(Hman chang changin, luangliam ngawih ngawih reng mai te’ng… 
)
Rawllai nun par mawi
Khuanu hualin, thing delh loh lung delh loh nafam chu, mi fate tiat pui puiin thanglian lo mah ila rilru ngaihtuah a danglam a, tilpawr aw kiu rut hun pawh kan pel chho ta zel a. Khawi hmunah pawh kal ila, siamtu kutchhuak duhawm tak chuan chhingmit a hip hmasa fo zel a. Hmeltha deuh leh kan duh deuh te phei chuan kan ngaihtuahna an luah zung zung a. Saw nula saw chu aw.. tia ngaihtuah chhunzawm rauh rauh ka tawng fo nia!
Hmangaihna par
Hun leh ni te ralin chenna hmun dang tawh mah se, a la theihnghilh bik ka ring lo. Khami tlaia tum loh deuh maia an dawr kawngkaa pawisawi lo hmel taka dingin, kan chhingmit a intawn fuh tlai kha.
Ral khat atangin thiante zarah zawng engemaw chu kan inhriatsak ve ngei mai, mahse eng ang hmelpu tur nge kan nih kan inhre miah lo. Tichuan ‘kan fian ngeiin antui I hawp ve duh an gem?’ tia ka sawmna che chu, i-he lovin ‘hawp ve duh e’ tiin min chhang a. Khami tlaia ka hlimzia kha, tun thleng hian ka la sawifiah thiam lo. Ka ni deuh huih ti ila, ka mawl hmel bawk si, a nuam veng veng a ni ber ang chu.
Dawn tisei tur maia’n maw..
Nang ka tawng che kha vannei ka inti a, mak ka ti zawk hial. Min hmangaih em avanga midang laka I thikthu chhiatzia te kha, kei val rianga hian ka la tawng ngai si lo, ka hrethiam lo lek lek zawk thin. Vartianah tho ila, I sakhmel tawn hlan nghakhlel reng rengin chhingmit lenin ka hawi ruai a. Zankhua lo tlai se, zing lam aia nasain I zun chuan min tirethei bawk si. Ka bula awm reng tur chein ka duh che a, mahse chu erawh a theih loh hul hual.
Hringnun hi a mak teh e ti raw. Inthlahlel em em leh induh tak takte awm dun a rem lo fova. Kan kara hmangaihna kuhmum duhawm tak parchhuak mai tur chu I chun leh zuate khan an ngaingam tlat si lo. Nih nih ni tawh mai ang tiin a tawp thlenpui dawn ta ngawt che ila, college kal tan ve chauh ka ni bawk si. A ngaihna ngang a awm si lo.
Chun leh zua an hrang lua
An fanu I ni tlat si a. An thu I awih loh chuan I tawrh vek tur a ni si. Kan intawng hma deuh kha zawng a pawi ngawt mai. Tun ang hun te hian intawng zawk ni ila han ti ngawt ila, lei hringnun kalphungah hian thu kan nei der si lo. I chun leh zuate lahin kei rawlthar ve mai mai, chhungkaw dinhmun ena hualawm lo tak mai kha chu I lehkhazir tibuai ting tang turin min duh der bawk si lo.
I tana an beisei mi hausa fapa dinhmun ngat kha chu, kei valriang hian ka hlat vei vei si. Ka hausakna ber neih loh ka ngah kha chhuantlak reng a ni lo va, lo chhuang ve ta ngawt ila mi mawl ka ni mai dawn si. Ngawi teh I chun leh zuate kha ka dem mawlh lo, I tan ka tling hlawl lo zawk a ni e.
I thar leh thin, mahse…
I chun leh zua hnawlhnu val hian nang nena hmangaihna par rei lo te kan tlanna hmun chu chhuahsanin ram hla takah riahrun ka bel ta a. ka chenna ram hla tak, mual za tam kar dan atang pawh hian nang nena kan nunhlui chu thinlaia a thar chang a awm fo va.
Nang erawh ka tana vul tawh lo turin val dang tawnah khiang I awi ta a. Kei erawh I chun leh zua ang ka tawng leh hlauh palh ang tih hlau reng rengin nula ringawt melh thei lovin, an nu leh pa te ka thlithlai kual ta fo va. In chhungkuain zirtur khrih tak min pek avang phiangsen pawh ni ber chuang lovin, tlangval nuam ka la tih ve em avang zawkin ‘tu kan phu lo, tu’n min phu hek lo’tiin enghelh nei lem lovin lenlai ka chen ta rih. Min rawn ngaihtuah suh ang che.
Ngaihdan…
Nula senior kan tih te, tlangval leng rei kan tih tam tak te hian, chhan leh vang tha tak avangin emaw dinhmunin a zir tawk loh vangte’n bialnu/bialpa nei ngam lovin nupui-pasal an nei lo te a ni mai thei a. Nang hi nupui nei ve tawh rawh han intih ngawt mai te, i senior tawh lutuk han intih phawng phawng mai te hi; fiamthu a ni tih hre rengin nui thin mah se, mi thenkhat te rilru erawh kan hliam fo ang em le?
January 30th, 2013 at 11:57 am
Chhiar ang u.
Report this comment
January 30th, 2013 at 12:18 pm
Report this comment
January 30th, 2013 at 1:45 pm
Luangliam ngaihnawm thei reuh tlat a lawm
Report this comment
January 30th, 2013 at 2:30 pm
Daktor sahab Mahminga hi luang liam thei khawp mai, i chanchin hi chu a bu a chhuah tham a awm ve tawhin ka hria
Report this comment
January 30th, 2013 at 2:31 pm
Alo chhiar ve angem le
Report this comment
January 30th, 2013 at 2:56 pm
@ Dr John… Ka lawm e. Ka thil vei hi a tawi thei si a. Post tawi lutuk hlauvin a tir lamah ka rawn bei chiam a nih hi…
@ mate ainawn… Luangliam nasa thei a nia, ngawi ngawih in a..
@ chhangteval.. In tilawmawm thin e. mi(sual) puitling tak takin, ka thuziak thu tak bawla min han bawlsak tak fo hnu hian, ziak tur chin ka hre lovang tih ka hlau ta fo nia! Bakah, mi(sual).com a reh vung vung hian ka awm hle hle thei tlat lo thin..
@ Amah Charice_Mizo… A chhangchhe lutuk tawh turah ka ngai ngawt a. A chhiar loh hram ka ring ringawt..
Report this comment
January 30th, 2013 at 3:38 pm
Tunlai i luanliam dan hian kawng zawng a nei tlat. Hmanni deuh khan pan lai nun, tunah hmangaihna lam
Report this comment
January 30th, 2013 at 4:04 pm
Tunlai chu Post-tupa hi a luangliam tha thei riau. Misual nula ho tan chance a that ka ring riau, tan han la teh u.
tren tren
Report this comment
January 30th, 2013 at 4:33 pm
A ngaihnawm hle mai.
Hei thil hi ka ngaihtuah chhuak, helai bawrte hi :
” It’s better to have lost at love,
Then never to have love at all “.
Report this comment
January 30th, 2013 at 4:33 pm
@ sheldon… Rinhlelhna chhumpui zing hian kian zai rel teh se.. te ti vel ila..
Thu leh hla pai tlem ta chuan, tawnhriat ningnel tak tak ka phurpui chiam zel a nih hi..
@ Chhuaklinga.. Mi(sual) nula ho hi, an luangliam ve duh tlat lo..
Nimin khan nula naupang chhe lutuk tawh lovin, nula senior chungchang a sawilang zauh pek a. Ka’n tarlang hram a nih khi..
Report this comment
January 30th, 2013 at 4:33 pm
Luangliam ngaihnawm khawp mai
Report this comment
January 30th, 2013 at 6:13 pm
Luangliam mawi hle mai
Report this comment
January 30th, 2013 at 6:41 pm
Mahminga lah hi, a chang leh i inno zia i tlangaupui a, a chang leh i ex te chanchin hlir, va mak teh nuaih ve
Report this comment
January 30th, 2013 at 9:19 pm
He nau hi thil a ziak ngaihnawm riau zel mai a. Mahse a thupui khi chhiar fuh har ka ti deuh…mg tih vel khi.
Report this comment
January 30th, 2013 at 9:52 pm
A tawp na sentence chu ka tran top.
…ziak thiam thin hle mai.. 
Report this comment
January 30th, 2013 at 10:40 pm
@ aduhi… Rawlthar luck kha a reh ta a, tunah zawng kan hawi lawl lawl ta mai a nih hi..
@ hlatekhua… A ni tak e a. Kan hotute khan an remchan vel leh post thupui khi min han siamthat sak sela’ng, ka va’n lawm dawn em!
@ appy thianhlun… Keini la young tak pawh hian kan tawng ve ta zeuh zeuh si a. Ka’n sawi chhuak leh pawp a nih khi..
Report this comment
January 31st, 2013 at 1:03 am
Va tha em em ve..
Mithiam ziah hi chu chhiar anuamin a manhla thin e..
Chuan ‘Hmangaihna Par’ Para khi…
Report this comment
January 31st, 2013 at 9:02 am
@ Mr.Fanchun.. Ka lawm e..
Kan college laboratory assistant nula naupang lutuk lo pawh a thiante’n an fiam sual a. A senior tawh thu an fiam reng a, huat enah pawh a en bik lo; Mizo nula fiam dawl lo tia hriat pawh a hlau a ni mahna.
Nikhat chu, an hnuaia thawk tlai tin deuhthawa rui, mu leh mal chu sawi lo, mu tak ngial pawh nei lovin, englovi hi chu i senior tawh lutuk a, i hnute pawh a sawng te vek tawh a nih hi a ti mai chu(h). Kan lab. asst. nula chuan a la na ve khawp mai.
A bikin Mizote hian fiamthu kan ngaina a, kan uar bawk. Chutih rualin chintawk neih thiam erawh a tul khawpin ka hria…
Rikhuessss…
Admin duh takte u, a thupui khi min siamthat sak hram teh u. Hlatekhua atangin a lo hmu fuh bawk si a. A thupui atang hawrawp dik lo khi ka tihsual palh liau liau a ni. Eng dang a ni lo, ka luangliam emm a ni..
Report this comment
January 31st, 2013 at 9:28 am
Luangliam mai lovin, a tlengin i tleng delh delh a nih zawk hi mawle, hairehai
Report this comment
January 31st, 2013 at 9:54 am
Pu Hv chu aa..
A tlenga ka tleng delh delh vang nge ni, thupui hawrawp ber pawh a tawlhhtluk nuai khi.
Report this comment
February 2nd, 2013 at 11:17 am
A lan dan chu, luck tawh lutuk a niang mawww
Report this comment