source: B. LALTHLENGLIANA
“Ka zârah thiltithei tak i hmang dawn a lâwm,” tia Rorelliana hnena a inpuanna te chu kum 40 chuang a lo ni ta reng mai. Mizoten Kristian zirtirna kan dawn chu kum za chuang a ni ta. Chuti lai karah chuan harhna chi hrang hrang leh hriatna chi dang dang chuan min tuam vel a. Kristian zirtirna kan hmuh tirh phat atangin ngaihdan in ang lo leh aw-phawi in ang lo a lo piang nghal a. Baptish Kohhran leh Presbyterian Kohhran chuan chhim leh hmar ramri a kham nghal a.
A lo rei deuh hleka Baptisma uar zawka thurina nei te, chhinchiahma dang aia puanzâr rawn chelek tute nen, Rom Kohhran te a lo ding zel a, Judaism te, Mizo Juda te, Chhinlung Juda te, sunday serh leh Sabath serh te, thawhtan serhte thlengin Kristian kan ni rei tual tuala, ngaihdan hrang a tam tual tual a, Setana pawl thlengin a lo piang ta a ni. Chung zawng zawng chuan Bible ami an changthlan vek a, Bible-ah pawh thuthlung thar bu duh miah lo te, Isua duh miah lo te, Isua chauh ti tûk mai te, Bible ring si, tawngtai duh lem lo te, heng zawng zawng hi mahni hnam thil Pathian thu ni loa ngai a, mi hnam tih dan zir an ni tlangpui. A thente chu sa engkim ei thei, a thente chu ei theihloh nei burte an ni a. Chu pawh chu Bible chhung bung leh chang tlawhchhan nei vek an ni.
Mizoram zîm têah hian rin dan chi hrang hrang za aia tam an awm ta mai. Thurin bu khat intawm siah chuan ngaihdan hrang tamna ber a ni hial awm e. Ngaihdan in ang lo satliah mai pawh ni lo Vanram kai ho pawh an tum lo hial a ni. Lungrualna chi khat an neih chu mahni hnam zia thil tling lo a dah a, mi hnam tihdan tling zawka ngaihna hi an lungrualna awm chhun a ni awm e. Tawngtai hi an uar hlawm viau a, Pathian an dah dan leh an tawngtai tawpa Isua hming an lantir dan a hrang nuaih mai a. Bible an zir dan a in ang lo a, zir chhuakte pawh Pastor atan an zirna hmun a zirin rawih duh leh duh lo an nei.
Chuti ang khawp chuan Zofate then darhna thuthlung chuan min chîm buai ta a ni. A that loh zia han sawi hlek ila, ‘ziak leh chhiar min thiam tir, min ti changkang a, khawvel êng min hmuhtirtu,’ tiin an tan leh lawi si a. Chu zirtirna hnuaiah chuan kum za aia tam kan khawsa ta. Min tichangkang kan tih rualin min tih changkan dan hi awpbeh nuam tawkin min ti changkang a, Khuanu min pek kan nun thate min tun dinpui aiin mi lu la hnam, thingbul, lungbul biaah kan inzir chhuak phak tàwk a, kan hnam zia a rakhaw kalpui an awm chuan kan hmu ramhuai hû zel mai bawk si. Juda ho chu an tâm avangin buh tamna ram Aigupta lamah an pem a, pem lut na na na chu a ram neitute bawihah an awm lo theilo a, ktm 40 zet Aigupta bawihah an awm reng a ni.
Keini erawh chu Khuanu min pek ramah hiam mâimi zial ang maiin hnam dang zirtirna chuam min ti tawngvai ta nuaih nuaih mai a nih hi. Engemaw chen chu min tichangkang ngei mai. Amaherawhchu, thawnthu diklo inhrilh ang deuh a nia. Thawnthu tha lo tak pawh hi inhrilh ila hriatna chu a tizau a, mahse kan tan a tha lem chuanglo a ni.
Tunah chuan kan sakhaw dikah Khuanuin min kai harh leh tan ta. He hun thleng tur hian kan vanglai hun tha zawng zawng chu kan hmang liam hman ti tih a. Chutah, hnama min dintu chuan tum a nei a, kohhrana tui taka rawng kan bawl lai chu thurin kalh leh tihsual nei chuanglo mah ila hnawk min ti tial tial a, min um chep zel a, kohhran lianahte kan hnawmg tan a, kohhran tê deuhahte kan ti chho zel a.
Chutah Mizo Evangelical Association(MEA) a lo ding a, a hnu kum 6 lekah MEA chu mipui nawlpui huapzo Lalchhungkua-ah a lut fel chiah tihin pawlah harsatna a lo thleng leh ta a. Chu harsatna chuan Nunna Lalchhungkua a rawn piantir ta a. Nunna Lalchhungkuaah pawh chuan a lang a paua hnam zia leh hnam Sakhua puan chhuahna kan la nei mai lo, kan la ti deuh duar a. Chutah kum 1990 a lo her chhuah meuh chuan Champhai inkhawmpuiah kan nihna diktak chu puan chhuaha a awm rualin kan hna tà ni lo, min tuamtu Kristian a tlâwm thu chu thu leh hla leh hnam thuam famkim nen puan chhuah a lo ni ta…!
-(chhunzawm tur..)-
Similar Posts:
- Eng Sakhua hi nge dik ber?
- …tual tual…
- Engvang nge Isua KA PA ti a a tawngtai thin?!!
- Anti-Christ hi Juda pachal a nih duh hmel
- Isua hi Pathian a ni
August 7th, 2012 at 7:58 pm
Comment off in va uar ve
Report this comment
August 7th, 2012 at 8:11 pm
Rorelliana hian Isua chanchin a hril thin a ni lawm ni?
‘Isua’n ka chanchin lo hril tih suh’ tiin a rawn khap nge, a ma’n a phatsan? Mi phatsan mai mai ching hotu hi in lo hrawn reng a ni ang e?
Judas Rorelliana Iscariot => eicnhh.. mawi tuk
Report this comment
August 7th, 2012 at 8:16 pm
*TOH SUH* tih tur.. mama mia
Report this comment
August 7th, 2012 at 8:23 pm
Beramno thar din tih vel hi ka peih ve lau… a peih chuan lo din vel mai mai t
eh u…. bleeeeeeehhhh….
Report this comment
August 7th, 2012 at 8:27 pm
Ku shai enge beramno thar chu? New born lamb?
Report this comment
August 7th, 2012 at 8:30 pm
Pu Art: I hming phuah hi
.
Pu Rinzo: In hotupa thuziak leh ngaihdan hi ngun takin zir chiang rawh. A tirah khian Kristianna avanga mizo phel darh a nihzia lo HIT a tum nasa a a ti ta bawk reng a. Tin he thuziak laimu ber pawh a ni bawkin ka hria. Mahse a tawp dan hi han en zel teh. Mizo Evangelical Association(MEA) kha kehphel pawh ni lovin pawl dangte nena ngaihdan inang miah lo turin din a nih kha aw…
A hnuah phei chuan inkeh darh ve nual alawm ni, hei. In thu leh hla pawh hi a phelh sawlh nuai a ni e. Rotekawla sepa takin mi tihloh lam daih tih duh avanga lo hnam sakhua ve ta mai mai in nih duh hmel.
Tin, Kristiante hian rinna hrang hrang nei mah ila rinna dang neite hi meidil lama kal turin kan ti ngai hauh lo. Penticostal lam hi tlemin an exclusive deuh tih mai loh chu… Isua-ah emaw Bible lamah emaw engmah lungawilohna in nei lo… In hotute khan engmah thlarau thianghlim thar an dawng hauh lovang. An sual tukhum lu pawn avangin Presbyterian leh Baptist ensan an ni a nih kha….
Report this comment
August 7th, 2012 at 8:37 pm
chhunzawm duh tawh suh
Report this comment
August 7th, 2012 at 8:43 pm
Setana pawl leh zel chuan Bible an beh chhan dawn em ni?
Israel fate kha Aigupta ah kum 40 chauh an awm lo bawk!
I ngam bawrh bawrh e.
Kristianna hian hnam a paihthla lo, a chawikang zawk thin.
In kalsual a ni satliah lo, in PENG BO.
Report this comment
August 7th, 2012 at 8:47 pm
MEA leh Rorelliana Pawl-a a hnuk pawimawh ber pakhat, Pu R. Vanlalzauva te nupa chuan kum 1991 khan an kal zel dan dik lohzia hriain an awmna atangin Presbyterian Kohhranah an lut leh ta a. A bul atangin an tan a; an innei tha a, dan chhungah lawmluh an ni leh ta a ni. An ti fuhin an la tifuh deuh deuh bawk ang. Chuvangin post tupa te pawh hi bumin awm reng lo ula a tha tiin duhsak takin thu ka rawlruk a che u.
Report this comment
August 7th, 2012 at 8:48 pm
Ignatia says “An (In hotute) sual tukhum lu pawn avangin Presbyterian leh Baptist ensan an ni a nih kha…” —–> akekekkeee . Dik hmel lu pawng lutuk.
Denomination hrang ni si, Mizoramm kohhran lian ber 2 Baptist leh Pres te thurina kan thuhmun lutuk hi Pathian zawnchhuah leh a din kan nihzia tifiah tu evidence tha ber zinga mi a ni. Kei ni Pres aiin unau Baptist te hi baptisma thurinah an fiah zawk hi an awhawmna em em a ni.
Ka lawm e Pu Rinzo
Report this comment
August 7th, 2012 at 9:01 pm
Chutah kum 1990 a lo her chhuah meuh chuan Champhai inkhawmpuiah kan nihna diktak chu puan chhuaha a awm rualin kan hna tà ni lo, min tuamtu Kristian a tlâwm thu chu thu leh hla leh hnam thuam famkim nen puan chhuah a lo ni ta…!
A va rapthlak em….
Report this comment
August 7th, 2012 at 9:49 pm
# cfl,
R. Vanlalzauva kha hman kumah kan khuaah rawngbawlna/crusade/camping neiin an rawn kala; ka pa pawh a hmu tha ngam lo a nih kha. He mite chungchang hi chu sawi thui lo mai teh ang u,,,
Report this comment
August 7th, 2012 at 9:51 pm
Ala laklawh rìh em mai, a zawh law law hunah thutak deuhvin kan la chaiho dawn nia. Kristianna tlawm hun in nghah chuan, in nghak rei duh awm e. A vawrtawp kan la thleng anga, Krista nena inneìhna ropui, a van ropuia lawiluh hun ropui chu ala thleng dawn ani si a.
Report this comment
August 7th, 2012 at 9:58 pm
#12
Rinzova Khawlhring Lalhnam
Khitiang rilru khi ka ngaisang khawp mai.. thildangah inhmu lem loh mahila.
Report this comment
August 7th, 2012 at 10:08 pm
Pk# keimahniah chuan a tlawm fel der tawh a ni e.
– Inneihna Lawi chaw kil atan, Lei leh Van kan sawm e; Vante pawh an lo thluang hniam a, Lei Eden Kalvari-ah, Lei leh Van inremna ruai chu, Kalvari-ah kan hung chhuak; Palaite tawpna a ni e, Mo leh neitu hlimna.-
Report this comment
August 7th, 2012 at 10:12 pm
#15.. aaaaaa.. a tak hmuh tur awm si lo hi chu a buaithlak e.
Seriously a zawhna – nupui pasal bik te hi in la awm em?
Report this comment
August 7th, 2012 at 10:21 pm
Inkhualtelem in ang reuh hi ka tia, mahse, mihring mihrinnaah chuan pa tha tak chu ini ngei ang.
Report this comment
August 7th, 2012 at 10:28 pm
17 dik chiah.. hnam sakhua leh pu Rina hi mizopa [tha] tak an nih ka ring keipoh. Houdini pawh hi a tha a za deuh thin e tih mai loah chuan lawmawm reuh tak chu a ni
Report this comment
August 7th, 2012 at 10:33 pm
B.Lalthlengliana hi mizo comedian lar Thangkura ni em, nge mi dang zawk?
Report this comment
August 7th, 2012 at 10:33 pm
Hawh awi…
Thuthlung leh thuthlung a dang ngei e, Kalvari tlanna thisen zara thimna phuar vel atanga chhuak a; Chanchin Tha khawvar enga leng, thuthlung tha zawk neitute hian hnutiang mual liam hnu reng kan ngai love
Report this comment
August 7th, 2012 at 10:34 pm
Art-a,#14>
a eng lai chu maw i ngaihsan a!!¡¿
Report this comment
August 7th, 2012 at 10:35 pm
19
Thangkura ni e..
Report this comment
August 7th, 2012 at 10:38 pm
Ka net a muang lutuk a inkawm han chak ve sa teh thin mah ila thildangah min lo pakai sn zung zung zel sia. Nakinah Hnam Sakhua taka kan din tlân vek hunah chuan rualkhai takin a la inkawm theih ang chu.
19# yes.
Report this comment
August 7th, 2012 at 10:38 pm
@21 Rinzova Khawlhring Lalhnam
“He mite chungchang hi chu sawi thui lo mai teh ang u” i tih khi mawle.. tul lova mi cc a mawi lo lam sawi hi pumpelh hram a tha ka tihna a ni e.
Report this comment
August 7th, 2012 at 10:44 pm
24# nie a dik khawp mai a,mi chanchin sawi zawng; a tan hoin a tha zawng sawi tur an ngah anga, a tanlo hoin a chhe zawnga sawi tur an ngah bawk ang. Mi/mimal chanchin lo sêp vak vak zawng a sawngsawhlatna a awmlo em mai!
Report this comment
August 7th, 2012 at 11:13 pm
Laljeho lalchhungkua, lal ruai kiltu te chuuuuuuuuuuuuuuu…….ava lunglen thlak reuh tak……. hairehai
Report this comment
August 8th, 2012 at 12:46 am
Thu vuvuk anih hi, ka komen ka save si lova, net muan vangin a lut pek lo. Pu Rorelliana hi in enfiah se, a kal diklohna lai tak chu a in hmu chhuak mai ang…
Report this comment
August 8th, 2012 at 6:34 am
Ignatia
Dawt i sawi hret lo maw le, Kristian lo chu sakhaw dang reng reng chu hremhmuna tla turin a ni insawi vek ni, insawi hi ka hre hnem tawh khawp mai, Pentecos chauh chu an ni lo deuh.
Report this comment
August 8th, 2012 at 6:46 am
Sasaks
Kristianna-in kan rama thil a khawih pawizia chu i duh chuan i hre thei khawp ang.
CFL
R. Vanlalzauva te nupa chungchang hi tan chhanah chuan rawn hmang ve duh vak teh suh u. Sawi thui a ngai palh a nge.
Art-a
Thurina thuhmun lutuk si engati nge in inzawmkhawm mai loh? Inzawmkhawm pawh tum ula inthei chuang lovang. Chu chuan inthuhmun lohzia a entir.
Report this comment
August 8th, 2012 at 7:42 am
28
Hnam sakhua,
Ignatia sawi khi enchiang leh la, Kristian zing rinna hrang nei te bik a sawina a nih hmel
“Kristiante hian rinna hrang hrang nei mah ila (Kristian)rinna dang neite hi meidil lama kal turin kan ti ngai hauh lo” a tihna a ni ang. Dawt a ni lo ve.
Report this comment
August 8th, 2012 at 7:52 am
#29 Hnam sakhua,
Inzawmkhawm kher hi a tul kan ti lo a ni mai
Bakah kan inzawm khawm vek ten pawl hrang ni si, in unau tak kan awm nang mawle. In bula han insawitheih velna tur kan nei nang
Nangni chutianga unau han sawi tur in nei ve a mi – Tumah lungrual pui thei lo in ni lawm ni? Hindu ho khu ‘kan unau te’ in ti a nih ngawt loh chuan.. hihii..!
Report this comment
August 8th, 2012 at 8:11 am
comment closed
Report this comment
August 8th, 2012 at 8:21 am
31#
Inzawmkhawm a pawl member tamtak nia awm in duh tih chu i hrechiang ang a. Tu emawin a awmna kohhran chhuahsan sela emaw khawdangah emaw pem ta sela, mahni kohhrana lo lut turin in sawm thin a ni lo em ni. Kan khuaa kan awm tantirh hian(kum 27 vel chu kan awm ve ta); kohhran pakhat hian an kohhrana awm turin min lo sawm a, min hlau deuh nge an beidawng nghal mai zawk ni an lokal nawn leh lo reng reng mai!
Inzawmkhawm kher a tullo i ti maw!?!! Hei vang tak hian alawm kan ram chuan kawngdik a zawh theih loh. Inlungrualna tello chuan ram a siam theih loh a, hnam dinkhawchhuah a har a ni.
Report this comment
August 8th, 2012 at 8:29 am
33
Rinzova Khawlhring Lalhnam ,
In rilru hi a zim deuh thin a ni.. Inzawmkhawm duh thenkhat an awm avang mai hian kan duh vek tihna a ni hleinem. Kei ngei pawh hian a tulna ka hre lova, tianga pawl hrang awm hi chhan tam tak a vangin a tha ka ti a, ka duh zawk bawk.
AW… Kohhran pawl inzawmkhawm kher hi a tul lo. Hnam sakhua anga inzawmkhawm phei chu TUL LO TURU U HNEH ..lolzz
Chatuanin nangni nen hian kan inzawm lovang tih hi ka chiang – min rawn zawm a nih chuan thuhran.
Report this comment
August 8th, 2012 at 8:29 am
Kan nunah englai pawhin Pathian a Lal ber. Lal thu chu thu tawp ani mai. Lian taka kan awmkhawm mup aiin tuna kan awm ang hian, kan hmazawm theuhvah thahnem kan ngaiin Pathian ram tan kan thawhhlawk daih zawk tih kan Lalpa hian a hria a, a phal rih ani mai. Nakinah (vanramah/beramno nupui neih hunah) chuan kan la infinkhawm vek dawn khawp.
Report this comment
August 8th, 2012 at 8:49 am
34#
hmana kan tih thin, kan tih hun laia an duhloh em em te kha tunah chuan an rawn ti ve zel ta mai, kan kawng sialah zel ani an rawn kal ni zoram mipui te hi.
Duhlo mahla nangin kan kawngsial sa hi i rawn zawh duhlo a nih pawhin, i tu leh fa leh chhuanthar lo awm leh turte chuan an la rawn zawh dawn tho tho tih hi chiang takin ka hmu a ni.
Report this comment
August 8th, 2012 at 8:58 am
lol Pu Rin
Khawvel hi kumhlun tur ni se chu a dik mahna le.. mahse Lal Isua hi a lokal leh dawn a, tuna chen emaw intih vanram hi a takin leiah a rawn din dawn zawk alawm.
Vanram kan tih hi khita vana lawn lam pawh a ni hleinem. Van LAL ram tihna a ni zawka, leiah hian Pathian chuan ro a rel dawn a, chu chu vanram (kingdom of heaven/God) kan tih hi a ni. Leia Pathian duhdana rorelna tiin a sawi theih ang chu
Report this comment
August 8th, 2012 at 9:04 am
Tunah hian Pathian duh dana rorelna chu Leiah hian a la ding lo tih chu hmu tha duh ula chuan in hmu ang mawle.. in mit in tidel lui tlat atin a ni
Report this comment
August 8th, 2012 at 9:24 am
ngawi teh u kan ho tute ka va pun lehlawk ange,tunah cuan ka chang thiam ciah lo ceu,kan chhuanlam leh lawk ati,aril ru te in
Report this comment
August 8th, 2012 at 12:11 pm
A va kual tak ve maw le
Report this comment