mi(sual).com

Ziaktu: : Spi Sp CoF

Ka tan dam chhan tur a awm ta lo tiin i nghawngah hrui i valh a, khawvel hrehawm kalsana he lei hnungchhawn i tum mai maw, enteh, hrui kha han la thla la, ka thusawi hi ngaithla phawt ta che.

Hringnun hi a fair lo ngawt mai tiraw, nang phei chu i chan hi a va na dawn rua em! Chhungkaw mumal pawh nei lovin, mite hmuhsit leh endawng nasa taka tuarin, khawhar leh mal takin i awm a,chhungkaw hlim tak neih chakin zanah tu te emaw tui taka an muthilh lai khan i tap fo thin tih pawh ka hai lo.

Hei pawh hi ka hriatpui che a sin, i khawhar hnem turin hmangaih i tawng ve ta a nih kha, kha tih laia i hlimna kha tuman an lei zo kher lo ang le. Mahse he khawvel engmah kumhlun lovah hian i hmangaihna dawn ve chuan rei a daih ta si lo. I thinlung nain a rum a, i hliamte lah tihdam zawh rual lohin a thuk a, i khawvel chu tawp ni mai khan i hria tiraw,

Tin, hei pawh ka hmuh hmaih lo a sin, khawvelah i duh leh mamawh chu i pan ruak ruak a, i neih sumin a tlin bawk a, rualpawl nan tiin Zu.ruihtheihthil leh nulat tlangvalna kawngah i duh tawkin i tal vel a, khawvel chu i chen ve hle a nih kha. Mahse a tawpah zawng mite en hrek hrek, hnung lama nuihzat bur niin, natna tihbaiawm tak AIDS chuan a ei mek ta che a nih hi. rimawi zawngte pawh i bengah an mawi zo tawh lova,tawngtai tur pawhin chakna ka nei ta lo i ti fo thin th ka hai lo. Lungngaia indawm kunin i hun i hmang a,i sualna chu tam hle bika ngaiin ngaihdam theih tawh loh niin i inhria tiraw.

Hei pawh ka la hre ta cheu mai, mite angin i chak lova, i tih chak em em thin pawh tithei lovin i nun i hmang a, thenkhatten rualban lo tiin an deusawh thin che tiraw,chu chuan nangmah intithlahrung chein mi hnawksak mai ka ni, ka lo piang ve kher kher hi a va pawi tak em!tiin i indawm kun fo thin tih pawh ka hai lo a sin.

Heng ka sawi zawng zawng hi dik tiin i chan i dawn a, i mittui pawh a luang hial tiraw, mahse he thu chauh hi ngaithla leh teh,khawvelah mi tha famkim an awm lo a sin. I chante hi nangmah chauhvin i tawng lo a,chu aia na nasa pawh chuan tu ten emaw an lo tawng ve tawh thin, harsatna an tawh lai pawha beidawng ngai lo mi chu a rawn dingchhuak a, a hrehawm tawrh zawngte kha a chanchin sawi tinuamtu an chang zawk thin.

Khawhar leh mal ngawih ngawiha i inhriat chang nite khan tu te emaw chu lungngai leh khawhar takin an hun an lo hmang ve mek bawk a sin, Chung ho hnem tur chuan mi khawhar ngai loten an thiamin i ring em ni? Teuh lo mai, an tawn ang tawng ve, nagmah ngei khan i hnem thiam ber ang, ele i lo tawn tawh miau avangin i hrethiam em em dawn si a, thi thei ila ni lo a sin, i hnemna ngaiin mi tam tak an awm mek si a.

I sualna avanga indawm kun reng lo khan han hawi ve mah teh, mi tha rawngbawltu te meuh pawhin kha thil kha chu aw lo ti lo ila a tha zawk tur tiin an indawm kun ve fo a sin. Hmangaihtu reng ka tawng love i timaw, a awm a sin, tawp lova nangmah hmangaihtu che chu. Ani chuan i sualna zawng2 avang khan a zahpui lo che a, a thin hrik hek lo che, chutih a hnekin a faah a la pawm duh zawk che a sin.

He dinhmun atang hian engtinmah ka ding chhuak ve tawh dawn lo a nih hi i ti tiraw,nihna ropui zawk leh malsawmna chuan a hmuak reng zawk che a sin. A petu tur che lah, khawvel mai pawh ni lo, vanah pawh lal ber Isua ngei kha a ni a sin. A ni chuan a fa atan a pawm che a sin. Tu in nge fate thatna tur duh lo awm. Mahni fate sualna ngaidam thei lo khawpa hmangaihna nei lo a ni hek lo, ani chu Hmangaihna zawng zawng neitu a ni si a,

Heti khawpa nasaa hmangaihtu i neih avang hian lawmin nui zawk ta che, Lal Isua chu maw, lungngai leh mangang taka i awm laite, khawhar taka i awm laite pawh khan nangmah hnem tur chein i kiangah a ding reng a sin, chung chu hai derin lungngaiin i la indawm kun reng fo dawn em ni le?

Similar Posts:

• Zùn ngai lungmawla
• You hurt me
• Engmah
• Lalpa-ah Rinna ngat rawh
• Hringnun khawhar

Recent Posts:

• mi(sual).com hi!
• KA MITTUI A TLA!
• ȚAHNA NUNHLUI
• March 2017, Mizo(ram) Diary
• NUN THÂMRAL

This entry was posted on Thursday, December 27th, 2012 at 4:34 pm and is filed under Lifestyle, Luangliam, More than words. You can follow any responses to this entry through the RSS 2.0 feed. You can leave a response, or trackback from your own site.