Archive for November, 2012

Panlai Nun – Buhseng Ramriah

Wednesday, November 28th, 2012

(Khawvel hun inher dan ang zelin, suihlung a leng ve zel si… ;-) )

Exam kan zo taaa…
Thingtlang naupang tana nghahhlehawm tak pakhat chu kum tawp exam zawh kha a ni awm e. Buh lu nung chuha buai reng rengin ram tangrual zawng zawngin ram an riah thin avangin zirlai naupang exam bei lai leh tar hnathawk thei tawh lo te’n in kan nghak thin a. Mi tam zawk ramriaka an bo lai leh zirlai exam beih a nih avangin khawchhung pawh a reh duk thin. Tlai lam darthum vela buhherkhawl ri chu kan venga thawm awm chhun a ni mai awm e.

Tin heti hi a lo ni a, exam kan zawh ni la la chuan, ka nu leh pate ram riak zawm turin kan unauin kan inzui chhuak nghal dial a. Rilru kaptu ber lehkha zir a ngai tawh bawk si lo, aw kan va’n thawveng thin tak em!

Ram erawh a reh mawlh lo
Thlasik a inmung chho bawk a khua a thiang em em a, boruak lah a nuam bawk si. Ram riah laia chaw ei a tui thinzia te, buhzema buh chhumvun chung ngei mut a tui thinzia te rilrua hre rengin phur takin thusawi kan inchuh a, kan ri nawk nawk thin.

Lo kan hnaih ta maw tihah thenrualte Uuu hiii hiiii… tiin kan va miss call a. Phur taka buh seng lai te’n min han chhawn tak chinah phei chuan muang taka kal theih a ni tawh ngai lo. Kan mawngah hi min hawlhtu awm ni tlata hriain thlam thlen nghakhlel em em in kan tlan hlawk hlawk thin.

Bukthlam bel hliu hliau
Kar tluana buhsenga an khawsakna a nih avangin thlam bul leh a vel chu a bel tha hle a. A bul velah ni se derhken, zamzo, chuailopar, nghasih leh pangpar dang ta an lo vul chuk a. Thlamah kan tlanlut a, thlam chanve awh hial a buhzem ding ur te chuan thla a timuang em em a. A rang a rangin namthlakah kan chhuak a, kan nu leh pate buhsenga bung mek te chu kan au rawng rawng a. Lo mawng atanga min rawn chhawn van van han hriat takah chuan, an hmel hmuh chakin an bunna lam panin kan tlan dawr dawr thin.
(more…)

Posted in Luangliam, More than words | 18 Comments »

Mizoram Private Sikul neitu te leh Sumdawnna

Wednesday, November 28th, 2012

Hmani deuh khan kan nau sikul kalna chungchangah kan buai hrep mai a, chuchuan thil pakhat min hriatchhuah tir chu mizo sumdawng tam tak te hi chuan sumdawn awmzia hi kan hre tak tak lo emaw ni chu aw  tih hi ani!!

A hmasa in, Ka nau hi ka tan vangin a sikul kalna hi rawn sawichhiat ringot ka tumlo a, Mizoram a kan zirna sikul tam tak te kalphung hi chu en that ava ngai tak em aw ka ti zawk ani. Private sikul tam tak hi chuan naupang future ngaihpawimawh  sak ai mah chuan, sum hi an ngaihven lutuk em ni aw  ka ti? Kan nau pawh hi Aizawl Private Sikul pakhat  ah kan kal tir ve a, tun thla tir khan chhungkaw sum lam kan harsat deuh avangin , an sikul neitute hnen ah day scholar a kal kan han dil chu, lo chhai kawlh tawh tu an awm nge maw ni chawk, tawngkam tha a atheihloh thu chu sawi loh, hnawhchhuah zawng in min lo vau ta nghal ringawt  mai a, kan beisei loh lam lutuk mai in thil a inher danglam ta dawrh mai. Rilru chu a na duh khawp mai. Kan nau lah rilru na a tap zawih zawih khawp in a hun a hman alo ngaih phah ta ringawt bawk nen..

Ka rawn sawi duh tak zawk chu engatinge mizoram a kan private sikul tam tak te hian sum duh viau si hian sumdawn dan hi an thiam tlat loh le? Student leh an nu leh pa te hi kan customer/client an ni tih hi an hre lo emaw ni aw tih tur ani, kei ngei pawh hi service company a thawk ka ni a, kan tan a pawimawh ber chu kan client te hna a hun tak a tih zawh sak a, an lungawina thlen kha a ni. Chu mi ti hlawhtling tur chuan theihtawp chhuah in a tul chuan kan hnathawh hunbi piah lam a hna thawh ngaih chan pawh a awm fo thin. Clients te  duhanga hna kan thawh loh chuan  clients te kan lak atang an inthiarfihlim in, company tan loss a siam mai thin. Chutiang bawk in  kan private sikul neitute hian  an sum hmuhna awm chhun student leh parents te hi zah loh tak leh  ngaipawimawh lo tak a min dawr hi an mahni leh mahni kawng in tih pinna  leh an eizawnna an in tih chhiat sak mai mai ani tih hi in hre mawlh teh se!!
(more…)

Posted in Education, Mizoram | 13 Comments »

Misualdotcommers Christmas Charity ((…leh dawn em?))

Tuesday, November 27th, 2012

Kum 2009, 2010 leh 2011 Christmas dawn khan Admin-te phalna, remtihpuina leh min phurpuina zarah “Misual.commers Christmas Charity” hlawhtling taka kal pui alo nih tawh thin a — min phur pui leh dawn em?

En teh, kha’ng i sum thawhte avang khan —

Dam lo, inenkawlna nei lo, enkawl ngai si-te biangah lawmna mittui luangin, mi bawrhsawmte’n chakna an lo neih phah tawh thin a — I thawh leh dawn em?

An rual puite’n dawr changkanga duh zawng an kawh zet zet lai a, second hand sale thinna tur pawh nei lo – naupang rualawt ngawih ngawihte Masi kawr thar nen hlim leh lawmin an lo lam tawh thin a — I thawh leh dawn em?

Nu leh pa nei lo, nu leh pate hming leh an dam nge an thi tih pawh hriat loh fahrah tam takte’n hriat ngai loh hmangaihtu leh lainattu an nei tih inhriain thlamuanna tam tak an lo neih phah tawh thin a — I thawh leh dawn em?

Nun kawng zawh sual thalai tam takte’n Pathian-in a hre reng a, a hmangaihna kutin a kuah tlat a ni tih an inhriat phah tawh thin a — I thawh leh dawn em?

Thluak fim, kut/ke kim leh thahrui chak tak Lalpa’n a pek che kha nangma tan chauh ni lovin, in chhungkaw tan chauh ni hek lovin, tanpui ngai fahrah chanhaite tan pawh a ni tih hre chung zelin an tan — I thawh leh dawn em?

Sum leh pai malsawmna tam tak a vur che a, thiamna a pek che kha nuam i tawlna tur ni lovin, i bul hnaia tanpui ngaite tan pawh a ni tih hre rengin — I thawh leh dawn em?

(more…)

Posted in Invitation | 105 Comments »

Tu sual mawhmah phurlo zofate kan ni

Tuesday, November 27th, 2012

Mizote hi khawi a\anga rawn awm \an leh khawi a\anga rawn chhuak nge tih chu a kum thu chuan kan sawi thei awm love. Pathianin chutiang hre phak tur chuan min siam lo bawk a ni. Chuvangin, Pathianin hnam dangte a siam ang bawkin keini Mizote pawh hi min siam ve a, pûk a\ang emaw, khawi khur chhung a\angin emaw a lo chhuak ngawt chu kan ni lo. Pathianin Mizote pawh hi mihring a siam \an a\anga a siam hmasak berte zingah kan tello tih tunge sawi thei. Mizo a\angin hnam dang dang te hi an peng chhuakin, hnam hrang hrangah kan lo awm ta a nih hi. Chuvangin, Mizote hi tu hnam siper mah kan ni lova, leilung siam tirh ata Pathian a\anga ziding chhuak kan ni.

Khawvela mithiam ten kan chenna khawvel upat tawhzia leh a chhungah mihring kum tam tak an lo cheng tawh a ni tih an chhuinaah hian a kum thu chu a inang tleng vek lo a ni mai thei e, mah sela, an chhuina a\ang hi chuan he khawvel upat tawhzia leh a chhungah pawh mihring kum tam tak liam tawhah khan an lo cheng tawh a ni tih a hriat theih a ni.

America leh England te, Israel-hote chuan Pathianin khawvel a siam \antirhna leh he leia mihring a dah hun hi B.C. 4000-na lai vel kha niin an ring a. Hei hi Kristiante rin dan pawh a ni awm e. Kristiante kum chhut dan chuan he kan chenna lei hi kum 6012 vel chauha upa a nih chu.

(more…)

Posted in Opinion, Religion | 25 Comments »

Tlawng thlang Jerusalem-ah ka zin leh lo.

Tuesday, November 27th, 2012

Kei hi zin nuam ti lo chi, zin huphurh chi ka ni nain loh theih lohna avang hian ka zin ka zin ve ta mai a. Misual.com lamah pawh Vaivawm chanchin a nih loh vek chuan ka zin chanchin hi ka ziah tam pawl tak ni awm e. Inkhel ngai miah lo hi  Vaivawm avangin sport writer ka ni ta ngawt a, zin tlem ber hian ka zin chhun chhun ka thlasik mau puah pui ve fo avang hian travel writer ka ni leh ta hrim a nih hi maw. Hei tun tum chu ka zin loh chanchin kan ziah daih teh ang.

Jerusalem atanga Nghawngkawl Area: Ka zin tumna hi ka pianna khua, Kanghmunah a ni a. Kanghmun tih hi khaw hnih a awm a, tuna ka sawi tur hi chu Reiek thlang Kanghmun zawk a ni a. Mizoram buai hma lam kha chuan Tlawng thlanga khaw lian ber a ni thin a. Khaw inlungrual tak an niin, khaw nuam tak a ni ve pawh a ni mahna ‘Tlawng thlang Jerusalem’ tiin an sawi thin ni awm e. Amaherawhchu, he Jerusalem-ah hian Middle Sikul dah tum a ni a, kha tih hun laia an Lal khan sikul sak te a hautakin hnatlang te thawh a ngai ang a tiin a duh lo ni awm e. Chutiang a duh lo na na na chu a ai khaw te zawk, Reiek ah Middle Sikul an din ta a. Kanghmun a mi te pawh chu Middle sikul sa chuan an va hnatlang thin ta tho a. Kohhran do leh sahriak do chu an ro tawlh tawlh an tih ang hian sikul duh lo pawh chu hmasawnna lamah an ro chho ta khawp a, khaw pawimawh tlawh kal kawnga ni lo bawka inkalpawhna a chhe hle a, nikhua a lo rei zel a, motor kawnga che bawk a niang Tlawng thlang Jerusalem chu Nghawngkawl Area-ah (nghawngkawl hmang a thil phurhna ram) tih a ni zui ta mai a.

Gabriela pawhin khal se ka chuang lo ang: Nghawngkawl area-a kawngpui an laih chanchin hi tlem han sawi lawk ila. Mizoram buai tam harsat lai khan tam tuar tanpuina atan Kanghmun kawng chu mipui an lai tir thin a. A kawng a chhengchhia in laih mai mai theih loh a tam khawp a ni awm a. Buai lai a nih avangin lung hal darhna gelatin te chu vana rah ang a nih avangin a kawng laih har deuh laiah chuan motor kal theihna turin thing te an kham kai ta ngawt a. An laih an laih nakah chuan Kanghmun chu a lo chhun tlang ve ta mai a. Eng tin tin emaw motor a lut ve ta hlawh mai a ni awm a. A kawng laihna enkawltupa ber pawh khan an kawng laih kha ropui a ti vak lo ni tur a ni a “Vantirhkoh Gabriela pawhin khalh sela ka chuang lo ang” a ti a ni awm e.  A chhiat zual lai kan hmu ve hman lo na in kan naupang laia Aizawl kan kal ve tum pawhin km 50 lek kha thimah kan lut chauh reng a ni.

(more…)

Posted in Adventure, Travel | 16 Comments »

Hnam humhalh tum dan… pawl ram atanga thlirin

Tuesday, November 27th, 2012

Pawl zawng zawng hian tum an nei vek a. Ultimate goal ah chuan hnam humhalh leh nunze mawi chawisan ni theuh mah se kan kal dan a in ang hauh lo a. Mizorama pawl tam tak (political party tiamin)hi chuan branch an han din tawng a. An dinna lam ah khan enge an tum lam hi chu kalpah hian an sawi mai mai a.

Entirnan, MZP leh MSU te pawh school tam takah chuan inthlanna te an va buatsaih tawng a. An constitution tak ngial pawh chhiar chhuak lo kha hruaitu an ni ve leh mai bawk a. Khatiang deuh bawk khan pawl dang dang te pawh. General Conference nei eng ang mah se, an pawl thil tum vuana te chauh kha member an nih thin loh avang in an hmalakna pawh a hrang ta nuaih thin a nih hi.

Kan pawl din te hian a han huam zau thei laileng khawp a. YMA a vawite khat pawh thlan lai lo va, mithi lumen na a tlaivar lo…. kalna a pianga sawi chhetu leh kuang man khawn pawha pe tha duh lo pawh kha a thu chuan YMA member an ni tho zel mai a.

Hotu nih kan in chuh a. Nuam kan ti a. Hruaitu nih awmzia hi kan inzirtir lo reng reng. Hmanlai chuan Zawlbukah Val Upa te kaihhruaina hnuaiah an training tak meuh meuh a. Val Upa an lo nih ve meuh chuan an mawhphurhna an hai ngai lo. Keini ve chu kan lungawi lo a, pawl dangah kan pem a, kohhran kan sawn a.

Hei hi tunlai miten a kan hmaih len ber a ni. Hotu ni lo hruaitu chher chhuak tur chuan kha pawlah khan a inhnim phum ve a ngai. Chiah zeuh chauh kha a tawk lo. Va sawi hmuh a, lo kaihruai ve phawt la tih phei chu chi loh hul hual ani. (more…)

Posted in Luangliam, Mizo Society & Culture, Mizoram | 13 Comments »

Thames luikam atangin

Monday, November 26th, 2012

River Thames, khuangchawi thla eng no nghulh leh lungrun tak maia a chhun tlet sur sur, England lui sei ber mai chu, hmalam panin a luang bir ngut ngut a. He River Thames ngei mai hian, Richmond khaw chhuak nula Hmeltha-i ngei mai chu ui tak leh phal lo chungin Lawng leng chi khatah chuan, mi thawn haw sak a tum ruh hle.

He Richmond Tleitiri hmel duhawmna chu England pumpui hausakna ai pawha duhawm leh a mit meng paw raih mai chu van dumpawl aimaha pawl mawi a ni bawk a.A mittui chu Ganga, River Severn leh River Thames te aia hlu chungchuang a ni bawk.

South bank of the Thames river-ah chuan London Eye, Europe-a Ferris Wheel sang ber mai leh eng ut mai, kumtina mi 3.5 million chuang zet mai te mit ti tleitu chuan, chu Richmond Tleitir-i chu zahna chibai buk niawm tak hian a vir tluk tluk bawk a. He ka Richmond Tleitir-i hi Thames lui tui tle sur sur chunga lengin, Matthew Arnolda’n City of dreaming spires tia a sakhming a lo chawi Oxford chu a paltlang ang a. Reading, Henley-on-Thames a London Bridge te paltlang zelin, Windsor a bye bye ang a, Richmond leilungah nge mai chuan keimah avanga a lunglen a siksawi dawn a ni.

Richmond Chhulchhuak-i sam buang leh kir chiat mai kara mit meng leh a heh sen no tak mai chuan, thla eng no nghulh mai chu a mawina a belhchhah chiang ngei mai. Chu zan thla eng chuan duhthu sam hle mah i, London Eye te chuan thuchah hnuhnung hlanin, a ban phar meuhvin a vir tluk tluk mai bawk. Hun tam lunglen biahthu hlan hman ka ni tawh lova, Thames lui tui leh a hmanrua a inpeih ta.

(more…)

Posted in Luangliam | 8 Comments »

I Thiltih chu Nangma Mawhphurhna

Monday, November 26th, 2012

Comment hrang hrang ka chhiar a, mize hrang hrang atangin. Hawizau leh zirsang deuh chu an danglam bik zaih mai. A then erawh chuan Bible thu ang lo takin anchhia min lawh a, ka chungah hremna rapthlak ber tlak tir an chak hliah hliah a, vauna ang lek lek, Pathian min hrem tir duhna etc a awm bawk a. Vanneihthlaktakin, a tam zawk chu mi pangngai tak in niin ka hria. A then lahin duhsak takin thurawn min pe a. A lawmawm tak zet.

Tunah chuan khua a vawt ta bawk a lung a leng chem chem mai. Kan naupan laia thleng dawh hunlai baka Krismas nuam ka hre lo reng reng. Isua pian tih aimahin kawr thar etc leh toys kha kan hlimna ber niin ka hria.

Engdang zawng aia pawimawh ni a ka hriat chu, mitin hi kan thil tih leh sawi thu-hlaah kan responsible ani tih hi ani. Thil thalo ka tih a, midang tana harsatna emaw ka thlen chuan mawhphurtu chu keimah ka ni a, hremna a awm dawn anih chuan keimah kha hrem tur dik tak ka ni.

Chutiang bawkin, thil tha ka tih/sawi vanga rah tha lo chhuak vanga fakna, chawimawina, lawmman, etc chu ka ta ani.
Ka sual chhan chu Setana vang ni lovin keimah vang ani. Midang puh kual a ngai lova, hremna pawh Setana chungah lek a ni ngai lo bawk. Thil tha ka tih paw’n Pathian vang ni lovin keima tih a ni.

Hmanlaia thlaler tribe pakhat thil tih thin dan ka sawi lawk duh a.

Kum tawpah kel/beram pakhat an man a. An sualna leh thil tha lo zawng zawng chu beram/kel chungah chuan an nghat a, hla takah an va thlah a.

(more…)

Posted in Opinion | 19 Comments »

Mizoram a Autonomous District Council lo pian dan… (Chakma ten Zofate min pawngsual e!)

Monday, November 26th, 2012

(He post hi CYMA leh ADC lam chungchang piah lama thalaiten a kan hriat tur a bulfuk atangin kimlo takin ka rawn ziak ve a ni a. Tin, Mara leh Lai naute hi Lakher leh Pawi ti a hriat thin an nih avangin ka hman pawlh bawk)

India a lo Independence hnu kum 1952 ah Constitution hnuai a Sixth Schedule zuiin Assam state hnuai a ADC pakhat, Lushai Hills Autonomous District Council a lo piang a. Hetih lai hian Lai leh Mara unaute (Pawi leh Lakher tih thin) chuan Lusei hnuaia awm ai chuan tiin mahni a ro inrel ve an dil zui nghal a. April ni 23, kum 1952 ah Pu CH. Saprawnga (Parliamentary Secy to the Govt of Assam) chuan Lungleiah Pawi-Lakher Regional Council chu a hawng ta a. Lushai Hills tih pawh chu Mizo Autonomous District Council tih in 1954 ah thlak a ni ta bawk a.

Regional Council vawikhat inthlanna neih nghal a ni a. Mahse, CEM post chungchangah Pawi leh Lakher unaute an inlungrual theih loh avangin Assam sawrkhar in PLRC enkawl turin sawrkar hnathawk kum khat chhung atan a rawn ruat nghe nghe. Kum 1958 inthlan tum hnihna neih a ni a. Heimi tumah ah hian Lakher lam hi Pawi unau lam ten key executive post an hlan duh tak lo vah chuan an ti tau a.

1963 ah Mara Freedom Party din a ni a, an thil tum ber chu Mara ADC a hrang a neih a ni. Tichuan inthlan pawh chu an boycott zui ta a. Interim Council dinin Regional council parallel in an kal ve ta zel a. Pawi lam unau te hi Chakma ten support in rorelna an kal pui a.He term chhungah hian Mizoram a lo buai takah chuan hna mumal in Regional Council te hian hna an thawk thei ta lo a ni.

Term lina, kum 1968 a lo her chhuah meuh chuan Mara unau te chuan boycott in awmzia a nei lo tih hria in inthlan hi an chuh ve ta a. Mara Freedom Party hmingin inthlanna ah dingin an candidate pali zing a pathum te chu uncontested in an tling ta a ni. (more…)

Posted in Information, Mizoram, Politics | 20 Comments »

CYMA leh YMA hi ka thliar hrang thek mai zel, CYMA hi ka zahpui tlat tawh..!!

Sunday, November 25th, 2012

Ahmasain a thupui hi in lo ei lo deuh maithei a, kei YMA-liana pawh hian CYMA chet dan hi kum 3/4 liam ta atang khan ka lo ip pui chawih chawih tawh thin a; ka up bet tang tang a, tunhnaia thli thleng neuh neuhah hi chuan ka sawichhuak lo thei tawh lo. Awm ang lo pawh in ti deuh maithei a, CYMA hruaitu thenkhat tawngkam nia an sawi hi a zahpuiawm em tawh a, tuma hlin ngam loh nghawngah ka rawn phih awk leh chat dawn a, engpawh ni sela, hengte hi insiamthat duh vanga sawi ka ni tih lo hre phawt mai teh u.

CYMA hruaitu tawngkam nia sawi hi pahnih khat lek anih lai kha chuan, “Ekhai, thenkhat hian an lo ngaikawi satliah ve mai anih dawn hi  ” ka ti rilru mai a. Tunah a hun leh hmun nena chiang tak taka sawi thlap thlap theih tur khawpa chianga Mizoram vuak darh vek duh awm zia zanga tawngkam mei nei leh an ring an rawlh lohna tura CYMA ring inrawlh hi a tam ta riau mai. I han chhui zui teh ang.

Autonomous District Council Direct Funding chungchanga YLA leh MTP(?) leh Chakma Association ho puhna ang chiah a, CYMA hian ADC Direct Funding hi a lo dodal ve ringawt anih chuan a tih loh tawp tur a ti a ni ngei ang. ADC hnathawh phung leh sum kal dan pawh hre mumal lo, ADC chungchanga NGO thuneihna leh Central leh State sawrkar thuneihna inthlauhziate, ADC a sum luhkhawm dan leh State danga an tihdan pawh hre lo khawpa mawl te hian CYMA hi an hruai anih ngawt loh chuan anni lo khap ngawt hian hmundanga kan Mizoram mawng bal lutuk min hlim khum sak mai mai zia hi hrethiam se a lawmawm khawpin ka ring.

(more…)

Posted in Opinion | 49 Comments »

« Older Entries
Newer Entries »