«
»

Sikul ka luh tìrin…

August 10th, 2012 4:00 pm by ɪ̣uɪ̣pnoɥ

Mizo a-aw-b hlä; tunlai naupang deuhho hian an hre lo fo ta mai. Hmanah chuan awm pawh a la awm lo hrim hrim a. Kan naupan lai chuan awm tawh a, kan sa nasa thei hlë, Aia upate zahthiamin tih nen khan…  Google chhuah mai ka han tum a, ka hmu lawk lo va, mahsé misual.com-ah bawk a lo awm tawh lehpek a. Hriat nawn atan ka han ziak nawn leh hrim hrim ang e. A inziah dan leh kan sak dan a dang hret hret a, kan sak ṭhin dan takin ka rawn ziak ang e. Hlabu hrang hrangah a ziahdàn a hrang leh hlek hlek a ni leh mai thei…

Sikul ka luh tìrin mikhual ang ka ni a,
Ka pawl min siamsakin ka hming an han ziak a.
Mak ti âwm fahranin A ka han ti phawt a,
Lungleng awm tak maiin AW ka han ti a.
B ka han sa ta a, chhawn tur van vei vei nen,
Ka kawi bawm min ti-ngai , kan tualzawl nuam tak nen.
Ban hma loh phei chuanin CH ka lam ka lam ṭhin.
Ei tak tak si lovin D hmun ka thleng ṭhin.
Phul emaw ka lo ti, E! a ni awzawng lo,
F ka han kai hi chuan a lo awzia ta zawk.
G ka lam phei hi chuan Vai rim a nam rum rum.
Aieng awm si lovin NG ka tih tak chu.
Hahchhiau chhuak ang maiin H ka han ti a,
Zungchala kawk zelin I ka han ti chiam a,
Mal rawl ṭeuh ang maiin J ka ti ṭhel ṭhawl a.
K-a kal si lovin thui tak tak ka kal.
Lo zir hmasate hi L ngawt ka tum ta a,
Lum ti awm tak maiin M ka ti em awm ṭhin.
N lovin ka zir thin, dang nal hnuah phei chuan,
O ka ti o o ṭhin, vawn ka tum vangin.
P ka lam apiangin ka pu pawh ka hre ṭhin.
R ka lam erawh chuan kan sumhmun ka hre thin.
S ka kai leh hi chuan ka saisîk seih seih ṭhin.
T  ka kai achinah ka titi ta ṭhin.

Vai ral kian hnu pawhin Ṭ ka ti leh dek ṭhin.

U kianga ka awmin ka lo uang em em a,
Khuai làmte pawh zirin V ka ti vang vang ṭhin.
Z ka lo thleng ta a, ka chhiar zet zet  mai……

 

Hei ve thung: Lengkhâwm hlä a ni a, Saihnuna phuah a ni a, in sa ve ngai em maw chu!? Kei chuan Saihnuna hläho hi ka ngaina hlawm êm a, ka rilruah hian a thar báng thei lo (a dang pawh phur thut hunah ka rawn ziak zël ang, google chhuahah hrim hrim pawh, ram leh hnam hmangaihna vàngin ;-)  ).

 

  1. Thihna Jordan kamah lungngaiin thla an zar,
    Buaina chhum a zing, khua a thim e Lalpa!
    Ka hmaah lo eng leh ang che,
    Aw thlarau, ka lawmna ber!Nang lo chuan tlaini len a har e Lalpa,
    Eden hlui tual a lengte hian
    Kan au Lalnunnem min hruaitu,
    I zar hnuaiah len ka nuam ve tawh e.
  2. Ka chènna tur ram nuam ka ngai khawvêlah hian,
    Tahchuah Lalnunnem par tlànin zai an sa;
    Bang lovin Sarawn par an thliak,
    Ka thlir lungngaih hnuaiah hian?
  3. Lawmna kawl eng tùr chu ṭapin ka thlir  niléng,
    Hmuh ni awm ang maw, ngaih a na e Lalpa;
    Ka tan khua vartir leh ang che,
    Aw ṭahlai ka báng tawh ang.

 

Hei ve thung! A phuahtu chuan Virthli leng tih pawh a phuah (bawk em) kha? A nalh ti lo chu an chung a pik e (rem dik la, a ķim lo a awm chuan dahkhat rawh…   :-)  ):

 

  1. Awi maw! Ka hraite zawng!
  2. Awi maw ka kal thiam lo
  3. Chei amah Tunkháia!
  4. Chhimthlipui iang thai lunglian engtin hráng maw?
  5. Chungtùrani thlangtiangah a liam dawn e
  6. Daikàwm a rawn vêl e.
  7. Hmakhawsanga leng dawi Chhurbura kha
  8. Hemfung chawi thinlai vai Chhurbura chuan
  9. Hmuh ka núam ngei e ka thai nemduaii
  10. Hrailengte lawm tur, lengngha ka hawn lo
  11. Khuafur hâwktui thiang vawkpui ruang bualna
  12. Kïr leh ta’nge kei ka sianglamràwnah
  13. Kir zai rel thei lo, liam zai rel thei lo
  14. Laichhuat rún-in hnuaiah;
  15. Lengngha hneha tuai pir per ka tawng kei zawng
  16. Lenchawm beng ṭawkdangi chawnbana vuanin
  17. Mi úte hmuh loh, mi pâte hmuh loh
  18. Pí khûp a kái an ti
  19. Pi khûp a kháwng vúng ùl
  20. Pi khup ngawi hle hle, pi khup ngawi reng rawh,
  21. Pi khûp ngawi la ṭawkdangi a tlan ang e!
  22. Sial ang a ngír an ti
  23. Suihlung a rualpui lenrualte zawng khân
  24. Thinlai vai ṭawkdangi lo zuang chhûakin
  25. Vangkhaw perpui dung rawn tawn ngam si lo
  26. Vangkhaw perpui dung zalam ṭhuamluaiah
  27. Zamual an liam zo ta
  28. Zaiin ka hril dawn e

 

A mizo a-aw-b indawtin ka rawn tlar ta mai a, tlar 4 a kim lo. In lo dahkhat ve tawh mai dawn nia :-D

 

Ka lawm e.

 

 

Similar Posts:

Recent Posts:

This entry was posted on Friday, August 10th, 2012 at 4:00 pm and is filed under Poetry. You can follow any responses to this entry through the RSS 2.0 feed.

51 Responses to “Sikul ka luh tìrin…”

  1. 1
    Chhurbura Says:
    August 10th, 2012 at 4:07 pm

    1st

    [Report abuse]

  2. 2
    Awmtea Khiangte Says:
    August 10th, 2012 at 4:08 pm

    Van tha mai mai e. Post ngaihnawm tak a ni

    [Report abuse]

  3. 3
    blackmagicwoman Says:
    August 10th, 2012 at 4:11 pm

    a video ka rawn thawh e!
    https://www.youtube.com/watch?v=ErX8C4M2xRo

    [Report abuse]

  4. 4
    thenawmpa Says:
    August 10th, 2012 at 4:15 pm

    (Y) …mahse heti zawng hi chuan ka vawikhat hriatna ani….kan la nau deuh aniang e.. :-P

    [Report abuse]

  5. 5
    Sasaks Says:
    August 10th, 2012 at 4:15 pm

    houdini hian google hi i ngaisang hi ka tia! :-P

    Post tha tak a ni. Sikul ka luh tihin – tih phei hi chu kei ka pa’n a sawi thin tih loh chu ka hre hauh hlei nem (Y)

    [Report abuse]

  6. 6
    PKfanai Says:
    August 10th, 2012 at 4:16 pm

    Sikul ka luh tirin tih khi a phuahtu phuah dan dik tak nge nangma ziah sual aw? ‘Sikul ka luh tirhin’ tih tur ani zawk lo maw?

    [Report abuse]

  7. 7
    Rinzova Khawlhring Lalhnam Says:
    August 10th, 2012 at 4:24 pm

    Sap misawnari hoin hmangaihna tel lova min siam sak kha a ni maw A,AW,B

    [Report abuse]

  8. 8
    ɪ̣uɪ̣pnoɥ Says:
    August 10th, 2012 at 4:25 pm

    #6 PKfanai, kan sak á¹­hin dan a ni a, ka sawi ang khian hlabu hrang hrangah a chuan dan a dangin ka hria!

    #3 blackmagicwoman rawn thawh pawh a á¹­ha khawp mai; a inmil lo deuh hlek hlawm tih a hmuh theih.

    [Report abuse]

  9. 9
    ɪ̣uɪ̣pnoɥ Says:
    August 10th, 2012 at 4:27 pm

    Hla 2-na khi Nang lo chuan tlaini len a har e Lalpa tih chin zawng khi a thunawn a ni a, tihhran tur asin, admin te! Ka rawn tihrang reng si a, in lo khawih danglam a ni maw? Lal in va hrawt reuh ve :-P

    Hla 3-na khi rem dik thiam in awm chuan ka ngaisang khawp ang che u ;-)

    [Report abuse]

  10. 10
    Eve Says:
    August 10th, 2012 at 4:29 pm

    A va hlui rem rem ve… (O)

    @ 3 bmw (Y) , i fel lutuk!!

    [Report abuse]

  11. 11
    XaiA Says:
    August 10th, 2012 at 4:30 pm

    Kan sa ve nasa thin…dik mang hlei lo khan!!!

    [Report abuse]

  12. 12
    Charice hahaha_mizo Says:
    August 10th, 2012 at 4:31 pm

    ka rem dik thiam reng, ka peihlo mai a ni, hahaha

    [Report abuse]

  13. 13
    lrpa Says:
    August 10th, 2012 at 4:34 pm

    ka hre ngai lo tawp mai..good post

    [Report abuse]

  14. 14
    ɪ̣uɪ̣pnoɥ Says:
    August 10th, 2012 at 4:34 pm

    #5 Sasaks, google hi ka ngaisang khawp tak mai :-P

    [Report abuse]

  15. 15
    ɪ̣uɪ̣pnoɥ Says:
    August 10th, 2012 at 4:35 pm

    #12 Charice-i chu, i va han thiam awm hlei lo e…! Nih leh a tlar kim lo 4 khi han sawi tal teh? :-D :-P

    [Report abuse]

  16. 16
    ɪ̣uɪ̣pnoɥ Says:
    August 10th, 2012 at 4:45 pm

    Ka lung a léng hi ka va han ti tak êm :-P:-P:-P

    [Report abuse]

  17. 17
    Ignatia (33-115 AD) Says:
    August 10th, 2012 at 4:45 pm

    Mi letling – vawi engemawzat lo inkhengkhawng tawh chuan a post tha lek lek mai a… :-P

    Tawnhriat lam thil leh ngaihdan post hi rating ka pe sang ngai lem lo.

    A tha hrim hrim e. Kan hunlaite pawh min tihrechhuak a lawm le. KAWI BAWM, SUMHMUN leh SAISIk tih thumal khian min deh dan a danglam deuh bawk.

    Saihnuna hlate hi Hnam Sakhaw-ah in lo la lut chiam ang e aw. I lo ngaina ve a lawmawm hle mai.

    A tawp ber ami hi khawi ami nge i neih a? Chepa pawh hi a vah a vah chuan ek thing a tawng ngei ngei zel an tih ang deuhin thil awmze nei deuh i hmu a nih hi mawle…

    [Report abuse]

  18. 18
    Charice hahaha_mizo Says:
    August 10th, 2012 at 4:47 pm

    houdini, ka sawi ten midangin an hre ve anga sin :-P , a reng rengah mahni post ah an comment vak vak ngailo a polite loh thlak ;-)

    [Report abuse]

  19. 19
    ɪ̣uɪ̣pnoɥ Says:
    August 10th, 2012 at 4:50 pm

    #17 Ignatia të dîn dên chu, mîin thu pangngai an sawi laiin rawn MAWLMANG lo teh. Khitiang hlä khi i hriat vè ka va’n ring lo e…! I hawiherin a phú lo. I mizo á¹­awng a äwn bawk. Inthlahrung ve deuh teh.

    [Report abuse]

  20. 20
    ɪ̣uɪ̣pnoɥ Says:
    August 10th, 2012 at 4:52 pm

    #18 Charice, ha ha ha!

    I hre lo tihna :-P

    [Report abuse]

  21. 21
    lrpa Says:
    August 10th, 2012 at 4:52 pm

    HAHAHA..

    [Report abuse]

  22. 22
    Ignatia (33-115 AD) Says:
    August 10th, 2012 at 4:52 pm

    Kei ka awn deuh nang i letling thung ami kha… :-P :-D

    Inkhengkhawng a nih mai chu a… :-P :-P :-P

    [Report abuse]

  23. 23
    ɪ̣uɪ̣pnoɥ Says:
    August 10th, 2012 at 4:53 pm

    #22 Ignatia, :-P:-P:-P

    [Report abuse]

  24. 24
    Ignatia (33-115 AD) Says:
    August 10th, 2012 at 4:55 pm

    Nge a ni lo mi? Rinzova’n i inkhengkhawng a tia lawm. Inzep thei khawp mai aw… :-P :-P :-P

    [Report abuse]

  25. 25
    lrpa Says:
    August 10th, 2012 at 4:58 pm

    Hauding..khawnge i awm?

    [Report abuse]

  26. 26
    ɪ̣uɪ̣pnoɥ Says:
    August 10th, 2012 at 5:13 pm

    #24 Ignatia, :-P:-P

    [Report abuse]

  27. 27
    Ignatia (33-115 AD) Says:
    August 10th, 2012 at 5:20 pm

    I dtr a nih mai chu a… a fair lo khawp mai aw. Tanhmun chhiat deuh liin smiley ringawtin min chhang a. :-P :-P

    A tawp ber ami phuahtu hi ka hrechiang fu a. A tul chuan ka lo tuihnih dawn nia…

    I induh em mai… :-P Tui ka va hleuh daih ang e. Sangha panga vel tal ka va um chau leh lawk teh ang. :-P :-P

    [Report abuse]

  28. 28
    vakul Says:
    August 10th, 2012 at 5:23 pm

    A chang leh houdin…chang leh upno..chang leh hauding
    chang leh inkhengkhawng.. ;-)

    Misual MI tih tawh loh tur Misual DTR. :-D

    Rinzo-a chu chhang ngam ngang lo a ni e…a luhna apiangah ka zawt a sin maw le. A chhan chu zahmawh lam aiin a tak tak a nih chuan a dangdai em a..

    “Kïr leh ta’nge kei ka sianglamràwnah” hei chauh hi etymologically-in ka’n hrilhfiah ve mai mai ang e.

    ‘siang’ hi ‘In’ sawinana kan hman chhan hi a mak ve khawp mai..siang chu ngal hnuai chiah..kephah chung si hi a ni a; chu siang chu kawngkaa kan han luh hian ‘siang lawi’ tih a ni ta a. ‘siang leh lawi’ tih inzui reng thin kha…siang chauhva tlat hrantir hun a lo awm a ‘In’ sawina a lo ni ta a, sianglamrawn–in kawngah an ti ta daih a nih chu…min hnial in awm chuan ka tlanchhe deuh.

    [Report abuse]

  29. 29
    ɪ̣uɪ̣pnoɥ Says:
    August 10th, 2012 at 5:25 pm

    #27 Ignatia, va hleuh parh vek teh :-P

    [Report abuse]

  30. 30
    april Says:
    August 10th, 2012 at 6:05 pm

    Saihnuna Buh tuh hla kha naupanlai in ka recite thin. Lunglen thlak hle mai.

    [Report abuse]

  31. 31
    saint sammoo Says:
    August 10th, 2012 at 6:12 pm

    hauding… i in hmeh lo e..haha..

    [Report abuse]

  32. 32
    sheldon Says:
    August 10th, 2012 at 6:15 pm

    Rawn chhawpchhuak tha hle mai houdini chu (Y)

    [Report abuse]

  33. 33
    Puii Says:
    August 10th, 2012 at 6:15 pm

    chhura sangha vua chu ka lo hriat dan nen a in ang lo hlek hlek…;-)

    A aw b hla pawh hi sikul kal uh tirhin tih niin ka lohre thin. (O)

    [Report abuse]

  34. 34
    covenanter Says:
    August 10th, 2012 at 6:43 pm

    A AW B hla hi Pu Ch Pasena phuah niin ka hria.

    [Report abuse]

  35. 35
    ɪ̣uɪ̣pnoɥ Says:
    August 10th, 2012 at 6:46 pm

    #28 vakul, tunlai chu i tuihnäng á¹­ha khawp mai, i sawizuinaho chhinchhiahthlâk tak tak vek a ni. (Y)(Y)(Y)
    #34 covenanter, ni e, Pu Ch Pasena phuah a ni e… Nge P.S Chawngthu zâwk? ;-) :fth:

    [Report abuse]

  36. 36
    ɪ̣uɪ̣pnoɥ Says:
    August 10th, 2012 at 6:50 pm

    Ka hla 3-na remdik thiam an awm hlawl lo a ni, ka beidawng. Tlar li kim lo hria phei chu khawvêlah hian an va’n váng dáwn tehlul êm :-P

    [Report abuse]

  37. 37
    VaiVa Says:
    August 10th, 2012 at 6:52 pm

    Misual in houdini te ang a letling zawng a hmasawnna rawn phawrh thin kan nei hi chu a lawmawm tak zet a ni. A hming pawh a leh lin leh vuuuu tawh hi :D Good post (Y)

    [Report abuse]

  38. 38
    ɪ̣uɪ̣pnoɥ Says:
    August 10th, 2012 at 7:20 pm

    Eden hlui tual a lengte hian ni lovin Eden hlui tuala léngte hian tih tùr a ni e; a dang pawh a awm nual.

    Phùr thühläah ka sawi mai mai.

    [Report abuse]

  39. 39
    bbney Says:
    August 10th, 2012 at 7:20 pm

    Hei chu a va á¹­ha ve le. Kan luh ve lai khan an uar tawh lo aniang, kan zir ve awm pawh ka hre lo.
    A AW B Aiawt bawm, CH D E Chhundeng ek tih vel kha kan sawi rual dual dual á¹­hin.

    [Report abuse]

  40. 40
    H.Vangchhia Says:
    August 10th, 2012 at 7:27 pm

    Kulikawn biakin kawtah skul a awm á¹­hin lai khan kawngpui kal laiin an sawi/sak rual á¹­hap á¹­hap awm tak kha mawle. Post á¹­ha tak niin ka hria. Hetiang hi naupang zirtir zel ka duh. Dam chuan ka fanu thiam tir leh tur a nih hi. Ka lawm hle mai (Y) (B)

    [Report abuse]

  41. 41
    Dr Mahminga Sailo Says:
    August 10th, 2012 at 7:33 pm

    (Y)

    [Report abuse]

  42. 42
    Ignatia (33-115 AD) Says:
    August 10th, 2012 at 9:23 pm

    Houdini: Comment numebr 19naah khian hre lo lutuk tura min ngaih avangin ka lo chhang duh ta lem lo che a. Mahse tumahin an lo la chhang chuang si lo che a, ka lo chhang ang che aw.

    Pu Lalmama tuallenaah hian kum 6 dawn ka awm a. A chanchin leh a kuthnu hi chu ka hre viau a nia. Ama puala Symposium an siam tum paw’n tel theih dan ka nei lova mahse ka tel lui ve ngat. A chanchin mithiam te’n paper an buatsaih kha a ngaihnaw thlawt! Ka vangkhua lamah ka thingrem roh tak maiah ka la dah tha reng.

    Tlar li i theihnghilh takte kan sawi phawt eng e aw:

    Chhinlai khawm, lenrual lo pung run lumah,

    Tlai khua a ngui zo ta.

    Tlang hrai a rel an ti,

    Turnipui lenkawl a liam dawn ngei e tihte hi a ni.

    Tin, i tihsual lai pawh : Khi laiah khian ‘THINLAI VAI’ á¹­awkdangi lo zuang chhûakin tiin i ziak a mahse thinlai vai tih aiah SUIHLUNGPHAN tih zawk tur a ni e.

    Chuan ti hian diktakin ka lo rem sak ang che aw. Comment number 9naah khian remdik thei an awm chuan ka ngaisang viau ang i ti teh ngawt a. Mahse min ngaisang daw lo tih ka chiang. Tawng fimkhur nan erawh i hman ka ring e. Khai aw:

    1. Hmakhawsanga leng dawi Chhurbura kha
    2. Zaiin ka hril dawn e
    3. Suihlung a rualpui lenrualte zawng khân
    4. Zamual an liam zo ta
    5. Kir zai rel thei lo, liam zai rel thei lo
    6. Chungtùrani thlangtiangah a liam dawn e
    7. Vangkhaw perpui dung zalam á¹­huamluaiah
    8. Sial ang a ngír an ti
    9. Tunipui Lenkawl a liam dawn e
    10. Tlaikhua a ngui zo ta.
    11. Kïr leh ta’nge kei ka sianglamràwnah
    12. Awi maw ka kal thiam lo
    13. Hrailengte lawm tur, lengngha ka hawn lo
    14. Chhimthlipui iang thai lunglian engtin hráng maw?
    15. Vangkhaw perpui dung rawn tawn ngam si lo
    16. Daikàwm a rawn vêl e.
    17. Khuafur hâwktui thiang vawkpui ruang bualna
    18. Laichhuat rún-in hnuaiah;
    19. Lenchawm beng á¹­awkdangi chawnbana vuanin
    20. Chei amah Tunkháia!
    21. Mi úte hmuh loh, mi pâte hmuh loh
    22. Lengngha hneha tuai pir per ka tawng kei zawng
    23. Hmuh ka núam ngei e ka thai nemduaii
    24. Awi maw! Ka hraite zawng!
    25. Chhinlai khawm, lenrual lo pung run lumah,
    26. Tlang hrai a rel an ti.
    27. Suihlungphang á¹­awkdangi lo zuang chhûakin
    28. Pí khûp a kái an ti
    29. Pi khup ngawi hle hle, pi khup ngawi reng rawh,
    30. Pi khûp ngawi la á¹­awkdangi a tlan ang e!
    31. Hemfung chawi thinlai vai Chhurbura chuan
    32. Pi khûp a kháwng vúng ùl

    Serkawn Concert tih hi i hre tawh ngai em? Min chhang la chuan ka sawi belh zel ang.

    [Report abuse]

  43. 43
    vakul Says:
    August 10th, 2012 at 9:28 pm

    kha daih kha sin…

    [Report abuse]

  44. 44
    shailendra Says:
    August 10th, 2012 at 9:45 pm

    ka save nghal e. Ka va han lawm tak em (Y)

    [Report abuse]

  45. 45
    true ^mizo^Boy Says:
    August 10th, 2012 at 10:20 pm

    lung a ti leng kher mai (Y) :-) :-P

    [Report abuse]

  46. 46
    true ^mizo^Boy Says:
    August 10th, 2012 at 10:30 pm

    ka pu a mu a lu a na
    fu ka pe zu chu ka pe lo

    khang zir ve phak lo keini tan poh lung a ti leng reih reih mai alawm le :-)

    [Report abuse]

  47. 47
    ɪ̣uɪ̣pnoɥ Says:
    August 10th, 2012 at 11:11 pm

    #42 Ignatia, kei ai chuan i lo ril leh fé tho mai (Y)(Y)

    I lo hre khawp e (Y)

    Chhang thei awmchhun i la ni e. Thangsi khiu ka lawm e.

    I sawiho khi ka hre lo ve thung :-D:-D

    Ka tláwm ni mai teh se ;-)

    [Report abuse]

  48. 48
    ɪ̣uɪ̣pnoɥ Says:
    August 10th, 2012 at 11:57 pm

    Sawi hmaih thualna: #9-a ka tiam ang khian ka ngaisang bawk che @Ignatia (tak tak)

    [Report abuse]

  49. 49
    Sasaks Says:
    August 11th, 2012 at 12:01 am

    #42 (Y)

    [Report abuse]

  50. 50
    Ignatia (33-115 AD) Says:
    August 11th, 2012 at 12:31 am

    Hahaha Houdini i va ti lawmawm ve aw. I remtihna a nih ka ring a. Sawi duh leh sawi chak tamtak ka nei a, ka lo sawi leh hlek teh ang. Comment number 16naah i lunglen thu i ziak a. Khi comment khi keima tan i ti emaw ka ti hial. Ka chhungte leh ka pu (grandpa) min ti ngai hle a ni. Mahse i boruak em a..i lo inkhengkhawng bawk nen ka lo fiam zui ta che a… :)

    Zosap Missionary fel tak HW Carter-a (ZochhawniPa) kha kum 1930 khan Mizoram a lo chuang chhuak a. I hriat theih dan tur chuan Chhimbial sikul enkawltu a ni. Literature lama sang tak, background nei tha bawk si a ni a. Greek, Latin leh Bengali thlengin a thiam a. Mizo poetry, music leh drama tihmasawntu pawimawh tak a ni.

    Kum khat vel mizo zinga a awm khan. Pathian hla leh Nu leh tlangval inngaihna hla ringawt mizovin kan nei kha tha a ti lo hle a. Hla leng lawng lam neih tam tha niin a hria a. Chutah chuan hla thar neih a lo ngai ta. Hlathar sak chhuah nan leh Kristiante (Hnam Sakhua a la piang lo tlat) intihhlim nan SERKAWN CONCERT huaihawt thain a hria a. Kum 1932 atangin Favang awllen laiin an huaihawt thin ta a ni. Chumi chhimtur chuan hmun hrang hrang atngin mi an lo kal teuh thin. Chuta saktur hlate chu Pu Lalama te, Pu Liandala te, Phuahtu Chhuana te, Pu Selthuama te, Pu Hangpawla ldt., chuan phuah ta chiam mai a. A then chu a saka sak chite a then chu chham chite pawh a ni. A chunga ka sawi takte hla lenglawng phuah tamtak hi Serkawn Concert hunlaia phuah deuh vek a ni. Tuna kan hla sawi lai leh a dang kan sawi pawh hi Serkawn Concert hunlai ami vek . Pu Liandala hla phei chu i hre teuh ang.

    Serkawn Concert hian mizo thu leh hla-ah hmun pawimawh tak a chang a. Chu chu kan hriat ka duh em em a ni.

    Chhura leh a kaihnawih tak hi chu Phuahtu Chhuana hian a thlur deuh bik a. Pu Chhuana hian Chhura rawngbawl, Chhura leh Naa, Chhura Lenrual tihte a phuah a. Hladang pawh a phuah teuh bawk.

    Pu Lalmama hian CHhura behchhan hian hla pakhat chiah a phuah ve thung a. Tuna Chhura Sangha Vua tih hi a ni. A hlaphuah thenkhat i hriat mai theih turte chu – Virthli leng, Kawlhawk mualliam, Haudang leng tihte hi a ni mai awm e. Tin, Kristian hlabuah pawh hian a hla siam a awm nual bawk. A hla lehlin pahnih – A saw raltiang tlangah tih leh Zan thiang reh tihte phei hi chu saptawng ka thiam hnu hian sap aiin mizo tawng hian a RIL ka ti daih zawk…. A chanchin hi sawi tur a tam lutuk. Headmaster tha mi – Zirtirtu zinga ka duh ber a ni bawk. Lehkhabu ziak leh lehlin a nei teuh bawk a. Robinson Crusoe kha i lo zir pha ve em aw…

    Kan hlaah bawk hian let leh ta ila. He hla hi ngun takin en la. Hla hian puanchhuah a tum ber nia miin an ngaih leh amah pawhin a sawi bawk chu – Pu Chhura’n a nupui a tihlawm tumna hi a ni. Pu Vakula hian a hmu khiau ang tih ka hai mawlh lo.

    Pu Tirhkoh Paula’n Krista nena kan inzawmna hi nupa innei anga a tehkhin hi i lo hria ang maw. Khawvelah hian nupa nun tluka hlu leh zahawm i hre tam lovang. He hlaah hian Mizotená kan sawi luai luai Pu Chhura pawh hian a nupui chu tihlawm a duh ve thin a. Tihlawm loh a hlau ngawih ngawih thin tih tarlan a ni. A thumal invuah dan pawh hi a fuh hle a. Sak pawh a nuam. Insawi det det paha sak a nuam ber mai.

    [Report abuse]

  51. 51
    ɪ̣uɪ̣pnoɥ Says:
    August 11th, 2012 at 1:22 am

    #50 Ignatia, a bengvarthlâk e… Ka post chu ka tifuh hlë mai; thil ka hriat belh á¹­euh mai. (Y)(Y)

    [Report abuse]

Comments are closed

This is an archived copy of mi(sual).com — new comments can no longer be posted.