Tunlai chu post khaihlak manah ka birthday hnuhnung ber a ka inpuanna, ka hlimna thuruk ka rawn mualpho phui dawn e 
Min zawt fo thin a, “Engatinge i nuih reng a?” Ka hlim reng bik tihna em ni? tih hi ka in zawt ve fo thin a. Rilru a lo lang hmasa berah chuan han en mai a hmeltha tih tur nih si loh chuan maimitchhing meuh a kan han khik sang hian khawvel hi mawi ta riau hriat tlatna hi ka nei thin a. Mi min ngaihdan tur ah pawh hian hmeltha ta sawt a in ngaihna hi a awm ve a. Chu tak chu a ni ka hlimna thuruk chu…. ka lo aaaaaaaaaaa em a ni! tih te mai hi.
A hre ber awm zia zang in thu te kan han ziak ve a, kei aia thiam leh fingin a dik zawk an rawn sawi zung zung mai a. Kei mimawl tan hian a va han hlu thin tak em! Ka ngaihdan ka ziak lo va, kan ngaihdan ni a ka rin te ka han thairang ve nawk nawk a. Ngaihdan hrang hrang a rawn lut a, kei mimawl hi ka hriatna a pung ve leh beuh beuh thin!
Mithiam te thusawi hi ka ringlo ni lo in a kimlo lai ni a ka hriat lai te ka lo sawi ve leh zeuh thin a, ka va hriat tak vang ni lo in khatiang thu tha kha min fah belh leh se ka duh thin vang a ni. A thenin hnial hrat min lo ti thul, huatna chang pawh ka hre lem hlei lo va, ka atna hian min va han tihlim thin tak em!
Harsatna ka tawk lo a ni lo va, mangan ni ka paltlang lo a ni lo. Khatiang hun a lo thlen khan ka ngaihtuah vang a ka hlawk pui dawn a ka hriat loh chuan lawilo dawrpui ah nuih thler pui duarh duarh tur ka zawng leh mai a. Ka at vang ni a angaiin min lo nuih liam ve leh mai a. Ka la thinrim ngai ta lo cheu a, ka lo a em a ni!
Ka at avang hian kei aia thil ti thei leh ropui zawkte min khakna pawh hi ka hrethiam lo tlat a, ka ring ka ti khawng tlat thin. Mi thil tih theihna avangin ka inhmusit hauh lo va, tha zawk ni a ka hriat leh dik zawk ni a ka hriat ah hi chuan eng ang a mi ropui pawh hian min ti lui mahse ka ngaihdan ka sawhsawn hek lo ang. Ka va han a tak em! Mahse kha tak kha ka hlimna thuruk chu a ni si!
Khawvel ah hian fing deuh a nun tur a ni lo va, a buang mai hian han nung phawt mai i la, kum rei tak kan dam hi ka la ring tlat a. A min ti a nih pawhin ka fin loh zia in hrechiang tihna a ni mai. Rinhlelhna a ka khah laiin ka la hmuh ngai hauh loh Pathian hi a awm ka ring leh tlat lawi si a. Ka nuih theih thlawt loh chuan a ri lo talin ka be ve neuh neuh thin. Chutih laiin A chanchin sawi a inhnialnaah erawh sawi tur ka nei leh lawi thin si lo. Ka va han aaaaa tak em! A pawi lo, ka ring ve tho a lawm tiin ka inhnem ve leh mai thin!
Kei mah ang a nuih mawi reng in duh chuan a ve rawh u
….. because I am very…… very stupid!
Similar Posts:
- Sunday Pual
- Lumettu Nen(Sunday pual)
- Ka D
- Ka thianpa ve thung…. :-)
- Misual.com a thil mak ka tih chu
March 11th, 2013 at 6:46 am
Tuk chhuah nuam vek u le
Report this comment
March 11th, 2013 at 7:15 am
Misual in puan na chhiar tur a vang hle a, i in puan na ngaih thlak a nuam e.
Report this comment
March 11th, 2013 at 7:16 am
Chhiar lai pawhin i nui hmel mitthlaah a lang reng mai. Mihlim thei tak te tluka miawhawm an awm chuang dawn em ni? “Lungawi zel ka ching tawh si a” tih nun hi a ropui. Keimahah chuan, “he thil hi Lalpa avanga ka chunga lo thleng ani, ka tana a tuarna nen chuan khaikhin tham ani lo” tih ngaihtuah thlenna hian hlimna leh lungawina min pe thin a, mifing leh mithiam tak takte ka hmachhawn laiin, ‘Lalpa thlarau a fing zawk’ tih hriat ruk karna hian, inrintawkna min pe thin. ka bulah a awm reng tih hriat(feel)na hian thlamuanna min pe bawk thin. Tuk chhuah nuam vek u.
Report this comment
March 11th, 2013 at 7:33 am
Tukchhuah nuam vek u le
Report this comment
March 11th, 2013 at 9:59 am
Ni e fin ker kawr lutuk hi a thalo, mi ngei hlawhna . Bakah thinrimna tur a tam mai mai. Alang a paua ngaihsam, enghelh neilo, aa buang, nui reng peih, a ruka fing kar nih tur, chuan mi hnial zut zut loh tur…haha. Ka nih loh dan anih chu.
U Vaiva nuih dan…:-P
Report this comment
March 11th, 2013 at 11:37 am
Miin ka huatthu an sawi em ti reng renga awm ai chuan anuam pingling ang chu. Thenkhat te hi chu inti fing, a fin pawh fing an ni hlawm. Nangchu i inti fing lova, i a love..:-)
Report this comment
March 11th, 2013 at 1:13 pm
Hlim reng hi a va har em, nuih reng theih te hi thil har tak a va ni em, a buang chung pawh hian.
Report this comment
March 11th, 2013 at 1:53 pm
Kan duhzawng kalhin mihringte hi tihhlim theih kan ni lo;fin leh atah hian hlimna chu a innghat ber lo,kan duhzawng hian hlimna min pe vek kher bawk si lo,thuruk ka nei ve lo
Report this comment
March 11th, 2013 at 9:46 pm
Rinhlelhna a ka khah laiin ka la hmuh ngai hauh loh Pathian hi a awm ka ring leh tlat lawi si a. Ka nuih theih thlawt loh chuan a ri lo talin ka be ve neuh neuh thin. Chutih laiin A chanchin sawi a inhnialnaah erawh sawi tur ka nei leh lawi thin si lo. Ka va han aaaaa tak em! A pawi lo, ka ring ve tho a lawm tiin ka inhnem ve leh mai thin..
Office atangin mi(sual).com ka leng lut thei ta lo va. A zia lo dawn riau.. Englekhawle, post tha tak a ni, ka thlawp e..
Kei anga nui mawi mi(sual) zingah an awm ve hi, ka thla a muang.. 
Report this comment
March 12th, 2013 at 1:35 am
Report this comment
March 12th, 2013 at 9:16 am
Report this comment
March 15th, 2013 at 1:53 pm
Report this comment