«
»

Nang i ni

March 17th, 2013 9:31 pm by vakul

Dotu leh ertuten min falak kam chemhar sak sakin;
ka mamawhten tukhum min chhawn pawh ni se.
Itsikna kamrel inchhawn vel karah hian;
hringnun ngul a rul chang a,
Hringfa zinga beiseina min petu chu-
Nang i ni.

Ka hlim laia tap a, ka tah laia nuite hian,
ka nihna dik tarlan an lungkham a.
Ka duhzawng lungkham a, ka lawmna zawngtu;
hmangaihna hluma ka mawi lohna char a,
iai leh sit awm lova min tleipuitu chu-
Nang i ni.

Chak lohnaah hian tanpuitu an lang thin a,
bawrhsawmna hian enkawltu kut a ngai thin.
Ka hringnun hi nawp a nih chang leh,
mangchhia ang maia ngaihawm loh a nih chang pawhin;
ka damna tura mahni damna min hlantu chu-
Nang i ni.

Hringnun kawng chhuk chho zawh a,
kham leh suar zel chhuak tur leh;
khualzin kawng zawha ka chelh tur,
sut leh theih tawh loh thutiamin
fam khua lawi thlenga min ngulzempui tur chu-
Nang i ni.

Beiseina hi surha-in hnual chang awm se,
duhaisam chu tui hum angin thamral bawk thin mahse;
lungngaihna chu thuah engzat pawhin thual mahse,
i kiangah tui ang an nem leh thin.
Kei, chak lo peizawn tura Siamtu min pek chu-
Nang i ni

(Kan nu ei rel laia ka ngaihtuahna a ni e)

Similar Posts:

Recent Posts:

This entry was posted on Sunday, March 17th, 2013 at 9:31 pm and is filed under Luangliam, Poetry. You can follow any responses to this entry through the RSS 2.0 feed. You can leave a response, or trackback from your own site.

12 Responses to “Nang i ni”

  1. 1
    century child Says:
    March 17th, 2013 at 10:33 pm

    Chhiar i1a

    Report this comment

  2. 2
    bucko Says:
    March 18th, 2013 at 12:18 am

    OT mak ka ti…Ka post Current…X ah khuan ka lut thei lo reng reng, 9:00PM atang khan ka try tawh… mak thei ngei mai. Comment na lam ah sawi belh tur ka ngah tehlul nen….. :-[

    Report this comment

  3. 3
    PKfanai Says:
    March 18th, 2013 at 7:32 am

    Nupuite hi an hlu a sin. (Y) kan thawhpui 1 sikul headmaster pawh hl, ‘Thai bawih’ tiin an sel rawn luai luai thin a. Mahse, ka ngaihtuah chiang a, an pa khan education qualification ah chiah a chaldelh a, a dang zawngah kha chuan, an nu kha a phu lo tak zetin ka hria. Tin, annu khan a mawilohna leh tlinlohna lai kha alo tuam mawi zar zara, inrawlh lutuk ang deuh thin a, an sel ta thin a ni. Kan CM zahawm tak pawh hi, annu hian zui zel lo ta se, a chesualin a che mualpho khut khut fo lo ang maw? Ti chung pawh hian, …a nia. :-)

    Report this comment

  4. 4
    vakul Says:
    March 18th, 2013 at 8:08 am

    Pu pk hmanah ka sawi tawh kha ngam loh rau rau pawhin lungsi deuhin a ziaawm.

    Report this comment

  5. 5
    sheldon Says:
    March 18th, 2013 at 8:13 am

    Tukchhuah nuam vek u le (L)

    Report this comment

  6. 6
    Phivawk Says:
    March 18th, 2013 at 8:59 am

    (Y)

    Report this comment

  7. 7
    Mx Says:
    March 18th, 2013 at 11:10 am

    Tha hle mai (Y)

    Report this comment

  8. 8
    Emi Says:
    March 18th, 2013 at 3:21 pm

    Ka lke like e.

    Report this comment

  9. 9
    Awmtea Leo Khiangte Says:
    March 18th, 2013 at 5:09 pm

    Ṭha mang e (Y)

    Report this comment

  10. 10
    saint sammoo Says:
    March 18th, 2013 at 5:36 pm

    Ka la fuh hle mai.. ‘ngaisang’ an tih ang hian ka awm..
    A thuchah/ken piah lamah a tlar tina i themthiamna i zeh ho khi ka LIKE bon tops..
    ka duh zual lai…
    .. hringnun ngul a rul chang a..
    .. Ka hringnun hi nawp a nih chang leh..etc..

    Report this comment

  11. 11
    vakul Says:
    March 18th, 2013 at 11:17 pm

    Pu Samu i ti lawmawm e.

    Hlawm tawp ber dawttua ..kham leh suar zel chhuak tur leh …tih khi zel ka hman dan hi chhawrpial run hmanna ang deuh a ni a, kal tih sawi nan ka hmang daih.

    Report this comment

  12. 12
    thlanrawkpa Says:
    March 19th, 2013 at 7:41 am

    (y)

    Report this comment

Leave a Reply

You must be logged in to post a comment.