«
»

Love Theory!

March 19th, 2012 3:00 pm by Awmtea Leo Khiangte

Pathian hmangaih te, nu leh pa, u leh nau leh ṭhianṭha hmangaihna lam thu kan sawi tum ber a ni lo. Nula leh tlangvâl inhmangaihna kawngah hian khawvêl mihringte hian hmangaih hi pakhat chauh kan nei thei! In awih lo ngei ang le…

“Love at first sight”: NO!!! I hmuh veleh i hmangaih ta niin i inhria maw? A ni lo. Chhia leh ṭha i lo hriat aṭang chiah khân i hmangaih chu a hmêl, a ṭawngkam, a nungchang, a pianzia, a hawiher leh a khawsak phung zawng zawngte kha i thinlungah a lo inṭan daih tawh! Chhia leh ṭha i hriat tirh aṭang khân hmangaih chu i lo nei daih tawh tihna a nih chu! Mahse i hre lo va, i hmu mai bawk hek lo. A chhan chu i thinlung chhûngrilah khân thuhrûkin a awm tlat alawm. Tichuan chutiang mi chu i han hmu thut mai a leh! Engtin nge i awm? Hmangaihnaah i luangliam a ni mai lo’m ni? Mahse dik tak chuan hmânah i lo hmangaih daih tawh, i hre lo mai mai zâwk a ni!

Inneih hnuah hmangaihna a piang chawp thei in ti maw? A ni lo. I lo duh chawp ve chu a ni thei e, i hmangaih chu mi pakhat chauh a ni. Chumi chu i têt lai aṭanga i thinlung chhûngrila lo inphûm ru, i hriat chhuah mai loh kha a ni. I haichhuak a, midangin a pâr mawi an thliahsak che a nih chuan thu hran. Hmangaih chu pakhat chauh i nei thei. A hmêl i hmuh chiah khân phawrh chhuahin a awm a, i hmangaih ta hle niin i inhria ang. Mahse i hmangaihna chu pakhat chauh a ni a, a tîr te aṭanga inṭanin i thih thleng pawhin i hmangaih reng bawk ang.

Similar Posts:

Recent Posts:

This entry was posted on Monday, March 19th, 2012 at 3:00 pm and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.

45 Responses to “Love Theory!”

  1. 1
    sheldon170 Says:
    March 19th, 2012 at 3:05 pm

    Hmangaihna kher hi chu a theory a zir thiam a har ngawt ang!

    Ka va first chiang tak…Hairehai

    Report this comment

  2. 2
    bk Says:
    March 19th, 2012 at 3:06 pm

    Awmna hmunin a zir loh chuan kan hmangaih chu kann hre lo reng mai ang a..?

    Report this comment

  3. 3
    TuaiSialA Says:
    March 19th, 2012 at 3:07 pm

    ^ I first chuang lo, ka pawm lo. :-P

    Report this comment

  4. 4
    sheldon170 Says:
    March 19th, 2012 at 3:08 pm

    @Tuaitea, chhiar hma in ka hmuh veleh ka comment, first kan tum mai mai khawp ah. Tunah kan lo chhiar tawh ang.

    Report this comment

  5. 5
    lamea25 Says:
    March 19th, 2012 at 3:09 pm

    Awmte ka va pawm ve. Mihring hi inmil anlo awm.. Internet atanga intawng, hlim taka awm zuita hriatchian deuh 4 ka nei

    Report this comment

  6. 6
    Jacka Pi Says:
    March 19th, 2012 at 3:12 pm

    A thupui ka hmuh atang ringawt khian chhiar chakin ka za zek zek a!

    Report this comment

  7. 7
    Dr Mahminga Sailo Says:
    March 19th, 2012 at 3:19 pm

    A va’n tawi fel ve… (Y)

    Mahse kei zawng, sawi tur ka hre lo, tawnhriat nei ho ka kian e… :-D

    Report this comment

  8. 8
    sheldon170 Says:
    March 19th, 2012 at 3:24 pm

    Kei chu ‘chawp chilh hmangaihna’ hi ka ring ve mang miahlo. Inhriatchianna atanga hmangaihna hi a lasting ka ring a, chutih rualin he thu hi dik ka ti bawk si – A relationship is not based on the length of time spent together, it is based on the foundation built togther.

    Report this comment

  9. 9
    vakul Says:
    March 19th, 2012 at 3:30 pm

    hrilhfiah dan chu platonic school of thought deuh tlata ka hriat chu; theory of form ngaihdan ang chuan ni ve thei tak a ni. ‘kha nula khan ka hmangaihna mu hle hle lai a rawn phih tho’ ti ila a inzul khawp ang, kan duh zawng kim tlang form kha a pre exist i tih pawn hnial a har ve tho.

    Report this comment

  10. 10
    badboy Says:
    March 19th, 2012 at 3:31 pm

    #8: engtik kum nge urlawk zan in ka thianpa chhas nau kuah thla ve tawp vawikhat inhmuhna ah ka hmangaih che kan ti mai chu a awih lo nang nang khawp mai :-D itla chawp emai.. minla tizui :-D

    Report this comment

  11. 11
    Dr John Says:
    March 19th, 2012 at 3:37 pm

    (Y)

    Report this comment

  12. 12
    Dr Mahminga Sailo Says:
    March 19th, 2012 at 3:38 pm

    Pi(?) Sheldon hian hmangaihna hi a hriatchian hmel vel tawp.. :-D

    Mimal a zir te, dinhmun a zir te, awmna hmun a zir te in mihring hmangaihna hi chu a piangin, a dal vel mai maiin ka hria… :-)
    @ badboy.. you are soooo bad.. :-P

    Report this comment

  13. 13
    sheldon170 Says:
    March 19th, 2012 at 3:43 pm

    @10, kha kha ni mai sin, tlachawp lutuk in hmangaihna a piang theilo. Mahse, helam hi a post tu sawitum tak ni pawn ka hrelo. A post tu thu laimu chu Vakul @9 khian a rawn chhang deuh berin ka hria. Hmangaihna chu hmangaihna ni tawp mai, pre-existence, sub-consciousness tih vel zawnga sawi chu buaithlak emai :-D

    Report this comment

  14. 14
    PKfanai Says:
    March 19th, 2012 at 3:48 pm

    badboy sawi khi a ril ru riau a nia. “Ka hmangaih che” tih sawi kan awlsam viau hi chuan, kan ti der/tak tak lo duh khawp mai. Rilru zawng zawnga hmangaih tak tak te hi chu, “Ka hmangaih che” han tih mai hi awl ai lo ang reng tak a ni” (a bik takin tleirawl laiin). Hmeichhe pangai deuh phei chuan an harsat lehzual.
    I hmangaih tak tak chu a chhiatna tur i duh thei tak tak lovang a, I rilruah nawhreh pumhlum hlauh tak tak theih ani tawh lo vang.

    Report this comment

  15. 15
    superpinqponq Says:
    March 19th, 2012 at 3:50 pm

    Khai aw :-O Keichu hmangaih hi ka lo ngah tawh khawp asin :-D Hairehai…
    Ngaihzawng ka neih ve tawh ho zingah tu ber kha nge ka hmangaih ber pawh ka hre tawhlo :-P:-P

    Report this comment

  16. 16
    CFL Says:
    March 19th, 2012 at 3:57 pm

    Pu PKfanai sawi hi ka thlâwp zawng tak a ni.@14.
    Ka hmangaih leh duh tak tak bulah hi chuan ka che lai vek zel. A bul hnaiah hi chuan ka buai zo vek zel mawle! ” Ka hmangaih che ” tih phei chu engtikah tak ngam ang i maw… Mi dang hnena lo sawi ve zut tawh pawh hi ka lai rût zel mai chu a ni tak si a. :-)

    Report this comment

  17. 17
    badboy Says:
    March 19th, 2012 at 3:58 pm

    #15: kei chu ka ngaihzawnte zing a kala hmangaih ber chuan pasal anei daih tawh. :-D

    Report this comment

  18. 18
    Jacka Pi Says:
    March 19th, 2012 at 4:06 pm

    Hmangaihna hi chu eng ang hmangaihna pawh ni se dam chhung a daih chuan a tawk tiu teu viau a ni lawm ni?? ;-) (L)(L)(L) kn love chuai chuai teh ang

    Report this comment

  19. 19
    aduhi Says:
    March 19th, 2012 at 4:19 pm

    Sau saal pehle mujhe tumse pyaar tha.
    Mujhe tumse pyaar tha aaj bhi hai

    lata mangeshkar ruuuih mai. ka la ngaithla biklo ka lehkhabu chhiarah a lo awm a.

    .. chuan… soulmates are made in heaven.

    Report this comment

  20. 20
    Dr Mahminga Sailo Says:
    March 19th, 2012 at 4:23 pm

    #17…badboy Ka sawi zak deuh a, i sawi takah chuan.. :-) Kei chu min hmangaihtu awm chhunin khiang min awihsan tawh thung… :-D Ka hmangaih ve tur hi ka zawng rei ta viau, ka la hmu zo rih lo… :-P

    Report this comment

  21. 21
    pepe Says:
    March 19th, 2012 at 4:45 pm

    Ka hriatthiam ve loh chi a ni e keizawng.

    Report this comment

  22. 22
    lamea25 Says:
    March 19th, 2012 at 5:03 pm

    Mizemil hi an awmve. Phone atang pawh hi inkawp awm chu a hriat(mize thupa an inbia nihloh chuan) ka thianpa hnai deuh te pawh phne ataga inchhar kha an innei tawh. Keipawh tu emaw kha phne atanga ka biak pawh, ph ataga in ngaizawng kanni, a hmain hmu tho mah ila kan inbelo. Kum 3 chuang kan inzui a, ka inchhirlo. Kan inmil tlat.. Ze thupa inbiak erawh a tlo lo thung

    Report this comment

  23. 23
    lamea25 Says:
    March 19th, 2012 at 5:05 pm

    Chuan “ka hmangaih che” tih hi zawng a har ani

    Report this comment

  24. 24
    VaiVa Says:
    March 19th, 2012 at 5:14 pm

    “Hmangaihna a awm lo; Krista hmangaihna chauh lo chu!” tia an lam mup mup pawh hian inkhawm an bang a mahni tanghma an hai leh tang tang mai a ni. Chutiang zelin a post-tupa sawi hmangaihna pawh hi tanghma sial tiah tiah tak a ni :P

    Report this comment

  25. 25
    Dr Mahminga Sailo Says:
    March 19th, 2012 at 5:24 pm

    Ka thianpa pakhat (Churachandpur a mi) nula bem ve pawh, a taka an inhmuh hma hauh vin phone-in an in bia a. Ka thianpa chuan, ‘min mangaih (hmangaih) em?’ a ti. Nula lahin, ‘i hmel hmuh hma hauhin engtinnge ka hmangaih che ka tih theih ang’ a ti si. Ka thianpa thin a rim,’mangaih (hmangaih) tih mai mai a har lo em mai a ti a’, a tihtauh san der… :-D

    Pu lamea25 … Phone leh facebook kaltlang hian nula duh ve deuh deuh (ang) a biak chu ka nei ve nual tawh (a chhia chhia hian, betu hi ka tawng ve zauh zel a), mahse hmangaih tur em em erawh ka la tawng miah lo. I vannei bik hle mai.. :-P

    Report this comment

  26. 26
    lr hlonchhing Says:
    March 19th, 2012 at 5:25 pm

    Vawikhat inhmuhnaa “Ka hmangaih che” ti thei ngawt, mipa pawh nise hmeichhia pawh nise;dawt an sawi chiang bal. An hmangaih lo, an duh a ni zawk.
    Hmangaihna chu duhna te ai chuan, ril tak a ni. Vawikhat hmuhnaa hmangaih ti a koh ngawt thei mihring hi ka hua mai a ni lo, ka ten.

    Report this comment

  27. 27
    Awmtea Khiangte Says:
    March 19th, 2012 at 5:29 pm

    “Hmangaihna” hi chu hriat thiam a harin a ril em2 a ni. Theory a ni a, a takah chuan a lo danglam daih thei bawk. A taka tawng tawh te sawi zui atan a tha khawp mai… :-)

    Report this comment

  28. 28
    Dr Mahminga Sailo Says:
    March 19th, 2012 at 5:33 pm

    Dik chiah ti raw post-tupa. Tawnhriat nei an inzep tlat si a. Tawnhriat nei maih lo kan pawt kan pawt ta ringawt a nih hi… :-D

    Hmel induhna leh tisa itna tam tak hi mi thenkhat chuan hmangaihna emaw an tih fo ka ring ve mai mai. Mi sawi ka hriat ve atang erawh chuan, hmangaihna hi piang chawp thei zawk niin ka hria. lr-a sawi ang khian, vawikhat hmuhnaa hmangaihna hi chu ka awih lo tawp.

    Report this comment

  29. 29
    sheldon170 Says:
    March 19th, 2012 at 5:46 pm

    Mahminga inla ‘inno’ lutuk hi chu ka va ringlo tak. A neih duah tawh ka ring tlat…haha

    Report this comment

  30. 30
    Chhakchhuak Says:
    March 19th, 2012 at 5:47 pm

    A dik duh hmel khawp mai a. Hmangaihna lampang thuziak ka chhiar tawh ah chuan ka la duh deuh ber… like like (Y)

    Report this comment

  31. 31
    Dr Mahminga Sailo Says:
    March 19th, 2012 at 5:55 pm

    @shledon.., tak tak a lawm. Tawnhriat miah si lo va, lo sawi ve duah hi ka inthlahrung a, mahse in sawi tha duh bawk si lo. Tlangval hun atan a tangkai dawn riau in ka hria a… :-D

    Report this comment

  32. 32
    lamea25 Says:
    March 19th, 2012 at 6:20 pm

    U sheldie, Dr.Mahminga maw, Nuthlawi kherhthluk zawhloh an inno ngailo;-)

    Report this comment

  33. 33
    lmdarkim Says:
    March 19th, 2012 at 6:36 pm

    #32 (Y)

    Report this comment

  34. 34
    Lamji Says:
    March 19th, 2012 at 6:40 pm

    Love at first size hi chu… :P :D Nakin ah chhiar ang.

    Report this comment

  35. 35
    sheldon170 Says:
    March 19th, 2012 at 7:35 pm

    @lamea25, mahminga chu ka rindan a dik chiah a nih chu :-D Hmangaihna te chu upat leh pat loh lam pawh niin ka hrelo. Tupawh hian kan puitlin hnu hian han luanliam zawih zawihna na tur hi chu zep lovah chuan kan tawn vek ka ring :-D

    Report this comment

  36. 36
    TuaiSialA Says:
    March 19th, 2012 at 7:56 pm

    Operation Love Theory, light at farstar.

    Report this comment

  37. 37
    Jacka Pi Says:
    March 19th, 2012 at 8:15 pm

    Love is not so much about emotion or feeling as it is about decision. You consciously or sub-consciously decide whom you chose to love. Hei hi keimahah chuan a dik ve tlat

    Report this comment

  38. 38
    Ramchhana Tlau Says:
    March 19th, 2012 at 8:16 pm

    #26 hian hre chiang ang.. chhangthawp nen a luhchilh anilawm ni?ha3 lu koki khup leh..ke… :-D

    Report this comment

  39. 39
    Awmtea Khiangte Says:
    March 19th, 2012 at 10:10 pm

    Ngaihdan hrang2 a awm thei ang. Keipawh ‘baibing love’ ziah tur ka la nei ania. Ngaihnawm leh viau maithei ni :-D

    Report this comment

  40. 40
    Dr Mahminga Sailo Says:
    March 19th, 2012 at 10:22 pm

    Nuthlawi hi an zei an ti ziah a(h), tlangval tak tak hunah ka zawng ve dawn chiang… :-P

    Ka thianpa thusawi kha a dik ka ti ber mai. “Mangaih chu mangaih a ni tawp mai“.. :-D

    Report this comment

  41. 41
    Fela_2oo6-Vet_22 Says:
    March 20th, 2012 at 1:27 am

    keizawng Eagles hla thu iangin ” I am thinking about the women(plural) who might love me i never knew”…ka la ti reng mai nih hi…haha

    40: “mangaih chu mangaih ani tawp mai” ti tu khi ka hria ania o…:)

    Report this comment

  42. 42
    roseparvul Says:
    March 20th, 2012 at 1:37 am

    (L) is just a potion which mother nature uses to prevent the extinction of species :p

    Report this comment

  43. 43
    mpa F Says:
    March 20th, 2012 at 3:21 am

    ‘ka hmangaih che’ hi chu ka la ti ngai lova, mahse mi in min hmangaih a ni tih thu hi chu min hrilh tu ka tawng ve nual tawh
    ‘Isua’n a hmangaih che’ tiin.

    Report this comment

  44. 44
    Lamji Says:
    March 20th, 2012 at 3:35 am

    Tlangval chhuah hlim atang ngaihdan mumal tak ka insiam a,hmeichhe pakhat chauh ka hmangaih anga ka hmangaihna pawh pakhat hnenah chauh ka hlan ang tiin. Ka nupui ngei mai hi alo ni ta ani. Ka hmangaihin ka inchhir lo veng2 thin khawp mai.

    Report this comment

  45. 45
    Awmtea Khiangte Says:
    March 20th, 2012 at 6:24 am

    #44 i ngaihdan chu a tha hle mai a, tih ve tur a nih hi. Ka tlangvel ve hunah chuan hmeichhia 1 chauh hmangaih ve tum ila tha ang

    Report this comment

Leave a Reply

You must be logged in to post a comment.