Hmangaihna chuan sual a enkan theih a, a ngaihdam theih bawk. Chu chuan kan hmangaih te lakah kan mit a tidel fo thin. Midang sual hmuh lenna leh hmangaih te sual hmuh tetna a thlen thei bawk.
Chu chuan “ A ni hi chu a a lutuk a, a thiante tih ang ang hian a awm mai thin a…” tih nu leh pa te ka atangin a chhuah tir phah fo a, mahni inhmangaihna avangin mahni inthiam chawpna a thlen fo bawk. A nihna takah chuan sual ti tur hian tumah a intihluih theih lo a, tumah a puh theih loh. Sei lenna leh thian kawm avanga sual theih ni ta se, veng/khua ruihhlo hluarna hmun leh zu zuar fa ngei ngei te leh zilhtu pawh nei lo, fahrah vawiin ni a mi hlawhtling tak tak ni ta te hi engtin nge kan sawifiah ve tak ang? Kan Bible pawhin ” In tuar theihna turin thlemna rualin tlan chhuahna kawng a siam nghal zawk ang” (II Korinth 10: 13) tiin min hrilh bawk. Chuvang chuan midang puh hi chu kan hmangaihte leh mahni inkhawngaihna avang leh hriatthiamna vang maia khuh bo tumna mai a ni.
Tin, tunlai chhanah Sawrkar leh CYMA, CADS hmalakna avangin ruihhlo man a sang chho ta hle a, damdawi mum khat cheng 10 ni thin kha cheng 50 atanga cheng 70 te a lo ni ta a, Zu (Local) fun khat cheng 50 ni thin kha fun khat cheng 200 te a ni chho ta. Hetianga a to tak avang hian mahni’n lo duh ve bawk si chuan a man thawh ve lo leh duh lo na na na chu in pek in pek luih thu a awm lo tih hi kan hriat a pawimawh. A ti thin zingah kuhva, meizial leh sahdah kam chhiat apianga duh ve ziah si, nei ngai miah si lo, midang ban ziah bula awm kan ning thin ang hi a ni.
Miin ruih nachang a hriat tawh chuan a a tawh lova a fing phakar hle tawh zawk. Ruihhlo reng reng khap a nih avangin a ruka lei a ngai a, a ruka tih a ngai. A ruka tih ngai hi mi a tak tan thiltih awlai tak a ni lo hrim hrim . Tin, mi a tak hi tuman thiltih ruk pui reng an duh lo. I fapa/nu kha a rui thin tih i hriat chhuah meuh chuan a thiante vanga ti ve ni lovin ama duhthu ngeiin i hriat lovin a lo ti ru fo tawh thin tih ring ngam la, i ring sual nasa kher lo mai thei.
Tunlai hian aia upa zah hi thalai ten kan tlachham hle bawk. Hei hi kan vei tlanga kan sawi thin a, mahse siamthat hleihtheih a ni ta lo. Kan tlakchham tak zia i hriat duh chuan Sikul naupang a bikin High School chin sikul bang tawk zawng hian kal chhin mah rawh, a upa zawk kawng sirah i bei rawk rawk chang a awm fo ang a, i dar a her sawk sawk mai ang. Tin, tirh han tum chhin teh hlawh tel lo chuan a sak talh tawh ang.
A chunga kan sawi tak pahnih te hi Public Platform atanga inzirtir theih a ni mang tawh lo a, chuvang chuan chhungkua kan pawimawh ta a ni. Tunlai chhanah chuan chhungkaw kima titi ho hi thil har a ni ta, kan kim theih lai ber chu chawei lai hi a ni deuh ber tawh. He hun hi remchangah lain chhungtin hian a chunga kan sawi tak leh thildang tam tak inhau leh inzilh si lovin inhrilh hriatnan hman tangkai tum ta theuh ila kan hlawkpui theuh a rinawm.
Midang puhmawh leh dem hmasa lovin kan khawtlang siamthat hna hi mahni inchhungkhur atang theuhin tan ta ila hma kan sawn zawk ang em? tih hi lo dawn ve teh.
Similar Posts:
- Zu ka duh ta lo……
- Nupa nun hlimna tur atana zawm ngai thenkhat te.
- Khawinge Hmangaihna zawk niang le?
- Sual
- Mahni indah hmasa ila
June 22nd, 2012 at 12:14 pm
1st dawn
Report this comment
June 22nd, 2012 at 12:29 pm
A tha hle mai. Ka pawm zawng tak a ni…
I fapa/nu kha a rui thin tih i hriat chhuah meuh chuan a thiante vanga ti ve ni lovin ama duhthu ngeiin i hriat lovin a lo ti ru fo tawh thin tih ring ngam la, i ring sual nasa kher lo mai thei…
A tlangkawmna pawh…
Report this comment
June 22nd, 2012 at 12:36 pm
Dik chiah thil reng reng chu a lungphum atanga tan loh chuan a dik thei tak tak lo
Report this comment
June 22nd, 2012 at 1:06 pm
Zahmawh sawi hrât pawh kha, a tawp khi a tha khawp mai, ti mai lovin, a mawng khi a phen tha khawp mai, zuk ti kher a!
Report this comment
June 22nd, 2012 at 1:10 pm
A tha khawp mai
Zu chu alo va to ta ve, funkhat man khian Old monk half a hen anih khi
Sum leh paiah kan tlan nasa lutuk a nu leh pate’n fate an zilh hman mang tawh lo emawni chu aw ka ti rum2 thin.
Hnam thang chhovin a ken tel hrim2 nge ni zawk dawn ni
Report this comment
June 22nd, 2012 at 1:25 pm
mahni thil tiha midang puh hi k ngaidam thei gai lo
Report this comment
June 22nd, 2012 at 2:01 pm
A tha hle mai. Chanchinbu a chhuah tlak anih hi.
Ni e,zu man chu alo va to ta em em ve,a chhe tulh tulh awm bawk sia. 
Report this comment
June 22nd, 2012 at 2:09 pm
Tha hle mai ka pawm e
Report this comment
June 22nd, 2012 at 2:29 pm
Report this comment
June 22nd, 2012 at 2:48 pm
Ziak tha hle mai. Fate sualna a midang puh ching nu leh pa an awm fo. Thian kawm tur thlan uluk a tul rualin kan fate hian an milpui chat ani an va kawm thin ni. Kan fate an sual anih chuan midang vang nilo in nu leh pa leh amah vang ani tawp tih hi ka ngaihdan. A thian in nunkawng tha lo a zawh a a hruai sual dawn a a hriat chuan fa tha chuan a tlansan daih ang.
Zu khap bur vang hian alawm a man a to a, a quality a chhiat reng ni. In tur a awm reng tho si a, a rukin an in a, a ruk a thiltih reng reng tha a awm ngailo. Mizo te hi inthlah zalen ngam tur khawpin kan la changkang lo em ni??
Report this comment
June 22nd, 2012 at 3:02 pm
# 10…
Pehteh man chu a va’n to tak ve, kan peh teh ve hma hmain…
2005 khan, Guwahati kan zinin; ka thianpa, zu heh ve deuh mai khan a in tha thei der lo nia! Amah paw’n mak a ti zawk.
Thian sual kawm chuan, dai sual palh a awl; chutih rualin mi thlekna lam apianga thle kawi ve mai mai an awm bawk. Nu leh pate mawhphurhna a sang ngawt tak mai..
Report this comment
June 22nd, 2012 at 4:32 pm
ziak tha hle tak mai a
Report this comment
June 22nd, 2012 at 5:44 pm
Zu leh ruihhlo dangte hi nia, i thlir dan hi a dik na chen a awm tih chu sawi loh, 50% aia tam mah a dik maithei. Mahse, hetiang ti ho reng reng hian mahni maia tih ai chuan ṭhian ho/thian duna tih (ruih) an thlang zawk chawk. Tih pui tur an hmuh mai loh chuan lo ti tawh ṭhin, nghei tum ta emaw la ti ngai lo bum thluk theih in beiseiin an sawm chawk. Chuvangin, ṭhiante vang a nihna hi engemaw chen chu a awm ve niin ka hria.
Report this comment
June 22nd, 2012 at 5:47 pm
Lo dawn ve chi a nih hi a,
. Zu pui dawn tur awm bawk se 
Report this comment