Tawngtai hian awmzia a nei lo hlawm tawp. Nitin tawngtaina sang tam tak hi van boruakah a tham ral mai mai ani. “Pathian chuan mahni intanpuite a tanpui thin” tih hi Bible-ah a in ziak lo. A sawi chhuaktu chu Ben Franklin an Poor Richard’s Almanac tih thawnthua a ziah zawk a ni. Ringtu tam takin he thu-fing hi an tawngtai chhana a awm loh chhanah an ngai a.
Harsatna leh natna tam tak mihring chunga thleng thin laka Pathian mawhpuh loh an tumna mai ani.
He thu hi a dik anih chuan engtinnge mahni pawh inpui thei lo khawpa bawrhsawmte an awm ang?
An vanduai lua kan ti dawn ami?
Ringtu then khat chuan tawngtaina zawng zawng hi Pathianin a ngaithla a, a chhang thin niin an sawi a. Chhanna chi 3 nei angin an ngai bawk a: Aw, Aih & Nghah. Pathianin kan tawngtai a chhanna kan hmu/hre thiam lo mai niin an ngai a. Kan hriatthiam leh hmuh thiam tawkin emaw, chhanna kan hmuh hriatthiamna tal Pathian atangin kan dawng ngai si lo.
Isua chuan tawngtaina Pathianin a chhang ziah angin a sawi si a.
Johana, 16:23 ah chuan, “…… ka hminga in dil apiang pek in ni ang”
Mathaia, 21:22 – “I rin chuan i dil apiang pek i ni ang”.
Marka, 11:24, “Dil la pekin i awm ang; zawng la i hmu ang; kik la an hawn ang che”.
Mathaia, 18:19- “Mi pahnihin rilru angkhata an dil chuan ka Pa vana mi chuan a ti hlawhtling ang”.
Heng chang leh kan nitin nundan hi chu inpersan tak ani. Vawi engzatnge kohhran leh mipui tam takin kan dilna a hlawhchham thin? Tun hnai maia nula leh tlangval bo ta te tan khan mi tam takin Pathian hnenah kan dil sak a. Kan chhungte, natna khirh tak vei tan te leh harsatna tam tak karah tawngtaina kan sawi thin a. Awmzia a nei em? Tawngtai hian awmzia a nei lo a ni.
Tin, engvangin nge damlote leh accident tawk tante kan tawngtai hrim hrim? Bible thu kan zawm dawn anih chuan an damna tur ni lovin an thihna turin kan dil zawk dawn lawm ni? Ti chuan he lei kan hmun-hlun tur pawh ni lo leh harsatna kalsanin vanah an chawl dawn niin kan hmu si a. Kristian tha chuan nausen leh naupangte thihna tur hian a dil nasa zawk tur anih hmel zawk mah ani. Achhan chu, naupang rilru chu a thianghlim a, sualna a la nei lova, vanrama a kal theihna hun tha a neih that ber hun ani si a.
Tawngtaina hian Pathian rorel lawk sa leh remruat sa engvang nge tidanglam tura kan rin?
Pathian chuan engkim a ruat lawkin a hre sa vek si a. Pathian remruat lawk chu eng tawngtaina mahin a ti danglam thei dawn si lova?
Entirna: I nupui/pasal damlo tan damna i dil sak a. A thih tho si chuan, Pathian remruat ani i ti thei mai a. A lo dam chhuah chuan, i tawngtai chhanin a awm i ti leh thovang. Hei hian awmzia a nei lo tih a tilang chiang hle. Tawngtaina chu Pathian hnena kutdawh a ang zawk ani.
Thenkhat chuan an tawngtai chhan anih loh chuan an mahniah dik lo awm zawkin an ngai tlat bawk a. An rinna a chau, an suangtuahna tha lo, an thianghlim tawk loh vang ni ten an ngai a. Tawngtai chhana a awm loh chhan hi engdang vang ni lovin boruaka thil chham kual mai mai a ni zawk lo maw?
Tam tak chuan an dilna hlawhchham tawh tam tak kha hai derin, a hlawhtlinga an rin chiah te kha an hre hlur a. Heng “chhanna” ni a kan ngaihte hi han chhut chian chuan Pathian vang ni lovin, kan dam chhung chuan hlawhtlinna, vanneihna te chu a thleng fo tur/thin tih kan hai lovang. Ringlo tam tak hnenah pawh vanneihna te chu a thleng ve thin tho tih kan hmu ani.
Isua chhandamtua pawm ngai lo leh Pathian hnena tawngtai ngai lote pawhin ringtute chunga thil tha thleng thin ang tho hi an dawng ve tho tih chu hai rual ani lovang. Tawngtai chu mahni leh mahni inbiakna mai niin a lang.
Tawngtaina hi thil dik lo tak, chapona chikhat a ni thei em? Khawvel leh van zawng zawng awm dan leh nih dan chu tidanglam thei turah kan dilna chu ka ngai a ang viau bawk si. Kan beisei sang mah mah lo maw….?
…Awm zel tur (phur dana zirin)
Similar Posts:
- Tawngtaina awmze nei lo.
- Tawngtaina…awmze nei lo…(chhunzawmna..phur leh thut pek a lawm maw le)
- Tawngtaina…awmze nei lo…(chhunzawmna)
- TAWNGTAINA
- Pathian tih mi, tawngtai room hran nei
November 10th, 2012 at 11:58 am
HaHaHa!
Report this comment
November 10th, 2012 at 12:03 pm
tinge log in chawp a ngaih ziah le..
Zan lamah zotuithiang dawm chunga komen chi….
Report this comment
November 10th, 2012 at 12:08 pm
@Patan_star..I post hmasa atanga ka lo hmuh dan chuan – i thatchhe lutuka, thawkloa hmuh i tum a..tawngtaiin i dil a,i hmu siloa..i beidawng vui vel mai mai anih kha. Bakah i thil dil te chu i PHU LO aniang chu mawle.inngaihtuah chiang ve rawh. I thil dil i hmuloa, tichuan i lungawilo chu i inngaihtuah buai a,inhnemna i zawng mai mai anih kha.I hmu chuanglo ang Pathian ah bak hlimna hi. He khawvel ah hian Pathian awmloh ringtu hi nang aia ropui mi tam tak ka hre hnem tawh lutuk..a hnua a awmzia an hriatchhuaha an han inchhir tak tak mai thin chu..!! i pity you.. God have mercy on you..ty
Report this comment
November 10th, 2012 at 12:09 pm
Tawngtaina chhangtu ‘Pathian’ ka nei, i nei ve lo a ang hle mai
Report this comment
November 10th, 2012 at 12:57 pm
I dil dik loh avangin a chhang lo che.
Kei chu ka dilna min ngaihthlak sak a, ka duh dan ang ni lovin ka tana tha turin min chhang thin.
Report this comment
November 10th, 2012 at 1:11 pm
Johana, 16:23 ah chuan, “…… ka hminga in dil apiang pek in ni ang”
Mathaia, 21:22 – “I rin chuan i dil apiang pek i ni ang”.
Marka, 11:24, “Dil la pekin i awm ang; zawng la i hmu ang; kik la an hawn ang che”.
Mathaia, 18:19- “Mi pahnihin rilru angkhata andil chuan ka Pa vana mi chuan a ti hlawhtling ang”.
↑
Isua khan dawt a sawi a ni lo maw(?) tih te hi ngaihtuah teh u!! Hmanni Aizawl nula leh tlangval bo thuah khan, kohhran hruaitu lawk; pastor, kohhran upa, vanram kai inring em em leh ram leh khawtlang pawhina vanram a kai an rin em em te pawh khan, dam taka hmuh leh theihna turin an tawngtaiin an dil ngei anga(Isua hmingin). Mahse a chhan leh chanloh hrechiangtu chu an mahni vèk an ni a, sawi thui lo mai ang.
Isua chhandamtua pawm ngai lo leh Pathian hnena tawngtai ngai lote pawhinringtute chunga thil tha thleng thin ang tho hi an dawng ve tho tih chu hai rual ani lovang. Tawngtai chu mahni leh mahni inbiakna mai niin a lang.
Tawngtaina hi thil dik lo tak, chapona chikhat a ni thei em? Khawvel leh van zawng zawng awm dan leh nih dan chu tidanglam thei turah kan dilna chu kangai a ang viau bawk si. Kan beisei sang mah mah lo maw….?
↑ Duhthusam mai mai maw le:-D
Entirna: I nupui/pasal damlo tan damna i dil sak a. A thih tho si chuan, Pathian remruat ani i ti thei mai a. A lo dam chhuah chuan, i tawngtai chhanin a awm i ti leh thovang. Hei hian awmzia a nei lo tih a tilang chiang hle. Tawngtaina chu Pathian hnena kutdawh a ang zawk ani.
↑ka nuih a za roh e
Achhan chu, naupang rilru chu a thianghlim a, sualna a la nei lova, vanrama a kal theihna hun tha a neih that ber hun ani si a.
↑ mihring lo piangchhuang reng reng hi sual saa piang an ti a ni lo em ni???
Report this comment
November 10th, 2012 at 1:23 pm
Report this comment
November 10th, 2012 at 1:26 pm
Thil dil awmze nei lo hi a awm ve hrim hrim a. Thi tawh chu a thi tih i hriat loh avangin damna dil sak ta la…. tumahin an ti dam nguar ang chu. Thi tawh miau hek… chutiang bawkin i kut i zai palh a, i zai hnu ah zai lo turin tawngtai ta ngat ngat la awmzia a nei chuang lovang……..
Bible chang tarlan ah te khian dil zawng zawng pek chi a i kher lo tih hriat a tha. entirnan : Hman ni a mi 2 bo angte pawh kha… an thi tawh a, hriat loh avangin damna an dil a, an dil avang ringawt a dam ngaihna a awm tawh lo a ni e.
Chuan, Pathian chuan engkim a ruat lawkin a hre sa vek si a. Pathian remruat lawk chu eng tawngtaina mahin a ti danglam thei dawn si lova?
Pathian hian engkim a ruat lawk in a hriat sa vek hi ka ring ve love……
Report this comment
November 10th, 2012 at 1:36 pm
E khai Thianpa/Thiannu, i harh chhuah leh ngei ka beisei. Kan duh ang diak diak hlirin Pathian hian kan dilna a chhang vek lem lo.
Report this comment
November 10th, 2012 at 2:00 pm
Misual.com lama ka lo hnuk lut kher kher che u hi chu, tawngtaipuina in dawn tam phah ngawt ang ka ring.
Report this comment
November 10th, 2012 at 2:02 pm
Pathian hian kan tawngtaina zawng zawng hi kan duh angin chhang ta vek se a buaithlak ngawt lovang maw? Kan duhdan kha a in kawkalh nuaih ang a. A chhangtu tur tan tihngaihna a vang thin dawn tlat!
I thil dil opposite chiah kha midangin lo dil ve ta se tunge lal zawk ang? 
Thenkhatin engtik lai pawhin khaw tha an dil ringawt ang a.. thlai huan siam tan a buaithlak dawn em mai!! Thih duh kan tam vak loh phei chuan tar thi thei si lo buaipui reng rengin kan hmanhlel ang asin le!!
Report this comment
November 10th, 2012 at 2:23 pm
Tawngtaina hi mahni inbiakna mai ni lovin Pathian kan biakna dik tak a ni. Keimahni tawngtaina thinlung lam erawh a pawimawh khawp mai
Report this comment
November 10th, 2012 at 2:40 pm
Patan_star says, ” Mathaia, 21:22 – “I rin chuan i dil apiang pek i ni ang”.”
Post thupui- awmze nei lo tawngtaina..
Chhan chu a rinawm vak lo.. You are self-contradictory…plain simple..
Driving license nei lova motor i khalh avanga traffic police in an man che pawhin i ankhum nek duh ang a..
Report this comment
November 10th, 2012 at 2:40 pm
Nupui i dil a, i hmu lo thinrim ang vak vak i va ang ve
Report this comment
November 10th, 2012 at 2:42 pm
togtai dan hi zirthar angai anih hmel…
Report this comment
November 10th, 2012 at 2:49 pm
Tawngtaina hi awmze neilo leh pawimawhlo ni se, kan tawngtaina te hi Pathian hian vawikhatmah, tu tawngtaina mah chhang ngailo ni ta se, hman atang tawhin awmzia a neilo tih mi zawng2 in kan/an hre vek tawh anga, tun thleng hian tumah an tawngtai tlut2 peih tawh nang le
‘awmzia a nei em/neilo em’ tih pawh sawi ngailovin kan hre vek tawh ang.
Chuvangin tawngtai hian wmzia a nei a, Pathian in kan tawngtaina te hi a chhan thin avangin kan mamawh leh duhzawngte dil in kan tawngtai thin ani. Tawngtaina hi engtiklai pawh a hlawhtling tura ngaih chi anilo
Report this comment
November 10th, 2012 at 3:03 pm
‘Dil leh pek’ lam ringawt buaipui tan chuan tehfung a zim viau reng a ni. Tawngtaina te chu Pathian pawlna atan asin ringtu dik takte chuan an hman thin zawk ni.
Report this comment
November 10th, 2012 at 3:14 pm
Kei chu ka dil aia ṭha min pe
Report this comment
November 10th, 2012 at 3:30 pm
Ka dil khat nen , ka dil loh thleng thleng hian min la pe zel chu a ni a. Tawngtai chhun hi chuan lawmthu han sawi pawp mai i la. Dama ka awm hi ka lawm em em mai a. A bak hi chu Pathian mawh tur khawpin ka chungah engmah a la thleng lo aniang e.
Report this comment
November 10th, 2012 at 3:48 pm
Ngaihdan mak tak a ni
Report this comment
November 10th, 2012 at 4:01 pm
Good post,
post-tu-pa pawh chu va reh ve maw le…
Report this comment
November 10th, 2012 at 4:09 pm
Kan nitin hun hman thin ah hian Calvina zirtirna RUATLAWK hi chu a dikzia alo lang chho zel a ni. Pathian thiltum hi dal rual a ni lova, kan tan a tha tur in thil min tihsak zel zawk a ni. Chuvangin Isuan thil a dil kha remtihsak loh a ni, mihringte dam nan, chuvangin vanin ro a rel tawh chu kan hrethiam ve bawk tur a ni, I thu ni se tih ang khan.
Report this comment
November 10th, 2012 at 4:50 pm
Vai kut dawh naupangin min hnuaichhiah deuh tak chungin pawisa min dil se ka pek a takah, ve khanglanga tih pahin ka ben duh mai ka ring, tuman an chhan ka ring bawk law..
Report this comment
November 10th, 2012 at 4:57 pm
Mak teh ching cheng ve.
Report this comment
November 10th, 2012 at 5:13 pm
post tupa tawngtai ve tawh suh aw…..
I tan awmzia a nei lo….
Report this comment
November 10th, 2012 at 5:20 pm
OT: Typhoid hi eng nge a nat dan? Engtia kai nge kan nih? Eng nge complication awm thei? A hlauhawm em? Pliz help…
Report this comment
November 10th, 2012 at 5:33 pm
Good post
Tin, #8
A hmasa in i doubts zawng zawng hi pakhat te mah hmaih lovin ka hriatthiam pui thlap che. A chhan chu kum 7 liamta ah khan heng zawhna te hi vawi za tam ka in zawt ve tawh tlat ani. Chu chuan Pathian awm poh ring hleithei lo, a awmloh ring ngam chiah si lovin hun rei tak min dah a.
Thil 1 chu, heng hmuhsit rawngkai a comments reng reng hi ménah thlak rawh. Nang ai in an thlengsang bîk lova, an chiang bik chuang hek lo. Vaki tawngthei ang mai in zirtir an nih ang ang an sawi chhawng ve mai mai ani. Anihna tak ah phei chuan heng mi tamtak te ai hian i hnaih zawk maithei asin! I ngaihtuah in i zawng tal a!
I rinhlelhna tibo tur khawp a fiah hrilh tur che engmah ka nei biklo. Mahse heihi erawh ka chiang ani. I rinhlelhna zawng zawng hi Amah Pathian hrilh rawh. Hriatfiah thiamna DIL RAWH, beidawng lovin dil la, a pe NGEI NGEI ANG CHE. Thlarauthianghlim a pek toh che a, i zirtirtu anih hun ah chuan, heng dilna tesep chhan leh chhanloh thu pawh hi a zirtir tel ang che a, i buaina ber ani tawh ngai lovang.
Report this comment
November 10th, 2012 at 6:10 pm
Van khawngaihthlak tak em! I harh chhuah hmain i post dang a lo chhuak leh hman a ni maw?
Kan inkhawm a nge, zanin chu tawngtairual zan a la ni zui, tih chi hle mai
Report this comment
November 10th, 2012 at 6:26 pm
@ lr typhoid chu ei leh in atang akai a ni ber.. khawsik sang.. luakchhuak,, chau/awm nuam lo.. ek dik lo..taksa na thum.. enkawl vat loh chuan………
……… ni mai
Report this comment
November 10th, 2012 at 6:30 pm
@saint, chu a va hlauhawm ve. Tunlai te chuan damdawi te a tha tawh a, enkawl dam a awl viau tawh lo mi?
Report this comment
November 10th, 2012 at 6:49 pm
Kan tawngtainain awmzia neilo anga kan hriat thin chhan leh, awmzia a neih loh fo tak tak chhan Post hranin ka siam ta mai. Comment ringawt chuan a sei duh dawn lutuk si a.
Report this comment
November 10th, 2012 at 7:18 pm
Hei hi ṭawngtaina awmze nei a ni e.
Kan pa, van a mi, I hming zahawm rawh se, I ram lo thleng rawh se; I duh zawng van a an tih angin lei am’n ti rawh se. Nitin kan ei khawpin chaw min pe ang che. Kan chunga thil tisualtute kan ngaidam angin, Nang pawhin kan thil tih sual ngaidam ang che. Sual tura thlemnaah min hruailut suh la, misual lakah min chhandam zawk ang che. Ram te, thiltihtheihna e, ropuinate, chatuan I ta a ni si a, Amen.
Mimal irawm aṭang chuan, lawmthu sawiin ka ṭawngtai ṭhin.
Report this comment
November 10th, 2012 at 7:31 pm
Heihi ka tawngtaina ve-
Nun awmzia ka hriat hmaa nunna min pein
Kawng a awm tih ka hriat hmain min hruai a
Hmangaihna awmzia ka hriat hma leh ka hriat loh lai pawha min hmangaihin
Ka bo tih inhrelo khawpa ka bo laiin min zawng thin.
Ka rin loh lai che pawhin ka ring leh ang che tih i ring tlat a
Ka chau a ni tih inhrelo khawpa ka zawi hnuin thahrui min pe a
Ka khawhar zia hrelo khawpa ka nun a ruah laiin nangin min kan thin.
Kawng dik lo ah chaktakin ka tlan a ni tih ka hriatloh lai pawhin
Aw LALPA, nangin i kutchaka min chelhdingin
Ka hriat ngailoh kawngtha min zawhtir zawk si
Thim hnuaia ka awm laiin eng min pe a
Hlauhnain min chim laiin min muan thin
Buaina leh mangannain min chim laiin ngaihtuahna thar min pe a
Kawngdika ka kal theih na’n ka ke i ni a
Thil tha ka tih theih na’n ka kut i ni si
Aw LALPA, nanglo chu tunge ka belh ang? https://misual.life/2012/01/30/aw-lalpa/
Report this comment
November 10th, 2012 at 7:32 pm
Atheist pa hian a delete mai ang che u
Report this comment
November 10th, 2012 at 7:38 pm
#34, tunge chu chu?
mi(sual) ho hian a vun kan hik mai ang hairehai
Kan zing mut leh ngât teh ang, nocturnal chet tlat kei zawng!
Report this comment
November 10th, 2012 at 7:54 pm
A in delete ta emaw ka tia, a rawn lang ve leh hlawl mai
Report this comment
November 10th, 2012 at 8:11 pm
Post tupa i va rawn inlar duhlo ve, hmana ka post hi lo bih ve teh aw:
https://misual.life/2012/04/29/tawngtai/
Report this comment
November 10th, 2012 at 8:51 pm
Kei leh ka chhungte zawng, kan trawngtraina chhana a awm thrin avangin kan trawngtrai zel ang!
Report this comment
November 10th, 2012 at 9:10 pm
Awmze nei a tawngtai tur a ni reng a lawm….
Report this comment
November 10th, 2012 at 10:09 pm
A va mak teh tlawng ve aw!! He post chu..kei chu chawp leh chilh a ka tawgtaina chhana a awm ka hre hnem tawh mai.. Hei mi avang hian trawngtai hian awmzi aneih mai bak ah Pathian mi hriat ka ni tih a ti lang chiang.,Trawngtai hi atam thei ang ber neithei ila ka duh lai a,hetiang thu kan hre phei hi chuan trawngtai tam ka mamawh tak zet tyh min hriat tir..I nun ah Pathian thu in hmun a chan theih nan trawngtaipui i ngai tak zet ani. Rinzoa pawh.. I trawngtaipui ang u..
Report this comment
November 10th, 2012 at 10:33 pm
Post tu pa, Pathian rem ruat sa chu
eng tawng tai na mah in, a ti dang lam lovang i ti maw? khawi mah aw.
Thla ler ah khan, Pathian in a mi ten
a thu an awih loh a vang a, vawi eng e maw zat tih hlum vek mai a tum khan,
Mosia tawng tai na a vangin,
Pathian in a tum a thulh tlat.
Sodom leh Gomora chung chang a,
Abrahama tawng tai na te kha,
a van chhang ngun si em ti rawh.
Ringtu leh ring lo, mi sual ber leh
mi tha ber chung ah pawh, Pathian in
ruah a sur tir a, ni a sat tir bawk.
Mi hring te ril ru ang lo tak in,
Pathian chuan tu mah, a thliar ve lo.
Tin, Lal Isua’n kan dil a pek min
tiam chu, Thlarauthianghlim hi a ni.
Thlarauthianghlim pek a i awm hun ah
chuan, tawngtai awm zia pawh
i hre thiam ve mai ang.
Report this comment
November 10th, 2012 at 10:35 pm
Nia , Benny Hinn pwh khan tihdam tak2 a nei lo tiin documentary an siam khn an report !
Mahse mihrng thi thei hian choice kn nei tlem em a..Pathian ah hian innghat ngam ila eng pwh twk ila a him ber..
@lr Azythromycin 500mg/day ni 3 hmawm rwh..dam mai loh chu hmabak i nei lo ang he2
Tin, patan-ah zu a la awm a mi?
Report this comment
November 10th, 2012 at 11:05 pm
Tawngtai hian awmzia a nei lo hlawm tawp tia bul han tan ngawt mai chu,,,,, ka beng a thlep sa deuh tlat mai,,,,,ka chhiar ngun vak ta lo mai e….
han mangan tak tak emaw lawmna luangliam tak han tawn chang hi chuan tawngtaina thu hian awmzia a neih loh chang a awm thin, ka nghilh dup thin a,
mahse engtiklaimahin tawngtaina awmze nei lo han tih tur ka hre ngai lo;;;;; 
Report this comment
November 10th, 2012 at 11:22 pm
I tawngtai thin dan han sawi mai mai teh Post tupa?
Report this comment
November 11th, 2012 at 2:05 am
Posttu pa chu-mi nuai tam takin mail 2000 don lai kal nan pheikhawk an bun tawh kha mail chanve poh tling lo i intholh ve dek dek a, ‘he tiang bun tlak a ni lo, mail 2000 dana mite poh khan lo phelh vek rawh u’ rawn ti i va ang ve ? He tiang ngaihdan hi i nei leh dawn a nih chuan, mail 2000 chuang sawisel tur hre lova kan bun tawh hi, Mail 100 tal chu lo bun ve hram hram phawt la mo le.
Report this comment
November 11th, 2012 at 3:48 pm
Hetiang ngaihdan nena nun han hman chu a va hrehawm dawn em! Tawngtaiin awmzia a neihzia la hre ve turin i duhsakawm ngei mai.
Report this comment