Zorama te thiandun chu an lo titi a, a thianpa chuan, “Thiana, ram leh hnam humhalh kan tih hian ei leh bar a intodelh hi kan sawi fo mai a; engnge i ngaihdan?,” a ti a. Zova chuan, “US President Abraham Lincoln-a khan Jan 1, 1863 khan mihang nuai 40 chuang sal atanga an chhuah thu a puang a, mihang ho chu lawmin kawtthlerah nilengin an lâm a, an au dur dur a, tlailam a rawn ni a, an ril a lo tam a; lawina tur in leh lo, leh eitur nei lo tam tak chuan an pu te inah bawk an kir leh asin,” a ti a.
A thianpa chuan, “Eng i sawi tumna nge ni a?” a ti a. Zova chuan, “Ram leh hnam humhalhnaah hnam zalenna humhalh hi thil pawimawh hmasa ber a ni. Zalenna kan hloh chuan mahni ram humhalh te, hnamzia leh chindan humhalh leh chhawmnun te, hnam inpumkhat tura hmalak te, hnam hamthatna tura hmalak te hi thil harsa tak a ni tawh thin.
Chuvangin, hnam zalen nan lu chhum banchhum chu sawi loh kan nunna hial pawh kan thap ngam anih kha,” “Mahse, ei leh bara kan intodelh chuan si loh chuan pawn lam atanga min runtute lakah kan inhumhim thei lovang. Engmah thawhchhuah nei si lova kan lo khauphâr thawven ringawt hian hnam zahawm kan ni tak tak thei lova, a huaisen tak tak thei lo bawk. Ram leh hnam humhalh phei chu hla tak a ni. Chawmhlawm ni siin intihuaisen kan awm a nih pawhin, huaisen vang ni lovin mawl vang leh sualnain nun a khalh kal vang a ni chawk,” a ti a.
Zova thianpa chu a ngawi vang vang a, a rilru te tein, “Zova’n ram leh hnam humhalh turah zalenna a pawimawh ber a tih hi a ni tak tak ang em? Ni ta lo se, engnge ni ta ang? Pawn lama min runtute a tih hi engte nge ni ang? Mawl vang leh sual vangin, mi a huaisen thei reng em?,” a ti a. A tawpah chuan, “Hm..ka thian misualvin sawiho se a fiah kuarin ka ring a ni..,” a ti ta a.
Similar Posts:
- Mizote hi hnam dawih kan ni (?)
- Pipu sulhnu i humhalh ang u
- India in Zalenna a sual
- Hnam mawl zia!
- Taliban zingah ‘ Israel hnam bo’ an awm em ni?
March 23rd, 2012 at 11:36 am
First ka hauh!
Report this comment
March 23rd, 2012 at 11:54 am
Report this comment
March 23rd, 2012 at 11:56 am
I post chu a ṭha hle mai. Dr John comment hi ka ṭawm e. Dr John, mi comment kêp avangin ka lawm e.
Report this comment
March 23rd, 2012 at 12:55 pm
Report this comment
March 23rd, 2012 at 1:42 pm
Ritam chungin a huai theih loh…bagha vaichhe ho kan tih pawh hi kan kawtkai ah bak kan ngam tak tak theilo chu a nih hi maw..dawn atisei khawp mai.. Post tha e..
Report this comment
March 23rd, 2012 at 2:46 pm
Hmm, thluak nei tha deuh ho khan an sawi zel teh u, a dangin kan lo chang e.
Report this comment
March 23rd, 2012 at 4:55 pm
Ram leh Hnam humhalh nan a Zalenna a pawimawh ber han tih ngawt dawn chu a va mak teh daih. A zalen thu ah chuan kan zalen teh ani lawm ni ka ti deuh. Ram Economy hi a pawimawh ber in kei ka hria. Enge in ngaih ve dan le??
Report this comment
March 23rd, 2012 at 5:49 pm
Kan in mamawh tawn theuh a,mahse rilru a zalen loh chuan…
Report this comment
March 23rd, 2012 at 11:19 pm
Hei chu Synod Newsletter-a Ral Vengtu Huang mi tihrechhuak zawk mai a. Good post.
Huaisen tur chuan ei leh bara kan intodelh hi a ngai rêng a ni.
Report this comment
March 24th, 2012 at 12:50 am
Ka man ve tlat lo mai, post-tupa sawi tum hi! ka thluak hi a function chiang tawh lo emawni!
Negro sal ho nen Mizo te hi min tehkhin em ni? Nge Mizote hian hmasawn tur in zalenna kan nei lo?
Engpawhnise, post ril tak anih hmel khawp mai
Report this comment