Thinchhia tiha ka’n sawi tum ber chu thinchhiat hi a van lo hahthlak tak em! tih hi a ni. Ni e, fiamthu pakhatah pawh “pa pakhat ramkal rit phur chuan mi’n ‘heiha, huiha’ an tih ṭhat hle hle laiin a ni chuan, ‘De de dei dei’ a ti e,” an ti. Tlangval pakhat zan a khawlaia chhuak paw’n van a arsi lo lang tuar mai chu ’ṭul teh tuar lo’ a’n ti ngawt a.
Thin a chhiat hle hi chuan engemaw hlekah thin hi a rim hlur mai zel a. Mi’n an thil tawn lungawithlak loh tak an sawi changte hian eng ti thei hleilo hian kan lo sa ve phat ringawt a, kan inti hah thlawn mai mai a ni.
Min ti mualpho tu a ni a, khawilo kalna leh thiltih na reng rengah insum hman lek lovin kan ri leh buan buan mai ṭhin a; kan taksa in a dawl zawh loh khawp mi kan tawn chang phei chuan min ti sil ṭhemṭhum theiin mi ṭhenkhat phei chuan an nun hial pawh an chan phah ta ve ang.
Keipawh ṭum engemawzat chu thinchhiat avang hian ka mualpho tawh a, thinchhe ve tho kan tawn chang phei chuan in pawmchilh a ngaih hial chang te pawh a awm. Hetiang thilah hi chuan ka tawng tam lutuk lemlo bawk a; a vannei lamah ka la ṭang zel a, a lawmawm ṭhin khawp mai.
Tin, rilrua vei ruk thilte hi thin a chhiat chuan kan sawi fo mai a, thil pawi tak nilo mahse, thil ṭul em em lo pawh kan sawi fo bawk tih ka hria.
Kan thil neih a lo chiangkuan lohin emawte pawh hian kan ri leh bur mai ṭhin a; zialo thei tak a ni. Thing tuah alh duh lo lutukte a thu chawpin kan han thai darh a; mahni bawkin kan chhawm ṭha leh a, lap lo tak a ni. Ṭhenkhat phei chuan mahni thil hlute pawh an vawm emaw an ti deuh ṭhuai mai a; mahni bawkin kan tuar leh ṭhin si.
Amaherawhchu, thinchhiat hian ṭangkaina hun a nei ve tho tih hriat tur, inkhelhnaahte pawh a ṭul chuan han raf changte pawh a awm a ṭul ve tho. Boxing-ah ngat phei chuan thinrim loh chuan a chak theihloh an ti hial a ni. Tin, zaidam leh lutuk thu chu a pawm tlak meuh lo bawkin anmahni pawh kan ngai mawl deuh ṭhin zawng a nih hi. Chintawk neih erawh hriat a ngai tih chu tu in hrilhnawn kan ngai awm love.
Vana Pa pawh kha mi thinchhe tak ṭhin a ni a; zaidam a zir ta. Mi’n a zaidam tak tak em? tih fiah nan a arbawm/pate tah lai chu an paih sak daih mai a; Vana Pa chuan ngawi renga chhar in a tah leh mai a ni. Zaidam hi thil zir theih tak chu a ni ang. Mahse, a ni ang em em a zaidam tak hi erawh ṭul ka ti lo khawp mai.
June 17th, 2012 at 2:02 pm
Mi pakhat thinchhia i sawi khi Pawngvina.
Report this comment
June 17th, 2012 at 2:03 pm
Thinchhia zawng ban phar ru
Report this comment
June 17th, 2012 at 2:18 pm
A mawl mawl hi kan thinchhe mai niin ka hria
Report this comment
June 17th, 2012 at 2:24 pm
Tumloh ang deuh a thil a thlen te, hrisel loh lai te, buai viau lai te hian thinchhe lemlo pawh hi thinchhiat a awl. Eg. England lo tla ta se ka thin a chhia ang..haha
Report this comment
June 17th, 2012 at 2:43 pm
Eng mai pawh hi a tawk a lo awm aniang. Zaidam lutuk te hian lungawi hma naah min hruailut a, a thatchhe zawng hian min kaihruai emawni ka in ti thin. Mahse thinchhiat a midang nek emaw, mahni tawt lutuk hi chu ka fak hranlo. Engpawh nise Post tha tak zawng a ni.
Report this comment
June 17th, 2012 at 2:44 pm
ka va duh ve hei chu,, mi thinchhe ve tak ka nia,, ka nihna leh ka thil tawn thin chiah chiah i rawn sawi chhuak tlat mai… kn share nghe2 teh ang..
Report this comment
June 17th, 2012 at 2:50 pm
A dik khawp mai. Thinchhiat hi a hrehawm thin khawp mai, a hlawk bawk si lo
Report this comment
June 17th, 2012 at 2:51 pm
Tha hle mai,….,…,.
Report this comment
June 17th, 2012 at 3:14 pm
Kan nu pa damloh lai hian,an inhnuaipa,putar parawl kal chhut chhut mai,tawng tlem zet hian damdawiin ah a rawn kan ve a. Kan nu ten tengtere den an zuk lei kha alo hing a an lo ang bawrh bawrh kha,muang chhelh chhawlh hian,’Zuk let leh ula a hmai vawm na’n zu hmang rawh u.’ rawn ti chhat!
Report this comment
June 17th, 2012 at 3:20 pm
Vanapa kha pa fing chungchuang tak kha ania, miin an fiah tih inhriain a thinur duh miahlo ani thei ang em? Insumtheihna hi Thlarau rah pakhat ani bawk. Thlarau avang lemlo pawh hian he mihring tumruhna atang pawh hian alo insum theih viau awm e.
Report this comment
June 17th, 2012 at 3:44 pm
anger is a short madness an ti a, ka mad zing ve khawp mai…kan inhnuai pa phei hi chu a mad nileng ve thlawt.
ka thinchhe viau ka control viau bawk thin a, tunlai chu control engine oil thlak a tul tawh khawp mai.
Report this comment
June 17th, 2012 at 4:55 pm
Mahni hi indah that hmiahh mai hian thinchhiat hi chu a bo mai, chapo na kan neih te, tha in tihna te, fel in tihna te, ti thei ni a kan inhriatna zawng2 hi dah bo ila mihring tak chuan a theih thin. Mahse Pathian a tel loh chuan thinrimna hi chhungril ah kan pai reng thung thin.
Report this comment
June 17th, 2012 at 5:05 pm
Ziak tha hle mai
Ka thinchhiat theih tehreng nen Janis-i nu hian zaidam minti ve tlat, nuam vei reuh
Report this comment
June 17th, 2012 at 5:18 pm
Report this comment
June 17th, 2012 at 6:02 pm
Mi zaidam tak pawh hian thinrim chang a nei thin. Thil tha lam herchhuak tura thinrim hi a tha, a chhe lam her chhuak tura thinrim erawh a pawi.
Thinchhiat lutuk hi a pawi bawk, miin kan bula awm an peih lo thin. Tin, mi thinchhia chu nel an har bawk. Chuvangin thinchhiat loh hram tur, thinrim chang awm thin mahse.
Report this comment
June 17th, 2012 at 6:12 pm
Thinchhia kan tih ho hi mi insum thei lo an tlangpui a,mahse, thinchhia na zawng an rilru a chhe tel kher lo
. Ruah mual liam pawh hi a rawn sur ri buan buan a,rei lo teah a sur tih pawh hriat lohin a reh leh mai zel zu nia. 
Post-tu nge Pawngvina thinchhe zawk ang aw?! 
Report this comment
June 17th, 2012 at 6:16 pm
Nula thinchhe deuh hi an sexy ka ti tlat pek a nih chu!
Report this comment
June 17th, 2012 at 6:26 pm
thinchhe tan chuan LIV 52 hi a tha an ti..haha..
Pa pakhat zu heh ve tak mai kha a in entir a, a rawn hlim chhuak khawp mai a, ngati nge i va hlim ve,, an han tih chuan,, zu ka in nasa sia,, thin mumal pawh nei tawh lovin a sawng te vek tawh ang chu tih nak a laiin doc. Chuan.. I thin a lian… Min lo tih chu maw le.. Haha..
Report this comment
June 17th, 2012 at 6:28 pm
Thinur har mi chu finna nasa tak nei mi a ni a,mi ti thawt thawt erawh chuan atna a chawimawi…Thufingte 14:29
Report this comment
June 17th, 2012 at 10:07 pm
An tia lawm….hmar thinchhia leh chhim thinchhia pawh kha kawng kawiah an intawka, “ka sawi thei lo” an tia an inkek nghal nawk nawk
Thinchhiat hi a thatna aiin a that lohna a tam zawk.
Pasal thinchhe deuh neih ka hlau
Report this comment
June 18th, 2012 at 12:16 am
A thinchhiat em em phei chu ka hre lova, ka pa u hi a hlothlo te hi khawsikpui tuar ang maiin a rum hluah hluah zel an ti
mahse rum hluah hluah chungin a thlo chhuak tha thei phian a ni awm e, ka OT deuh em?
Report this comment