«
»

Mizo Hnam Ṭobul

April 26th, 2012 10:53 am by Awmtea Leo Khiangte

Mizo lo chhuahna bul chu Mongolian thlah Tibeto-Burman aṭangin a ni a, China leh Tibet ramahte an awm a, Tibet-a an awmlai hian Mizova a lo piang ta a ni. A unaute chu Mirua leh Marua-te an ni. Awmhmun nghet teh chiam an nei lo va, Burma ramahte pawh an lo awm tawh a, chumi hnuah Chinzua (Chen-Yuan)-ah an lo awm ta ni berin a lang. Kum tam tak hnuah Sakai (Irrawaddy) lui kânin Aupataung-ah kum A.D. 1000 vêl khân an lo awm ta a. Heta an awm laia Mizova thlahte zínga lal pakhat chu a hming Chhìnglunga a ni a, chuvàngin ‘Chhìnglung khua’ tih a ni ṭhin a, tûnah chuan ‘Chhìnlung’ tih a lo ni ta.

Chhìnlungah chuan kum rei tak an awm a. Mizova thlahte pawh an pung tam ta hle a. Chhìnlunga chuan Thlahpa a hring a, Thlahpa chuan Duhliana, Taichênga leh Hrûmtunga a hring leh a. Duhlian ho chuan Mizova ṭawng pianpui chu an chhawm ta zêl a, chu chu vawiin thlenga Lusei ṭawng, Mizo tawng kan tih tâk hi a ni. Thlahpa fate pathum Duhliana, Taichênga leh Hrûmtunga te hi Mizo hnam hlâwm hrang lian pui pui pathuma ṭhenna bul an lo ni a ta a ni.

Mizova thlahte chuan Chhìnlung chu chhuahsanin Rún leh Chindwin infinna Rúnkhâwm (Kalewa)-ah an lo insawn leh ta a. Rúnkhâwma an awm tirh lai hi A.D. 1200 vêl niin an ring. Rúnkhâwm aṭang hian hnam hlâwm hrang lian leh tê te pawh an lo darh ta a ni. Chûng hnamte chu Chhìnlunga an lo awm hma leh awm hnu leh Rúnkhâwma an lo awm laia lo pêng chhuakte an ni hlawm. An za chuan mahni zâwn ṭheuhvah thlang lo tlain Mizoram leh a chheh vêlah an lo darh ta a ni. Chûngte chu an zain Mizova thlah, Chhìnlung chhuak an ni ṭheuh a ni.

Mizo

References: 1. Rev. Liangkhaia Mizo Chanchin: 1976 2. Hrángṭhiauva & Lal Chungnunga Mizo Chanchin – History & Culture of the Mizo: 2011

Similar Posts:

Recent Posts:

This entry was posted on Thursday, April 26th, 2012 at 10:53 am and is filed under Information, Mizo Society & Culture.

34 Responses to “Mizo Hnam Ṭobul”

  1. 1
    Thlams Says:
    April 26th, 2012 at 11:00 am

    1st teh ang..

  2. 2
    Chhuaklinga Says:
    April 26th, 2012 at 11:00 am

    Chhiar ilaaa… second ve chiah bawk ila. :P

    tren tren

  3. 3
    Chhuaklinga Says:
    April 26th, 2012 at 11:08 am

    Ngihdan a tam pawm dan a tam, hei chu ka lo hriat hmasak dan nen a dang leh deuh. :-S

    tren tren

  4. 4
    lrpa Says:
    April 26th, 2012 at 11:19 am

    Post tha e (Y) Chiang kekkawk hle mai. Helam hi chu a hriate sawi hi ka pawm hmiah hmiah mai. :-)

  5. 5
    CFL Says:
    April 26th, 2012 at 11:20 am

    Han chhinchhiah ve zel phawt ila.
    Good post. (Y)

  6. 6
    donald Says:
    April 26th, 2012 at 11:30 am

    Post ṭha tak a ni (Y)

    A hre deuh khan han sawi zau ula, a bengvarthlak lehzual ngawt ang. TS-a te ho kha insum lovin han ri ṭhak ṭhak teh u.

  7. 7
    bucko Says:
    April 26th, 2012 at 11:35 am

    Chhinlung puk atangin an lo chhuak a, ralte ho chu an bengvhheng lutuk a an chhuah kim hma puk kawngka an khar hnan tih vel chu paihthlak a ni ta a ni maw??

  8. 8
    malsta27 Says:
    April 26th, 2012 at 11:40 am

    Sawi dan a tam pawm dan a tam tih ang deuh ni mai in ka hria kan thlahtu te chungchang hi………..verbal testimony a nihna hian thil tam tak a ti buai zovin a lang rih, monuments emaw thil dang hmuh a la nih ngei a beisei awm e. (Y) (Y)

  9. 9
    0702 Says:
    April 26th, 2012 at 11:43 am

    Hnam(Tribe) hminga ‘MIZO’ kan ni kan in tih hi thlahtu lam atang ni loin, keimahni(Pipu ten) an inphuahah ka lo ngai a, hriat chian leh zual ka chak hle mai…
    #3- (Y)

  10. 10
    Jacka Pi Says:
    April 26th, 2012 at 11:44 am

    Mizova tih tak khi phuahchawp a ang ;-)

  11. 11
    Dr Mahminga Sailo Says:
    April 26th, 2012 at 11:48 am

    Post bengvarthlak tak a ni e.. (Y)

    In sawi a piang kha ‘a ni tak maw’ tih mai loh chu, sawi tur reng ka nei lo… :-D

  12. 12
    bucko Says:
    April 26th, 2012 at 12:15 pm

    #10 like

  13. 13
    covenanter Says:
    April 26th, 2012 at 12:55 pm

    Kei chuan Mongolian thlah kan ni tih ang zawng chuan ka pawm thei hauh lo mai. Hetih hunlai hi Mogolian hovin khawvel pumpui deuhthaw an awp hunlai anih avangin hetiang thil thleng turah ka ngai lem lo. Chinese thlah kan ni tih pawh ka la pawm zawk tho, tin Tibetan emaw pawh ala pawmawm zawk hlei hlei. A tupawhin lo ziak sela ngaihruat ziak mai an ni, thulakna rintlak a awm lo.

  14. 14
    buh-duha Says:
    April 26th, 2012 at 1:00 pm

    Khi lai vel bawr atanga chhuak chu kan ni ngeiin a rinawm (Y)

  15. 15
    thereng Says:
    April 26th, 2012 at 1:04 pm

    Ziaktu a piangin an hriat dan theuh in confi tawkin an ziak theuh bawk si, pawm ber tur pawh hriat thiam a har ta… Awm ve tawp mai teng, mahni hi hlim hle ila tha ber mai….

  16. 16
    lrpa Says:
    April 26th, 2012 at 2:35 pm

    Thlah tu chhui hi a buaithlak tlat! Khawi laiah tak nge kan cheh bunna tur a chiang lo tlat a. Nomadic tribe hrang hrang infinkhawm atang a lo piang chhuak chu kan ni khawp mai. Kan origin tak chu a hrang nuaih ang..Amazon forest ah te, Indonesia ah te pawh tribal( hmanlai a keimahni ang chiah) chi hrang hrang an la awm khu! Youtube ah video a awm nual mai.
    A pawimawh chu future lam hi ani zawk, Mizo anga kan evolve hnu a, mahni political boundary nei a Mizotawng kan neih hnuah pawh lusei, lusei tawng, duhlian ti a mahni leh mahni in bei chut chut kan la tam em mai! :-P

  17. 17
    lushai_er Says:
    April 26th, 2012 at 2:39 pm

    Jacka-pi 3rd trimester ?

  18. 18
    Jacka Pi Says:
    April 26th, 2012 at 3:31 pm

    lushai_er..???? Min hre reng a i inzep vel ni maw…

  19. 19
    sillyBoy Says:
    April 26th, 2012 at 4:22 pm

    Jacka Pi chu nula emaw ka tia, thla thum vel zet maw a lo pai tawh :D hahaha

  20. 20
    Dr Mahminga Sailo Says:
    April 26th, 2012 at 4:48 pm

    #19… :-D

    Jacka Pi hian nau thla 7-9 vel a pai si chuan, Jack-a’n engtinnge naute piang tur hi a koh tak ang? :-O A pi fapa chu Jacka aiin a naupang dawn phawt mai aa(h)… :-P

    Hetiang vel hian a ni, Mizo histawri chu a chiangkuan loh… te ti ta vel ila (OT dalah.. :-D )

  21. 21
    Jacka Pi Says:
    April 26th, 2012 at 5:00 pm

    In ho leh tan tawlh tawlh dawwwwwwnnnnnn

  22. 22
    Chhuaklinga Says:
    April 26th, 2012 at 5:13 pm

    Jack-a hi uite var hmeltha deuh a nih ka lo ring ve ringawt(liluh nghal). :P :D

    Vai pakhat inti Mizo lutuk pawh khan Mizote hi Israel thlah kan ni, te a ti vel.(source fth) :O :D

    tren tren

  23. 23
    H.Vangchhia Says:
    April 26th, 2012 at 7:21 pm

    Ka awihlo ve tlats

  24. 24
    chhana Says:
    April 26th, 2012 at 8:06 pm

    K awihlo (N)

  25. 25
    ninja Says:
    April 26th, 2012 at 8:07 pm

    Israel kan ni lo’m ni?

  26. 26
    chhangteval Says:
    April 26th, 2012 at 11:17 pm

    MIZOVA TIH KHI KA AWIH LO

  27. 27
    H.Vangchhia Says:
    April 26th, 2012 at 11:20 pm

    #26 (Y)

  28. 28
    malsta27 Says:
    April 26th, 2012 at 11:21 pm

    LOL Israel thlah kan ni emaw te in lo ti elaw? Ka hming chu ni nanga kan nih ka ring miah lo thung hahahaha

  29. 29
    zualbonez Says:
    April 26th, 2012 at 11:23 pm

    awke (Y)

  30. 30
    mr.Duhlova Says:
    April 26th, 2012 at 11:42 pm

    Hriat dan a va in anglo ve aw… :-D

  31. 31
    TuaiSialA Says:
    April 26th, 2012 at 11:56 pm

    Mizova tih khi, Pu Zova tite pawh an awm. Mizo tih hming hi chu kum 1950 bawr vela lo chhuak niin thuziaktu lar, Pu J. Malsawma’n a ziak.

  32. 32
    H.Vangchhia Says:
    April 27th, 2012 at 12:32 am

    TuaiSiala, #31 Ka ziakna ber ka hmu mailo tlat, mahse Mizo chanchinbu hmasaah khan 1911 ani maithei… Mizo tih chu hman hmasakber nia sawi a ni. Official tak chuan … http://i49.tinypic.com/op1qh0.png

  33. 33
    Awmtea Khiangte Says:
    April 27th, 2012 at 7:13 am

    Hriat dan leh ngaihdan a inang vek lo va. Hei pawh hi ziaktu thenkhatte atanga ka lak mai a ni a. A dik thei a, a dik lo thei tho bawk. Mizo fin hi duh ai chuan a lo tlai hret a ni. Thuziak te kha lo nei hma ila tha tur hi a nia…

  34. 34
    Dr John Says:
    April 27th, 2012 at 8:20 am

    (Y) Post BVT tak a ni. Save hmaks te’ng.

Comments are closed

This is an archived copy of mi(sual).com — new comments can no longer be posted.