«
»

Min hmangaihtu vs Kan hmangaih

May 29th, 2012 10:35 am by Awmtea Leo Khiangte

Hmangaihna hi chu a mak a, hrilhfiah thiam chi pawh niin a lang lo. “Love at first sight” te an ti, a ṭhenin “A piang chawp thei” an ti, a ṭhenin “Hmangaihte chu kan thinlungah hian têt lai aṭangin a inphûm ru sa reng alawm” an ti bawk. Eng pawh chu lo ni se, hmangaihna hi chu a awm tih kan chiang a, mahse tu man kan sawifiah thiam si lo.

Min hmangaihtu neih a ṭhatna:

  1. Min ngaihsak êm êm a, kan tân an rinawm bur.
  2. Kan lâwm/hlim/nawm loh an hlau.
  3. Kan tih apiang an Amen thei zêl.
  4. Kan ṭhatna tûrin engkim an ngaihtuah ṭhin.
  5. Mite bulah min fak a, min rêl ngai lo.
  6. An engkim min pe phal.
  7. Min hmangaih bur mai a, thlamuan thlâk tak a ni.

Kan hmangaihte neih a ṭhatna:

  1. Kan ngaihsak êm êm a, an tân kan rinawm bur.
  2. An lâwm/hlim/nawm loh kan hlau.
  3. An tih apiang kan Amen thei zêl.
  4. An ṭhatna tûrin engkim kan ngaihtuah ṭhin.
  5. Mite bulah kan fak a, kan rêl ngai lo.
  6. Kan engkim kan pe phal.
  7. Kan hmangaih bur mai a, an thlâ a muang ṭhin.

Min hmangaihtu, kan hmangaih ve lêm loh neih a ṭhat lohna:

  1. Kan ngaihsak vak lo a, kan rinawm lo tlângpui bawk.
  2. Kan lâwmna/hlimna/nawmna chauh kan ngaihtuah.
  3. An thiltih kan sawisêl peih.
  4. An ṭhatna tûr aiin keimahni ṭhatna tûr chauh kan ngaihtuah.
  5. Mite bulah kan sawisêl/rêl mai ṭhin.
  6. Kan thil neih pêk phal chin kan nei.
  7. An thlâ a muang lo.
  8. Hmangaih dang kan neih chuan kan thinlungah a châm reng a, lunglên châng kan ngah a, hriat chhuah tûr thil kan nei deuh reng ṭhin. Kan thinlung kil khat a luah reng a, chu chuan nupa nun thlengin a khawih buai thei.

Kan hmangaih, min hmangaih ve lêm lo neih a that lohna:

  1. Min ngaihsak vak lo a, an rinawm lo tlângpui bawk.
  2. Anmahni lâwmna/hlimna/nawmna chauh an ngaihtuah.
  3. Kan thiltih an sawisêl peih.
  4. Kan ṭhatna tûr aiin anmahni ṭhatna tûr chauh an ngaihtuah.
  5. Mite bulah min sawisêl/rêl mai ṭhin.
  6. An thil neih min pêk phal chin an nei.
  7. Kan thlâ a muang lo.
  8. Hmangaih dang an neih chuan an thinlungah a châm reng a, lunglên châng an ngah a, hriat chhuah tûr thil an nei deuh reng ṭhin. An thinlung kil khat a luah reng a, chu chuan nupa nun thlengin a khawih buai thei.

“Inhmangaih tawnna ngawt lo chu tu ma eng mah ba suh u” tih ziak pawh Bible-ah a awm tak kha maw le. A ni tak e, kan inhmangaih tawn tûr a ni. Nimahsela, kan hmangaihna hi mi zawng zawng hmangaih a, nupui/pasal atâna duh mai theih tûra siam erawh a nih ka ring hauh lo. ‘A piang chawp thei’ tih hi ka ring a, ‘hmuh phat atanga hmangaih nghâl’ pawh hi a awm thei ang tih ka ringhlel chuang lo. Mi ṭhenkhat chuan a chunga kan sawi tâk ang khian an hmangaih, anmahni hmangaih ve lêm lotu emaw, anmahni hmangaihtu, an hmangaih lêt ve lem loh te hi an nei ngeiin a rinawm (fa neih tawh vâng emaw, an thlêm thiam êm vang emaw, hmangaih tak tak emaw tiha hai vang te pawh a ni ang). Chuvang chuan “Ka rin ang i lo ni lo” an ti fo ṭhin rêng a ni. Inneihna hi chu risk a ni a, hmangaihna erawh awm sa, hai chhuah ngai a ni a; amaherawhchu, ‘emaw’ tih mai awl tak a ni thung.

Inhmangaih tawnna chu sawi lohva lêng ni ta se la. Ka ṭhianpa pakhat chuan “Min hmangaihtute hi neih tûr, an hlu ber a, an pawimawh ber bawk” a ti. A dik ka tih rualin kan hmangaih ber kan neih tluka hlu awmin ka hre bawk si lo. Vâla lu a hai mang e…

Similar Posts:

Recent Posts:

This entry was posted on Tuesday, May 29th, 2012 at 10:35 am and is filed under Lifestyle, Luangliam. You can follow any responses to this entry through the RSS 2.0 feed. You can leave a response, or trackback from your own site.

29 Responses to “Min hmangaihtu vs Kan hmangaih”

  1. 1
    Chhuaklinga Says:
    May 29th, 2012 at 10:44 am

    Ka hawng e.
    Mahse, an tih apiang amen theih zel khi chu a lutuk deuh lo maw…

    Hmanaihna aw.. hamangaihna bawihte i tan.. yeah yeah.. Hot raw pip..

    Comment 9na velah saint sammoo rawn inpuang se a hot mai ang. :P :D

    tren tren

    Report this comment

  2. 2
    TuaiSialA Says:
    May 29th, 2012 at 10:53 am

    Ka hawng nawn sak e!

    Report this comment

  3. 3
    lr hlonchhing Says:
    May 29th, 2012 at 10:56 am

    Hawng nawn ve sak ang, lungthu kan kim e.

    Report this comment

  4. 4
    Tete-i Says:
    May 29th, 2012 at 11:03 am

    Ka hmangaih, ka rin ngam leh min hmangaih a min ringngam tu neih hi a thlamuanthlak… A vanneih thlak bawk..cheers. :)

    Report this comment

  5. 5
    Dr Mahminga Sailo Says:
    May 29th, 2012 at 11:03 am

    I ngaihtuah ril-kim mang e… (Y)
    ‘(K)an tih apiang (k)an Amen thei zel’ tih erawh a dik vek lo mai thei. Thil diklo leh tha lo (k)an tih/sawi changin, zawldawh takin kan inzilhtawn/infuihtawn thin a ni lo’m ni? ;-) (Hriat ve hmel takin…)

    Report this comment

  6. 6
    Lamji Says:
    May 29th, 2012 at 11:03 am

    Ni e. lrpiua tan pawh hian ‘Love at first size.’ tur hi zawn sak ve tur ani! :P
    Hahthlak lai ta ber a chu,mi tam tak ‘hmangaihna’ approach hi ala inang lo nuaih zui,nupa/inngaizawng ah pawh. Nupa a insiam hma a ‘hmangaihna’ kan hriatthiam dan inzawh fo hi a tha fu.

    Report this comment

  7. 7
    lr hlonchhing Says:
    May 29th, 2012 at 11:09 am

    Hmangaihna lama mi ril leh mi hmingtha Tialkhara khan, vargin 10 leh vargin lo (total 26) a lo thei tawh a. Hmangaihna lamah chuan,a ril hle turah ka ngai :-P (vuak hot nan)

    Report this comment

  8. 8
    PKfanai Says:
    May 29th, 2012 at 11:15 am

    Hmeichhe tan anmahni hmangaih tak tak tu neih fuh hi a vanneihthlak an ti.(hmeichhia hi chuan adaptability an nei tha a). Inngaihzawnna leh nupa nunah hian inrintawnna hi a pawimawh ngawt mai. Tin, nupaa insiam tur chuan rilru puitling thlep thlawp leh commitment nghet tak neih hi thil tul tak aniin ka hria. Tin, mize inmil hi a pawimawh ngawt bawk ang.

    Report this comment

  9. 9
    saint sammoo Says:
    May 29th, 2012 at 11:24 am

    ka hmangaih ber ka nei thei lova, (a pa ker kur vang vek..tun thlengin ka la hua, a sermon dawn zan chuan ka la inkhawm tha duh vak lo..haha..ka la haw reng) chuan, min hmangaihtu ber (ni a ka hriat) ka nei ta mai, kum tam a liam ta..ka la inchhir ngai aih lo. Tunah chuan min hmangaihna aiin ka hmangaihna hi a sang mah in ka hre tawh.

    Report this comment

  10. 10
    Chhuaklinga Says:
    May 29th, 2012 at 11:32 am

    @9,hahaha :-D a va ngeiawm roh ve maw le, mai mai lo chuan :nui khur chur chur:

    tren tren

    Report this comment

  11. 11
    valzz Says:
    May 29th, 2012 at 11:39 am

    Hmangaihna lam sawi hi chuan rilru ah hian ‘Juliet_i’ ang deuh hi tawng tura inngaih deuh tlatna te hi a om thin…hihi…’And They Lived Happily Ever After’ ta thung daih a… (L)

    Report this comment

  12. 12
    Awmtea Khiangte Says:
    May 29th, 2012 at 11:41 am

    Kei chu hetia ziah vel hi ka thiam tawk a nia…. tawng ve lo ta chu :-D:-D

    Report this comment

  13. 13
    PKfanai Says:
    May 29th, 2012 at 11:42 am

    @ 9, Pu Saate, tunah chuan a pa chu a inchhir roh roh tawh ngawt ang a? An fanu nun an tihchhiat sak thui hle awm si a. Nang lah chu ‘Modern Pasaltha’ dik tak ilo ni si a.

    Report this comment

  14. 14
    VaiVa Says:
    May 29th, 2012 at 11:45 am

    Hmangaihtu neih chuan neih hmak tur! Hmangaihtu ván deuh erawh chuan hmangaih ber neih tum leh tur, chu pawh a la theih loh chuan len reng mai tur :P ~ Sandman & Goldmember

    Report this comment

  15. 15
    saint sammoo Says:
    May 29th, 2012 at 12:24 pm

    pk: maithei..haha..,

    Report this comment

  16. 16
    Dr Mahminga Sailo Says:
    May 29th, 2012 at 12:54 pm

    # 14… :-D :-P

    Dai loh ram a ni si a le. Han sawi leh zel mai t’u, ka lo Mahse, kar hmasaa ka mumang erawh a tak tak ni se ka la ti reng… ;-)

    Report this comment

  17. 17
    Asteric™ Says:
    May 29th, 2012 at 12:59 pm

    Min hmangaihtu hi an hmel a that chuan ka hmangaih theih ka ringa, chuvangin min hmangaihtu neih a tha ;-)
    I thianpa sawi khi a dik chiah alawm….”kan hmangaih neih hi a hlu” tih te chu min hmangaih ve loh leh kan na ting a nimai :)

    Report this comment

  18. 18
    Awmtea Khiangte Says:
    May 29th, 2012 at 1:01 pm

    #16 Dr Mahminga Sailo, i mumang chu han share la maw leeee :-)

    Report this comment

  19. 19
    Dr Mahminga Sailo Says:
    May 29th, 2012 at 1:02 pm

    16.. ka lo khi chhiar tel loh tur… ;-)

    Report this comment

  20. 20
    CFL Says:
    May 29th, 2012 at 2:01 pm

    @ Tunlai misual.com chu a romantic lutuk a, a âwmnêm berah pawh cowboy ngaina chin keini ang tan chuan sawi tur avang duh em mai.

    @ Min hmangaihtu leh kan hmangaih ve ngawih ngawih neih a fuh ber ang chu le. In buaina a ho tei tei em mai a.

    Report this comment

  21. 21
    Dr Mahminga Sailo Says:
    May 29th, 2012 at 2:16 pm

    @ Awmtea Khiangte… A lo chhiar ve reu reu ang… :-D

    Report this comment

  22. 22
    Sony Says:
    May 29th, 2012 at 2:16 pm

    Min Hmangaihtu KS Ka Hmangaih, tia headline ka chhiar sual thlelh chu. Tun hma lam deuh chuan Mizorama nula te hian an tana tha tur dik tak hi an iai thin a, chuan ai chuan insual hrat ve deuh, zu no dawm ve mai thei, sang tha thlerh thlawrh an thlang zawk thin. Mipa lah hian an mutpui duh an iai khanglang a, virgin an han zawng kual vel.

    Report this comment

  23. 23
    Awmtea Khiangte Says:
    May 29th, 2012 at 2:31 pm

    Min hmangaihtu bula awm chu a hahdam thlak ang a, kan hmangaihten kan bula awm nuam an ti thung ang! Hmiah mai a… a bak chu ka hre tawh lo

    Report this comment

  24. 24
    chhangteval Says:
    May 29th, 2012 at 2:36 pm

    Hmeichhia chuan sum nei tam tam an hmangaih :-P

    Report this comment

  25. 25
    malsta27 Says:
    May 29th, 2012 at 4:12 pm

    Comment ve khrim2………….. :-D :-D . A engemaw zawk2 pawh khi a dawng/tawngtu tan chuan that hmel vel vek mai a……….

    Report this comment

  26. 26
    Princess Ilefam Says:
    May 29th, 2012 at 5:40 pm

    A tha khawp mai. Mahse, engkim pe phal lai khi a fuh chiahloh dan a awmin ka hria. A tlangpuiin nulate hian hmangaih takte kan tawn hian kan duhtakteah kan inpumpek takmeuh meuha, sex chungchangah kan inhuamthui em em a. Chutihrualin keimahnia chhia leh tha hriatna awm erawh chuan min phuar ve ani. Kan phal zawng zawng hi kan pek vek a tha chuanglo.

    Report this comment

  27. 27
    VaiVa Says:
    May 29th, 2012 at 5:44 pm

    Hmmm… ngatinge? in kan chhunzawm teh ang :P

    Report this comment

  28. 28
    PayableOnDeath(Zrma_C) Says:
    May 29th, 2012 at 6:24 pm

    Khawinge Tialkhara hi a awm a? Total 26!!!!! :-O :-O
    A tihdan engemaw tak a hre bik aniang,misual pa ho hi tip tlem min han sihchhuak vela mole…. :-D
    Tunlai hmeichhia chu an fing tawha..sum ngah2 an nei mai zel.a finthlak reng ani. (Y) (Y)

    Report this comment

  29. 29
    Manuni Pachuau Says:
    February 28th, 2014 at 3:27 pm

    Hmangaihna hi chu(h)! a buaithlak ve ngawt mai… :D a tha zawk tur hi hriatthiam ahar thin bawk si a…

    Report this comment

Leave a Reply

You must be logged in to post a comment.