( Khawnge tun tum chu, mifel leh tumruh zawkte cho chhuah nan, ka nunkawng zawh tlem te kan tarlang te’ng. Khawngaih takin mahni infak tumnaah min ngaihsak lo hram ula; kan tawnhriat theuh i sawi liam liam ang u hmiang.)
Khawpui High Sikulah ka kal
Thingtlang mawngpingah pawh khaw daifema piang leh seilian ka ni. Kan chhungkua hian chhuan tur leh chapopui tur engmah kan nei law, kan nung ve tawk tawk a ni ber. Khuanu malsawmna zarah pawl sarih ka pass ve tak si ah chuan, High Sikul kal turin Lunglei khawpuiah, ka u nen inluaha kan khawsa dun ve naw naw a. Chhungte ngaiin lung a van leng thin tak.
Rs 200 man in kan luah
Kan in luah kha kan chhungkaw budget atan chuan a sang viau tho mai, mahse thingtlang naupang khawsak nan chuan a tawk ve viau tho. A lawilen lah a rem em em lo lehnghal; inneitu te bathlar ah luh ket ket a ngai a. Lei chhuat niin, a pawng leh khuar a awm thluah bawk. A luah man a tlawm na’ngin, pawisa faiin in luah man kan pe ngailo. In neitute huanah Ka pa a inhlawh thin a, a ni hnih hlawh kan ring mai thin.
Eirawngbawl nan mei chhem phal a ni lo, thingtlang naupang tan harsatna a intan nghal. Tin heti hi a ni a, chawlhkar khat kan luah hnu chuan, min luahpuitu te zanah an che tan. Zing kan han tho chu, an duhna berah kua lo hreuhin leivung an lo chhek vum thur a! A theih ang anga sazu kaw hreuh kan hnawh hnu ah, a lenglo lei vung chu kan paih mai thin.
Fur laia eirawngbawl ber kher kha
Inchhungah mei kan chhem thei lo, kah alh tur lah kan nei zo si lo. Pawnah meichhemna inte kan nei a. Khua a that chuan eirawngbawl a har lem lo. Chaw chhum, alu kan leh dal hang chum a ni mai a. Mahse, ruah sur hnuaia alu-kan vil kha a ninawm ve thin khawp mai.
Ka nin leh ber thin chu, tlai sikul bana buhthlei sa awm lo, vaibuh thlei chawp kha. Tin, Inrinnia inchung nula te buhthleipui a, buhfai bag khat buhhum ka thenfaipui thin pawh kha a nuam tehchiam ngai lo. Kawng leh mit a kham duh, mahse ka tih a tul si.
Rs. 5 ka dah e…
Ka pa hi thingtlang pa, nitin inhlawhna zawng thin, thawh thiam bik nei lem lo a ni. Ka pa’n inhlawhna tur a hmuh loh beidawn hnu a kan venga (thingtlang) a haw ni a, ‘Mampui Rs. 5 bak hnutchhiah tur che u ka nei lo, alu leh dal chu Nu Mambawihi dawrah lo ba mai r’u’ a tih thin kha; tun hnu a pawisa ka duh khawp loh lai hian ka hrechhuak fo thin. Mahse, sum leh pai harsa em em mah ila, Pathian zarah kan nghei ngai lo va, kut em ka dawh ngai bik lo.
Bialnu i nei em?
Engtinnge khatianga khawsak harsa chung khan, khawpui nula ka chhai ve ngam ang le. Intihtlangval tan hunlai a ni a, hmel duh ve deuh te chu ka nei ve ngei a lom. Tin, Pathian zarah mahni pawla lehkha thiam thei pawl nih kha chuan thian thenkhat (nula-tleirawl) kan ina min pan duh tawk an awm ve zauh thin. Kan dinhmun ka zahpui ni lem lo vin, kan inluah a chhiat em vang zawkin a theih chin chinah, min zawh duh leh mamawh chu sikul banah ka tihpui hram hram thin.
Samari mi tha
Kan rethei, mahse ka pa hi Pathian ring bur mi a ni thung. Hnathawk miah lo va Pathian thu sawia a nilen chang a awm, mahse Pathianin kan nitin eikhawp chu min pe ve zel tho. Sikul kan luhna zirtirtu fel leh min duhsak em em tu te, kan admission fee min tumsaktu te kan tawng fo thin. Pawl sawm ka zir kum phei chuan, a thlawn vekin kum khat chhung hostel-ah min awm tir! Sawi sen a ni lo. Heng malsawmna ka tana chhiarsen loh, a mi te kaltlanga min pe tu Pathian hi ka tan a thatzia hi ka hril seng lo.
Nikhatah Rs 2, a changin Rs. 4
High Sikul ka zawhin, BHSS Serkawn ka kal a tul ta. Bus-a kal a ngaih changin bus fare Rs. 2 emaw, a changin Rs 4 ka pai thin. Ka thianpa nena kan inhriat hma chuan, chhun chawlhna ka neih loh avangin library-ah ka awm tluan mai thin. Mahse, Pathianin thian tha tak min pe a, man chawi miah lo vin kum khat leh a chanve dawn chu ka thianpa te inah thingpui ka in thin. Mi te han thatzia hi chu aw. Tin, a chang chuan bus-a kal ngai lo vin ka thianpa rualin Scooter-a ka haw chang a awm bawk thin. Chu’ng niah chuan busfare Rs 2 ka save thin.
Rawlthar thil ei duh lai a ni bawk nen, ril a tam thin teh a nia. Tlai banah Serkawn atanga kan veng ke ngata ka thlen hi chuan chawhmeh tui dang ka ngai lo, chaw leh dal a awm chuan ka puar khawp chu ka ei thei mai thin. Pum erawhin a tuar, pumpui ulcer ka nei ta thuai a. Chaw leh vitamin ei ringawt pawh hi pumpui hian a ngeih bik miah lo tih ka hriat phah!
Phur thuta chhunzawm atan…
Similar Posts:
- Hmeltha-i Kha
- Ka inpuanna!
- Nunkawng bumboh, nun tihlimtu ni si te! (chhunzawmna)
- Kan Sikul
- Ka Pa (Father’s Day pualin)
March 22nd, 2012 at 3:51 pm
Phek thar hawng ang u
Report this comment
March 22nd, 2012 at 3:53 pm
#100
Report this comment
March 22nd, 2012 at 3:54 pm
@littlerascal … Ka cho chhuah che u avangin ka lawm tak zet.. Cho chhuah man in awm teh e..(Y)
Nia, pa ka la nei a, kan inbe zing khawp mai. Nikum thawkkhat lai phei kha chuan inrinni zing dar 3-ah ka mut chang a awm a (hna eng eng emaw ka neih thin avangin). Ka pa zing tho khawhar hian dar 5:30-ah te min rawn be thin si a. Ka mu leh thei tawh thin si lo. Ka chhung te’n an lo khap ti tih a…
Nu leh pa te lo hlutzia tak hi aww…
Report this comment
March 22nd, 2012 at 4:11 pm
@96 Tehreng mumang te hi lo ni anga kan harh hlol ang tih ka hlau fo thin,mite tan eng teh ual nilo mahse ka dinhmun atang kha chuan van a rah ang a ni ve tlat,keipawh ka ti thin kanu kha la dam se chuan vawikhat chauh tal a duh ber han tihsak ka va han chak thin em,mumang a ka hmuh chang te hian nileng in ka ngui thin,ka ngai thin khawp mai,tun ah hi chuan nu neih a ni ka chak ber fo thin,sawi tur ka van ngah tawh tak em kanu bulah hian
Report this comment
March 22nd, 2012 at 4:12 pm
OT lawks ang. Vawiin Northeast Games-ah Mizoram kan cheṭha kher mai! Result update en duh tan CLICK
Report this comment
March 22nd, 2012 at 4:17 pm
Post tha tak a ni, han chhunzawm zel la maw le !
Report this comment
March 22nd, 2012 at 4:22 pm
Ka pa hi officer a ni a, mahse an retheih thin zia, mau tuah engah leh herhse rah hal engah lehkha an zir thin thu a sawi thin a….! Mahse tunlaiah pawh harsa taka lehkha zir an awm hriat hian khawvel hi chu aw tih vawng vawngna tham a ni.
Rawtna
: misual.commer te hian zirlai harsa zual lehkha thiam thei si tanpui ngai leh tanpui tlak han thawh khawm ila, mahni phal tawkin pui ta i la ?
Report this comment
March 22nd, 2012 at 4:25 pm
#107 na rawtna ka thlawp e
Report this comment
March 22nd, 2012 at 4:27 pm
@ rfahauhnar.. Rawtna tha tak a ni, ka thlawp e. Vawi khatah mi pahnih-khat kan tanpui theih pawn a tha lutuk hrim hrim. In duh phawt chuan ka inring e…
#105… A va’n lawmawm ve. Infiammi te’n tan han la sauh sauh teh se…
Report this comment
March 22nd, 2012 at 6:13 pm
Ehe.. Mahminga hian he thil a post hi a va the eee.. Rawtna tha tak a lo awm phah a, kei pawh tha ka ti em em e.
Report this comment
March 22nd, 2012 at 6:20 pm
#107 Zirlai harsa zual lehkha thiam thei si chu engtin nge kan hriat theih zung zung ang? Lehkha thiam thei lo deuh zirlai harsa chu an va vanduai awm bik ve!
Report this comment
March 22nd, 2012 at 6:26 pm
TS nangmah kha in tinah kal kual te mai che!!: Fiamthu!
Hlawhtling thlenga tha taka zir peih tur a pawimawh in ka hria e..
Report this comment
March 22nd, 2012 at 7:11 pm
@ mamboihi.. Nia, ka beisei phak bak a ni. A lawmawm khawp mai.
Tanpui tur thlanah in strict deuh em aw? Ka ti.. An zirlai man kan tum sak emaw, exam fee kan tum sak ngawt pawh a hlu ka ti asin. An hlawhtlin leh tlin loh chu chunglam thu, tanpui thei kan ni kha a hlu em em in ka hria..
Report this comment
March 22nd, 2012 at 7:35 pm
Ih..Admission fee te pawh kan lo tum sak theih chuan a tha dawn e… Misual ho hi charity kan theih ang ang in uar tel ila, chuan he site hi a hlawk lehzual tihna!…
Report this comment
March 22nd, 2012 at 8:42 pm
#107 rawtna ka thlawp e,han zawng chhhuak ula,tlemazawng kan lo chawk ve theih mahna
Report this comment
March 23rd, 2012 at 11:03 am
He post chu ka pa chanchin mi ngaihtuah chhuah tir chiang hle mai.
Ka pa kha kum 5 mi a nih in a nu leh pa in an thihsan a, pian pui unau dik tak nei lo, fahrah niin Nausel atangin Aizawlah chhungte pakhat mah nei loin a rawn chhuk thla ve rawih, “Vanlaia tla” tiin tumah in ka ui ka ar an ti ngai lo. Kum 8 mi a nihin tumah chawm tu tur nei ve hek lo, mahni a in chawm in Sipai bel nawt ah atanga, Lehkha pawh a zir sang lo chiang khawp mai. Ka pa sawi danin “Hrehawmna leh Retheihna na hi tawrh loh pawh ka nei lo” a ti thin, mahse kut them thiam mi (Born Mechanic) leh mi tum ruh em em mai, Pathian tih mi lutuk a lo ni hlauh a, a nupui fanau te chu ti hian mi nuih rual a nui ve in min awm tir thei a ni.
=====
Hetiang a thawhrimna vanga rawn ding chhuak, mahni ke a ding thei ngat chan chin chhiar hi ngaihnawm ka tih leh ka mi ngaihsan ber te an ni thin.
Report this comment