August thla lamah khan pawlho zia ka ziak tawh a ( Chhan loh aiah Petera ) Thil pakhat ka vei em em mai hi a awm a. Chu chu mihring zia/ nunphung hi ani. Mimal chanchin online a pho chhuah loh hi finna an ti fo na chu, keima chanchin ai mahin Mizoten a kan chindan phunga kan neih tha lo ka ti deuh mai kan sawi lang ve mai mai ang e. (Mizote tihdan phung kan ti ngial na a, finfiahna erawh ka nei chuang lem lo!)
Pu te lawm hi hnaah chauh nge i hlawh a behbawmah? Hna chu kan thawk taima. Kan thiam ber kher lo ang. Amaherawhchu, kan theih ve ang tawkah ber nih kan tum ve fan tlang pui. Vai kan tihte phei hi chu lehpelh hram hram kan tum thin. He zia hi chhungril taka CHAPO zia a ni.
I hna mai piah lamah extra-curricular activities lamah pawh i thiam, talent i dawng. Mahse i talent dawn te peipun a lo huna, hmalama ke pen chhuah a lo hun chiah hian “Ka ti ve thei tawk tawk” “Ka thiam lutuk lo” “Ka ti ve thei mai ang” tiin inrintawkna tlachham zetin i thawhpuite emaw, in pu te i lo chhang ve tawh a nih chuan INNGAITLAWM zia, Mizote zia i nei tihna.
I chanpual liau liau, i tan a bel chhunga sa ang mai a i hma a rawn tla tawh vanneihna i dawng a. I thawhpui tu emaw in pute be tlawnin emaw i hnenah lo kalin a rawn vehthlem che a. Nang chuan “Hmm… ka ai chang mai rawh” emaw pu te hnenah “Kei ai chuan a ni hian a dawng zawk se” i lo ti ve zan tawh thin em? TLAWMNA nun zia, Kristianna der nun atanga i dawn kha i pho lang tihna. A chhan chu maw, kan rilru mil miah loh pawh ni se, mi hmai eng zah vang leh tlawm zawka tan hreh loh lutukna a zarah he zia i paipawn kha a rawn langchhuak ta thin a ni.
Hna i thawk tha. Pute pawhin an fak che. Kristian i nih i zahpui lo tan a. I awm i han ti pharh tan vel chiah a. Nikhat chu hna tha taka thawk ni a i inngai kha an rawn sawisel ta tlat mai a emaw, i duh aia tam hna i dawng ta thut mai a emaw i ngaihdan ni lo zet mai khan i chungah miin an rawn ti ta a. I kum tel hnathawh that rah hre chang lek lo in pute mah ni se, mi hmaah i ankhum hrep emaw i palzam khum ta chiam mai a nih chuan Mizo fa dik tak i ni ngei tihna ah ka ngai!
Hetiang hun a lo thlen hian a chunga kan sawi tak zia hi a rawn lawr ta thut mai thin a. Eng zia ber nge hman tur kan hrethiam ta thin lo a. Kan sapatal ta chiam mai thin hian Mizote hi khawvel ram zau zawk kan vahna ramah hian dinhmun sang chelh aiin emaw kaisanna kawng inhawn tir ai chuan mi hnuaia rim taka thawk a, kaisanna kawng in hai ping thei tawk tawk ZIA, nghet lo leh mumal lo zet mai kan in phuar beh tir ni ta berin ka hria.
Dik ve tawk, hre ve tawk, thiam ve tawk, hmu ve tawk, ngaithla ve tawk leh tel ve tawk tawh nia inngaihna zia leh krista tlawmna nun, pipute tlawmngaihna nun, thudik ngaina nun zia kan chawhpawlh thiam tawk thin loh vang hian kan hmakhua kan sial thiam ta thin lo ni berin a lang.
Enge in ngaihdan ve le?
Similar Posts:
- Mizo zia nge keima zia?
- Mizote leh kuthnathawh
- Hnam thatchhia CM-in a tih chhan hi
- Ngaihsan/ngaih hlut tur dik hriat:
- Health Department-ah Promotion Buai?
A lawmawm thin e…
October 1st, 2012 at 5:17 pm
Chhiar hma 1n komen phawt i1a.
Report this comment
October 1st, 2012 at 5:38 pm
Report this comment
October 1st, 2012 at 5:49 pm
Report this comment
October 1st, 2012 at 6:45 pm
I ziah dan hriatthiam mai a har, kan chhiar nawn leh phawt..
Report this comment
October 1st, 2012 at 6:56 pm
Mizo chauh pawh kan nilo, tupawhin kan thil tihah recognition kan duh vek. Office ah ka buai em em laiin engmah ti lo hlawh la ve tho a awm chuan Kristian rilru pawn a thik ru tho vang.
Entirnan, nilengin tha takin ka hna ka thawk thin a, thenkhat engmah thawk lo an awm bawk a, boss ber chuan pip e pup e a ti lo. Ka boss chu ka ngaina in ka ngaisang ngai lovang. Boss thar a lo thleng a, ka hna in a tlem phah lo, mahse ka hnathawh a rawn appreciate a, a rawn notice ta tlat. Ka lawm a, ka hnathawh a phur sawt lo theilo. Hei pawh hi hringnun zia diktak ani.
Post tupa sawi tum tak ka thelh deuh mai thei e.
Report this comment
October 1st, 2012 at 6:58 pm
Chhungril taka ‘chapo zia’ i tih khi chu dik ka ti em em lo. Tumruhna leh confidence ve mai ani. Chapo na lam ani eihlo in ka hria.
Report this comment
October 1st, 2012 at 7:36 pm
mizo zia te chu khawlaia zozial leh sikret zuk a, secondhand smoke a mi ur hrep.
Report this comment
October 1st, 2012 at 8:15 pm
i post ah rau rau chuan a la mum lo ber a…han chhiar thuakin i thu tum hriat a har dawn lawm le…lal vaiva.
Report this comment
October 1st, 2012 at 8:44 pm
Kei, ka hnathawh ve tawh na pakhatah chuan vanneih a siam in a tir lamah hotu sang lam duhsakna ka dawng a zarah ka zinkual phah fe, mahse chumi itsik chu nge ni anga a hnuah mi paih chhuah dan tur an zawng char2 hi a ni mai……
.
Midang pawhin meizial an lo zuk thin ve tho, ka zuk avanga sual ta bik riau te hi a ni ta thin a buaithlak duh ang reng khawp
….
Report this comment
October 1st, 2012 at 9:18 pm
Kan chhiar nawn leh ngat teh ang Lal Vaiva post teh nuaih hi…hehehe
Report this comment
October 2nd, 2012 at 7:34 am
1. “Vai kan tihte phei hi chu lehpelh hram hram kan tum thin. He zia hi chhungril taka CHAPO zia a ni.” Sap ṭawng a ‘ambition’ an tih neih vang zawk a nih hmel. A thuhrimah êl tur emaw, entawn tur emaw neih loh hian hmasawn a har khawp. Chapona kan ti dawn anih chuan chapona ṭha tak a ni ngei ang.
2. A ṭha lo tih hun ka nei fo!
3. Miin duhsak a thil min pek chuan (thamna (bribery) ang chi ni lo), lawm thiam tak a lak mai tur.
4. Mahni thawhpuite sawichhiat hmangte hi thawhpui an hreawm mai bakah, a hnu leh a awm duh chawk-in ka hria.
Belh ve zuai: Mi hnen a kan sawi chu an mahni hnenah pawh kan sawi hreh loh tur ni se, mi chanchin, a chhe zawng a sawi a harsa duh phian!
Report this comment
October 2nd, 2012 at 9:45 am
Mizo ziarang a ni thei chiah dawn em ni le?
I point sawi zawng zawng hi mi hrang hrangah lang nual mahse Mizo zawng zawng chuan kan nei kher lo vang….
Point 2 na … thil pui tham deuh han tihdawn hi chuan mahni inrintawklohna hi a awm ve thei khawp mai.
Point 3 na….Mi hmaieng zah vanga han tlawmngaih hi pawisa chung changah hi chuan tumah hian kan nei lovang a..!!
Report this comment
October 2nd, 2012 at 1:32 pm
A thawi feih feih in ka tih kha… bus a chuang chung chuan lo chhiar zel phawt ang
Report this comment