Misual ka nih chhan….
He article ka ziah chhan pakhat chu tupawh mai hian Kristian turah min dah a, Bible thu ziak dik ti leh ring tura min pawngpaw rin thin vang ani. Ka rin loh chhan chu tam tak a awm a, a langsar zingah chuan engkim siamtu, min hmu rengtu leh engkim ti thei a awm rinna hi tunlai hriatna zau leh sang zel atanga en hian thil ni thei ni hian ka ring lo a ni. A dawtah chuan, kan khawvel buaina, thihna, tawrhna, hrehawmna, lungngaihna, thil dang tam tak ka ngaihtuah hian Pathian engkim ti thei, hmangaihna leh khawngaihnaa khat nen hian an inmil lo chhia va vang a ni ang. Chhan dang leh chu, Bible Pathian hi biak tlak niin ka ngai lo a ni. He article hi i chhiar zel a nih chuan Bible ringtu ang deuhin ka lang thin mai thei a, mahse ka ring lo.
Bible hi sawiselna tur enfiahna neih ka tum dawn ani. Science atanga fiahna/tehna hman ka tum hran lova, ka ngaih dan leh hmuh ve dan, heng hmangaihna, khawngaihna, lainatna, ngilneihna leh rorelna dik thu-hlaa dik lo leh dik, dawt leh thutak keima hmuh ve dan ani ang. Bible Pathian hi engvanga heng ka sawi kawngah te hian a tlin loh chhan leh dik loh chhante tarlan ka tum ang. Ka point tin hian engvanga biak tlak loh leh chawimawi phu lo anih chhan ka rawn tarlang dawn a ni.
Tun hi i tan Bible lek chhuah hunlai tak a ni mai thei, a chhung thu i lo enzawm duh chuan. Bung leh chang tina thu tarlan a theih dawn lova, tlem leh tawi zawngin ka ti mai ang, hriatthiam theih tho siin. Bakah, chhiar thui peih vak lote tan a ninawm ka hlau a (a nuihzathlak ang reng, thil chhiar tur awmna site ah kan awm mek nachungin). I tan a awlsam zawk a nih phei chuan print mai la a tih chi ang.
Meidil : Meidil hi ka tan chuan rinna kawnga min dangtu lian tak a ni. He thil hi Pathian sualna tihlanna lian tak niin ka hria. Concentration camp te ai pawhin a tenawm zawk nasa a ni. Hitler-a camp siamte kha chu inkhualtelem ang chauh. Bible-a a lan dan chuan dil meia siam, chhun-zan zawma tah leh ha-thialna hmun. Isua chuan (Marka 9:42-48) he hmuna tlak ai chuan mahni pawh intih piansual emaw intihhlum a thlanawm fein a sawi hial a ni. Ringtu chuan meidil hi awm ngei turin an ring vek ti i la kan sawi sual tam lovang. Chuti chu a ni a, kan rinna ang leh dana ring ve lote chunga kan rilru put dan, Pathianin min hrilh ngei vang hian a ni ka tan hian Pathian dik ka tih loh ni.
Mimal tak chuan khawngaihna nei ka in ti ve a. Ka rilru put-hmang pawh mi pangngai rilru ve tak, tha leh tha lo thliar thiam, rilru inhawng ve tak niin ka inhmu a (min hmuh dan ni lovin keima inhmuh dan). Chhiartu zawng zawng te zawhna ka zawt duh a. Pathian hi a awm tak tak a nih chuan kan zavaia kan rinna aia ril a ni ang em? Ka sawi awmzia chu, kan rilru leh thinlung put hmang aia ril zawk pu a ni ang em? Thil siam zawng zawngte siamtu a ni si a. Hei hi chu ngaihdan dik lo a nih ka ring vak lo. Chuti chu lo ni ta se, ka fapa/fanu ka hmangaihna aia let tam takin a fate min hmangaihna chu a thuk zawk ngei ang. Kan suangtuah phak baka ngilnei leh zaidam a ni si a. Ka fapa/fanu hian naktukah ka chunga chhiatna nasa tak min thlen ta se la, a chungah ka thungrul duh kher lovang. A chhan lian ber zinga mi chu, keima ril a rah, ka ‘siam’ a nih vang a ni.
Ka fapa/fanu chuan min ti-na ta se, emaw, ka chanchin chhe tak takin thehdarh ta se, ka tana vanduaina thil engpawh thlen ta se, ka hmangaihna a reh ka ring thei lo. Nang pawh i nih ka ring. Ka thinlung chhung hian min huat tir tak tak thei kher lovang. Hei hi han inzawt teh le: Engvangin nge Pathian, keini aia ngilnei leh ropui nasa tak chuan amah kan rin loh vangin meidil min chan tir ang? Kei aia ropui leh lainatna nasa taka nei tam a nih chuan meidil hi tinge a siam theih? Mihring mai mai zingah pawh chatuana misual hrem duh hi an awm lo mai thei. Mahni fate lek phei chu thil theih a ni lo. Hmangaihna leh khawngaihna bulpui ber tan phei chuan thil ni thei a ni lo.
Mahse Pathian chu a rorelna a dik a, duhsak bikna leh hriatthiam bik a nei lo i ti ngei ang.
Ka titi pui tawh ringtu thenkhat chuan: “Pathian chuan duhthlanna min pe a, a fapa ngei pawh kan tan a hlan a, kan la ring duh lo a nih chuan meidil tla tlak kan ni a ni mai” an ti sam et thei nia. A rorelna a dik lo ngai lo tih leh i duhthlanna liau liau vanga meidila kal thei i ni tih te hi an sawi dan tlangpui a ni. Ka duhthlanna chu eng kha nge? Engtik lai khan nge ka thlan? Khaikhin chi pawh ni lo vanram leh meidil inkarah duhthlanna ka nei a nih chuan meidil ka thlang dawn a mi? Hei hi rorelna dik a ni thei lo. Mitin kan finna leh theihna te a inang lo vek a, mahse mi a ber pawn chatuana hremna chu a thlang lovang. Chuvangin he thilah hian dik lo a awm a ni. Helai thu ringawtah pawh hian sawi tur ka ngah nasa a mahse ka sawi thui lo zawk teh ang. A pawnlang deuh chauhin ka sawi ang.
Meidila intlak tir hi rorelna dik chiah pawh a ni dawn a mi? Rorelna dik Bible sawi pakhat (tam tak zingah) “miin i chungah ti se i tih ang bawkin mi chungah ti ve rawh” tih leh “mit aiah mit” tihte kha a sawi si a. Amah ngei pawh hian meidila tlak a duh kher dawn a mi? “Hmelmate hmangaih rawh” te chu a la ti ta deuh deuh a. Meidil hi a awm a nih chuan Bible Pathian hian a ma dan siam ngei chu a bawhchhia a ni. A bawhchhiatna thenkhat chu; Sabbath ni-a thing fawm vangin, thil ruk vangin, sawisel vangin leh thil sawi pawh zahthlak a ti nual tawh a ni. Sualna hrang hrang, ho tak leh rapthlak tak pawh a hremna a inang a, hei hi keini mihring mai mai pawn kan tih duh loh, dik lo kan tih a ni. Sualna ‘sual ber’ pawh lo ti ta se, chatuana hrem hi a dik dawn a mi?
Mihring siam ‘court’ mai maiah pawh, nu leh paten an fa/fate chunga kutthlak leh thil tha lo hrang hrang an tih vang ringawt pawn naupangte him theihnan an laksak thin a sin. Engvanga hetianga ti nge kan nih? A chhan chu dik lo leh tha lo kan ti a ni. Pathian chu amah ngeiin min pek dikna hriatnate, khawngaihna kan neih te leh lainatna te hi pawisa miah lo ani a mi? Mihring zingah hetiang hi awm ta se tuman kan hnaih duh lovang. Mi pangngai tan chuan chawimawi leh fak chi a ni thei lo ani. Heti chung hian ringtute chuan thu leh hla leh thiltih ten an la chawimawi tho tho.
Hetianga kan la fak chhan ber chu amah( Pathian hi a awm tak tak vang ni lovin sakhuana hnuaia seilian kan nih vang chauh a ni. Pian tirh a ta kan rilruah a intuh nghet tlat a, nitin zantin kan hun neih apiangin kan in hrilh tawn a, inkhawm, crusade, camping etc ah te kan inbarh bawrh bawrh vang mai mai a ni.
Similar Posts:
- Juda sakhaw dan
- Police te tihdan hi Rorelna dik a ni em?
- Ringlo Atheist kan awm em?
- Pathian hian mi zawng zawng nun dan tur hi a hre lawk vek ang em?
- ZU HI SUAL A NI LO, A IN A TE PAWH AN SUAL HEK LO
December 1st, 2012 at 9:32 am
Ka hul. Tin, ka chhiar chhuak hman lo, no current.
Report this comment
December 1st, 2012 at 9:59 am
Le le le le… Inhnial leh luai luai mai teh u.
Report this comment
December 1st, 2012 at 10:09 am
Ka Edit loh zawk tinge an tihchhuah tlat mai aw!!! Ka submit nawn ve mawlh mawlh si a.
Report this comment
December 1st, 2012 at 10:30 am
MIsual i nih chhani ziak dawn emaw ka tia. Meidil awm leh awmloh chungchanga i DOUBT min lo hlui daih a. Christian Bible Scholar pawh an inhnial ve tho alawm.
Report this comment
December 1st, 2012 at 11:59 am
A posttupa hi zoho-a a nih ring zawng ban phar ru ti se, a phar hmasa pawl ka ni hrim hrim
Report this comment
December 1st, 2012 at 12:12 pm
Nunkawng dik min zawh tirtu ani sin bible hi. kan hmalam hun hretu ania mihringte ngaihdan ang2 a thil atih chu ka ring hauh lo.
Report this comment
December 1st, 2012 at 1:54 pm
Pathian leh Lucifer-a inkarah hian engti ang taka inhmelmakna, inphiarrukna leh helna nasa awm hi kan va hre phak vek lo va. Vantirhkoh hmun 3 a thena hmun khat lamtanga siam a, amah paihthlak tumtute tana Hnmahni hremna tur Hremhmun(Meidil) a siam mai hi Pathian hi dem theih ani lo vang.
Eden huan leh tun hun inkar ringawtah pawh, Pathian Program tih tlawlh tum char char a, a hmangaih leh a thlakhlelh em em hringfate a bum a, Pathian nen a ti then a, an chhiatna tur leh boralna tur ngaihtuahin bum a tum ngar ngar a, Pathian rilru natna tur hian a bei ngar ngar a ni.
Pathian lah Dik lutuk(Just God) a lo ni si a, a hmngaih hringfate nena lendun leh theih nan leh NUN an lo neih leh theihna turin Setana leh a hote tana a tih duh hauh loh a fapa Isua Krista nunna maicham(Kraws lera) hlanin kan chhandamna leh amah nena kan lendun leh theihna a lo siam leh si.
Tin, Bible hi ngun taka kan zir cheuh cheuh chuan, Pathianin a fapa hmanga chhandamna a buatsaih ringtute tan hian, kan thiltih ang zein LAWMMAN min pek a tiam a, tuisik nokhat amah avanga pe chuan, kan lawmman kan chan dawn loh thu leh, a hnenah kan LAWMMAN tur a awm nasat zia thu min hrilh mawlh mawlh mai a ni.
Tin, amah ring duhlotute pawh, angkhatin a hrem burh ringawt dawn lo, AN THIL TIH ANG ZELIN a hrem dawn. Serial killer leh raper te, Hitler-a te Kristian-te nghaisatu Nero-a te ang te leh misual turu tak tak, he khawvela an sualna chhui chhuah lem loh te, an eiruk avanga hausa leh nuam chen a, amah ringtute an rinawmna avanga rethei leh rilru-a rum tlawk tlawk phah te, hurherh lutuk te, dawta mi hek a, rei tak tak tanina tan phahj leh thih phah hial te leh adangte tuarna leh hremna chu a rapthlak khawp ang. Pathian fapa thisen hmusita elsen a, a nilo lo a, thehdarh tute phei chu an hremna a rapthlak khawp ang. THIL TIH ANG ZELA HREM TUR AN NI.
Misual.com-a heti khawpa kan sawi kan sawi chung pawha awih duh miah lo leh ring tikhawng lui tlatte tan chuan, “Keini zawng hremzia reng kan ni e” tih bak sawi tur kan nei lo vang.
“Hmuh awla a awm lai hian, Lalpa chu zawng u la,a hnaih lai hian ko rawh u. mi suaksual chuan a awmdan chu bansan sela, mi fel lo chuan a ngaihtuah te chu bansan bawk rawh se.
Report this comment
December 1st, 2012 at 3:49 pm
Ignatia (33-115 AD) Heng meidil awm anga kan hriat vang hian a lawm ka sual tak, ringtute ngaihdanah chuan. Thil awm lo leh phuahchawp lutuk hmuh tur a awm vang hian ka ring tawh lova, chu chu misual ka nihna chhan tak chu a ni e.
Sakhaw thil reng reng kan atchilh chhung chuan sakhuana hi a nihna dik tak kan hmu ngai lovang. Mihring phuahchawp a ni tih hi.
A thu kan awih loh vangin chatuanin meidilah min dah ang maw? Hetiang ti duh hi Pathian ni tlak a ni lo. Eng ang pawn hun min pe mahse min hrem a tum dan hi mihring phuahchawp bak a ni lo. Engkim hria leh tithei chuan mitin hriat loh theih loh turin min hrilh tur a ni. Hre lova sual ti te pawh mihring dan chuan a hrethiam thin si a. Kan rinna leh hriatthiam dante a in-ang lo vek a, kan hriatthiam tawk tal pawn amah a inlar emaw thil a ti ngei tur a ni ang. Thenkhat tan chuan thu a sawi a tawk a, thenkhat tan erawh finfiahna tha deuh zawk. Lehkhabu pakhat chiangkuang lo deuh leh duh dan dana ngaihdan siam theihna min pawngpaw hlui ringawt hi Pathian ni lovin mihring tih awm tawk lek a ni.
Report this comment
December 1st, 2012 at 4:04 pm
Awmze nei lova thihna leh chhan leh vang ho tak tak vanga Pathian thinurnate ka rawn tarlang ang. Bible hi chu ka lepse hneh ve tawk chuan ka inhria a, tun emaw ni i chhiar chhuak tawh em min rawn ti pek a. Pawl 5 ka nih atang khan vawi 80 aia tlem lo ka chhiar chhuak tawh ang. Sakhuana vanga kan inthenna te, pawl tam tak kan awmte, hun leh sum tam tak kan khawhral te, ram rorelna thila inrawlh chhenna te vang a ni ber a. Sakhuana aia hun leh tha leh pawisa hmanna tur tam tak atana rilru kan pek ve theihnan leh inhmelmakna kan neih chhan ber hi a bulpui ber kan en chuan a lo hoh zia tarlan ka duh pah bawk a ni.
Report this comment
December 1st, 2012 at 8:41 pm
Setana tirhkoh chuan, a tih tur dik tak
a rawn ti leh ta chat mai maw?
In khing pui Diabawla chuan, a ei theih tur zawng in a phi ruai thin
tih ziak kha, post tu pa hmang in
a rawn ti dik ta.
Report this comment
December 1st, 2012 at 8:51 pm
Post tupa- I rinloh avanga meidil hi a awmloh phah chuang lova, Pathian hi a fairlo i tih avangin Pathian Dik a nihna a bo chuanglo. Nang, mihring te tak te pakhat, nunna reilo te nei khan chatuan Pathian ropuina i hliah phalo ang. Chuvang chuan i tihtur hmasa ber chu in lamleta Pathian hma a ngaihdam dil a ni. Chutianga i thinlung tak2 a i tih chuan Pathian ngaihdamna ila chang thei ang.
Report this comment
December 1st, 2012 at 9:54 pm
comment leh duah pek teh ang…
Pathianin mihringte hi dik leh fel taka ngaihtuah theihna min pe tih kan rin chuan kan thil chhut leh ngaihtuah te chu awmzia a neih tih kan pawm thei zawk ang a. Atheist ho thlir dan anga mihring hi a mah a rawn awm mai mai anih chuan a ngaihtuah theihna(intelligence) pawh chu rintlak a nihna chhan tur a va awm ta awm lo ve!!!
Sakhaw thil chu ‘Rinthu’ i ti vek a, i finna hmanga i ngaihtuah chhuah chu dik turin i ‘ring’ leh tho si a.
Lehkkha chhiar i peih hmel fu tho si a, mumal deuhvin Pathian thu zir la ka ti… Bible hi chhiar ringawt ai chuan mumal deuhva zir a tha lo maw? Rilru inhawng deuh nih chu a ngai thung ang.
Khawvel a kan awm chhung chuan Pathian nen kan in mihran chung pawhin kan chungah engmah a thleng chuang kher lo mai thei a. Thih hnu ah chatuan a Pathian nen a inthenna chu Hremhmun hi a ni.Damlai a amah thlang lotu chuan thih hnu ah amah thlan leh theih a ni si lova. Pathian hi hmangaihna a ni kan tih rualin dikna a ni bawk a, sual a hmu thei lo.Chuvangin hremhmun pawh hi sual chunga rorelna dik tak atan a siam a ni.Meidil a tlate hi i khawngaih anih chuan chu aia nasa fe chuan Pathianin a khawngaih a ni tih hria la.Pathian felna leh thianghlimna chuan sual a ngaizam thei lo mai zawk a ni.Sual pawizia hi nang leh kei hian kan hre thiam pha lul lo a ni e.
Sakhua hi rinthu mai a ni ti a kan hrilhfiah dawn chuan Atheism pawh hi Sakhua a ni ve chiang khawp mai
Khawvel a sualna chungchang hi Atheist thlir dan atang hi chuan hrilhfiah vak ngaihna a awmin a lang lova. Thil lo thleng pakhat a ni ve mai. Kristian thlir dan atang erawh chuan a hrilhfiahna a awm tha khawp mai – mihring ten kan bawhchhiatna avanga lo awm a ni.Pathianin Adama hnenah khan, “nangmah avangin lei hi anchhedawngin a awm ta” (Gen 3:17) a ti anih kha.
tah hian ka tawp phawt dawn…
Report this comment
December 1st, 2012 at 10:03 pm
Thih hnu piah lam awm rinna hian kan nun a kaihruai tha tak tak em?
Khawvel sakhaw hrang hrang zirtirna tam ber hian mihring nihna tawp huna kan thlarau emaw, nunna dang kan neih emaw awm dan tur suangtuahna hmang hian kan damlai nun hi kaihhruai an tum deuh vek a. Nimahsela, hei hian mihring nun hi a kaihruai tha tak tak em tih hi chu ngaihtuah tham tak a ni.
Mihring nunphung pangngai kan tih hian eng vanga thih hreh thin thin nge a nih? Eng vanga midangte nun laksak hreh thin nge a nih? Eng vanga mihring nun tawp mai thin hi ui em em nge a nih? A chhan chu mihring nihna hi siamtu Pathian hian a lo dah hlut em avangin mihring nihna tawp mai tur hi kan in ui a, midangte nunna titawptu nih phei chu rapthlak kan ti thin a lo ni.
Eng vanga tualthah hreh tlat nge kan nih? Eng vanga thil tha lo tih hreh thin nge kan nih? Thih hnu piah lam hremna kan hlauh van gem ni? Ni ta se, mi tamtak chuan midangin an hriat dawn loh chuan a thilsual tih chu an hreh leh lawi si lo. Anih loh leh kan lo hreh loh a nih pawhin eng vanga inthup thin nge kan nih?
A tak takah chuan thil sual tih kan hrehna chhan te, kan thil sual tih kan thup thinna chhan te hi thih hnu piah lama tawrh hlauhna thil a ni lo. Kan damlaia tawrh let kan hlauhna te, kan thlah kal zelte tawrh hlauhna vangte a ni thin. Mahse kan hlauh diktak zawk hi man thiam si loin sakhaw zirtirnate avangin kan nih lohna zawk te hi kan pawm nghet tlat lawi thin a nih hi. Kan nun kaihruaitu tak tak zawk hi pawm loin, zirtirna kan dawn hi kan pawm chawp mai mai zawk thin a lo ni.
Chuvangin i nih dan tak tak kha inbih chiang la, zirtirna i dawn avanga pawm chawp mai ni lo, i nun tak takin a tawn le hi chheh vela thil awm dante ngun takin, zalen takin ngaihtuah la, i mihring nihna tak tak le hi hriat phak tawk Pathianin a pek che chu pawm la, zir chiang la, i hriat phak loh tur thil lakah talbuai tawh suh ang che.
Report this comment
December 1st, 2012 at 10:20 pm
Kristian te ngaih danah chuan sakhaw dang be tu zawng zawng chu hremhmuna kal turah an han dah tawp mai hi chu mahni sakhaw dah chungnun tumna vel mai mai a ni. Tin, An Pathian hi tihbik nei Pathian a nih ka ring. An thlahtu bul ber te fa atang ringawt pawn duhsak bik a han hnei nghal ringawt mai hi chu a Pathian mizia lo ngawt chuan ka hria.
Kei min siamtu Pathian hi thih hnu leh zel pawha min hrem duhtu Pathian anih ka ring ve lem lo.
Bible chhungah hian thu tha tak tak pawh a awm ang, mahse dik lo thei lo a ni lo tih hriat tur. A chhunga thu tam tak hi chu mahni hnam chawisan tumna leh dahsan tumna tam tak a a awm a, tin, Thawnthu ang tak tak chhui chian dawl lem lo tam tak a awm bawk a ni.
Authorized Version Bible chhut thenkhatah chuan Genesis bung khat bulah hian B.C 4004 tih hi a chuang tel an ti.
Report this comment
December 1st, 2012 at 10:26 pm
Post khi, Setana malsawm tlak
a ni e. Post tu pa pawh Pathian
do dal tur in, Setana’n tun a a din hmun ai a sang ah, a hlang kai ang.
Report this comment
December 1st, 2012 at 10:59 pm
Hnam Sakhua a leh a post tupa hian sawai dun zel se la midang chuan i en liam mai mai teh ang u……tin, Admin. te pawh hian hetinag hi chu chhuah chhuah lo teh u..mi post tha tak tak a ti TLUM ve tum hrang si a..ngaihdamloh tur khawp a SUAL LUI an nia, kan zinga awm reng tlak pawh an ni lo..an sual dan hi a RAMHLUI zia tlat….
Report this comment
December 2nd, 2012 at 8:05 am
13 leh 14 a inchhang tlat in ka hria…
thutak khukpuia khukpui chi a nilo e a.
Report this comment
December 2nd, 2012 at 3:35 pm
Setana tirkoh te lasi te, flying elephant te, Snow White, Cinderella te hi thutak ni lovin thawnthu mai an ni e. Ka sual man chu ka tuar ang a ka fel vanga lawmman pawh ka tel ang. Setana leh Pathian tih vel an ni lo.
Kan nu leh pate sakhuana mai mai a ni ka zawm. Pian leh seilenna hi a ni kan sakhuana decide tu chu. Sakhuana hi a ni khawvela thihna thlentu chhan ber.
Rinna hi thudik thlentu ni lovin, pawngpaw beeiseina a ni.
Engkimah thu tak fiahna kan ngen kher laiin sakhuana ah hian kan ti ngam der lo.
Comment thenkhat atang hian sakhuanain kan thluak a suk hneh zia a lang. Sakhaw dang kara piang leh seilian ni i la chuan hetiang tho hian Kristianna pawh kan do ang a, kan sakhuana sawisel chu Setana tirhkah kan ti ngei ang.
Sakhuana hi Pathian thil ni lovin mipui control duhna & tumna vanga lo piang mai a ni e.
Report this comment
December 2nd, 2012 at 4:06 pm
Ni e, Admin. te hial min block tir duh an awm atang hian sakhuanain kan rilru a suk hneh zia leh rilru a tih zim zia a lang a ni. A duh chuan chhiar se duh lo chuan chhiar lo se. Mahni rinna leh ngaihdan tawmpui lote chu hnualsuat duhnate kan nei a, tha bik leh dik bik emaw kan in ti a, rilru inhawng taka en chuan sawkhuana zz hi dik bik an awm si lo a ni.
Ka rin ang i rin loh chuan….tih ang zawnga rilru kan pu hi a pawi tak zet. Hindu leh Muslim hovin ti ve ta se dik lo ti ber ber tur kan ni ngei awm si a. Isua zirtir ang khan “Do unto others as you’d like others to do unto you” tih kha mi thenkhat tan chauh leh kan duhna hun leh hmunah chauh kan hmang dawn a mi?
Report this comment
December 2nd, 2012 at 4:22 pm
Mihringte misual kan nihna hi ka pawm ve lo. Adama & Evi ten vawikhat Pathian thu awih loh vang mai a an thlahte leh zel thiamloh kan nih hi thil awm leh dik a ni lova. Thlemtu thiam tak leh ngaihthahtu Pathian vang zawk a ni. Kan fate pawn kan thu vawi tam tak awih lo mahse hetiang hian ti thei pawh ni i la kan ti ang em? A ho lutuk. A sual thlak lutuk. Pathian thu a ni lo. Mihring phuahchawp lek a ni.
Heng hi rorelna dik i ti a nih chuan i faten i thu an awih loh hunah ti ve chhin dawn teh. I pa khan tualthat se hremna chu tuar tir ni leh zel ta la i lung ni lo viau ta ve ang.
Sakhuana a nih vangin maimichhing tlat suh. Pathian/siamtu chu a awm pawh a ni mahna mahse kan Pathian biak hi chu a qualified lo ani e.
Report this comment
December 2nd, 2012 at 4:28 pm
Zapper kha kan chhang ang che: Sakhuana chu rinna chauh a ni, fiahna a awm lo.
Kei chuan rinna ka tih chu fiah theih thil, practical leh theory tala fiah theih an ni.
Ka rinna tih leh i rinna tih an in-ang lo ni ngei tur a ni. Chutiang ang tho chuan Pluto hian ni helchhuak turin kum 200 aia rei a duh tih pawh ka ring. Mahse tuman an la fiah kher lo, kum 200 pawh an hmuhchhuahna atangin a la liam lo. Mahse kan ring ve tlat. Enge a chhan?
A chhan chu theory talin mi thiamten an fiah a ni.Fiah theih leh fiah tlak leh rinlohna hrang hrang pawn a pawm loh theih loh khawpa chiang a ni. I sakhuana rinna nen chuan awihawm hleih tak an ni.
Report this comment
December 3rd, 2012 at 9:09 am
Theory aia chungnung zawkin, inkawmthlang pitar khan lo experience daih thei asin, Pathian awm leh awm loh chu. Science ah chuan Law hi Theory aiin chungnung zawk a. Law of abiogenesis nge i rin duh, Theory of abiogenesis? Atheism hi beiseina nei nasa pawl chu in ni ve ang, Universe pawh Pathian tello a awm tir in tum na lamah, in thiampuipa Hawking-a pawn theory (theory chhe chi ti a, a scientist thawhpui ngei pawh a review sak) te a duang ta vel a. Beiseina leh rinna nasa takin Siamtu tello in Universe hi lo awm tir tumna baka fiahna tello rinnna awm bik dn moni le? Experience a fiahna awm bawk si lo, in rinna hi. Kristian te chuan Experience talin finfiahna an nei bawk si a. Hremhmun tih vel hi chu, sawi vak tur pawh ka hre lo, Pathian in dik takin ro a rel dawn tih hi ka chhiang em a.
Pathian a qualify lo i tih chhan te chu, nagmah i duhdan i hisap ve vang mai mai alawm. I pa khan i duh ngawih ngawih a tih sak loh che vangin a awmlo, ka pa ni turin i qualify lo i tih theih der loh kha.
Report this comment
December 3rd, 2012 at 9:25 am
Kristian Kan pathian in tih hi ni e, duhai chuan a thinram deuh chu a ni, Mr Mister-a sawi ang hian kan fate pawn vawi tam tak thu an awih lo thin an tet lai phei chuan. Tisuh kan tih an tihluih tal chuan kan thin pawh a rim thin, mahse an chungah thil thalo thleng tur chuan kan duh miah lo. Chutiang a siam mihringte pawh kan awm theih laia, ama siam mihringte chunga a thinram lutuk hi chu a phuahchawp deuh chu a ni.
Report this comment
December 3rd, 2012 at 10:01 am
Kan Pathian hi mihring te anga thin ram ni sela chuan, in vawikhat sawichhiat naah khan action a la daih tawh ang chu. Dawhthei taka ala nghah lai che u hian, in ring tikhawng lui tlat teh suh u. In inrin loh karah thang awk ang phutin in tawpna a thleng palh ang a, inchhira simna hun tha in nei hman lo palh ang e.
Report this comment
December 3rd, 2012 at 4:04 pm
Mihringte anga thinram ni se ka ti tak zet. Tichuan chatuana hremna pawh a awm lo mahna.
Action a la lak loh chhan chu: A AWM LO. Action la tur ber a awm loh chuan action a awm thei ngai lovang.
Tumah, ringtu leh ringlotu pawh an thih dawn a hriattir ngai lo. Ka inchhirna ber zawk chu ka lo harh har lutuk hi a ni. Ka hun, sum leh tha zz kha thildangah lo hmang i la tha tur.
Hmanlaia mi mawl zawkte thu ziah kan la ring thei hi sakhuana power chu a ni. Mahse tette atanga kan inzirtir chuan a harsat vak ka ring lo.
Report this comment
December 3rd, 2012 at 4:22 pm
Atheist hian beisei ringtute anga kan neih ka hre lo. Lo nei an awm a ni mahna mahse ka tel ve lo.
Awmze nei lova beisei nei ka ni lova, thu dik leh science atanga fiah chauh a ni ka rin. Ringtute hian rinna chiah an nei. Rinna chu thu dik tihna a ni lo. Thu dik tih pawh fiah theih loh mahse thil ropui leh mak tak tak pawngpaw sawi vak vak hi in rin Bible kalh tlat a ni.
Pathian chu lo awm pawh ni se Bible Pathian mizia nen a inmil lo viau ang.
Mipui a huhova thah ching. Mahni siam ngeite that duh. Hmelmate hmangaih tura zirtira mahniin zawm leh si lo. Mahni siam sual tih that tumna atana mipui tawrhtira that vek duh. Mihring mawl laia inlar, tuna inlar duh miah lo. Chi bila thu lak ching. Duhsak bik neih ching. Thisen chhuak lawm em em. Mahni siam ngei gays, lesbians, transgenders te misual nih tir ringawt duh. Mi thenkhat hnena inlar duh chauh. Hmangaihna thu sawia meidil siam tel tu. Engkim ti thei mahse engmah ti duh si lo. Inchhir ching. Thutlukna dik lo siam ching. Mahni inchawimawi duh. Mahni fak tura mihringte siam. Lainatna thenkhat tana pe bik…….A tam lutuk… Mihring zingah awm pawh ni se i hnaih duh lovang. Tupawn kan tlanchhiat san ang.
Hetiang mi hi i Pathian a nih ai chuan inkawmthlang pitar kha bia la awmzia a nei zawk ang.
Report this comment
December 3rd, 2012 at 5:15 pm
khai aw. Pathian i ngam ami.
Report this comment
December 3rd, 2012 at 5:35 pm
Josua’n (Joshua 24:19-24)kan Pathian chu Pathian thikthuchhia leh thianghlim a nih thu leh mi bawlhlawh te chuan a rawng kan bawl theih loh tur thu min hrilh a, amaherawhchu tunlai kan Pathian biak tum dan hi chu a thikthu chhiatna haider in, khawngaihna a khat lam hi kan changchawi a, Amah tihna leh zahna nei miah lo in kan bia,kan nunah Pathian tihna reng2 a awm toh meuh lo emaw ni tih tur ani. Thikthuchhia Pathian, mi kan ral hmang Pathian ani tih hi kan hriat ve angai khawp mai..
“ Pathian dang reng reng chu i be tur a ni si lo va : LALPA chu a hming reng pawh Thikthuchhiaa a ni a, Pathian thikthuchhia a ni si a. (Exodus 34:14)
Report this comment
December 3rd, 2012 at 5:48 pm
hnarliana,
Pathian ka ngam leh ngam loh ka sawi ka hre lo. Pathian i tih ber tunge? Han sawifiah deuh ta che. Lo chhan che ka tum ang kei misual leh bawlhhlawh ber hian.
Report this comment
December 3rd, 2012 at 5:53 pm
appy thianhlun,
I comment a ka lawm e.
Pathian thikthuchhia a nih chu ka hrethiam lutuk. Mahse chatuan meidil hi ka hrethiam lo.
Eng anga thikthuchhia pawh ni ta se, a siamte kan ni a, a remruatna hnuaiah kan awm a, kan dam chhung reilotea a thu (Bible chiangkuang lo tak, pawl sing 3 aia tam awmtir thei)kan zawm loh vanga chatuan hremna hian a dik lohna a ti nep chuang lo.
Report this comment