Archive for November, 2012

Thilthlawnpek

Sunday, November 25th, 2012

Ka Neih tawk a Nawi
Ka Theih tawk a Tawi
Ka Phak tawk a Phai
Ka Tlin tawk a Tlem

Chunglam ka thlir a,
Lal thar lo piang tur khian,
I hausa min ti tlat si.

A malsawm ka dawn min chhiar tir a,
Ka hausakzia ka hrechhuak a,
Chunglama ban pharin ka Tawngtai a.

“Lalpa, i piancham a lo thlen lai ngei hian,
Kei aia mamawh zawkte tan,
Ka sum bawm hi hawng ang che..” tiin.

(G)    Mi chi thum an awm..!     (G)

  1. Thilpek dawn beisei.
  2. Thilpek dawn beisei lem lo, midang pawh thilpek pe ngai lem lo.
  3. Thilpek pe thin.

A chunga tarlan zingah khian a 2-na khi ka nihna a ni thin. Midang thilpek pe a, midang tanpui hi ka tihturah kan ngai ngai lem lo. Mahse kum enge maw zah liam ta atang khan ka phak ang tawk tawk a midang tanpui leh thilpek pek hi ka ching ve ta viau.

(more…)

Posted in Luangliam, Poetry | 10 Comments »

Tuikuk te hi Pathianin mizote chhiahhlawh tur

Sunday, November 25th, 2012

Central YMA treasurer Pu R.lalnghet chuan Armed veng ‘S’ branch YMA te hnenah thuchah sawiin,YMA adin chhung chuan eng autonomous district council a piang tawhlo ang ati.

Tuikuk te hi Pathianin Mizote chhiahhlawh tur a minpek te an ni a,selem boarding vel kaltlang in ziak leh chhiar an rawn thiam ve dek dek a,an hel ringawt hi adiklo ati bawk.

Source: FB

Posted in Mizoram | 50 Comments »

Kan thatna tur-II

Sunday, November 25th, 2012

“Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria” (Rom 8:28)

Hun rei deuh hlek tawhah khan, Scotland rama khaw pakhatah hian Pu Clark-a te chhungkua hi an awm a. An chhungkuaa United States a zin an chak em em mai athin a, an chhungkaw ti ti berah an neih a, tihhlawhtlin ngei tumin sum pawh an tuak tang tang a ni. Kum 2/3 tehmeuh an inkhawl hnu chuan, an inkhawl ngah ta a, America a kal theihna tur Passport te pawh an tifel ta vek a, vanneih thlak tak main, lawng thar lian leh ropui tak mai, a hun laia chanchin thar luahtu ber pakhat, miten hahipa an sawi Titanic lawngah ngei mai chuan an chuang thei dawn lehnghal a, an sahawkin an hlim tak meuh a ni.

Tichuan le, an chhuah hun alo hnai ta tak zet tihah chuan, an fapa naupang ber chu Khawlaia ui vak vel mai mai thin, ui thianghlim lo tak chuan a chawnah a she ta hlauh mai a. Doctor thiam takin a hliam chu a thui sak na a, kha ui kha a chiang kuan lo hem avangin Ui a hri(rabies) vei ngei tura ngaih a ni a, an inah chuan rawmawl eng khaiin, dah hran anni ta a, ni 14 chhung chu midang zinga a awm a phal ta lo a ni.

(more…)

Posted in Event, Religion | 11 Comments »

Lal Isua Tuarna – Part 3 {Sunday Pual}

Sunday, November 25th, 2012

Thuhmahruai
Lal Isua Tuarna – Part 1 & 2-ah khan Taksaa Lal Isua Tuarna chungchang famkim lo takin kan sawi tawh a. Vawiinah chuan Rilru Lama Lal Isua Tuarna chungchang kan zirho ve thung dawn a ni. Kan sawi tawh kha han thailang leh lawk ila. Lusun ţheuh ţheuh te, nâtna thuhmun tuar ţheuh ţheuh te, retheih dan thuhmun ţheuh te leh piansualna tuar (ramtui lei lo, pianphunga rual ban lo) ţheuh ţheuh te hian, hrehawm kan ti hlei hle-in, kan tuarnâ hlei hle ţhin. Hei hi a chhan ber chu rilru lama tuarna a tel ve leh ve loh athu a ni. Rilru lama tuarna hian hrehawm tihna leh thawpikna nasa tak a thlenin a tizual ţhin ni zawkin alang. Hei hian rilru lama tumruhna te, rilru lama lo inbuatsaih lawkna te leh rilru azira tuarna a nât hleih theih dan leh rilru pawimawh zia a hril chiang hle a ni.

Lal Isua Kha Ava Thi Hma Ve?
Kan sawi tawh ang khan, Kros-a mi an khenbeh-te reng reng chu a tlangpuiin, hrehawm tinreng tuarin ni tam tak an awm ţhin kan tih laiin, Lal Isua kha an khenbeh aţanga darkar 6 chhung vel lekah a thi ta mai a nih chu !!! (zing 9:00 am velah khenbeh a ni a, tlailam dar 3:00 pm ah thi anga ngaih a ni). Hei tak hi Lal Isua thawhlehna awihlotute tan chhuanlam tur siam a remchang ta hle a ni. Josefa’n Lal Isua ruang a dil khan, Ramawptu Pilata meuh pawhin mak a tih thu Marka 15:44-45-ah a inziak thlap a, “Chutia a thi ta thuai chu mak a ti hle a. Tichuan, Sipai zahotu chu kovin, a thihna a rei tawh emaw tih a zawt a. Sipai zahotu ka aţanga a hriat chuan a ruang chu Josefa hnenah a pe a” tih thu hi chiang takin a in ziak a ni.

(more…)

Posted in Religion | 4 Comments »

Zomi National Bird : HORNBILL

Saturday, November 24th, 2012

Khawvel hnam hrang engemaw zat hian mahni hnam chhinchhiahna sava an nei theuh a. Keini ZOMI(Lushai+Kuki+Chin) ho pawh hian kan hnam chhinchhiah nan Vaphual(Hornbill) kan hmang a ni. Paite tawng a Vaphual kan tih mai hi a saptawng chuan ‘Hornbill’ tih a ni. Luseitawng chuan vapual tih a ni nghe nghe.A scientific name chu ‘Bucerosbicornis’ a ni a.Buceros tih thumal hi Greek tawng atanga lak chhawn ni in a awmzia ber chu Bawng ki tihna a ni.Biconis ve leh thung chu Latin thumal atanga lakchhawn a ni a “Ki nena in ang” tihna a ni.Tichuan Vaphual awmzia ber chu “Bawng ki nena in ang Sava” tihna a ni deuh ber mai awm e.Nepal ho in ‘Homrai’ an ti a a awmzia ber chu ‘ramhnuai lal’ tihna a ni.Paite twang ‘phual’ tih chu awm/cheng/khawsa tihna a ni a.Vaphual tih awmzia chu  thingkawrawng a khawsa thin sava tihna a ni.Khawvel pumah vaphual chi hrang 55 vel an awm a Zogam a awmho phei chu Great Hornbill an ti nghe nghe.

Zomi ten Vaphual hnam chhinchhiahna atana kan hman takna chhan tlem han sawi ila.Hmanlai zomi thawnthu pakhatah chuan Lawi Thang leh Sial Lian inti unau an awm a.Lawi Thang chu a u zawk ni in Sial Lian chu a nau zawk a nit hung.A tet lai in an chu chuan a thihsan a, a pa lah in nupui dang a nei leh bawk.A nuhrawn chuan Lawi Thang te unau chu hmangaihna reng engmah a nei lova.A pasal hnen ah chuan i fa hmasa pahnih hi hmundangah hnawtchhuak daih the a ti a. Chu veleh a pasal chuan bawmrangah a fate pahnih chu pua in hmun hla deuh ah a kal pui a.Chutah chuan chawlh hahdam pah in a mut tir a, an mut hlan chuan a hawsan ta daih mai a ni.A fate an han harh chuan khua a thim tawh a.An pa awm ta lo chu tihngahna hre lovin an tap an tap ta ringawt mai a ni.An ril a tam em avangin ramhnuaiah ei tur zawngin an vak chhuak a.Ei tur an hmuh ang apiang chu in phel(sem) in an ei zel a ni.Ni khat chu sava bu pakhmat an hmu a, a u a lawn nghal vat a.Chu sava bu ah chuan Vaphual(Vapual) tui pakhat chauh hi a lo awm a.A thlak chuan a keh daih dawn si a, a ei lah in a nau in ei tur a nei dawn si lo.A mah chauh a ei a duh loh avangin a  ka chhungah hmuam in thingkung atang chuan a chhukthla ta a.Mahse van duai thlak takin lei a zu thlen thlak hma in sava tui chu a tikeh palh a, a dawlh ta a.Chuan a u chu Vaphual ah a chang ta der mai.

(more…)

Posted in Mizo Society & Culture | 13 Comments »

Why are some of the Mizo folks using us (Changhma) or Chakma (as pronounced and written by the Britishers) as their punch bags?

Saturday, November 24th, 2012

 An appeal to all the respected bloggers and respected Mizo folks.

Well, we all know that a one sided statement can be of biased nature, and can often lead to a biased assumption.  And it is also an open secret that Mizos hate Chakmas like how the Israelites hate Palestinians and vice-versa. Well, there are several reasons for issues like this, blame it on our cultural differences, politization (may not be in the English morphological system…lol) or greed, after all we are just human and its human nature to try to conquer more (same like the Khasis and Garos phenomenon in Meghalaya).

I believe some Mizo folks are even going to the extend of even requesting Lord Jesus to kill all the Chakmas in Mizoram… (sad but true, it can be seen how Mr.Lalthara an elite IAS cadre, manipulated the Chakma story in his book, which, very soon may be used as a Bible by some Mizo folks who hate Chakma’s). But is Mr. Lalthara’s book based on actual facts and figures? Or is it based on his imagination or is it written by him just like how the book of revelation in the Bible is being written? Did Mr.Lalthara had visions of angels telling him to jot down whatever the angel had dictated?

Therefore in order to judge his book, whether it is based on facts or mere hearsay, I on behalf of my Chakma community request the respected editor of this misual.com to kindly let us know the bibliography that Mr. Lalthara had used if possible and publish it here.                                    

Thank you Sir.

Posted in Ask | Help | Suggest, Mizoram | 57 Comments »

THUPLOH KUM 14 PIANCHAM LEHKHA THAWN:

Saturday, November 24th, 2012

Kan fahmingkoh Lalramhluni (Nupuii),

Vawiin in ni 24/11/2012 (Inrinni) pianchamphaphak vawi 14-na a lo thlen hian i Nu leh Pa ngaihtuahnaah thil tam tak a lo lut a. I pian ni a ipa phur lutukin I len hun ai hak tura innuin kawr a dah that zawng zawng nen a damdawiin a rawn kal tum kan chhungte nui nasat zia te mitthlaah a lang uai uai mai ka ti. ( kum 1 i tlin ni leh i pa hna chelh mek appoinmment order chhuah ni in nang chiah te kha a ropui dangdai mang tak e)

Kum 13-18 Sakramen leh Senior Department te Questionnaire siam an chhanna 70% ten ngaihzawng an neih tawh thu te, Sex hman chakna neih tirtu TV, Video, Blue Film (Mobile telin) a nih thu te,Thalai zingah Sex hman a hluar titu mi 100% an awm te, Zu leh Drugs a ruka nasa taka an tih mek chi hrang hrang an hmuh leh hriatna hmasa chu School leh Hostel anih thu han hriat te hian ngaihtuahna a vak thui em em a.

Nangmah ang a High School ka mek hmeichhe zirlai tam tak damdawi rim nei silo (ngona pill an ti em ni – an var puak a, tleirawl tisen leh nung erawh hmuhtur awm hauh si lo) ching an tam em em tih han hriat te hian thlunglu a hai thin mang e. Chutih rualin lawmna hlirin kan khat, i ti mai teh ang, a chhan chu khing thalai tamtak saltanna khian a la tibuai lo chein tha leh thianghlim taka i hun vawiin ni kum 14 i tlin ni kan thleng hi kan lawm em a tin ni!!

(more…)

Posted in Luangliam | 5 Comments »

CHAKMA TE HI TU TE NGE AN NIH?

Saturday, November 24th, 2012

By – Lalthara IAS.

Kan naupan lai chuan “Tuikuk” leh “Takam”ho hi kan hlau thei em em thin a. Kan khua Reiek chu an Aizawl kal na kawngah an hman thin avangin saruak a hrenpereng chuah kaih a an kal dum dum kan hmu thin a. Nauoang tap thlem leh tihthaih nan pawh, “I ban loh chuan Takamin an man ang che,” kan ti fo mai. Khanglaia Takam ti a kan hriatte kha ‘Chakma’ hi an lo ni reng mai a.

Tun hnai mai a Chakma hovin Mizoram leilung atang ngei a UT sahthlak an ngiat tak avang leh Rajya Sabha Committee On Petitions in an dilna chu an lo recommend chungchang hi kan buaipui zual tat hut mai a. Chakma te hi tu te nge maw an nih a; engtia Mizoram chhunga rawn lut nge an nih a; engtia Chakma Autonomous District Council hi lo piang a; Chakma Minister te meuh pawh lo nei ta zel mai nge kan nih? tih zawhna angte chuan Mizo thangtharte rilru a luah tan ta a. All Mizo Post Graduate Students Union in min rawn ngen na angin he Article hi ka han ziak ve a ni.

An tobul: Chakma hote hi awmna ram bik nei mumal lo (Nomadic Tribe) anga rei tak an khawsak avangin a tobul pawh hi chiang faka chhutchhuah a harsa a. History ziaktute pawhin chiang leh mumal tak a ziah tur an hre tlem hle a, an rinsiak vel mai mai a ni ber. Mongolian thlah zinga Tibeto-Burman pengkhat an nih ring an awm lain thenkhat erawh chuan Tai-Shan emaw, Mon-khmer thlah emaw atnga lo chhuak niin an ring bawk.

(more…)

Posted in Information, Mizoram, Politics | 43 Comments »

Hmeichhe naupang tawngtaina

Friday, November 23rd, 2012

Tunlai chu ‘tawngtaina awmze nei lo’ tih lampang a chhuak ngun riau mai a. A chhanlet (counter) dan ka thiam ve lo va, chuvangin he thu hi ka rawn dah tawp mai.

England doctor Helen Roseveare chu Africa khawmualpuiah missionary-in a awm thin a. Zan khat chu nau neihna pindanah nu pakhat nau vei mek hi an buaipui a. Vanduaithlak takin chu nu chu nau chungah a thi hlauh mai a. A fasen piang hlim chu an enkawl turin a hnutchhiah a ni ta ber mai. A kalsan tak a fanu kum 2 mi leka upa lah chu a tap hliam hliam bawk a.

Damdawi inah chuan nausen ur lumna tur an nei lo va, nausen hnute hnektirna hmanrua lah an nei chuang bawk hek lo. An awmna hmun chu lei kiar lai tak a nih avangin chhunah lum patlingin lum mah se, zan lamah erawh tih tak zetin a vawt thin. Chuti ang a nih avang chuan nausen chu thuk bul hnaihah an dah a, mi pahnihin thli thaw laka venhim nan an thut hual bawk a. Pathian hnena an mamawh thlenin chumi hmuna awm, puitling leh naupang zawng zawng chu an tawngtai ta a. An tawngtai lai chuan naupang pakhat, kum 10 mi lek, Ruth-i, Africa naupang dang ang bawka rilru mawl leh ngen ngawla a tawngtaina chuan Helen-i thinlung a dek zawk mai. Ruth-i chu, “Lalpa, khawngaih takin nausen hnute pekna tur bottle rawn thawn rawh. Naktuka i rawn thawn loh chuan nausen hi a thi hman ang; chuvangin vawiin chawhnuah ngei rawn thawn ang che. Bottle i rawn thawn rau rau chuan nausen u hmeichhe naupang lawm tur naupang lem rawn thawn tel bawk ang che,” tiin a tawngtai a.

(more…)

Posted in Copy Paste, Lifestyle, Religion | 12 Comments »

Mihring Pathian: Harh A Hun E!

Friday, November 23rd, 2012

Fatebook nge Facebook

Fatebooka a thriannun ngaihzawng a neih leh neih loh hriat a chak tuka  ‘Ngaihzawng I nei tiraw… hmeichhia ani tiroooo? Mipa chu ani lovang maw?’ atia.

A pu chuan, ‘Ho eee… ‘
‘Mipa kan nih chuan mipa te pawh tih piap piap mai tur alawm,’ ati.

@ Batdei parti ah nula a tawng ve ta kuau a, nula chuan fone namberte fatebook address te a pe a, tv’a chu a lawm in a hlim ve ta.

Tin, inah a haw hnu ah, fatebook a nula thlalak te a like vek a, tin, ‘Ka duhlai’i chu a va chhelo em..,’ tihte ‘Ka ta tur reng ilo ni,’ tih te a komen ta.

Tin, minute khat velhnuah Nula chuan a lo fone a, ‘Ka thlalakte lo like in lo kom-en vak vak tawh suh, kan pa (bialpa) athinrim ania,’ a rawn ti chule…

Chawei chu a tui duhlo khawp mai…

Nula chuan, ‘Vuak che a duh ania,’ an ti leh mai chuh… Khum hnuaiah te a mu vel.

(more…)

Posted in HAHAHA, Whatever | 16 Comments »

« Older Entries
Newer Entries »