhiar tur a keng lut mai zel a, Tu be chuang lovin a thu ve reng a, thingpui an pek leh a in ve mai a, leng haw hunah ngawi rengin a haw ve leh mai a.
A nula rim thin unau pahnih khan a ngaihna an hrelo khawp mai a, a u zawk chuan a nau hnenah zana alo len leh hunah lo bia la, tlangval lenin emni alo len tih lo zawt rawh tiin alo hrilh sa diam a, Zanah a rawn leng leh ta ngei a, dan pangngaiin lehkha bawk a chhiar leh a, Nula naupang zawk chuan a lehkha chhiar lai chu “Hei zantin ilo leng a engmah i sawi ngai bawk silo, engti len in nge ilo len reng reng ” ti a a zawh chuan, hawichhuak pah hian “Innei ang hmiang” a ti e an ti.
Report this comment
March 6th, 2012 at 4:04 pm
hahahahaha!
Report this comment
March 6th, 2012 at 4:46 pm
#64,
Phur taka naupang-ho hrem ringawt an rilru-a a awm a, an lo thlir laia, an Hotupaber Pu Zochhawni-pa lo lang ta thut an hmu…hmel…meng buai…tihngaihna hre tawh si lo…awmdan vel tur chu ka mitthla a…haha…ka thi dawn…Ignitia leh…..hahaha, 
Zirtir pawh a nei tha hle mai…
Report this comment
March 6th, 2012 at 5:39 pm
IN ti liai liai bawka, kan contri ve lawk. Pastor pakhat (Pastor Chhawna ka ti kher lo)hi mihlim ho han velh kual hi a thiam ve reng reng a. A tawngtai reng reng hian ” Aw tuifinriat thuk tak mawnga kaikuang bawp pakhat ruh tliak pawh hrethei tu pathian..” an ti deuh kher zel a. Lal Isua Kross an sawi tak tak mai chu..” Aw Lebanon tlanga cidar thing, euphrates luikama an tawlh thlak, Dumaka leh Titan char char a an lo thliar ngei maia siam kross chu i pu a” an tih tawh chuan mihlim ho chu an mittui hi a sur zunbg zung tawh mai thin.
Sirte khua kohhran upa zahmawh sawihrat pawn sunday zanah Pathian ropui zia a sawi pek a. ” Sinai tlanga Lalpa ropuina a rawn lan tak tak chuan Sinai tlanga zukpui te chu Chh* phe hlawk hlawkin an tlan chhe mai ani ” an ti mai chu..nuih loh har tak ani an ti
Report this comment
March 6th, 2012 at 8:39 pm
Pu John….
A philtute khi i hriat tur an awm a nia aw. I nuih aza zual dawn sia ka zep mai ang, zorama pa lar leh kohhran hruaitu an awm… 
Pu ZochhawniPa kha fakawm bik riauna a nei nia ka hriat ve chu – hun harsa a tawh laiin hlim hmel a pu tlat thin nia an sawi thin hi a ni. A awm lai khan Japan ral kha a hlauhawm hle a. Mizote tan chuan a zia tak a awm a, British mi tan phei chuan a hlauhawm lehzual a ni. A sikul naupang te’n thlaphang deuh takin, ” Ka pu japan ral lo thlen hmain in rama i haw ve ang em?” tia an zawh pawh khan ani chuan, ” Haw ve lovang, Japan lo thlen hma chu ka Mizoramah ka awm reng dawn” tiin a naute kha a thlamuan thin a ni awm e.
Tum khat pawh Boys’ Hostel-ah bawk hian ek in khur hlui naupangin an lai a lawm le. An sawi dan chuan hostel thlangah khan ek in khur 5 vel an nei a. AN hmanlai mek a khah veleh a hlui ber kha an lai leh mai thin a. Mahse an rin aiin ek leh hmawlhte kha a lo tawih ral har viau a ni awm e. An han lai a, ek tawih ral lo khan an taksa leh hmai velah a per ta thin a ni awm e.
An ten viau mai a, laih chhunzawm an tum ta lova. Mahse chutih lai chuan Pu Kara(ZochhawniPa) bawk kha a lo lang leh hlauh mai a. Naupang ding thup karah chuan, ” Ka’n lai ve chhin teh ang” tih leh ek in khur hlui cheh chu a rual nghal a. A hmaiah leh taksa peng hrang hrangah ek leh hmawlh therte chu a kai fer fur a ni awm e. A rim chhiat thu pawh a sawi miah lo a ni awm asin. A nuate chu an zak ru leh hle niin an sawi.
Pu Kara hi thangtharte khan inhriatloh takin: Serkawn Concert bul tantu leh huaihawttu angin a lar viau thin bawk. Mizo thu leh hla lama ti hmasawn tu- a bik takin hla lenglawng lamah.
Report this comment
March 6th, 2012 at 9:15 pm
#69 Ignatia,
Pu Zochhawni-pa inpekna ropui leh entawn-tlak zia i sawi tam poh leh ka hnuk a ti-ulh tlat zawk mai, hetiang mi hi tunlai Rawngbawltu zingah hian an vang pharh tawh-in ka ring hial asin? 
Pu Igna, i fiamthu rawn thawh chhuah-pui ho hi, ‘hmui chiah a nui a, thinlung erawh a zak chem chem mai…’
Report this comment