Sakhuana hi thil run thlâk deuh mai a ni a, a then te phei chuan an pawm hlei lo va, âtthlâk ni-ah an ngai fo. Karl Marx-a pawhin sakhuana chu ‘mipui vantlâng ruihchilh’ (opium of the masses) a lo ti hial rêng a ni. A kal fawr (extreme) te phei chuan an thihchilh ngam hial thin. ‘Mizoram Gospel Centenary Bulletin’ khân Mizo Kristian chu bung 82 laiah a chhuah a. Tûnah phei chuan 100 nufa teh meuh kan ni tawh maithei. Kum 118 lai Kristian lo ni tawh chu inpumkhat thei tawh âwm tak kan ni a, mahse ‘inpumkhatna’ tih thu pawimawh ber mai chu kan ngaihthah ber a ni ang lawi bawk si.
Kohhran inpumkhat lohna thlentu hi tam tak a awm thei ang – Pâwl (Denomination leh Thurina danglamna), Harhna/Bethel/Crusade/Camping, Sum leh pai (Economics) dinhmun inanlohna, Chi (hnam) leh tawng (dialect) danglamna leh chhan dang tam tak.
Kohhran inpumkhat lohna hian nghawng lian leh hlauhawm tak a nei a:
1. Inerna rilru a siam a, inpawh tawnna a dâl
2. Thurin leh inrêlbâwlnaa inlâk bingna a nasa
3. Berâm inrûksak a hluar
4. Inhmangaihna leh thlamuanna a eichhia
5. Chhiatni-thatniah inthliarhranna a siam
6. Chhûngkaw inpumkhatna a tibuai
7. Khawtlângah kohhran huhâng/hnuhma a tidal
8. Thlarau lam nun a khawih
9. Khawtlâng leh hnam chhiatna a thlen: Khawtlâng leh hnam ang pawha min phuar khâwmtu ‘Mizona’ aiin ‘Kohhran’ hrui pawh hi a na tawh zâwk a. Hei hian thawhhona a sawi nghîng a, inlungrualna a phet thlu thin. ‘Mizo’ tiha lungdamna kan neih thin kha a dal telh telh a, ‘kan kohhran’ tih thuthlung kan vawn ngheh sauh sauh chuan thenawmte nên lang si lo, hmuh loh theih bawk si loha indona (Cold war) a siam tan dêr a ni.
10. Nupui/pasal: Nupui/pasal neih kawnga kan buaina lian ber ni ta chu ‘Kohhran danglamna’ (Church denomination) hi a ni. Kohhran thurin/thuthlung vung lutuka kan kalpui thin hian nupui/pasal inneih chungchângah harsatna min thlen thin. Mizo theuh theuh, kohhran dang an nih avânga kan khawdang sial en ngawt hi chu tih eih loh chi. Kristian leh Mizo theuh theuh, ‘ani zawng’ tia kan inhnâwl thin hi chu sim loh pawhin chîn chhunzawm châkawm loh tak a ni.
Bible pakhat ringa Pathian thuhmun chibai bûk tûra biak-ina kal thin. Vânram chan inbeiseia piangthar, thlarau bo mêkte chhanchhuak tûra ke pên thin. Kan tha leh zung mai bâkah kan sum leh pai thlenga Lal Isua Krista tâna inpumpêk thinte hian he lei kohhran (lang thei kohhran leh danglamna tam tak awm hi) kan hmangaih a nih pawhin min petu hrereng a, min pêk chhan ang taka lang lo lam kohhrana inzawm tlatin kan infuih tawn fo tûr a ni. Eng kohhran pawh ni ila, kan kohhran hian daidanna bang siam suh se. Kan tlatna mual a dang ang bawkin kan hna ngaih pawimawh leh buaipui pawh a dang ngei ang, hei hi ‘A ram’ zauhna hmanraw tha ber chu a ni si a. Daidanna bang hi thiatin, inlungrualna leh thawhhona tha nên Lalpa ram tân i thawk zêl ang u. Kohhran hrang hian enhranna siam lovin Mizo kan nihna hian min phuar khâwm zêl zâwk rawh se.
Thu lâkna:
1. Bangalore Mizo Christian Fellowship. Kum 100 Kristian Zofate Hmabâk, 1994.
2. Gospel Centenary Committee. Mizoram Gospel Centenary Bulletin, 1994.
3. Zofa, Lalhmachhuana. Mizoram General Knowledge, 7th Edition, 2011.
Full article chhiar duh tan KA BLOG-ah a chhiar theih. Ka lawm e.
Similar Posts:
- Hnamdang ka neih chuan ka hnam ka phatsan
- Missionary hmasa ber thar kan nei leh ta mauh mai le..!!!
- Eng nge in ngaihdan?
- Hnam Dang Pasal Nei Chhui Dawn
- Serh a hmarcha intah sak
August 22nd, 2012 at 1:03 pm
Kawmen ka hawng e
Report this comment
August 22nd, 2012 at 1:07 pm
in ngaihdan ve lee
Report this comment
August 22nd, 2012 at 1:24 pm
pawl chhuak vek mai ang u,
tak takin pawl ah hi chuan buai hlawmviau lo ila tha tur, kei hi ka vanneih ve na chu pawl ah ka buai lem lo hi, ka awmna hmun a inkhawmna remchang hnai vai ber ah hian ka tel tawp zel..
Tin, point sawmna, nupui pasal inneih chungchang a pawl vang a harsatna awm thin hi ka vei ve khawp.
Report this comment
August 22nd, 2012 at 1:28 pm
1st loh le
Report this comment
August 22nd, 2012 at 1:30 pm
@Rinzova Khawlhring Lalhnam.. nupui/pasal chungchang khi nangni eng nge in kaldan ve le?
Report this comment
August 22nd, 2012 at 1:36 pm
Sakhuanna han tih lemah Christian bik kan inthen chhan hi Pathian ruat niah ka ngai. Vanram lam chu sawi thleng lo ila! Kan sawi kan sawi tawh ang khan kohhran a len lutuk hian ´super power´ani mai a. A kal sual vat mai ani. Mizoramah pawh entirnan synod hi baptist nen lo inthen lo ta se…an powerful dan tur zia chu..hei hi Pathian tum dan ani lem lo a, a kohhran pawngpaw chak lam ai chuan mimal tinte ´thlarau´lam kha A dah pawimawh zawk si a!
Report this comment
August 22nd, 2012 at 1:39 pm
Heng i point rawn dah te hian Kristian hi kan Hnam Sakhua a nilo tih teh hi; a hriatchhuah tir thei si lo che u a nih hi maw…. Han ngaihtuah chiang teh u, min ▶hendarh tu a ni em tih te hi han ngaihtuah ve teh u. Mahse in ngaihtuah ngam leh hlawm awm si lova!
Report this comment
August 22nd, 2012 at 1:42 pm
Post HOT tak a nih ngei ka beisei…
A bawplawkah ka’n la lawk te’ng…
Thu i lakna zinga a hmasa ber buatsiahtute lah chu kan inkhawm ho thei ta bawk si lo… 
A pawi asin. Inngaihpawimawhna vang ni miah lovin, a hminga Mizo pawla hruaitu tam tak te pawh hi, kan Officer lian ber hian min hre miah hlei nem! Inkhawmna a inan tlat loh chuan, inkhawmna bakah inhmuh mai mai a har si a… 
NOI
Chawlhlawk…
Report this comment
August 22nd, 2012 at 1:46 pm
5# Mizo leh Mizo innei chu a Pathianthu thlap mai a ni. Nangni chu(han ti chiam ila..) kohhran inanglo chu Mizo leh Mizo pawh inneih a rem theilo a ni lo’m ni(?), kan Mizo hnam dân a kalh tlat asin.
Report this comment
August 22nd, 2012 at 1:51 pm
Ka blog lamah mi rawn copy/paste teh ang, in chhiar loh takin-
Hun a lo kal a, kohhran hrang hrang a piang ta thluah mai. Pathian biak inang, thlen tum thuhmun ni si kha rindân leh thuthlung avangin kan lo inthen ta phuk phuk mai a ni. Thlîrna tlâng dang atanga thlîr chuan kohhran hrang hrang lo piang te hian thatna lai a nei ve tlat: 1916-a Pu Kawlkhuma tan chhuah Salvation Army; 1925-a Pu Laltura, Pu Chhunruma leh Pu Thangphunga te châwk chhuah Roman Catholic; Pu Lallianzuala Sailo-in 1946-a a lo din Seventh Day Adventist; 1949-a Pu Zakamlova din UPC leh Mizo tual chhuak kohhran hrang hrang ‘Tlira Pâwl’ atanga ‘Kohhran Thianghlim’ thlengin tangkaina mual neiin hmalâkna tual min zauhsak zâwk a ni. Duhin hmang thiam ni ila kohhran department hrang hrang angin a chantir theih ngei ang – Music & Fahrah Ngaihsak Department, Education Department, Ei leh In-Zûk leh Hmuam Insûmna Lam (Temperance) Department, Zonun Rem Biakna Lam Department, Ramthar Vei Department, adt. Amaherawhchu, ‘a ni hauh si lo’ tih thu hian a thaichhe leh vek.
1960 vêl atang khân lehkhathiam zîngah kohhran hrang hrang te kan lo danglamzia hmuchhuak thar taa innghaihna thlarau sual(?) a lo piang a. 1975-a Zoram pâwn Mizo Kristianna intanin Zoram chhûngah ‘Thendarh Harhna’ a pu lût bawk nên. A fing apiang an harh thar nasa emaw tih mai tûr a ni. Danglamna leh inenhranna awm ngai lêm lo, Chhim leh Hmar kohhran pawh ‘khawkhâwm’ boruakin a chîm mup mup mai bawk si. 1984 kumah chuan Baptist Assembly leh Presbyterian Synod chuan ‘ramri thuthlung’ (inzawm khâwmna) tiderthâwng zâwngin hma an la tan a. Hemi kum hian inzawm khâwmna thuthlung chu an thiat ta ve ve a ni.
Report this comment
August 22nd, 2012 at 1:51 pm
Rinzoa, Mahni rin theuh ah hian chiang ila a tha ber.. Kei chu Roman catholic ka nia, ka rin Pathian ah ka chiang bawk..
Kohhran inkara neuh2 awm thin erawh a pawi kati..
Report this comment
August 22nd, 2012 at 1:53 pm
#9 @Rinzova Khawlhring Lalhnam & #11 @LaMea CâcTùs FLh heng kohhran dang hi nupui/pasal atan in nei duh em? In theih loh chuan sakhuana ramri in kham tihna a ni ang…
Report this comment
August 22nd, 2012 at 2:02 pm
phai vel a lehkha zirlai te lah khan pawl pawl kan sawi leh bawk si lo…
Report this comment
August 22nd, 2012 at 2:05 pm
Kei chu maw, Post-tupa, UPC val ni si hian e. Presbyterian leh Baptist nula, seventh day nula leh UPC nula ngei pawh ka duh vek, min hmangaihtu ka duh, mahse ka hmu zo lo …
Report this comment
August 22nd, 2012 at 2:07 pm
Mihring chi hrang hrang, hmun hrang hranga awm te hi chu ngaihdan hi a in ang thei tak tak lo, khawvel hi a lo zau em a ni.
Report this comment
August 22nd, 2012 at 2:09 pm
@Dr Mahminga Sailo
Ngawi tak rawh, i hmu em em ang, han hmangaih bur phawt mai lahhhh
Report this comment
August 22nd, 2012 at 2:19 pm
12# Mizo an nih phawt te chuan…
Report this comment
August 22nd, 2012 at 3:46 pm
awmtea , duhzawng ka hmuh chuan duhteh reng e.. mahse, hmeichhia chu a pasal kohhranah a lut turah ka ngai… kan kohhran practise nimahse ka unaute pawh hi an pasal te kohhran a lut mai turin ka hrilh fo thin
Report this comment
August 22nd, 2012 at 3:54 pm
#10 na khian ka pu min hrilh thil pakhat min ngaihtuah chhuah tir zawk!
Ka pu kha bawrhsap hnuaiah clerk anih vangin protestant a sawisel ngam ngai lo. Sawisel emaw, pawl dang lampang âwn reng reng phal a nih loh vang a ni awm e. Shillong lamah sawrkar thil a a zin veivah naah, Catholic doctrine a chhiar a, a duh ta em em mai a… Mizoram lamah missionary lo tir ve turin a ngen ta tawp mai a ni. Anni chuan tirh an tum fo thu sawiin, protestant missionary ten sawrkar lamah, “An ni chu an lian tawh a,” tiin luh tir lo turin an lo nawr thin vangin an lut thei lo a ni tih an lo hrilh a.
Ani chuan, tihdan dang ngaihtuahin Catholic doctrine chu a hawn ru ta a. Chumi chu a rukin pu J.F. Laldailova pa a pe ta a, a ni sawrkar hnathawk a nih loh vangin a sem darh ngam ta a ni. Tichuan duhtu an lo pun zel takah chuan Shillong lam atangin sawrkar an nawr leh ta a, kum 40 chuang zet dan beh an nih hnuah chuan Catholic chu Mizoram luh an remti ve ta hram a ni a. Ka pu pawh chu baptisma a chang ve ta a, a in chu inkhawm nan an hmang fo thin a. PU JF a pa-in ram a pe a, tah chuan biakin sak an tum a, ka pu chuan lei laih man ilo a thawh ve bawk a, a thei theiin an thawh zel a, Kulikawn Cathedral awmna ah sawn, Christ the King Church chu sak ani ve ta a ni.
Ka’n sawina chhan tak chu, Catholic missionary te kha lo luh phal nghal mai sela chuan Mizo tam zawk hi Catholic kan ni lo vang tih a sawi theih miah lo vang. Nita chiah ila, kan sakhaw vawn dan hi a extreme miahin ka ring lo ve tlat. A chhan chu tun hma lam a an hruaitu te tih sual an hre tawh a, an harhchhuak a, kohhran inenkawl dan an zei tawh riau
Anglican church chu a tihtauhna (1534) atangin a inlamlet leh ta a, Catholic ah an insawn dual mai hairehai 
Protestant missionary te avang khan tun thleng hian Mizoram protestant hruaitute hi an extreme a ni thei ang em le aw, ka ti vawng vawng thin. an doctrine ring lo tu chu chi (salt) lei phal loh tih te thleng mai khan min la nghawng ta niin ka hre ve mai mai.
Sawi ve niah nuah…. mai mai
Report this comment
August 22nd, 2012 at 4:10 pm
Comment nen khian ka lo chhiar thla ve veka, a nih hmel hlom vek mai, inhnial nuam ti ho
oh.. 
Report this comment
August 22nd, 2012 at 4:26 pm
19… Pu.H.V ka pu pawh presbyteriana ainleh hnuah kha doctrine kha a chhiar a , a inlet ngat asin.. a hnuah chhingchhipah Kohhran an din chho ta a.. Ka Pu in kan inah biakin kan neih hma chuan kan inkhawm thin ati. Keichu Kohhranah chuan ka liberal khawp mai.. Guwahati ah pawh Presbyterian ah ka inkhawm mai, phur deuhin…
Kohhran hi vanram kaina anilo, a kawng min kawhhmuhtu erawh ani… Synod powerfull lutuk leh Kohhran hrang2 inkara in erna awm erawh hi chu a pawi kati ve thin
Report this comment
August 22nd, 2012 at 5:09 pm
Hei chu thuziak puitling tak a ni. A ṭha khawp mai
Report this comment
August 22nd, 2012 at 5:29 pm
Ka blog lama mi khi in peih chuan chhiar ula eng emaw hriat belh tur in neih ngei ka beisei
Report this comment
August 22nd, 2012 at 5:37 pm
Sakhuana hian thiltha a zawng a ni. Thil tha leh mahni duhzawng zawngin kan phili buai fo thin. Chaw kan bar tun tun chhante hi keimahni tana tha a nih vang a ni. Chutiang zelin lehkha zir leh hnathawh chhan zawng zawngte pawh hi mahni tan vek a ni. Nunhona (social life) pawh hi a nihna takah chuan midang tana malsawm aimahin mahni chunga malsawmna lo let tur avangin kan nun kan vawng uluk thin a lo. ‘Science without religion is blind’ tih a nih chhan pawh kha hemi chiah hi a ni.
MAHSE Kristianna chu he khawvel sakhua hrilhfiahna hian a phawkchhuak zo lo. Kristianna hi chan ngamna leh ralthak ngamna phena hlim veng vengna kengtel a ni tlat a ni.
Hetiang thuziak hi fimkhur a tha hle ang. A hun leh hmun hriat pawh a pawimawh khawp ang. Presbyterian leh Baptist inkara Cold War awm anga sawite hi SUBJECTIVE lutuk a ni. Hei hian a ni lo zawngin thil a tipunlun vak thei. Beram inruksak an tih fo pawh hi kei chuan a awm tak tak pawh ka la hre lo, mi hian an sawi ve ziah a; tullo thin khawp mai.
Report this comment
August 22nd, 2012 at 5:37 pm
i blog i advertise deuh tihna mi
Report this comment
August 22nd, 2012 at 6:16 pm
#24 A dikna chen a awm ang, mahse kohhran kara innghirnghona nasatzia chu i hai bik ka ring lo. He thu hi 1994-a questionaire atanga lang daih tawh a ni. Phat rual a ni lo. Kan tihtur pawimawh ber chu ‘Inpumkhatna’ siam leh hi a ni zawk.
#25 hahaha
Ka thuziak hi a sei deuh a, a chanve em pawh ka rawn tarlang si lo a, ka ti mai mai maw le…
Report this comment
August 22nd, 2012 at 6:52 pm
Nupui pasal chungchangah chuan, Protestant e tan lo e lam ani lo, Mizo ni se, Kristian anih a kan in hmangaih chuan a tawk ka ti.
Lrpa comment @6 khi a dik ka ti. Synod pawh hi a powerful mah mah tawh em!!?
Report this comment
August 22nd, 2012 at 7:04 pm
Chhungkuaah pawh innghirnhona a awm a. Khuaah pawh a awm tho. Kohhran khatah awm ta ila kan innghirngho tho tho dawn. Mizoram-a kristian zawng zawng hi Presbyterian ni vek ta ila Chhim leh hmar ang zawngin harsatna kan tawk tho ang ka ring. Baptist tlangval i ni a i hriat ka ring, LIKBK lo din chhan pawh hi… Chuvangin fimkhur a tha hle ang. Duhthawh lutuk avang hian kan tisual der thei a nia.
Innghirho ta viau anga thu than tir vak hi a tha lem lovang. Tin, kan inngaih tha thawkhat viauin ka hria. Kohhran Upa leh Pastor rilru hrisel lo tak pu ho hian eng tin tin emaw sawi kual an ching thin hi a pawi a ni.
Tin, questionaire hi mizote hian kan ti teh fo a. Hetiang sensitive lutukah phei hi chuan fimkhur leh zual a tha viau ang. Mizoram Gosppel Centenary denchhana questionare an tih pawh chu kei chuan a hnuai amite avang hian thu takah ka pawm lutuk thei lem lo:
1) Questionare an tihah chuan SAMPLING ERROR lian tak a awm ngei ngei dawn. A rintlak vak thei lo. Khatih hunlaia Mizorama mihring awmzat kha 1,000,000 vel ni ta se. Aizawl leh a chhehvelah emaw Lungleiah emaw chauh data an la emaw a ni thei. Hetia conclusion siam tawp hi chu a dik thei lo ang.
2) A survey tihdan kalhmang pawh hriat a chakawm. Eng age groupah te nge a tih, upa leh rawngbawltu-te chauh em ni an zawh tihte …a hun leh hmun zawng zawngte… Kohhran kaltlanga questionare sem mai mai a nih chuan ka helh deuh ang. Innghirngho tama laiah hlir data la an nih phei chuan a fuh hauh lovang.
3) Data analysis a tih dan vel hmuh a chakawm khawp mai. A standard deviation zawng zawngte pawh hmu thei ila.
Kan hnung kar kal ta khan Synod Conference hall-ah Mizoram Kohhran hruaitute an inhmuh khawm kha. Khatah pawh khan inpumkhatna lampang Rev Dr Chhuanawma paper buatsaih atangin an zirho a ni awm e. Shillong lamah a nih loh chuan kan inngaih thawkhat viau e. Buaipui ngai khawpa inngiahlohna a awm chuan a lo lang TAWP mai ang…
Report this comment
August 22nd, 2012 at 8:19 pm
#Inngaih!*!!!******???
Report this comment
August 22nd, 2012 at 10:15 pm
Heng thil ka rilrua a lo lan nasat chhan chu nupui/pasal inneih kawngah a ni. Tunlai hian harsatna tawk neuh neuh an awm ta a. Tun hmaa upa leh Pastor pawh inrawih tawm vek thin kha, nupui/pasal neih kawngah baptisma chan that leh kher, pawl (denomination)-a inleh hmasak kher, thla khat tal kohhran member lo nih lawk tih ang reng vel thawm ka hria ka hre ta mai a. Kan kar hi a zau telh telh ta a ang ka ti
Report this comment
August 22nd, 2012 at 10:23 pm
@ Awmtea… Dam te ka awm a, Presbyterian nula nupui tur ka hmuh tak thut chuan, i post hi a dik leh dikloh ka la confirm sak dawn che nia…
ti ila, ka confi chuang miah lo.. 
Ngaihdan tha tak tak a chhuak a, a tha ka ti…
Report this comment
August 22nd, 2012 at 10:39 pm
Post tha tak a ni e. Ka hriat sual loh chuan baptist leh presbyterian te hi chuan inneihna hi an in pawmpui tlang lo maw. Pu mahminga te pawl erawh hi chu an pawm lo maithei, sorry.
Report this comment
August 22nd, 2012 at 10:58 pm
Dr.Mahming Labrador
nula ah buai reng lo la, an lo intlar put mai ang, i duh khirh em nih kha 
Report this comment
August 23rd, 2012 at 1:38 am
In sawizuinaho chu ka chhiar thla peih miah lo va, a ngaihnawm hlawm khawp mai
Report this comment
August 23rd, 2012 at 6:38 am
#31 Dr Mahminga Sailo confi hle rawh… I tante chuan lungngaihna chhum a zing hle nemaw le
#32 rawihteamizo tunhma chuan a awm ngai lo. Mahse tunah chuan a awm tan tawh. Chu chu ka thiante eng emaw zatin an tawk tawh a ni.
Report this comment
August 23rd, 2012 at 2:06 pm
1.CHURCH = Kohhranho,Lal Isua thisenin a kohhran Isua neitute
2.CHURCH = Kohhran/Pawl/Denomination
3.CHURCH = Biakin
Church hi kan uar ta mah mah.
1 na chauh hi vanram thleng tur.
Kan tihdan chauh hi dikah ngailo ila.
Denomination khat chauh pawhin awm ila buaina a awm tho ang, sual hnathawh ani e.
Pawl a len deuh hian awmdan thiam a har aniang.
Report this comment
August 23rd, 2012 at 2:39 pm
# 33…
Ka tana nula intlar puuuut emaw ka tih kha, sipaia an lak tur te hi an ni mai ang tih ka hlau ve tho alawm…
Tak takin, post-tupa ngaihdan hi ka tawmpui viau. UPC hi Mizoram chhung bikah pawla buai tia hriatlar kan ni thin. Mahse, khual a chamnaah hi chuan UPC chauh hian pawl an buaipui nasa tih ka hria…
NOI
Report this comment
August 23rd, 2012 at 4:45 pm
Haha.. eng emaw pawl din ve mai ang u. Dr Mahminga hian thurin rawn ziak ta se…
Report this comment