“Tin, mitthite, alian ate-in, Lalţhutphah hmaa ding ka hmu a; Tin, Lehkhabute an hawng a; Tin, lehkhabu dang Nunna Bu chu an hawng bawk a; Tin, mitthite chu lehkhabute-a ziak an thiltih ang zela relsakin an awm ta a…Tu hming pawh Nunna Bu-a ziak an hmuh loh chuan Meidilah an paih bawk a” Thup.20:12-15.
1. Thuhmahruai
Hringfa zawng zawngten Rorelna Hnuhnungber (Final Day of Judgment) kan hmachhawn hunah chuan, Pathianin mihringte rilru ngaihtuah te, ţawngkam chhuak zawng zawng te, leh thiltih zawng zawng a lo record vek tawh kha he Rorelna hun hnuhnungah hian en theih leh ngaihthlak theih leh hmuh-theih turin tih-chhuah a ni dawn a ni tih Solomona’n a lo sawi lawk tawh a, “Pathian chuan thiltih zawng zawng chungah ro a la rel dawn si a, thil inthup engkim, a chhia emaw, a ţha emaw te pawh, tih hi” tiin, (Thuh.12:14). Chatuan ram mawiah chuan Lal Isua’n ro a rel dawn a, Mifelte mah chhandam hram hram chauh an nih si chuan, Lal Isua Hnawltu misualte tawpna chu eng ang tak ni ang maw? Nang, Nunna Bu-ah i hming a chuang ang em?
2. Eng Chin Hi Nge Pathianin A Record?
Mi tam tak chuan, he khawvelah hian a ruka an thil ngaihtuah ţha lo tak tak te, an thusawi ţha lo tak tak te, an thiltih ţha lo tak tak te avanga Pathian hnen aţanga thungrulhna emaw, zilhauna emaw an tawh loh avangin lang-chhuak tawh lo tur leh pawi lo turah an ngai a, an inhnem-chawp ţhin. Mahse, Engkimtithei Pathian hian kan thiltih, ngaihtuah leh ţawngkam chhuak (a lang leh lang lo engkim or zawng zawng) zawng zawng hi fel takin a record thlap a. Kan thih hnu, Lalthuthleng var hmaah kan ngaihtuah te, thusawi leh thiltih-te hi chhiar theih (read-able) tur leh hriat theih (hear-able) tur leh hmuh theih (see-able) turin a awm vek dawn a, hengte hmang ngei hian kan chungthu ngaihtuah a ni ang a, rorel-sak kan la ni dawn a ni, “Mihring tan vawi khat thih ruat a ni a, chumi hnuah rorelna a awm ang” (Heb.9:27).
3. Krista Rorelna Lalthutphah leh Lalthuthleng Var Lianpui
Lal Isuaa kan dinhmun, kan rinna chu Ringtute tan thil pawimawh tawp-khawk a ni dawn a. Ringtu-tholeh te, Mithianghlim lawr (rapture)-a tel te chu, mithianghlim lawr zawh veleh Krista Rorelna Lalthutphah (Greek.Bema)(Thup.22:12) hmaah kan ding nghal ang a. Leia rawngbawlnaa kan thiltih ţhat avangin Lawmman pek kan ni ang a, kan chhandamna chungchangah zawhna engmah a awm lovang. Mithianghlimte Lawmna hun a ni dawn a. Ringtute hming chu Beramno Nunna Bu-ah hian a chuang kuau dawn a, Fakna Hla siamtu’n a sawi ang hian, “A phek ropui an keu ang a, Thisena tlante hming zawng a kim ang” a tih ang hian, kan hming an han lam chat mai tur chu… Lawm avanga bianga mittui luangin Lal Isua lawmthu kan hrilh hun a ni dawn a ni.
Ringlote chunga thil thleng tur erawhchu a dang ta! Kum 1000 ral hnu-ah, Ringlo-tholeh te chu Lalthutthleng Var Lianpui (Greek.thronon megan leukon) hmaah hian an ding ve thung dawn a. He hunah hian Ringtute chuan Lal Isua ro kan relpui ang a, vantirhkoh te, ringlote chungthu thlengin kan ngaihtuah ve dawn a ni. Ringlote chu an thiltih ang zela rorel sak an ni dawn a, a ţha lam zawnga beisei tur engmah a awm tawh lovang a, Thiam-loh-chan-tir tura rorelsakna a ni deuh ber dawn a ni. Lal Isua an pawm duhlohna te, a dera Kristian an nihna te, an ngaihtuahna ţha lo tak tak an hman ţhin te, ţawngkam ţha lo an chhak-chhuah te, leh an thiltih dik lo zawng zawng te khan anmahni thiam-loh-chantir-tu a la ni vek dawn a ni, “I thu chuan thiam a chantir ang che a, I thu vek chuan thiam loh a chantir bawk dawn che asin” (Mat.12:37).
4. Lehkhabu (Nunna Bu) Hi Eng Zat Nge Awm?
Thuthlung Tharah hian “Nunna Bu” (Heb. cepher chayyim; Greek. he biblos tes zoes) tih hi vawi 8 tarlan a ni a (Phil.4:3, Thup.3:5, 13:8, 17:8, 20:12, 15, 21:27, 22:19). Thuthlung Hlui-ah chuan vawi 2 chiah tarlan a ni thung a. Mosia chungchangah “Lehkhabu” tih ringawt (Ex.32:32) “Nunna Bu” tia tarlanna a awm bawk (Sam 69:28). Mosia chungchanga “Lehkhabu” tih ringawt hi “Nunna Bu” tho hi niin Bible Scholar-ten an ngai. Thuthlung Hlui-ah hi chuan Lehkhabu 1, “Nunna Lehkhabu” chauh hi a sawi niin alang a. Thuthlung Tharah erawhchuan, Lehkhabu hi 2 awm angin a rawn sawi a, Lehkhabu 1 hi Thuthlung Hlui-a a sawi “Nunna Lehkhabu” or “Nunna Bu” kha a ni a, a dang hi chu “Beramno Nunna Lehkhabu” (Thup.13:8, 21:27) tih kher a niin alang.
4.1. The Book of Life
Rindan tlanglawnah chuan, Pathianin mihring a siam tawh reng reng (Adama & Evi bakah, an thlah-te zawng zawng) chu Lehkhabu pakhatah a ziak (record) vek a. Misual (wicked) a ni emaw, miţha (righteous) a ni emaw, a hming leh thiltih kha record a ni ta a. Tichuan, he Lehkhabu –“Nunna Lehkhabu” (Book of Life)-ah hian a tirah chuan misual leh miţha hming an ziak (record) vek a. Amaherawhchu, Pathianin hun ţha a pek te hmang ţangkai duh lova, Lal Isua ring duh lo apiangte chu an thih veleh, he Nunna Bu aţang hian Pathianin an hming a thaibo (removed) ta ţhin a ni, an ti! (cf. Ex.32:32, Sam 69:28). Lal Isua ringtu dik tak-te erawhchu an thih veleh, he Nunna Bu-ah hian thaichhiat theih tawh loh (never to be erased) turin an hming ziak (chhinchhiah) a ni ta thung a ni, an ti! (cf.Thup.3:5).
4.2. The Lamb’s Book of Life
Pathian thu hi a har a, a thuk em em a, hriat-fiah vek theiha a ni lo. Nunna Bu chungchang chhuitu Bible Scholar-te chuan, Pathianin mihring a siam-te hming a record-na “Nunna Bu” bakah hian, a fapa Lal Isua ringtute hming chuanna bik, Lehkhabu Special tak, “Beramno Nunna Bu” (Lamb’s Book of Life) tia vuah chu a awm hrang leh ngei niin an ring a ni. Miin thinlung tih tak zeta Lal Isua a rin chuan, a thih veleh khan “Nunna Bu”-a a hming tih-ngheh a nih bakah khan, “Beramno Nunna Bu”-ah, thaibo thei tawh loh turin (never to be erased) a hming ziah-luh nghal a ni a, hei hi Vanram luhna “gate-pass” (citizenship) a ni nghal a ni, an ti (cf. Thup.21:27).
Rorelna Hnuhnungah chuan he Lehkhabu 2, Nunna Bu leh Beramno Nunna Bu te hi an keu ang a. Ringtute tan chuan, “A phek ropui an keu hunah chuan, Thisena tlante hming zawng a kim ang, Zion-ah chuan tlante nen rorel turin” tih a nih lai khan, Ringlote tan erawhchuan, he “Beramno Nunna Bu”-ah an hming an hmu zo ve dawn lova. Chuvangin, fimkhur takin, “Nunna Bu” (Book of Life) ah an hming a awm leh awm loh an en-nawn leh ngat (double-check) nghe nghe dawn a, hemi hnu-ah hian misual chu Mei dilah an paih chauh dawn a ni, an ti!
Nang, Nunna Bu-ah i Hming A Chuang Tawh Em?
{::He Post hi Vawiinah a chunga Hla hmanga ka ziak a ni. Nizanah zan dar 7:00Pm atangin ka ngaithla a, Tlaivar-in ka ngaithla! Ka rilru-ah Pathianin thu tam tak a sawi a. Zoram-a ringtu inti- Pastor te, Evangelist te, Upa te, leh Thalai-te dinhmun, sualnaa kan luh thuk tawh zia-te, Setanan min zuam tawh dan te ka ngaihtuah a, Nunna Bu-a hming chuang hi engzat tak awm ang maw? Ka rilru-ah Tawngtaina a lo lang a, “Lalpa, Zofate hi Nunna Bu-a kan hming a chuan theih nan, nâ takin min khawih mai rawh” tih hi a rawn ri nawn tlut tlut mai a ni. Hawh u, Zoram sualna veiin, Sualna chhumpui a kian theih nan thinlung tih-tak zetin Lalpa i Au leh hram teh ang u.::}
Similar Posts:
- Nunna Bu-ah
- “Leilung pian hmaa talh tawh Beramno” tih hi enge a awmzia??
- Isua i pai ngam dâwn em?
- Pathian rilru a dam em?
- World Record hming tur hi
October 7th, 2012 at 10:07 pm
Uluk takin chhiar teh ang.
Report this comment
October 8th, 2012 at 4:52 am
A va tha em!! Ringtu inti zawng zawngten he zawhna hi kan chhan a pawimawh hle mai! I tlangkawmna para khi ropui ka ti hle mai. I tawngtaina khi hlawhtling ngei rawh se.
Krista zarah liau liau ka hming pawh Nunna buah a chuang tawh e!
Report this comment
October 8th, 2012 at 6:41 am
aw chuang tawh e, Lal ISUA felna/thatna adt ka rin ve avang in…
Report this comment
October 8th, 2012 at 7:35 am
Post tha lutuk mai a nih hi
I chhiar vek ang u. I ziak tha lutuk tlat
Report this comment
October 8th, 2012 at 7:50 am
Chhan huai a va har em!!
Report this comment
October 8th, 2012 at 7:50 am
Nizan ka mut dawnah ka chhiar a, ka mangphan nasa mai. Misual zinga mi pakhat nen hian Biakinah hian Bible chhah tawk tak mai hi kan lo dawng a, a karah hian kan thiltih that record-na certificate a lo awm nual a. Ka misualpui pakhat hian a lo ngah bik khawp mai.
Report this comment
October 8th, 2012 at 8:16 am
Tukchhuah nuam vek u le
Report this comment
October 8th, 2012 at 11:45 am
Thuziak puitling tak – miual.com tihlutu a ni e.
Mahse a chhuah hun hi a fuh lo deuh a ni. Sunday zing khan ni se ka’n tlak pawp mai tur ale… Nakinah muangchangin ka la chhiar ang.
Report this comment
October 8th, 2012 at 9:58 pm
Pu Johna sermon hi a fiah thei khawpin a hria. Tun retreat na a kan speaker pawh khan a refer thin thu a sawi. Karliam ta 4-7 khan Zaihmingthanga Gospel Thunder team speaker a hmangin retreat kan nei a, kan hlawkpui ve viauin kan hria, a thuken dan a danglamin a inpekna a ropui khawp mai. Kros thu a sawi laiin Pu Johna lehkhabu a sawifiah dan alo sawilang zauh. Hetiang a, a thlawn a a thuziak chhiar tur kan nei thei ringawt pawh hi a lawmawm hle in ka hria. A lehkhabu hi lei ka duh ngawt mai.
Report this comment
October 9th, 2012 at 10:25 am
#6 Chhuaklinga
#8 Ignatia, keima thiamloh a ni. Ka ziak tlai lutuk a, ka rilru-ah chuan Sunday lo awm tur atan-a submit ka ni zawk mah a. Mahse, Sunday Pual Post dang a awm loh vang pawh a ni mai thei, a lo chhuak ta thut a! Admin-te min duhsak vang a ni ngei ang chu…Min duhsakn avangin ka Lawm e.
#2 keimah,#4 Awmtea Khiangte, #9 VL Hminga, Keini ang duang thuziak min lo hlutsaktu in lo awm chu a van lawmawm ve, ka phu lo hle mai! #9 VL Hminga,I sawi tak khi… “Dik lo taka Lal Isua ro an relsakna chungchang” kha a niin ka hria a, “Apostolte Thurin (an evangelical theology of apostles’ creed)” tih bu-a mi kha a nih ka ring. He lehkhabu hi min duhsaktuten kum 2001 khan an lei zo tawh a, Out-of-print a ni tawh, Reprint leh kan inbeisei deuh. Min lo Tawngtaipui ve dawn nia.
Report this comment
October 9th, 2012 at 10:45 am
@Dr John i lehkhabu chu ka van duh ve e
Report this comment
October 9th, 2012 at 11:37 am
#11 Awmtea Khiangte, ka sawi ang khian, Out-of-print a ni tawh a. Demand a awm deuh reng avangin Re-print leh chu kan duh khawp mai a. Keimah ber hian ka khawih hman ta tlat lo hi a buaithlak-na lai ber chu a ni.
I mamawh viau a nih chuan Synod Bookroom (Aizawl)-ah khan zuk kal la, la tih-ral loh te an lo nei mial em, lo zu en chhin la, a va tha dawn ve? Chuti a nih loh chuan tun dinhmunah chuan tih-ngaihna a va’n vang dawn ve aw?? Pawi ngei mai… Engpawh nise Chanchin kan in-hrilh zel dawn nia, ka Lehkhabu min lo hlut-sak a, ka va’n lawm em!
Report this comment
October 9th, 2012 at 11:56 am
^— Ok
Lehkhabu tha hi chu a tam thei ang ber neih ka duh thin a. Ka lo ngaihven ve hrim hrim ang e
Report this comment
October 9th, 2012 at 5:11 pm
Lal Isua he leia rorel tura a lokal leh hun tur hi uar lehzuala kan tlangaupui hi a van trul tawh tak em. Krista tello Kristianna, thlarau thianghlim tello piantharna etc. William Booth-a, Salvation Army hmuchhuaktu in khawvel tawp lam huna mite rilru inher dan tur a sawi ang chiah khan Zofa, ringtu inti te rilru hi a kal peng nasa tawh em em si a…Hawh u kan sualte simin, Lalpa hnenah i kir ang u, rorel na ni chu a hnai tawh si a!!!
Report this comment
October 9th, 2012 at 7:14 pm
#14 redandgreen (Zami), i va rawn quote chhuak tha tak em! William Booth-a thu-hrilh-lawk i sawi khi atakin kan tawng chho mek tawh a nih hi, a beidawn-thlakin, a mangan-thlak teh e tirawh? I rawn quote chhuah 2, “Krista tello Kristianna” leh “Thlarau Thianghlim tello Piantharna” khian Zoram Kohhran-te min run mek a. Zoram-pawn atanga Kohhran leh Sakhaw Hruaitu pawimawh kaihhnawih lam Chanchin thar dengkhawng tak tak kan hriatte hian rilru an va tina tak em! Kan in-ngaihtuah harh chu a hun tawh tak zet zet a ni. Post i rawn ti-changtlung hle mai, ka lawm e.
Report this comment
October 9th, 2012 at 7:37 pm
Dr John, he hla hi chu sermon ropui tak ani tiraw? Keipawh ka nunah thu a sawi nasa khawp mai. I sawi zau fiah lutuk e. Similar post ah khian he hla hi ka post ve zan tawh mawle, ka rilru a a thawh tak tak lai chuan ka ngaihthla reng mai.
Report this comment
October 9th, 2012 at 7:48 pm
#16 sheldon, tukin khan i comment dawn emaw ka ti a, i chhuak daih a, tih tur pawimawh i nei a nih ka ring a. A dik lutuk, ka Post hnu-ah i Post khi a lo lang a, hahaha. Dik tak chuan Next Sunday atan-a submit ka ni a, ka duhthusam-in ka la zo lo mawle. Draft-ah ka lo dah lova, Admin ten min lo duhsak bawk a ni ang chu, a lo chhuak thut a, lawmawm ang reng. He Hla hi i lo vei ve tawh a, Thlarau Thianghlim-in he Hla hmang hian a lo khawih daih tawh che tih ka lo hria hi lawmawm ka ti lutuk. Kei chu Thu & Hla hian Pathianin min hruai a, ka Sermon inbuatsaih tam tak hi Hla rilru khawih tak ka ngaihthlak atanga ka siam an ni asin! Remchangah hmaichhanah ngei kan la inkawm ang a, kan la titi vak dawn nia, kan OT lutuk palh ang e
Report this comment
October 9th, 2012 at 7:55 pm
Dr John, tehreng mai. Nia, tukin khan ka chhiar hman lova, vawiin ka buai nileng leh a, tunah ka chhiarchhuak chiah. He hla hian i nun a thu a sawi ang leh ka nuna thu a sawi ang hian midangte chungah thusawi ve se ka duh ngawt mai.
Report this comment
October 9th, 2012 at 8:04 pm
#18 sheldon, ka’n ti leh hram teh ang. I duhthusam leh kan tawngtaina a thleng dik mek-in ka hria, Fb lamah pawh hlawkpui mual mual an awm thu ka chhiar tawh a, min rawn Inbox nual bawk. Ni e, Post hi kan han ti ve ngawt a, a ti-phuisuitu ber leh a ti-changtlungtu ber chu nangmahni-ho hi in ni a, in comment-te hian kei pawh min fuih nasa a, min ti-phur nasa thin alawm. Tatrawta sawi ang khan, Pathian zarah a dam kan hauh ang a, Krista tan leh Kohhran tan leh Zofate tan theih-tawp kan chhuah zel ang chu le
Report this comment