“Keini zawng kan thil hmuh leh hriatte hi sawi lovin kan awm thei lo” tih ziak ang mai khân, ka thil hmuh leh hriat dân hi sawi ve hrim hrim ka duh, tu pawi mah ka sawi lo’ng chu maw.
A enga pawh chu lo ni se, tûnlai mite an ‘inti tûnlai’ lehzual bik êm êm kher hi ka ei lo! Modern pawh ni tawh lovin post-modern world-ah kan chêng tawh a, computer age kan tih ve ṭhin te kha a hmânlai ruih tawh nia! Tûnah chuan advanced tak hi kan ni tawh, changkânna hi a zuanin a zuang te kan tia, a lo ni awkawng lo, a thlawhin a thlâwk fêr fêr tawh zâwk a ni. A… sawi zêl dâwn chuan ka insawi tui laklawh dâwn tlat, duh tâwk teh ang. Ka sawi tum tak, tûnlai nula/tlangvâl ka hmuh dân tlângpui chu heti ang hi a ni:-
- Dul kiar: Changkânna a sâng a, sum leh pai a lo tam a, thil a awlsam a, ei leh in a lo ṭha a, tûnhma anga rim taka hna thawh kher ngai lovin hlawh tam tak tak a hmuh theih ta! Chu chuan thatchhiatna a hring a, mi invawng fel leh hrisêlna ngai pawimawh tak nih loh phei chuan chuti hlauh chu a ni. A hmei a pain dul kiar kan inpêl suau suau ta mai! Nula hmêl ṭha ve deuh te pawh hi han bêl chiang ila, an dul hi zuk kiar zêl ia! Chuti angin tlangvâl te hlei hlei, dul kiar an tam zâwk daih. Tûnhma kha chuan ‘mawi lo’ a ni ṭhin a, tûnah chuan ‘zahawm’ zuk ni zâwk daih chuan!
- Sam phir/emo: Tûnlai mite hi eng emaw zâwng tak chuan an duhawm riau ka ti! Tlangvâl ṭhen khatin an sam an han tiphir deuh sang te hi a mawi loh chu thuhran, a dangdai ve riau! Emo style te pawh hi hmêl ṭha chuan an inhmeh ve mai, mahse hmêl chhe ve tê têin an mit an han khuhtîr deuh roh te hi chu an râpawm letling zâwk! Nalh emaw kan intih lai hian kan mualpho hlauh thei. Tûnlai khawvêl chu ‘Its my life’ tihna khawvêl a ni tawh a, an duh dânin an chên thei alawm. Ama’rawhchu, ‘Mahse’ tih ziakin a zawm tawh chinah chuan a pawi tûr ang ang a pawi zo tawh ṭhin.
- Two Wheeler/Car: Tlangvâl 2wheeler/car nei lo chu kan hawi hil lel zêl ta mai! Rethei fate tân tûnlai khawvêl hi a hrehawm lehzualin ka hria. Nula ho lah hian ‘a fel em,’ ‘a nun a ṭha em,’ ‘pasal tlâk a ni em’ tih lam en mang lo hian ‘bike a nei nalh mang e,’ ‘sum a ngah mang e’ tih zâwng te hian an thlîr ṭhin emaw ni. Tlangvâl luck leh zei nih duh chuan 2wheeler neih ngei ngei chi, keipawh ka intuak ngah hunah cycle tal chu lei ve ka tum!
- Make-up: Tûnlai nulate hi an zak thei lo sâwt riau. ‘Tûnlai dân alâwm’ an tih ṭhinna tak hi a nia ‘an makna’ lai chu. Tûnhma te kha chuan mi hmuh laia make-up inhnawih te kha an zak ṭhin a, hmun biru lai deuhte an zawng a, a rûk thei ang berin an inhnawih ṭhin. Tûnah erawh bus chhungah te, khawlaiah te pawh zuk inhnawih hmiah hmiah zêl a. Make-up hmang ṭhang chuan inhnawih a ṭûlna leh pawimawhna an hre ngei ang, mahse mipui tamna lai leh hmun ualâu laia an inhnawih mai hi chuan mipaten kan hmuh dân hi zuk ‘eng emaw’ riau zêl a.
- Pherh: Tlangvâl ve nafam, nula ang hlûia an han ṭawng ziap ziap mai leh an han phar kual vêl hi chu sih hrep tak hi ka nâp a! Changkânna hrin chhuah a nihna pawh ka hre lo, sualna hrin chhuah a nih ka ring zâwk hial. Nulateho lah hian an kawm ngeih thei phian a, ninawm hlawm tak hian. Nulate pawh hian heti ang mi hi chu mipa an nihna inhria a, an lo pa leh theihnâ’n theih tâwp in chhuahpui zâwk tûr a ni. In bula rawn tel ve zêl an tum pawhin ‘mipa bulah awm rawh’ tia in lo hnar ngam a hun tawh khawp mai. Kan TV en te kan puh leh ngawt ṭhin a, a ni vek lo. Tûnlaiah mipa aiin hmeichhiain duhsak an hlawh zâwk a, thil an tithei zâwk bawk. Mipain pangngai taka thil an dîl aiin hmeichhia leh pherhin nu deuh zêma thil an dîlin miin thil an pe chhuak awlsam zâwk niâwm tak a ni. Chuvanga lo pherh ta chu an ni pawh ka ti chuang law. Pherh hri hi a lêng a niang te ka ti ta mai mai.
Duh aiin a lo sei leh ta! In sawi ve hun…
Similar Posts:
- Changkang ang aw !
- Sek nazawng an ‘luck’ kher lo!
- Pherh Fesawn
- Vawi riat lai maw…
- Inneih thlalâk ka en ve a
July 6th, 2012 at 5:02 pm
Chhiar dawn i1a.
Report this comment
July 6th, 2012 at 5:02 pm
..
Report this comment
July 6th, 2012 at 5:17 pm
1. Nilenga office-a thut bakah, kea kal mang si loh chuan, dul a kiar ve mai dawn; chuvangin, hunawl ka neih apiangin walk ka nei telh telh thin…
Mahse, zahawmna an tih hlauh si chuan, engnge ka tih tak ang? 
2. Ka sam hi a nem lutuk a, Gel/cream hman ve paw’n a phir ve thei lo. Helmet khum tak hnu phei hi chuan, a ngai ngaiin a pial tawp…
3. Car ka nei lo, ka kar full thei tawh lo lehnghal
Scooty ka nei. Nakin lawkah ka scooty fakna a lo chhuak dawn si a, ka’n khek khal rih te’ng.. 
4. Make up maw? Phur chang changin lotion/cream ka inhnawih thin..
5. Pherh.., Pianphunga rual banlo an nih hrim hrim chuan an lainatawm; intih engemaw na’n an pherh kher hi chu..
Ka comment teh tuar chu…
Report this comment
July 6th, 2012 at 5:28 pm
Post tun lai tak a ni!
Ni e, kan khawsak dan, kan ngaihsan zawng leh nalh kan tih te hi ‘a mak mang e!’ tih mai awl tak a ni ta. Kan ram lah chuan hma a sawn phah chuang hlei lo. Inenchiana insiam ṭhat leh insawi rem hret hi chu kan ngai a ni.
‘an dul hi zuk kiar zêl ia!’ tih khi a fel hlel deuh. “ia’ tih chuan nangmah i insawina a ni. Mi dang dul kiar sawi na’n chuan ‘a’ tih mai tur.
Report this comment
July 6th, 2012 at 5:33 pm
@ hlatekhua… Post-tupa dul hi a kiar a ni ngei ngei ang ti raw..?
Report this comment
July 6th, 2012 at 5:41 pm
Dr Mahminga Sailo @5, “Ni e” pawh ka ti ngam chiah lo, min vel palh ang. Mahse ka rilru chuan amah post-tupa hi an dul kiar chu a ni zawk em niang aw, chu ka ti ngam hram.
Report this comment
July 6th, 2012 at 6:13 pm
1. Dul tih kiar ve tur a nih chu
2. Inla emo te hmuh tur an la awm a ni maw, hmuhnawm thlira thlir tur.
3. Two wheeler-in zeina a keng tel thei dawn em ni?. NOI
4. Mipui tamna hmuna inhnawih ngam chu an nasa ve maithei asin..noi
5. Doctor Mahminga sawi ang khian piantirh ata an tuai sa anih chuan an khawngaihthlak.
Mahse ‘inla pherh’ ho hi chu an hmeichhe hmuzo lo lutuk hmeichhe bula awm chak si an nih hmel ka ti. (na mah2 em aw) hehe.
Report this comment
July 6th, 2012 at 6:14 pm
Dulkiar – nalh lo.
Sam phir/emo – inhmeh an awm. Inhmeh lo an tam zawk.
Two wheeler/car – lirthei hi a tangkai. Nu leh pa thawhchhuaha leu vel erawh ngaihsanawm lo.
Make-up – kan uar ta mah mah. Tleirawl te hlei hlei hian zuk uar tawh a.
Pherh – Taksa leh rilru ah in balance lo thil a awm tihna. Mi piangsual ve te
Report this comment
July 6th, 2012 at 6:32 pm
Post tha hle mai ia..
Report this comment
July 6th, 2012 at 6:33 pm
Rawlthar Vs Tleirawl debate-na atthlak tak, kohhran pastor thleng thlenga an atchilh kha in rawn post ta emaw ka ti hman a. A lawmawm e. Kha tluka BORING vantlang hma a inhnialna a awm pawh ka ring lo.
Report this comment
July 6th, 2012 at 6:36 pm
Bikers ho leh “Beer Belly” a inhmeh angreng ka tih laiin American ho tam zawk te tunah an rit mah mah ta hlawm… sawrkar thlengin an buaipui a ni ta ber. Dulkiar, rih lutuk etc hian natna chi hrang hrang, diabetis, heart disease etc. a thlen theih avangin kan ei leh in lamah fimkhur a tha ka ti khawp mai. Mizo-te ngat phei chu vawk thau chhah tak tak lo chu a sa pawh lei tha duhlo kan la ni zui a. Chutah buh (rice) carb’ ngah lutuk kan ei hnem si… kan fimkhur a tha ka ti khawp mai.
Thianghlim tak, rinhlelh kai lova neih lirthei chu a thei chuan khalh sela. Chutiang nilova, midangin an neih vanga neih ve tum kher, neih lamin tlin mang silo nih erawh a tha ka tilo thung. Tin, public transportation ie:bus etc. te a awm chuan Aizawl ang traffic jam nasa angah chuan mahni motor khalhchhuah pawh a peihawm love, lo intih engemawna hmun turah ka ngai hauhlo mai. Traffic rules kan zawm peih hunah, driving license pawh traffic rules hre tak tak hnenah chauh an pek chhuah hma chu traffic lah a that a bawisei awm der silo…. ka awt hlawm mang derlo mai.
Pherh ho hi a rukin an mawngah sirawkherhin perh thum pawp thin teh u. Mizo mipa fa chu, “chhungkaw enkawl thei tur, hmelma laka khawtlang tan thlamuanthlak tur, pasaltha tur’ a tan an pianin chem an hum tir thin kha maw! Chem inhum tir tawhlo mah ila mipa fate min beisei dan ala ngai reng e.
Report this comment
July 6th, 2012 at 9:20 pm
Kei chu ka dul a thep zaih hehe, tlangval dul kiar chu hmeltha eng ang mahse bialpa atan ka duh lo hrim hrim, chuan tunlai nula pangai leh fel tak tak zingah two wheeler leh car neilo ngaizawng hrehlo an tam mai, quality tak tak neilo inti changkang boruak ngam sang satliah tleirawl tuaitir leh nula inla ‘hifi’ thenkhat, lirthei nei chauh pak huam chingte chu lo la awm mahse.
Mipa te pawh hian vui leh ringawt thin lo hian chutiang hmeichhiate chu hmelthain tuai nalh viau mahse ngainepin duhlo ngam hmak ula, an zia a dang ve thuai mai ang.
Report this comment
July 6th, 2012 at 10:56 pm
Tuai/pherh ‘aw thum’ zet mai, electric veng (aizawl) velah ka hmuh thin
A inhmehlo e…. Tuai aw thum 
@Charice, keichu ka dul a kiar ve lo ania aw
Report this comment
July 7th, 2012 at 4:47 am
@Cherice ka dul chu tlem a kiar, mahse a tla lo tawk vel ka niang a!!!
Report this comment
July 7th, 2012 at 6:52 am
Tuk chhuah nuam u le
Report this comment
July 7th, 2012 at 8:49 am
a dik khawp mai .
Report this comment
July 7th, 2012 at 10:58 am
Dul kerh lohna damdawi hi awm se aw…!
Report this comment
July 7th, 2012 at 1:00 pm
Post pherh tak a nih hi…
Dulkiar nazawng an thatchhe kher lo. Entirnan: Kawlhawk
Report this comment
July 7th, 2012 at 9:43 pm
Patil/Pherh hi pianpui chu an awm ngei a, an khawngaihthlak.. Chutih rualin ‘inti-‘ pawh an awm tho anih hmel. Hman deuh khan hmeichhe pakhat ka hmelhriat ngei pawh a tleirawl chhuah dawn hian a inti-pa a, hmeichhe ngaihzawn tur a zawng bawk a. Mahse, a luck vak lo nge ni, tunah chuan sam sei hnapin a ‘nu’ leh tawh nasa mai…
Report this comment