mi(sual).com

Tunlaia kan mithiam thenkhatte leh thil chui zau taktak ten Mizo hnam an chhui dante hi ka lo chhiarin ka lo hmu ve thin a, heng an chhui dan hrang hrang leh an inchapcharnate pawh hi ka lo hre ve nial nual a. Chutianga mi ril pui puite’n an hriat dan an tarlanna karah he ka hriat ve dan hi ka han thai lang ve hrim hrim ang e. Mi nuih tizatu lek fang pawh lo ni mah ila, chawina em chu ka thleng lo ang chu.

A hmasain, Mizote hi kum 1890 hma lamah khan kanthlahtu hmasate chanchin reng reng kha ziaka chhinchhiah engmah kan neih loh avang khan hnammawl leh naupang nih kanhlawh phah ni pawhin a lang a ni. Chanchin eng pawh mai kha tawngkaa inhlan chhawn vek ani maia, chuvang tak chuan hun a lo rei chuan thil hriat dan leh sawi dante pawh a inang thei tawh lo a, ‘Unau thawnthu sawi pawh a dang thei a ni’ an lo ti fo thin reng a ni. Hengavang hian hnam mawl nihna te, hnam naupang nihna te pawh kan inbel emaw, miin min bel emawa nih pawhin a mawh lo e.

A nihna takah chuan hnammawl emaw, hnam naupang emaw kan nih mai na tura hriat chianna tak tumahin an nei lo. Chu lam erawh chu kan sawi tum tak a nih loh avangin kan sawi hman lo ang. Kum 1894 hnu lamah Kristian sakhua kan lo zawm tak hnu khan Zosap ho khan A.AW.B min han thiamtir tak hnuin ziaka chanchin dah kan thiam veta chauh a ni.

Amah erawhchu i han ngaihtuah chiang teh ang u, Mizorama chengte hi Mizo vek lo ni mah ila, Mizo, he Mizorama chengte chu Kristian niin lo inchhal vek mah ila, Mizoram chu ‘Kristian ram’ a ni hauh lo ani. Tin, Kristian pawh hi Mizo sakhua a ni hek lo. Kristianah lo inchhal fo thin mah ila, Kristian kan ni lo a, ‘SAPHUN’ chauh kan ni a, ‘Kristian saphun’ mai kan ni tihna a ni.

Aw le, kan sawi tum lamah luhchilh dawn tawhila. Tun laiin Israel hnahthlak zinga mi nia inruatna Mizo zingah ngei a awm avangin chutiang ngaihdan chu a nei an awm tam ve viau tawh mai a, chuvang chuan tutenge kan nih? Israel hnahthlak chu kan lo ni reng em? tih lam hi kan sawi tum tak chu a ni. Chipchiar tak leh a kip a kawiin kan chhuiin kan sawi seng vek dawn lo a, kan fiah theihna tur tawk tal erawh chu sawi kan tum ang chu.

Tunhma hunrei tak kal tawhah chuan ‘laisuih'(lehkh a) chu kan nei a ni tih kan sawi thei a,nimahse kan thlangtlak vel laia kan khawsak danin a zir loh em avanginhnam upa leh fing ni ve mah ila, hnam mawl leh naupang nih kan hlawh phah ta a. Khawi atanga lokal/chhuak nge kan nih a, ‘Mizo’ tih pawh hi engtia lochhuak nge ni a, engtik lai huna Mizo ni ta nge kan nih pawh kan hre chiang thei ta lo chu a nih tak hi! Engpawh ni se, Mizote chu khawvel hnam lian pui pui, Mingo te, Mihang te, Mi-eng te leh a dang te zingah pawh Mi-eng chu, Mongoloid hnam lian pui pui zing atanga a siper chhuak kan ni ti mai ta ila, a hriatthiam a awlin kan sawi sual tampui em lo’ng chu maw, chuti chu kan nihdan phung chu a ni a.

Mizote chu lalram hran neite pawhin kan lo awm ve tawh thin a. Kan pipute’n thlang an tlak khan Myanmar velah te, Manipur State velah te, Assam State velah te, Tripura State-ah te, Bangladesh-ah te leh tuna Mizoramah te hian an inzar darh ta a ni. Thlang tla ve loa tun thlenga an awmna ngaia la awmte pawh an awm a ni. Kawlvaiho chhiar danah chuan thlangtlaho zawng chu hnam sawm an ni awm e. Luseiho hi thlangtla hnuhnung ber an nih avangin a sawmna niin sawi an ni.

An tawng chuan ‘Lu’ chu hnam, tihnaa ni a; se’ chu sawm tihna a ni. Thlang tla velo te chu an la chhiar tello a nih chu.Chung la chhiar tel ve lohte chu tute nge kan hretheilo. Thlangtlaho zawngah chuan, Ralte te, Pawih(Lai) te, Paite te, Hmar te, Lakher(Mara) te, Lusei te, Gangte te, Vaipheite, Thado/Kuki te, Matu te, Khumi te, Bawm te, Kawm te, Khuangsai te, Kaipen te,Tangkhul te etc. an ni awm e.

Thlangtlaho pawh hi an chhiar kim lo a nih a rinawm hle. Hnam hlawm hran hranin awm mah sela, tawng pawh nei hrang vek mah sela, tawng chi khatin an la inbe thei vek tho a, hun reitak tlang hrang hranga inthendarh nuaiha an awm hnu hian unau leh hnam khat (mizo vek) an nihna pawh an lo hre ta loa, an indo thu te pawh kanhriat thin kha.

Chutianga tlang hrang hranga inzar darha khawsaa an awm lai chuan, tuipui ral atanga lo kala thu rawn sawitu mingo ho pawh chuan tlang hrang hranga insem darhin thu an rawn sawi ta a. Myanmar vela awmtechu, ‘Chin’ tiin an vuah a, Manipur vela chengte chu, ‘Kuki’ an ti leh a, Mizoramachengte chu, ‘Lushai’ tiin an ko bawk a, an vai erawh chuan hnamkhat vek an ni.

A hnu lamah hnam chi inhnaih tak niin an hre leh deuh si a, ‘Old Kuki’ tih leh ‘New Kuki’ ti tein an sawi ta mai mai a ni. Tin, thlangtla ve lo, tun thlenga an awmna ngaia la awm rengte pawh, indopui pahnihnaa Japan sipai umkirtu Mizo tlangval Assam Regiment hote khan an han hmuhin,Ralte tawngin an la biak theih vek niin an sawi a ni awm e, chuvangin he mi thuah hian Mizo hnam kanni vek a ni.

Mizote hi kan pianphungah te, kan thil siam danah te, kan khawsak danah te, kan thiltih dan phun reng rengah te hian Israel…
…to be cont…

Similar Posts:

• ‘ZOLUANKAWR’ Pu P.L.Liandinga’n a tlangzarh
• Mizote hi hnam huaisen kan ni
• Martaw-Ka-Baw
• Mizo hnahthlak kan ni lo
• MIZO LEH SAKHUA

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Friday, July 13th, 2012 at 6:33 am and is filed under Mizo Society & Culture, Mizoram, Opinion, Religion. You can follow any responses to this entry through the RSS 2.0 feed. You can leave a response, or trackback from your own site.