Thusawi thiam takin thu an sawi hi chuan a ngaihnawm a, an thusawi mil zet maia tehkhin thu an han hman ngat phei hi chuan an thusawi te hi a chiang lehzual thin. Chutih laiin kan thusawi tichiang tura milar chungchang kan sawi thinte hi finfiah hmasak awm lova khawi emaw atanga kan hriat kan sawichhuah mai hi chuan thu diklo hi kan lo thutak sawi ve chiam thei hi a lo ni a. Kan lo hriat ve atan chutianga kan sawi uar tak thudik chanve leh diklo muhlum thenkhat lo tarlang ila.
1. Khawvela hmelthat lara lar Marilyn Monroe (1926 – 1962) kha a thih hma deuh khan Billy Graham nen inhmu in Billy Graham-a’n Pathian thu hrilh a tum a, Marilyn Monroe chuan duh lovin “In Pathian chanchin hi ka hre peih love”, tiin a chhang a. A hnu lawkah a thi zui ta niin an sawi thin. Hei hi thu belhchian dawl lo a ni a, Billy Graham Evangelistic Association ngeiin Marilyn Monroe leh Billy Graham te hian hetianga inkawmna hun hi an neih loh thu an lo sawi tawh a ni.
2. Titanic lawnglian chungchanga kan hriat ngun em em, a design tu engineer ngeiin “Pathian meuh pawhin a tipil thei lo” tia a sawi anga sawi thin pawh hi thudik famkim lo a ni. archives.gov in a tarlan danin hemi sawitu hi chiang taka hriat a ni lo a, Titanic siamtu company White Star Line hnathawk pakhatin a sawi tih chiah tarlan a ni a. Hetiang zawnga sawi teuh deuh ber ziaka hmuh theih chu Engineering Journal pakhat in ‘pil thei lo tluk a ni’ (practically unsinkable) tia a sawi hi a ni mai awm e. Chuvangin he thu hi tu emaw chuan a sawi ngei a, a sawitu chiang tak leh huai taka kan sawi thin erawh a dik chiah lo a nih hmel e.
3. Mi duhtui deuh ten Christian Rock an sawisel thin a. Pathian fakna atan tlak loh ang ten an sawi thin. Christian Rock band zingah chuan Petra hi lar ber an nih loh paw’n a dawttu chu an ni ang. Petra vocalist John Schlitt solo album “Unfit for swine” ah khan hla pakhat “I killed a man” tih a awm a. Hei hi sawiseltuten tanchhana hmangin tualthah chungchang sawina a ni a, a Christian lo ti ten an sawi thin. Hei hi a hla in a tum hrechiang miah lova an sawi vang a ni. “I killed a man” in a sawi ber chu Isua thi kha kan sual vanga thi a ni a, chuvangin amah thattu chu keimah hi ka lo ni a tihna lam zawk a ni. Hetianga a sawitu in a sawi tum tak hrechiang lova a thu khawilai emaw lak vung vak hi thurin dik lo ti a kan sawi thin te nen hian a danglam vak hmel loh e.
4. Hei chu mi tamtakin kan hre lo maithei. Mi tumah hi biak chhiat tur an lo ni love tih chungchanga thusawitu thenkhatin an sawi thin Stanford University lo din dan chungchang hi lo en leh ila. Nupa berh ve tak anga langin an fapa hriatreng nan Harvard University tan thil tihsak an inhuam thu Harvard President hnenah an hrilh a. Harvard President in a lo chhan that duh loh em avanga anmahni puala Stanford University din anga sawi a ni thin a. Hei pawh hi Stanford University ngeiin a nih loh thu thuchhuah an lo siam tawh a ni.
5. Theory of Evolution tichhuaktu Charles Darwin kha a thih dawnah a inchhir thu leh a pianthar thu te, a Theory pawh thudik lo a nih thu a puangchhuak niin mi tamtakin an sawi thin. He thil pawh hi Darwin-a chhungte ngeiin a dik loh thu vawi tamtak an sawi tawh a, a piangthar ti a sawipungtute zingah hian a thih lai vela a bula awm ve pakhatmah an awm lo bawk.
Heng kan tarlante hi Pathian ropuina leh thiltihtheihna sawi nep tumna lam a ni lo a. Kan thu lakna thlante hi fimkhur ila, kan sawichhuak leh dawn a nih phei chuan a dik leh dik loh finfiah te hi i taima ang u tihna lam zawk a ni e.
Similar Posts:
- Mizoram University Registrar Motor Hal (Photos)
- Pathian Thu Rum
- Francis William Kelly III
- Ka irawm chhuak thu nawite
- Hmêl leh chêtzia pawhin (Sunday pual)
April 13th, 2013 at 8:59 am
Thu kan sawi hma hian i inngaihtuah 1 thin ang u.
Report this comment
April 13th, 2013 at 9:52 am
Ni e….a dik khawp mai. KZP (Ke zungpui pawh a ni tho)
Report this comment
April 13th, 2013 at 10:26 am
A dik duh hmel khawp mai.
Report this comment
April 13th, 2013 at 8:28 pm
“Thudik a lo ni lo” titute tanchhan pawh hi a dikhlel ve thei tho tih hriat a tha.
archives.gov pawh hi ring lo fe fe an kuh ve tul tho mai
Report this comment
April 13th, 2013 at 8:40 pm
Report this comment
April 13th, 2013 at 8:48 pm
A bengvar thlak e. Chuan zawhna pakhat ka nei a.
“Why should the Devil have All the Good Music” tih tawngkam hi tu sawi nge le?
Report this comment
April 13th, 2013 at 10:02 pm
Pimpom, “Why should the devil have all the good music?” tih hla phuahtu hi chu Larry Norman niin ka hria. Clive Richard rawn piangthar khan a rawn sa lar ta vak a ni. He tawngkam sawi chhuak hmasatu nia ngaih chu, Reverend Rolland Hill ania, 1844 khan a lo sawi daih tawh a ni awm e. Nia, keipawh, Mel Gibson chanchin ngaihnawm ang reng deuh mai ziah ka chak khawp mai a, mahse, “a dik chiah lo” ti pawl an awm ve tlat mai a, ka la ziak ngam rih lo a ni.
Report this comment
April 13th, 2013 at 10:44 pm
tha e…
@ PK han ziak rawh khai….
Report this comment
April 13th, 2013 at 11:17 pm
Tha hle mai
Report this comment
April 13th, 2013 at 11:43 pm
Cliff Richard not Clive. Sorry.
Report this comment
April 14th, 2013 at 12:59 am
Pulpit atanga sawi huai fe fe an awm thin maw le.
Report this comment
April 14th, 2013 at 1:16 am
Report this comment
April 14th, 2013 at 7:17 am
A lo ni maw? A bengvarthlak thin e.
tren tren
Report this comment
April 14th, 2013 at 9:29 am
Report this comment
April 14th, 2013 at 12:11 pm
” Why should boys have all the fun?” tih hi tu sawi chhuah nge aw?
Report this comment
April 14th, 2013 at 1:20 pm
Pulpit tlang a tang a, thu belh chian dawl lo sawi pung pung ching hi,
an tam khawp mai.
Report this comment
April 14th, 2013 at 1:39 pm
Helam argument zawng zawng hi pawm vek tur tihna pawh a ni chuang lem love. Hnial kalhna kawng lehlam a ni mai a. A pawimawh ber erawh chu, Kristian nun kawng tinrengah hian entirna pek dawn chuan dik lo thei lovin Isua Krista nun atang hian engkim a teh vek theih tih erawh hi chu ka chiang a ni.
Report this comment
April 14th, 2013 at 9:10 pm
E khai, he ta hi Chemtatrawta a rawng lang nawlh mai.
A chem hriam kha han che lek leh ngei rawh se.
Report this comment
April 17th, 2013 at 1:26 am
A tha hlawm khawp mai mahse i thil rawn post zawng zawng khi a source leh proof chhiar na tur te rawn dah nghal la. nge mi thusawi rumors atanga i lo lak chhawn leh zawk vel mai mai hi emni lol.
Report this comment
April 17th, 2013 at 12:29 pm
Ethical questioin: Tuin emawh phuachawp, dik thelh, uar lutuk, etc tehkhina te hmangin thu a sawi a, mite lo piangthar phah ta se …
“I killed a man” ti hla a tanga kan zir tur chu context hriat a pawimawh zia hi a ni. (Words, phrases, sentences and paragraphs have different meanings according to its different contexts.)
Tin, thusawimite tan chuan, tehkhin thu (illustration) hmang dawnin kan source tawnga metaphor, simile, ironic, paradoxy, etc hman dan te kan hriat a pawimawh hle bawk.
Report this comment
April 17th, 2013 at 2:14 pm
All is well,,,,
Report this comment
April 18th, 2013 at 5:03 pm
Nia a dik khawp mai, fimkhur hi a thra. Tin, insiamthrat theih hi a thra leh zual em em bawk.
Engber hi nge awih tur tih hi hriat a har a, khawvel mihringte tehkhin a hman zawng a thraber emaw dikber lo mai thei tih kan chiang ta e, kan hriatchian loh mihringte tal.
Hei erawh a dik khawp mai, fimkhur hi a thra em em ani. Finfiah hmasak pawh hi a thra em em in tihtur hmasa ber a ni.
Tin, insiamthrat theih hi a thraber e.
Report this comment
September 19th, 2014 at 9:52 am
ahíncos
Thusawi mite fimkhur zawk nan | mi(sual).com
Report this comment