1.8.2011:
Hmanni a naupang kum 11 mi inawhhlum thu post kha ka ngaihtuahna ah a awm reng mai a, comment ah pawh ka ngaihdan chu ka sawi tawh kha. Khatia an thi ta kha Mizoten thihna kan sawngbawl dan, kan ngaihpawimawh dan leh mizo tlawmngaihna laimu chu thihna leh a chhehvel a kan lanchhuahtir tumdan te ka ngaihtuah a, thil hi a sawt tawhloh leh a pawihnu hian kan va han buaipui nasa thin tak em. A hun lai leh a sawt lai a thlahthlam si, a tlai hnu a khawtlang kan buai leh dan te hi in beh thuak teh ang u.
A hunlai in Vanapa te leh Taitesena ten an khua, in 200 awrh khawtlang nun atan a tha tawk, an sakhaw rindan nen pawh a inmil thlap a thihna leh khawtlang an lo tuahrem kha tunlai ah hian engatinge kan khawtlang mil tur leh kha aia tha zawk a kan la kalpui ngam loh?
Khang hunlai kha chuan an khawtlang kha agrarian society hlang hlak a ni a, sawrkar hna, private company, sumdawnna leh hunbi hnuai a kun ngai zirna in te pawh a la awm lo. Khawkhat kha an inhre tawn vek a, chhungkaw lianpui ang mai in a thlum a al eiza an la ni tak meuh meuh bawk. An sakhaw rindan leh thihnu khawvel an rindan pawh anla puithu in hlauh a pui an la ngah em em bawk. A dang pawh a tam mai, duh tawk mai ila.
Chutiang nun ah chuan thihna kha chhungkaw pakhat a thilthleng ang tak tak a la ni a, an inlawm tawn a, an tlaivar a, an inriahpui a, awm ni an kham a, zan khat mai ni lo, zan 7 thleng in khawtlang in an invenpui a, a tawp ah chuan tlangval 2/1 phei chuan an riak hlen deuh chawk thin a nih kha.
Tun ah erawh chuan kan khawtlang chu hemi letling deh thawk hi a ni tawh a (thingtlang khaw tereuh te te huam lo in), enga tinge hmanlai hun a tha ber kha tun a la tunnun kan tum tlat tak le?
Similar Posts:
- YMA Darthlalang
- Isua danglam leh ropui bikna (Ro.1:4)
- Ka ngaihdan
- Tunge maw i nih a, a hriat reng che le?
- Paws keuh!
June 29th, 2014 at 12:29 pm
I thlir dan chu a dikna chen a awm. Tuna kan in buaipui ang hian theih chin chu kal zel phawt ila; mihringte kan tul tawhin kan khawsak a lo inchen ta lo zung mai bawk nen, chhawmnun zel theih loh hun chu a la awm ngei ang. Tunah erawh chuan ka sawi tak ang khian i kal zel rih phawt mai ang u.
Report this comment