from Facebook Special Report
3rd June : Vaphai khawtlang hruaitute nen an inbiak hnuah MZP hruaitu Farkawn a kalte chu him dam takin Aizawl an thleng.
Zirtawpni a Farkawna MZP Sub-Headquarters hawnna a kal MZP hruaitute chu an haw kawnga an paltlang tur Vaphai mi te chuan lo chan a, lo chhuahchhalh an tum nia thuthang avangin Police leh CID ten zana haw turin an ti a, mahse MZP te chuan zan boruakah chuan haw rihlo a, boruak muanawm tak hnuaia hawn an duh avangin an haw ta lo a. Thudawn danin Inrinni khan Farkawn Tourist Lodge-ah Vaphai JAC te nen boruak tha tak hnuaiah an inbia a, MZP in Vaphai mite hnenah an tum dan te, thil awm dan leh nakin zela Vaphai khaw hmingchhiat theih dan turte sawipuiin Vaphai mite pawhin ngaihtuahna thar an lo hman tur thute an sawi a, Saikhumphaibawk tanpuina pek an duhlohna chhan chu loh theih lohin Vaphaiah awm turin Vaphai pan se an duh vang nia an sawi thu thu lakna chuan an sawi.
Boruak tha tak hnuaia an inbiak hnu hian inrinni tlai dar 4 pelh hretah MZP hruaitute chuan Farkawn khua an chhuahsan a, an kaltlang tur Vaphai khaw daiah Champhai DC, SP, Magistrate leh Police tam tak an awm bawk a, MZP hruaitute hian him dam taka Vaphai paltlangin inrinni zanah East Lungdar-ah an riak a, nimin tlai dar 3 vel khan Aizawl an lut a ni.
MZP hruaitute chuan Mizo leh Mizo inkarah inhuatna leh thisen chhuahna hial awm thei chu an duhloh thu sawiin tlawm a tulnaah chuan tlawm an hreh lo a, in unauna leh inhriatthiam tawnna tha tak awm se an duh thu sawiin Vaphai tana hriat nuam lo thu ziak awm thin pawh an duh loh thu an sawi bawk.
June 3rd, 2013 at 3:30 pm
Hmmmmm
Report this comment
June 3rd, 2013 at 3:44 pm
“Mizo leh Mizo” mah ni ila Indian leh Myanmar kan ni hrang tlat hek.
Report this comment
June 3rd, 2013 at 4:05 pm
Vaphai leh Saikhum chungchang hi sawi a tam a. Fb lamah phei chuan a tak ram rawn dai hawt lova hre tak tak an tam. Buaithlak tak ani. MZP chungchangah hian an sawi ang em em hian boruak a nasa lemlo tih ka hria.
Report this comment
June 3rd, 2013 at 4:18 pm
Hetiang boruak leng lang tam lutuk hi chu a khawmawm tan riau. Tha taka boruak a invawrh zel beisei ila
Report this comment
June 3rd, 2013 at 4:53 pm
He thil hi a pawi tak zetin ka hria. A bul thumah chuan tute emaw chu an thiam lo tiin a inhnial theih fu mai lah tak a. Engpawh nise sawi zui thui lutuk duh rih lo ila, boruak lum zual han reh fel deuh se la, kan hnam tan a tha zawk mah mai lo ang maw? Fb lamah lah chuan sawi zui luih luih a ni bawk si nen. Ngaihdan nei tha deuh an awm chuan han phek chhuah pui teh reng u. A tul chuan hnial teh pawh han inhnial deuh bap bap hlawm ila. Pil hman.
Report this comment
June 3rd, 2013 at 8:27 pm
MZP hruaitute chu zirlai rau rauvah an thu a puitling khawp alawm le. Kum lamah pawh an ‘mature’ tel ve deuh tawh hlawm nge tih phei chu ka hre law.
Report this comment
June 3rd, 2013 at 8:31 pm
thil thleng pawi tak a ni. burma leh india mizote inkungkaihna a that chhoh tawh vei nen, boruak tha lo/ inpuhtawnna a thlen mek a ni.
Report this comment
June 3rd, 2013 at 10:13 pm
He thil thleng hi chu a pawi tih bak hi sawi vak ngaihna a awmlo. Saikhum lam hian VC hi lo dil thawt thawt lo sela, rei vaklo ah chuan a tulna avangin an la nei vat tho ang. Chutiang chiah chuan Vaphai lam hian lo hal thawt thawt lo bawk se, sawrkar hmalakna ngaichang thiam sela tuma dem an hlawhlo ni mai tur. Court thuchhuak an hriat khan an in control zo lo kha a pawi takzet. Hmanni a min rawn dawr tu pakhat chuan Saikhumphai a an Ration card min rawn xerox tir a, Vaphai lamah an riah chhoh thu a sawi a. A tak tak anih chuan an pahnih inkar ah hian buaina awm tho mahse engemaw chen ah chuan an in rem viau lawi a nih hmel. Pa pakhat sawi dan chuan Police ho in Vaphai ho an ngei hle a, Vanram kai tur pakhat mah an awmlo an ti a. Vaphai ho in sim a awl emai an ti ve thung e a tia. Police venhimna hnuaia awm chunga an zu hal thei khan Police a ti hmingchhia a, chuvang chuan Vaphai lam tihmualpho an tum viau ang a ti bawk a. Thil nithei tak chu a ni ve tho mai. A engapawh chu nise a tumah hi an thiam zawk e han tih tur ka hre ve lem lova. An boruak ti tang a ti khawlo thei tur ang zawng a chet lak erawh chu ka thlawp lo khawp mai.
Report this comment
June 3rd, 2013 at 10:34 pm
Tun thlenga boruak neih chhunzawm an tum hi a tha lo ngawt mai…
SKP thil thleng khan min barakhaih tak zet a, sawi vak ngaihna pawh ka hre lo. Hetiang hi chu thleng tawh lo hram teh se…
Report this comment
June 3rd, 2013 at 10:47 pm
Fb lamah te hemi te chungchang hi kan sawi ngun tawh tho nachungin, mimal thlirdan atang chuan Vaphai hi an thiamlo hulhual tawh. An puhna ber burma hnawhchhuah tih leh Vaphai ah awm se tih hi paradoxical leh invalid a nia, vaphai ah awm duh se burma mi an ni lovanga an awm duh loh chuan burma mi a puh an ni dawn tihna ni. Thu awmze nei lo leh inpuhchhiatna mai a ni tih a lang reng. Chumi lovah chuan, saikhumphai ah illegal activities a awm em? tih hi a awm lo kan ti thei ang,a chhan chu economic growth assumption atang chuan leilet leh kuthnathawh nen bak a in rem thei tlat lo, smuggling leh ralthuam tawlh rukna ni ta se chubaka economic boost nasa tur a awm lo, an hausa viau tawh hlawm ang, mahse a chutiang a awm lo tih a lan na chu an growth rate atangin kan sawi thei mai awm e.
Chumi piah lama MZP an lo dang ve leh te hi chu a nuihzat thlak lam mah a ni.
Report this comment
June 4th, 2013 at 6:48 am
#8
Saikhumphai-ah hian Vaphai khaw mi diktak awm an awm ve nual a. An in a kan tûkah pawh khan chu’ng chhungkaw 2/1 vel chu Vaphai-a an chhungte’n an tanpui nghal alawm. Tuna ration card xerox & Vaphai-a riak i tihte hi chu chu’ngho bak a ni hauh lo vang. A chhan chu, a hlimchhawn velah pawh Vaphai khua chuan Saikhumphai hovin an tuikhura tûr an phul hlauvin an tuikhur an veng tlaivar zak zak thin kha a nia. Hetianga an sawi hian police ho an nuih a za thei raps.
A tir khan keh pawh police ho kha ka lo mawhpuh viau mai a, mahse, han mawh vak chi an lo ni hauh lo. An chungah thuneitu an awm tlat a. Anni ho kha dem tur an ni zawk. Congress Ministry hi dem tur an ni zawk. Chuan, police ho chuan Vaphai khawho chu an haw khawp mai. A hmuna awmchilh an nia, Vaphai khaw hovin police an cho dan zawng zawng hriat chuan awm ka tihpui khawp mai. Vaphai khaw tlangvalte chuan Khawbung BDO an lo keuh tawh a ni awm e.
An sawi ka hriat mai mai chu, Vaphai khua hi an khaw thenawm leh a chhehvel khuaah Khawbung nen an inbe thiam deuh ber an ti….tak tak. Hmanni kan han kal khan kan misualdotcommer Pu Mapuia nen Dungtlang-ah kan han inhmu nawlh maw le.
Report this comment
June 4th, 2013 at 7:44 am
Tukchhuah nuam vek u le
Report this comment
June 4th, 2013 at 8:06 am
No Comment and unlike.
Report this comment
June 4th, 2013 at 9:58 am
FB lama……vaphai ho leh CYMA ṭang dun tlat anga sawi hi enge a awmzia.. tak tak a ni em?
Report this comment
June 4th, 2013 at 12:01 pm
Huiz…
Report this comment
June 4th, 2013 at 1:18 pm
Remthu hi leng teh se…. tan lam nei lo zelin aw. (V) tumah hian comment nalh vak lo chu i pe lo ngam teh ang u.
unau vek kan nih hi…. geographical boundary hian min ti hrang anih hi..
mihring theuh kan nih hi….
Report this comment
June 4th, 2013 at 2:47 pm
#14 Kan Home Minister kha chuan khimi boruak avang khian CYMA General Secretary hnenah Vaphai lamin buaina siam lo tura hrilh turin a tih kha maw le.
Report this comment
June 5th, 2013 at 2:11 am
Buaina awm lova engkim a kal tluang chu a lawmawm e. Nia kan sawi leh buaipui luih luih ang em em hi chu a nih ka ring lo. Thil dramatise hi kan ching ve lutuka Mizote pawh hi, networking alo chak tawh bawk nen.
#10 comment khi a chhiar zingah keimah chiah ami nuihza le? haha comment bawn a tum mai mai.
Report this comment
June 5th, 2013 at 8:57 am
Thiamthu sawi hmasa zuah zuah a vak kual thin hi chu a thiam lo zawk hi an lo ni tlangpui thin.
Report this comment
June 5th, 2013 at 10:52 am
@ chrice#18:Hahahaha comment bawn tum lam a nih pawh ka lo hre law, a nihna kan sawi mai ni e . A nuihzatthlak deuh, Vaphai ho thiltih dan hi Trawta sawi ang deuhvin thiamthu n sawi zut2 a an thiam an chang lo thinrim leh si hi nuihzatthalak…………
Report this comment
June 5th, 2013 at 10:55 am
Tluang taka an thleng chu a lawmawm e
Report this comment
June 5th, 2013 at 6:39 pm
Vaphai ho chu lo harh toh in, Zo rama buaina thlen tu khua ni lovin, remna thlentu khua lo ni zawk tawh rawh se kan ti.
Report this comment
June 5th, 2013 at 11:42 pm
Khua inhalsak kha a pawi tawh viau laiin, an halsaka te, baihvai taka an awm laia tanpuina pek an khap bur kha chua a atthlakin a suahsual thlak ka ti.
Report this comment