Kum tam tak mai he thupui khel hian theologian ho an loin debate zak zak tawh a ni tih chu ka hre reng mai. He thih hnihna hi engtiang chiah nge a nih tih hi ngaihtuah tham chu a tling reng a, keini pawn thihna hmasa zawk kha taksa thihna nge thlarau thihna tih kan khel chiam tawh a nih kha. Ni e, bible hi chiang tak a tlir a bih a, chhut chet chetloh chuan a nihna tak hriat hi a theihloh tluk chu a nih hi.
Setana lah hi a fing ang kur bawk si a, thudik karah thudik tep hi alo zep tel ve khanglang thin bawk nen, vawikhat sawi maia fiah chi chu a nih hmel dawn loh. Mahse thihna hmasa(thil chihnihah “ber” a awm theihloh avangin “zawk” tih ka hmang mai a ni) ka han sawi tak atang khan thihna vawihnihna chu hriat mai theih a ni tih hi khel ho ila ka tih chu a ni.
Thihhnihna ah hian thlarau chatuan a kang tih hi chu popular tak a kan hriat chu a ni. Chhumhmin hnap tawh pawh kan lo ni mahna le! Engpawh nise han kher tan ta phawt ila aw, rintlak a ni emaw chu. Side hrang hrang atang ka han thlek vang vang hian he theory hi chu immortality of soul rinna kal zel kha dik tak chuan ala ni miau mai a.
He thlarau hi Pathianin lo kalsan ta pawh nise chatuana kang tur chuan Pathian thlarau a ni kan tih tawh kha. Pathian thlarau chu chatuana kan(burn) ngaihna reng reng a awmlo. Dik tak chuan thlarau , energy , vitality hi kang tur lo ni ta pawh nise engtia kang tur tak ni ang maw! Mei chu carbondioxide leh oxygen , hydrogen kang a ni miau mai si a, chutah chuan energy kang leh tur chuang reng reng a awm hauh lo bawk, energy a produce deih bawk si.
Pathian hmangaihna thuk zia leh san zia hi han ngaihtuah vang vang ila ; a hmangaih leh a duh em em, an duhthlanna piahlam a Setana avanga chatuana kang char char tur a ruat hi a inmilh leh thlawt bawk si lo. Ni e, side dang atang pawha thlek pawhin thlarau hi mihring a nihloh zia chu Pathianin Adama(mihring) chu “vaivut i ni” a ti miau mai si a le, vaivut chu thlarau emaw energy a nih ngaihna hi a awmlo hrim hrim phawt a. An composition pawh a hrang hlak a ni. A nung hek lo a, a thi ve leh chuang bawk hek lo!
Khing atang khian thihhnihna chu engtiang chiah nge maw a nih chu a lang ta ruai ruai mai. Pathian thlarau chu a kan loh tur zia chu kan hriat vek a ni tawh kha. Lo kang reng pawh nise chatuan a kang tur chuan ala rinawm lo leh cheu pek a. Miin Mount. Everage sang tak mai a sawi a, pakhat chuan an insang tak mai a sawi bawk ang vel hi a ni chatuana kang chungachangah kher hi chuan. Chatuan hi hebrai tawngah Olam a ni a, greek tawngah Aionios a ni. English bible hian Forever and eternal tiin a dah ve bawk.
Bible hian misual te chu chatuan hremhmun ah kal tur leh kang turin hmun tam takah hian a sawi ta mai bawk si a. Chatuana kang tur annihna hi Pathian kalsanna/thihhnihna chu a ni em tih hi pawimawh lai tak chu a ni. Mahse chanchintha hian taksa(soul) leh thlarau(spirit) tihlum thei tu lo chu hlaulo turin min zirtir leh tlat mai a. Tura Lal sunna hla ah lah Setana chu awmleh ngai tawhlo tura tihboral vang vang a ni dawn bawk si. Ni e, context hrang hrang atanga reason leh logic han hman chuan bible hian misualte hi kumkhua a kang tur tak tak chuan min tilo tih hi alo chiang ta, kang/hrem hnu a tihboral vang vang tur a ni tih hi alo chiang ta em em a nih chu.
Engtia kang tur nge kan la nih cheu tih chu zawhna awm leh thei a ni. Physical death hi Pathian hremna leh alo kal chhan a ni tih chu “in thi tur a ni” tih kha Physical death a ni zia Thuhriltu chuan mitthi’n conscious mind a hlauh zia leh midung dam te angin nerves pulse anneih loh zia atang a tifiah em em a.
Chu chu thihna hmasa zawk a ni tih pawh a ni. Chutiang chiah chuan Pathian hmangaihna nasa tak chuan thih hnihna chu ala tih ve hi a rinawm. Engtin? Mihringa thlarau chu Pathian thaw, Pathian ta a ni a, thihna hmasa zawkah khan a thi ve reng reng lo a, minung a chu alo thih ve a nunna thlarau chu Pathian hnenah a let leh vek zawk a ni. Heta tang chiah hian a ni pawimawh em em chu lo intan ta.
Thenkhatin thlarau kang turin an ngai a, thenkhatin thizui vang vang turin. Thawhleh na, taksa thawhlehna hian a nia rawn sawi chiang ta em em chu(mahse bible hian a chian luatah a sawi ngun lem lo). Mitthi hriatna reng reng nei tawh loin a nerves rawn activate a, na(hurt) hre tur chuan thlarau a dawn a ngai ta a nih chu. Chu thlarau kan dawn erawh chu mifel leh misual inkarah hian category hnih a awm thung ang. Taksa tawihthei tawhlo a nun rengna petu thlarau chu mifelte chan tur a nih a rinawm a .
Misualte chan tur erawh logical takin han ngaihtuah ang aw; Bible hian kang(burn) tur hian a ti miau bawk si a, kang tur chuan mei(fire) a ngai bawk si a. Chu mei chu OT hian chiang deuhin alo sawi reng mai-thlarauthianghlim tiin. Heng atanga rawn lang ta ruak mai chu misualte taksa thawhlehna thlarau dawn chu hei chiah hi a ni. Misualte tinung a, tihrehawm/tikang tu chu.
Hei hian an taksa ah hrehawmna nasa tak a siam ang a, chumi hnuah awmtawh ngai reng renglo turin chu thlarau chuan a kalsang ang a, engkim engkim ata hi tihboral an ni tawh dawn tihna a ni. Hei hi bible hian sawi diak diak lo mahse thihhnihna hi tihboralna chiang tak mai, physical death bawk kha a ni. Pathian that zia hi chu aw, taksa tihsual chu taksa vekin a tuar tir hi a tha tak zet a ni.
March 8th, 2012 at 1:50 pm
LOl Lta.. i chhe reuh
Ignatia chu nick thar te mi pe emaw ni :
“Pu Vakula chu Seba Lalnu a nei tlat alawm Pu DONLAD”
Hmanah khan zoho-a thil type sual emawni kha a nuih vei a, nuih ve vak te’ng
Report this comment
March 8th, 2012 at 1:54 pm
hairehai…mittui tla phung min tih nuih hlawm chu a….ka rawn comment zuai, ka la chhiar zo lo, TSa fiamthu post ai pawn in han tang tak tak hi chuan min tinui nasa zawk a nih hi a..
kn chhiar leh lawkz
Report this comment
March 8th, 2012 at 1:58 pm
Soberte: Nangman sawi ve tawh rawh. Nge helaia comment chhu turin ENERGY i nei ngang lo?
Pu Donald: A va za tak em aw…
Ka lo ziak sual palh a nih khi mawle. I awm hian a nuam boruak a zangkhai…. 
A pu duhtak Pu Zohoa: I naupanna miin ngainep suh se titu a lo lut tep tawh ang…
(fiamthu)
Pu Zoho: Kal daih bik suh. Awm ve reng rawh chhuti ni a nih hi….
Report this comment
March 8th, 2012 at 2:05 pm
ka chhiar thla zel a, Donald-a hi misual.com a continuous a la OT ber a ni maiin ka hria, post hi a hai emaw ni ka ti hial mai,nge hmeichhe thinrim angtui laklawk “mah reng reng se, ka ti thau thau” tih ang deuh khan post liam ta a a comment tur a type lawk he tah a rawn wholesale… hahaha…
Report this comment
March 8th, 2012 at 2:06 pm
Ignatia,
Hman sakhua a tia mi khah zoho khan?
Report this comment
March 8th, 2012 at 2:09 pm
Ekekkeakaka zoho,
Ka OT deuh dawn ka ti mawlh2 kha mawle.. OT ble ble i rawn ti duah kher. Thread danga mi a hranga sawi ai khan tah hian ka rawn kawp ta mai a nih kha. A awlsam nan.. i hriatthiam reng tho kha aw. Mi tih hmingchhiata admin te min hauh tir i tum a nih kha
Report this comment
March 8th, 2012 at 2:15 pm
Min la repawt zui emawni le.. a reh tak hmiah??@#$
Report this comment
March 8th, 2012 at 2:16 pm
Khawimaw ka energy zawng zawng nen force in ka’n comment ve leh teh ang..
Lta hi zirlai naupang fel tak a lo nih dawn chu . Amah ang rual kan nih khan hetiang hian thil kan la bawl kual pha lo reng reng,
Vawiin chu colouring day lawm le, colour tak tak teh ang.
Report this comment
March 8th, 2012 at 2:17 pm
Pawi lo mai.. ka hman tawh chuang lo. Nick thar ka hmang daih anga (Ignatia min pek) tun min hre tawh chuang law’nge.
Kan peace out phawts, zan lamah min BAN loh chuan…
Report this comment
March 8th, 2012 at 2:19 pm
Mi thenkhat in hlawk in lo tum ve tlat mai a, Bible THUTAK leh Isua zirtirna tuipawlhloh hi chu e, sawichhiat, dem leh tawrhna lam hi a ni zel mai a nih hi maw….
“Ngai rawh, he naupang hi Israel zînga mi tam tak tiral tùr leh dinchhuahtîr tùra ruat a ni, miin an ‘sawisèl’ tùr chhinchhiahna nèn….” — Luka 2:34
“Amaherawhchu, he pâwl hi ram tinah ‘sawichhiat’ an ni si a, nangin engtin nge i ngaih hriat kan duh e,” Acts 28:22
“antilego/antilegomenon = hnial, mausam,ep,duh lo, hnialkalh.
Report this comment
March 8th, 2012 at 2:28 pm
eh.. dem leh sawichhiat hlawh apiang hi THUTAK hriltu an ni kher hleinem.. eg gnostics + heretics such as Valentinus & Simon Magus.. adt tam over.
Chhuah hma ti leh hram..
Report this comment
March 8th, 2012 at 2:30 pm
Jude 10 ti leh hram
“Mite chuan an thil hriatthiamloh apiang an sawichhe thin”
Report this comment
March 8th, 2012 at 2:34 pm
Ha ha ha Pu Donald Hman Sakhua ni e. Amah pawh hi Hman Sakhua a ni hrim hrim alawm….
Thilhriatthiam loh apiang sawichhiat tur ni ta se aw….sawichhiat tur a va tam dawn em!
Thusawi subjective lutuk tuipui hi a awmzia lem lo…. 
Report this comment
March 8th, 2012 at 2:36 pm
Gud yet Interesting Post,
Post-tupa hi i Post hluite ka chhiar a, i chhui nasa thei khawp mai. Ka tluk lo nasa che. Bible chhuizau dan leh pawmdan-ah hian Bible zirtirna kalh a nih loh chuan tha ka ti vek. Faith & reasoning te pawh hi an pawimawh hun (everything in their time) a awm ve ve a, pawngpaw hnualsuat ngawt chi an ni lo mai thei.
Amaherawhchu, extreme lutuk ang chi hi chu a tha lo mai thei bawk. I chhui tha khawp mai, a controversial deuh mai thei. Post hran-in a Thupui in-ang chiah lo mahse, ka lo buatsaih lak lawh tawh si a, a lo chhuak ve tho awm si a, tawite-in ka’n tuihnih rih mai ang e,
1.THIH 1-NA (the first death) – Tuna kan lei taksa-in khawvela hun a hman tawpna leh, piangthar lova kan thihna hi a ni (temporary death of physical & spiritual).
2.THIH 2-NA (the second death) – Tho leh taksa leh thlarau (all sinners, Satan, Beast & False prophet & Fallen angels) chatuan-a Pathian nena inthen a, chatuana thi tura Meidila paih hlenna hi a ni (physical & spiritual eternal death in the lake of fire, permanent & everlasting separation from God, cf.Thup.20:14, 21:8, etc).
In comment a ngaihnawm khawp mai,
Report this comment
March 8th, 2012 at 2:36 pm
#43
vakul
Theologian a maw ka ti che a, kan inhrechiang zel a niang chu. Nia, mechanic ka tuna zawng nise chuan motor ka siam thiam daih tawh ang, Ka tuina ah hian lehkhabu ka chhiar tam avangin leh bible hi ka rin em avangin hetiang rinna hi ka nei mai a
Ka post a diklo tak tak i hriat ho chu lo sawi ta che. Church father chungchang bawk kha em ni. Kha chu kan thupui a niloh kha maw, buaina dang. Nangpawh science hi kohhran din tan tirh lai khan hnawl a nih thin dan chu pawl 7 zirlaibu ah pawh a awm thin kha. Churrch hian rindan alo nei ve sa diam a, chumi ang lo a rindan nei chu Pathian pawisawi a puhin an halhlum thin kha..Nicolus a te ngei pawh.
Report this comment
March 8th, 2012 at 2:45 pm
Chhiarloin ka lo comment pek a, in OT nasa tlat mai a, khawnge Post milhlo a nih chuan ka chhang tawh rihlo mai ang che u.
Chubakah post pawh khi inla chailo reng reng, diklohna ka hrehnem tih nazawng hi a huai lo e
Post khi inpeih chuan rawn chai teh u, personaly kha chu a ho tlat 
Report this comment
March 8th, 2012 at 3:01 pm
Tlangval, i lehkha chhiar peihnaah ka fak che, i insawi ang a nih chuan.
Theology subject i chhiar peih pawh ka ring e. I theological frame hi ka hnial vek lo a nia, marawhchu chik leh zualin han study teh aw. Zir ni lova mahni ngaihdan siam tawk leka i chhiar a, commentary leh dictionary i bih ngun loh chuan a fuh duh lo viau a nia.
Traditional belief han counter tur chuan i hriat hi tawk ka la tihpui lo khawp mai che. kan assumption siam a mar that mai vang khan thurin tiata lek chiam chiam tur a ni ngai lo ve.
Hindu rin dan hrulah min keuhpui a, chhiar tam chu ka inti ngam ve hauh lo ang a, mahse i sawi (post hmsa lam a mi pawh, ) ang tak hian theologian leh spiritual leaderte hian an sawi ngai lem lo, hei erawh ka hria theology hi a bulthum atang chhiar/ zir la a deh chu a dang deuh maithei e.
Ka sawi vang hian i thupum hi ka hnawl vek hauh lo a nia.
Report this comment
March 8th, 2012 at 3:11 pm
#67
vakul
Ni e, la inzir ka ngai nasa khawp mai. THian tha bible sikul kal lai leh BD zirlai ka thiante pawh hian mikhawlh ve takah chuan mindahsa tawh hrim hrim a lawm. Mahse hei hi inzirna leh thudik zawnna zel a nia. Ka lo sawi uar deuh a nih chuan sermon ang deuh a aw puam te nen lam kha lo suangtuah dawn nia, ka tang lutuk mah mah vang vek a nih kha
Pakhat leh chu Zoho nena inchukha emaw inrochun kan ni hauhlo a nia aw. Keichu a hran liau liau. Zoho hian engnge a post tawh hi ka la hre lo. Pathum vel chu ka chhiar tawh mai thei. Keima irawmchhuak a ka post zawng zawng thlirlet chung leh bible keu ngat a ka rawn thaichhuah a ni. Dik tak chua Zoho nen hian kan inbah fo thin a nia.
Report this comment
March 8th, 2012 at 4:08 pm
In dek tha thuai thuai hlawm ngei mai!
SIMPLE takin aw …
Vaivuta din kan ni. Vaivuta kir leh tur kan ni bawk. Islam inzirtir danah chuan TUI-a siam, ruang pawh a thu zul mai a, tui vekin a kir let. Pathian Thu nen a inkalh pang mai.
Pathianin hluma a siam hnarkuaah a “nunna thaw (neshamah chayim) a thawk khum a, mi nung (nephesh) a lo ni ta. Nephesh hi Jews ngaihdanah chuan thlarau hnuaihnung ber a ni.
“In ei ni la lain in thi ang,” —an ei ni khan phisically tak chuan an thi em? An nung; mahse THI an nih an inhre lo. Thlarau lamah chuan THI chiang het hawt tak an ni.
Savun kawrfual siamsa a awm lo, thisen chhuaka a vun lih (flay) a ngai … thisen chhuak lovin ngaihdamna reng a awm lo. Savun kawrfual neih nana THISEN khan Kalvary a melh thleng.
Hebrai 11-ah chuan, ziakin, “thawhlehna tha LEHZUAL beisei an awm,” —thawhlehna hrim hrim chu Elija khan Sarepta hmeithai fapa a kaitho tawh. Thuthlung tharah chuan Jaira fanu (Gentiles), Nain khaw hmeithai fapa rawlthar leh Beth-Ani khuaa Lazara chungah a thleng … chungho kaithotu pawh Abib 17 tlaiah, AD 30 khan Pa Pathianin a kai tho.
Isua tiam loh, thawhlehna chang tawhte khi Greek tawnga SOMATA (tisa)-a tho leh te an ni. “An hmeichhiaten mitthi tho leh an hmu a …” tia Hebrai 11-a ziaka awmte kha an ni.
Tin, Bible tam takah hian Matthaia ziakah bik Krista thawhleh hnu khan mi thianghlimte an thawh thu ziakin a awm a. Bible zirmite tawngkamah phei chuan MINI RESURRECTION an ti hial a. Mahse, THAWHLEHNA ni lovin, RILRU TIHHARHSAKNA a nih zawk thu Greek tawng lam atangin a ni thung. (Hun dangah kan lo chhui chiang lehzual dawn nia.) A chian lehzualna pawh Pentecost ni khan Petera thusawi-ah Davida meuh pawh a la thawh lohzia tarlan chian a nih kha.
Thawhlehna hmasa (first resurrection)-a thote engthawl tur thu ziak a awm leh a. Thawhlehna hnuhnunga thote rorelsak an nih tur thu leh zahna, mualphonaa kal tur an nihzia ziak a ni bawk a.
Johana 3:16-ah chuan, “Pathianin khawvel a hmangaih em em a, chutichuan, a Fapa mal neihchhun a pe a. Amah chu tupawh a ring apiang an BORAL LOH-va, chatuana nunna an neih ZAWK nan …” tih thu a lang chiang a. Chatuana Nunna nei nei hlen turin First Resurrection-a thawh a ngai a.
Johana 3:16 hre chiang lova ngaina ve em em hi kan tam khawp mai. A ring apiang an BORAL LOH …awmzia hi ringlote BORAL (THIH) turzia a chiang hle si!
Thu Puan 20:6 Thawhlehna hmasa bera telte chu an engthawlin an thianghlim a ni; chungho chungah chuan thih hnihna chuan thu reng a nei lo va, Pathian leh Krista puithiamte an ni ang a, amah nen kum sangkhat rorelin an awm zawk ang.
Thu puan 2:11 Thlarauvin kohhranho hnena thu a sawi hi beng nei chuan hre rawh se. A hnehtu apiang thih hnihna chuan engmah a tih lo vang, a ti e’ tiin.
First Resurrection, Isua lokal leh huna thote chu Krista puithiam leh lalte an ni dawn a, kum sangkhat Isua hova ROREL (reigning) turte an ni a —he kum sangkhat lalram hi “lalna hmasa (first dominion), Siamtharlehna (restitution/restoration), Kum Sang Lalram (Millennium) hun tur chu a ni. He lei siamthara rorelna tur a ni.
Isua kha Davida Lalthutthleng rochung tura ruat a ni tlat a. Davida Lalthutthleng chu khawi planet-ah mah a awm lo va, he lei planet-ah pawh Jerusalem-ah kher a awm a.
Hmelma hnuhnung ber thihna chu Millennium hnu-a thleng tur a ni.
Thu Puan 20:14 Tin, Thihna leh Mitthi Khuate chu mei dilah an paih a. Chu chu thih hnihna chu a ni – mei dil chu.
20:15 Tu hming pawh Nunna Bua ziak an hmuh loh chuan mei dilah an paih bawk a.
Thu Puan 21:8 Amaherawhchu, mi dawih te, ring lo te, tenawm te, tualthat te, inngaih ching te, dawithiam te, milem bia te, dawthei zawng zawngte chan tur chu mei leh kata kang dilah chuan a awm ang; chu chu thih hnihna chu a ni,” a ti a.
Isua Krista kha kan THIH ai a THI a; chatuana kan thih (thih hnihna) ai a thi tawh a. Chatuana meidila thi thei lova RAWH kan nih ai a thi lo. Chatuana thi thei lova RAWH tur ni ila, Nazareth Isua pawh kha thi lova RAWH a ngai ang.
Report this comment
March 8th, 2012 at 4:59 pm
Dik khawp mai. Bible-in chatuana meidila RAWH tur a tih loh avang hian chutianga zirtir chu a dik kher lo ang. Mahse chatuana meidila paih tur an nih thu erawh chiang takin a sawia .. pawm mai tur a ni. Mitthite an tholeh anga, nunna bua hming chuang lote chu meidila paih tur an ni. Chu meidil chu diabola leh a pawlte, chatuana a chhun a zana nghaisak an nihna hmun a nih thu Thupuanah chiang taka ziak a ni ( 20:10). Hetiang hi kohhran pawhin a zirtir dan a ni reng a.
Mihringin a bawhchhiat khan a hremna chu thihna a ni.. kros-a khenbeh tur tih a ni kher lo. Chutiangin meidila rawh tur tih pawh a ni hran lova, roreltu Pathian remruat danin a thleng mai a ni. Isua ring lotute erawh chu meidila paih tur an ni tih hi Bible zirtirna chiang em em a ni e. Meidil tak hi eng nge a ni phei zawng chiang taka hrilh kan ni lo thung. Mithiamte ngaihdan pawh a inang lo nasa ve hle. Literal fire ni lova thlarau lam mei nia ngai pawh an pung tial tial. A Grik hian chutiang lam chu a support zawk niawm tak a ni.
Report this comment
March 8th, 2012 at 7:28 pm
Sudden Death nen chuan a inang chiah lo ani maw, in sawi hmangin. A goal hmasak bera chak zawn nihna lam ahih hmel loh.
Report this comment
March 8th, 2012 at 8:32 pm
Tun hnai in ‘theological debate’ (han ti ve ngawt ila) ho hi luhai bur khawpin ka chhiar thin a, patla pawh ka lo khai ve dar dar thin. Ropui ka ti thlawt. Zoho leh lta lam tang an tlem deuh a, pawi ka ti hial mai. Hriat tur ka ngah zia leh ka lo hriat tlem zia ka hre pha viai2. Ka misual member pui ho lo turu zia ka hriat phah rualin ka insit zual a, ka inthlahrung zo vek a ni ber e.
Report this comment
March 8th, 2012 at 8:52 pm
21
Lt…..Ka hnial ve miah lo che a nia..:-)
1st. Resurrection:
Rapture (Mithiang -hlimlawr) pawmtu te ngaihdan tlangpui.
(Mi zawng zawng in, mi thianghlim lawr hi, an ring kher lo. Allen G.White kha alo ‘thaw thelh’ tawh bawk nen) –
Bible hian thawhlehna hmasa leh thawhlehna hnuhnung a sawi a. A hmasa zawk hi rapture (Mithiang -hlimlawr) awm ringtu te chuan, “anti Christ lo lan hun”, “great tribulation” leh “harmagedon indo” pumpelh tura a mithianghlim te a lawr hun turah an ngai a. Chu chu, evangelism period tawp hun ah, Mat.23:14 denchhenin, I Thes 4:14-17 hi lo thleng turah an beisei a.
Hetih hunah hian, Abrahama fapa Isaaka’n a nupui tur, Aliezara ‘mo’ rawn hruai ‘Rebeki’ kawng chanve a alo hmuak ang khan, Tho leh Isua’n, a nupui hual ‘mo’, ‘kohhran’ a lo hmuak nen an teh khin bawk.
He khawvela Anti Christ rorelna te, tih duhdahna rapthlak (tribulation) te leh harmagedon indona awm mek laiin, Lalpa leh a mi thianghlim te chuan ‘Beram no ruai kilin, nunna lallukhum te leh lawman an dawng dawn a. Chutah, Lal Isua hovin, kum sang rorel turin, he khawvelah anlo chhuk ang.
Harmagedon indona ah hian, Israel, hnam chapo ho tih tlawm an ni ang a, Lal Isua au lo thei lova siam turin khawvel in an do rawn dawn a ni. An ral tak ngial dawn avanga, an mangang tawpkhawk-in, Lal Isua an au ve ta nge nge a nga, ti chuan, Acts. 1:11; Zak. 14:4 hi lo thleng dik in Olive tlangah Lal Isua leh a thuhruaite, kum sang rorel turin an lo lang ang. Satana pawh kum 1000 atan phuarin a awm nghal ang a. (Re. 20:1-3). Kum sang rorel ah hian, Matt. 25:31-46, Beram leh Kel (Ringtu tak tak leh a lem) thliarna a awm ang.
Kum sang rorel zawh hian, Satana phuar phelh a ni ang a, lei kil li a hnam te, Goga leh Magoga chu buma hruaikhawmin, Mithianghlimte awmna Jerusalem chu a han run dawn ni awm tak a ni. (Re. 20:7-10) Mahse, van atangin mei alo tla a, an ni chu a kangral ta.
He khawvela tihduhdahna rapthlaka Lal Isua tana martar ngamte Lal Isua ho va, kum 1000 ro an rel tur thu min hrilh bawk a (Re.20:4). Mahse tuna, awlsam tak a ‘rinna avanga khawngaihna a chhandam’ nih theih lai a, ring tha duhlo te zingah, martar thisena lei chu an tam lo mai thei. Mahse, Pathian khawngaih ropui zia ala lang e.
Rapture pawm lemlotu te pawm dan:
First resurrection:
“Nimahsela Krista chu mitthi zing ata kaihthawhin a awm tak zet a ni, muhilte thawh hmahruaitu a lo ni ta.” …..(1 Co 15:20)
Lal Isua vanlawn atang a chanchin Tha hril darh a nih a ringtute anlo pun atang khan tihduhdahna hi a nasa in, ‘Dark Age’ tih hial a ni. Constantine’n Kristiana a lo pawmpui takah chuan Kristianna alo zalen tan ta chauh a nih kha.(Re.2 a. Balaama zirtirna Lal Isuan a duhlohna chhan kha chhui tham a awm(compromise hi Lal Isuan a duh lo).
Kha dark age hunlaia tihduhdahna rapthlak a Lal Isua tana martar ngamte kha Lal Isua ho va, kum 1000 ro an rel tur thu min hrilh bawk a (Re.20:4). Chung chu mithi tho hmasa turte (Re 20:6) tiin, min hrilh. Chumi hun chu, evangelism period tawp hun ah, Mat.23:14 denchhenin, I Thes 4:14-17 hi lo thleng turah an beisei a. (update 10/40 window te kan thlir chuan, Chanchintha la hril lohna hi chu a pan tiar tiar tawh viau a ni.)
Bible min hrilh danin, Kum sang rorel zawh hian, Satana phuar phelh a ni ang a, lei kil li a hnam te, Goga leh Magoga chu buma hruaikhawmin, Mithianghlimte awmna Jerusalem chu a han run dawn ni awm tak a ni. (Re. 20:7-10) Mahse, van atangin mei alo tla a, an ni chu a kangral ta.
2nd. Resurrection
Chutah mithi thawhlehna hnuhnung, 2nd. Resurrection – Re. 20:11-15 hi a lo thleng a nga, mithi tawh zawng zawng rorelsak turin Chungnung Bera hmaah an ding ang a, Nunna Bu a hming chuang lo chu, chatuan meipuiah paih an ni ang.
Chutah lei thar leh Van thar…..Re 21. Chutah Re. 22 ah, Eden huan a Nunna thing, bawhchhiatna avanga Cherub leh Khandaih virtawn in a ven chu, ringtu te tuallenna a ni tawh ang.
“Tin, an chhuahna ram chu lungkham sela chuan hawnna remchang an hmu tawh ngei tur a ni.Nimahsela, tunah zawng ram tha lehzual chak an lo ni a, chu chu vana mi a ni; chutichuan Pathianin an Pathian tiha awm chu a zak lo ve; an tan khua lam a lo buatsaihsak tawh si.” (He.11:16)
Pu Chawnghilh sawi ka hriat thawi ka han phuah belh mai mai a nia, inlo chawtak khuk pui a nge, in hnial phei chu ka peih ve miah lo a nia…ka dang a ni sa mai..:-D .
Report this comment
March 8th, 2012 at 9:25 pm
Ellen G White a ni zawk lo maw?
Report this comment
March 8th, 2012 at 9:29 pm
74
Nih hmel mah mah zawk e a….
Nilo ti thei ka nilo..
Report this comment
March 9th, 2012 at 8:47 am
#69
chawnghilh
“Isua Krista kha kan THIH ai a THI a; chatuana kan thih (thih hnihna) ai a thi tawh a. Chatuana meidila thi thei lova RAWH kan nih ai a thi lo. Chatuana thi thei lova RAWH tur ni ila, Nazareth Isua pawh kha thi lova RAWH a ngai ang”
Hei chu ka lo en chiang miah lo a alawm le. Dik hmel fu, dik tluan lo a nih hmel.
I postulate danah chuan “Thlarau lamah chuan THI chiang het hawt tak an ni” i tiah. Mahse Nephesh aka taksa hi thisen a lei ngai , tlan ngai a nih daih hi maw. Visible nephesh ngei hi a tlan daih hi. Thlarau nise thlarau kha a thi ve tur hi a ni. Mahse thlarau a thilo, taksa a ni a thih daih.
Juda vision-ah nephesh hi thlarau hnuai hnung ber anlo ti a ni maw! Alo nih pawhin ka pawmpui tho e, Pathian thilsiam hi endawng lutuk tur a ni hlei nem. Mahse Thlarau hnuai hnung ber/visible hi a bawhchhiat avangin visible bawk nephesh alo kal a ni mai.
A awmzia chu thlarau a thih chuan thlarau vekin tlan se, hmuhtheih taksa hi thihlen tur(Nataka mei aka thlarauin a kan hnu a tih tawp vang vang tur) a nih avangin chumi tlan nan taksa aka mihring aka Yeshua alo thi hmasa a ni zawk. Chumi avang chuan mitupawh chu kan thih hlenna tur lak ata min thih hmasak sak a. Amahah chuan minung kan ni, chu chu Piantharna chiah kha..a thui lutuk dawn, inman loh chuan awmzia a awmchuang dawnlo tlat
Report this comment
March 9th, 2012 at 3:45 pm
In comments ho chu a ngaihnawm hlawm kher mai, interesting hle bawk. Kei chu ka hriatthiam phak bak thil a ni tlat. Bible in thil lo thleng tur a tih te an lo thlen hun ah chuan, thu dik chu kan la hre mai ang chu. Hetiang ideology a debate neih hi a nuam hle na a, tangkaina vak a neih ka hre tlat lo, kei mi mawl hian.
Hun kal tawh te, hun lo la awm tur ngaihtuah vak vak te, Rapture,tribulation te, sakawlh identity, khawvel tawp hun tur…. etc lo sawi vak vak hi a tangkaina ka hre tlat lo mai. Tun ( present) hi a pawimawh ber ani lom ni? Engtik lai pawh a thi maithei vek kan ni a, kan thih ni hi kan tan khawvel tawp ani nghal ani lawm ni?
Pratical Christianity hi i ngaipawimawh zawk ang u. Isuan Galilee dil kam a, mi mawl leh simple te te ho bula chanchintha a zirtir kha chu a simple in, a chiang khawp mai. Mizo te hi khawvel a Bible chhiar peih ber, hre ber kan ni ang, tu pawh mai hian kan arguments support turin Bible chang leh bung ka quote thei vek.Tin,inkhawm, inkhawmpui, camping, crusade adt nei hnem ber kan ni hial ang. Kan nun ah Christian nun dan tur hmuh tur a vang si.
Report this comment