*Rocker ropui leh hlawhtling, Black Sabbath hotupa ni ṭhin, Ozzy Osbourne hi mi hriat a hlawh hmain sa talhna hmunah a inhlawh ṭhin.
*King of Rock n Roll an tih hial, Elvis Presley pawh a lar hma chuan truck driver mai a ni ṭhin.
*Lemchangtu lar leh hlawhtling, khawvel hmeichhiate star rawn luai luai, Brad Pitt pawh hi a lar hmain nipui laia lungalhthei laihchhuahna khura warning sign petu-ah a tang ṭhin.
*The Beatles member leh an hlaphuahtu pakhat, Sir Paul McCartney pawh a lar hma chuan dawr hran hranah kal kualin bungrua a sem ṭhin.
*Rapper lar ber pawl ni mek, R. Kelly pawh hi mi hriat a hlawh hmain kawng sirah zaiin a inhlawh ṭhin.
*Zaithiam lar, Sir Elton John pawh hian a lar hmain Mills Music tichhuaktute in tur thingpui a semsak ṭhin.
*Zaithiam hmingthang, Ronan Keating pawh kha a naupan laiin a zaithiam loh em avangin an sikul choir aṭangin an bàn daih.
*Khawvela basketballer ropui bera chhal ngam, Michael Jordan pawh hi High School a kal laiin an basketball team aṭangin an bàn daih.
*British Prime Minister hmingthang, Sir Winston Churchill pawh kha khawvela University hmingthang ber ber pahnih, Oxford University leh Cambridge University-te chuan ‘thu thiam lo’ tiin an lo hnawtchhuak tawh.
*American lemziak thiam hmingthang, James Whistler pawh Wesat Point-a lehkha a zir lai chuan chemistry-a a fail avangin an hnawtchhuak daih.
*Kum 1905 khan physics zirlai, Albert Einstein-a lehkha ziah chu University of Bern chuan, ‘Awihawm loh leh suangtuahna mai mai’ tiin an lo hnawlsak daih tawh.
*Sakhaw lama a ngaihdan a danglam em avangin John Bunyan chu Bedford taninah an khung a. Tanina a awm laiin Bible tih lohva khawvela kristian lehkhabu hralh hnem ber ‘Kristian Vanram Kawngzawh’ (The Pilgrim’s Progress) chu a ziak chhuak ta a ni.
*Novel lar tak, Ironweed pawh hi chhuah a nih hmain vawi 13 lai chhuah ngam lohva hnawl a ni tawh. A ziaktu, William Kennedy chuan a thuziah sa tam tak a khawl hman a, mahse, Ironweed lar hma chuan tuma’n a thuziak an chhuahsak duh lo a ni.
*Dr. Seuss-a’n naupang thawnthu a buatsaih, And To Think That I Saw It On Mulberry Street chu press 27 ngawtin an chhuahsak duh lo. A 28-na, Vanguard Press chuan an chhutsak hram a, a chhuah hnu rei lo te-ah copy maktaduai 6 lai an hralhchhuak nghal a ni.
*Lehkhabu ziaktu ropui, Dale Carnegie pawh khan kum 12 a nih hmain vawikhatmah car a hmu lo. Mahse, kum 46 mi a nih meuh chuan a hming hre lo an awm tawh lo.
*Editor hmingthang, Edward Bok chu Dutch naupang rethei tak, sikul kalna tur pawisa pawh nei zo lova inhlawhfa mai mai a ni ṭhin a, office tirhkahah ṭangin kar khatah cheng 6 a hlawh ṭhin.
*Kum 1802 khan Atlantic Monthly chanchinbu-a an poetry editor chuan tlangval kum 28 mi, Robert Frost-a’n a poetry ziah chhuahsak tura a ngenna chu thawnkirin, “Kan chanchinbu phekah hian thu rorum lutuk tan hmun a awm lo ve,” tiin a ziak a ni.
*Kum 1889 khan Rudyard Kipling chuan San Francisco Examiner chanchinbu aṭangin, “Ka pu, sapṭawng i thiam hlawl lo niin kan hria a, a pawi kan ti khawp mai,” tih thu a dawng.
*German tennis star, Boris Becker pawh hi tennis a khelh tirh chuan a thau avangin a ṭhiante’n fiamthu thawh nan an hmang ṭhin. Mahse, kum 17 mi a rawn nih chuan Wimbledon Tennis-a mipa champion thei naupangber a rawn ni ta.
*Khawvel mi hausa hmingthang, Andrew Carnegie pawh khan a tirah chuan darkar khata siki hlawhin hna a thawk ṭhin.
*Mitdawivaih thiam hmingthang, Howard Thurston pawh hi a naupan lai chuan sikul a kal mumal ngai lo va, mi bawng chaw dahkhawmnaah a riak vel mai mai ṭhin.
*General Motors-a Vice President ni ṭhin, motor amaha intihnun chawpna (self starter) siamchhuaktu, Charles Kettering pawh hi mi rethei tak, mi pawisa pûk chawp reng renga khawsa ṭhin a ni.
*NFL-a running back ni ṭhin, Herschel Walker pawh hi Junior High School a kal lai chuan football khelh a duh ṭhin a, mahse, an coach chuan, “I patê lutuk” tiin a lo hnawl ṭhin. Mahse, beidawng lova a inzir ṭang ṭangin kum rei lo te hnuah Heisman Trophy a dawng ta hial mai.
*Thu leh hla thiam hmingthang, John Milton pawh kha mitdel a ni.
*Concert violinist hmingthang, Itzhak Perlman kha a ngawng achin hnuai lam chu a zeng vek.
*Cartoonist leh humorist lar, James Thurber pawh kha mit ṭha lo a ni.
*Cambridge University-a lecturer leh theoretical physicist ni bawk, lehkhabu lar tak A Brief History of Time ziaktu, Stephen Hawking kha Lou Gehrigs Disease (zeng chi khat) natna vei a ni.
*Lemchangthiam hmingthang, James Earl Jones kha kum 6-14 mi a nih lain beidawnthlak khawpin a dang a awk ṭhin. Tunah chuan khawvela lemchangthiam hlawhtling berte zinga mi a ni der tawh.
*Olympic Games-a decathlon champion lo ni tawh, Rafer Johnson pawh kha kelek saa piang a ni.
Mi tumruh leh beidawng ngai lo, hlawhtlin hmaa bei ṭang wang whin mi tam tak an la awm. Thil theih loh hi a lo awm lo a ni.
Similar Posts:
- JAZZ UP AIZAWL CONCERT
- Mizo pa lârte lai-ah hming-II
- Hlawhchham hi Hlawhtlinna {Failure is Success}
- Mizo pa lârte lai-ah hming
- Selesih mi bîk te
March 23rd, 2012 at 9:14 pm
Phek thar hawng ila!!
Report this comment
March 23rd, 2012 at 9:19 pm
Tuaite, i sawichhuah takah chuan Stephen King lehkhabu hi chhiar a nuam vek.
Report this comment
March 23rd, 2012 at 9:20 pm
Aw…. a pawl thep thep hi link a lo ni maw…kei hnaisailova hi aw!!! Kan chhiar liampuat bawk atin ni
Report this comment
March 23rd, 2012 at 9:26 pm
Mi hausa hmingthang Warren Buffett pawh hian a hausak hma chuan The Washington Post newspaper a sem ṭhin a. Mi inah kal kualin Coca-Cola leh chewing gum a zuar kual ṭhin a ni.
Report this comment
March 23rd, 2012 at 9:26 pm
Kei zawng ka pian ni atanga tun thleng hi ”ka lar hma” a la ni vek mai…!!!
Report this comment
March 23rd, 2012 at 9:36 pm
*Rapper lar ber pawl ni mek, R. Kelly pawh hi mi hriat a hlawh hmain kawng sirah zaiin a inhlawh ṭhin* – A zaithiam tehreng nen…
Report this comment
March 23rd, 2012 at 9:37 pm
@Sheldie, rapper hriatin ka lo hre hmaks mai asin…hahaha
Report this comment
March 23rd, 2012 at 9:40 pm
Pakak pawhin Bei la, bei nawn rawh tiin eng emaw zat chu a lo post tawh a nih hi. A inang a mual mual chu a awm e.
Report this comment
March 23rd, 2012 at 9:54 pm
@Laltuai, a hmel en in a rap ve zuah zuah hmel bawk ani
Report this comment
March 23rd, 2012 at 9:56 pm
1. Bill Gates- Harvard University dropped-out a ni.
2. Donald Trump- Kum 1990 khan khawvela leiba ngah ber a ni, a dinchhuah an ring lo.
3. Henry Ford- Ford Motor Company a din hma hian, a company chu vawi 5 a tlachhia.
4. Soichiro Honda- Toyota Company in an ruai duh lova, Honda Company hi a din.
5. Akio Morita- Sony Corporation a din tirh chuan kum 1 chhungin Electric Rice Cooker 100 chiah an hralh, tunah chuan kum 1-ah US dollar 66 Billion a la lut tawh!
6. Ludwig Van Beethoven- Music teacher-in “Hopeless” tiin Music a zirtir duh lo.
7. Harrison Ford- Film Director-in “Engtikah mah Movie star i ni ngai lovang” a ti.
8. Walt Disney- Local Newspaper-a cartoonist atan pawh an duhlo, “Lacked imagination & had no good idea” an lo ti tawp!
9. Charlie Chaplin- Hollywood-in, film chan a dil chu thiam lo an ti a, vawi engemaw zat an hnawl.
10. Orville & Wilbur Wright- Chhungkaw hlim lo tak leh chhungkaw entawntlak lem loh atanga seilian an ni.
11. Oprah Winfrey- TV reporter atana a dilna chu, “Unfit for TV reporter” tiin an hnawl.
12. Charles Darwin- A nu & pa leh zirtirtuten “Mi thatchhia leh beisei bo” an ti.
13. Winston Churchill- Pawl 6 a failed a, Kum 62 mi a nih-in Prime Minister a ni.
14. Thomas Edison- Light-bulb a hmuhchhuah hma hian, a Experiment 9000 te chu a failed vek!
15. Isaac Newton- Class-ah a thiam thei lo ber zel a ni thin.
16. Steven Spielberg- Junior H/S dropped out a ni. Disabled-class ah an dah leh a, a dropped out leh! University of Southern California School of Theater-in vawi 3 an hnawl.
17. Abraham Lincoln- A lehkha zir chhung zawng zawng belh-khawm kum 5 pawh a tling lo. Inthlan-ah vawi 6 a tla! Thil lian tham tak takah vawi 12 a hlawhchham! Atawp atawpah US President 16-na atan thlan tlin a ni.
Donald Trump sawi hi a pui khawp mai, “I refused to give in to the negative circumstances and I never lost faith in myself. Defeat is not in my vocabulary”
Report this comment
March 23rd, 2012 at 9:59 pm
keipawh Nupui ka neihhma chuan nau ka paw ngai bik lo….
Report this comment
March 23rd, 2012 at 10:01 pm
@Dr John: A va han ṭha tehlul em! I lehkhabu chu i tihchhuah hunah ka lei chiang khawp ang.
Sean Connery pawh hian a lar hmain bawnghnute a sem ṭhin.
Report this comment
March 23rd, 2012 at 10:15 pm
Rawn thawh belh zel ula..
Report this comment
March 23rd, 2012 at 10:18 pm
Dr John, lehkhabu pakhat, ‘we got fired…and its the best thing that ever happend to us’ pawh hi tha tak a ni. mi ropui tak tak…. khawvel company lian thama top excecutives te, an hna atanga an ban tawl hnua an rawn in vawrh chhoh dan vel collection. Lo chhiar ve rawh. Hna atanga ban nih kher loh pawn a motivating lutuk ringawt. Steve Jobs, Donlah Trump te pawh hi an lo ban ve tawh thin a ni awm e.
https://www.goodreads.com/book/.....-got-fired
Report this comment
March 23rd, 2012 at 10:32 pm
Harrison Ford pawh hi a lar hma chuan mistiri a ni.
Eva Mendes pawh hian a lar hmain bazar-ah ui a zuar ṭhin.
Matthew McConaughey pawh hi a lar hma chuan ar in tifaitu a ni.
Report this comment
March 23rd, 2012 at 10:34 pm
#64 blackmagicwoman, Thank you so much, ka Collection List-ah ka telh nghal Hmaks e.
#62 Tuaite, Advance-in ‘Thank You’
Mahni ‘Nunkawng Chhuk-chho’ dik tak, mi zir-chhawn ve theih tura tlangzarh ngam silo, midangte hlawhtlinna leh chhelna lawmpui em em, an chanchin pawh tuipui em em, collect chiam thin, Keimah ang mi ningnel hi hringfa zingah awm ve tak ang maw?
Report this comment
March 23rd, 2012 at 10:36 pm
@Dr John, kei paw’n ka collect ṭhin alawm!
Rapper lar P. Diddy pawh a lar hma chuan inthiarna tifaitu a ni.
Clint Eastwood pawh hian a lar hmain pool a enkawl ṭhin. Kângṭhelhtu a ni ṭhin bawk.
Julia Roberts pawh a lar hmain ice-cream dawr nghakin a inhlawh ṭhin.
Report this comment
March 23rd, 2012 at 10:42 pm
Baseball team lar tak New York Yankees neitu pakhat George Steinbrenner pawh hi a hlawhtlin hmain mi rethei tak a ni. Ar a vulh a, an ṭhenawm velah artui a zuar ṭhin a, kar khatah dollar tlem te a hlawh ṭhin.
Report this comment
March 23rd, 2012 at 11:05 pm
I post tha lutuk e tuaite…
Kei zawng Dale Carnegie khian min hneh berrr mai. A lehkhabu How to win friends and influence people phei chu ka chhiar kham lo.
Hetiang miropuite chanchin chhiar hian mi a ti chak thin…
Report this comment
March 23rd, 2012 at 11:06 pm
A post tu pawh hi a naysen lai chuan fiamthu a thiam lo! a tah belh hle
Report this comment
March 23rd, 2012 at 11:07 pm
@Dr. john ,@tuaisiala leh a post tupe.. u’ve motivated me lots.
Report this comment
March 23rd, 2012 at 11:11 pm
Pa rothap TuaiSialA pawh hi Matric a pass hnua B.A zir thei chauh a ni ve tlat….
Report this comment
March 23rd, 2012 at 11:24 pm
Good post.
Report this comment
March 24th, 2012 at 1:30 am
miropui tak tak te poh hi an ropui hma chuan an ropui lo
Report this comment
March 24th, 2012 at 1:34 am
va tha ve. hetiang hi lak fuh loh erawh chuan ho tak a ni. Einstein kha a fail ve tlat…scientist ropui ni tur chuan fail a ngai.
i taima hle mai.
Report this comment
March 24th, 2012 at 1:46 am
Hetiang lampang sawi hi chuan Hitler pawh kha…landscape artist hlawhchham khan mipui million a control thei nia..the power that created must have been stong. lol
Report this comment
March 24th, 2012 at 1:47 am
Hetiang lampang sawi hi chuan Hitler pawh kha…landscape artist hlawhchham khan mipui million a control thei nia..the power that created must have been strong. lol
Report this comment
March 24th, 2012 at 1:50 am
#75 Haha..
@fonz, Hitlera chanchin, a bu-a an siam hi ka chhiar tawh a, a ngaihnawm khawp mai. Mi rethei leh harsa, inhlawhfa chawp ve tho a ni a, a thih ni thlenga a hmangaihna thawnthu pawh a sawi tham khawp mai.
Report this comment
March 24th, 2012 at 2:01 am
Report this comment
March 24th, 2012 at 2:02 am
*the power that created him must have been strong .
Tsa. Eng lekhabu ber? a chanchin ziahna hi tam lutuk a,
Report this comment
March 24th, 2012 at 8:02 am
ehe ka va hmu tlai ve damloh vang vek
chhiar ang
Report this comment
March 24th, 2012 at 8:07 am
Hollywood star lartak Charles Bronson pawh kha a lar hma chuan lungalh thei khura inhlawhfa thin, thawmhnaw hak tur pawh neilo ‘farnu’ te kawr ha thin a nih kha maw le…
Shillong Rockstar lar ve tak, Lou Sohtun pawh kha Bazarah Balhla te em in a phur thin….an ti. A lar viau hnu pawh khan Balhla phurh kha ala ching tho ni awm tak a ni…NE vel atang hi chuan ‘Crore patti’ nih a har deuh a niang.
Report this comment
March 24th, 2012 at 9:17 am
Napoleon Bonaparte pawn a ti a lawm “The word impossible is found in the dictionary of the fools”.Very very inspiring and challenging post.
Report this comment
March 24th, 2012 at 9:52 am
Theihloh engemaw chu a awm a ni. Theihloh tih avanga beidawn ringawt lo a, kawngdang atanga kawng zawng aan awm.Mi tumruh hrim hrim an awm, talent leh vanneihna nei leh hmu an awm. Vanneihna hmu thiamlo an awm bawk. Paws tha tak a ni..
Report this comment
March 24th, 2012 at 12:04 pm
Kumin-a Padma Shree wardee Dr RL Thanmawia min ti hrechhuak, i post hian.
Tha hlawm khawp mai.
Report this comment
March 24th, 2012 at 9:03 pm
Rapper lar ber pawl ni mek, R. Kelly pawh…rapper a ni em ni?
Report this comment
March 24th, 2012 at 9:08 pm
@darkhuanga, mi 3-in in sawi ta!
Report this comment
March 24th, 2012 at 9:15 pm
khawnge source
Report this comment
March 24th, 2012 at 9:19 pm
Mi ropui leh hmingthang ****** thiam em em tuaisiala pawh hi a lar hma chuan misual.com ah article free takin a post thin :fiamthu:
Report this comment
March 24th, 2012 at 11:26 pm
@zualbonez: Source chu HEI!
Report this comment
March 24th, 2012 at 11:33 pm
A lan danah chuan Tuaisiala hian zualbonez lo lan hi a nghak ngat ngat a ang tlat mai…
Report this comment
March 24th, 2012 at 11:40 pm
Hahaha… Ka lo lan hun a lo chang a ang ve tlat tho.
Report this comment