mi(sual).com

Chutia nula hmeltha leh no tak tak te nena han innek a, an mawng bawr leh hnute vela min han nek vel takah chuan thianpa hi a lo harh ve hman ziah bawk a. Bena pawh kha ka dem em em bik talo, kei aia a hmuhchian zawk pawhin a insum thei tlat kha a fel ka ti khawp mai.

Hnung lamah nula hmeltha an awm a, an awm bawr vela min han nek palh zauh zauh chang te chuan kan hmalama ding te tukhum hmuam vek thei tur khawpa zau a ang in kan khi ver ver zel nia.

Chutah nula vawnban chang velo ten vawnchhan ah min han hmang ngat phei chu, motor a insawi deuh changin min han vuan/kuah nghet zual sauh a. Engtiklai pawhin kha motor kha khatiang khan bus kha awm reng se tih mai a awl khawp mai. Duh aia hma a an chhuk ngat phei chuan kan thlir zui vawng vawng mai thin a. Hmeltha vak lemlo leh tar lampang ten an rawn thlak ngat phei chuan hit lo rem rem tak ani.

(more…)

Tun tum chu masi bazar nawm thu hi kan ziak ve mai mai teh ang.

Masi bazar hi a lo va nuam ve aw ka ti mai mai. Abik takin keini motor nei phaklo ho tan hian a nuam lehzual hian ka hria.

Bazar turin kan han chhuak a, thingtlang pa tih takah motor(city bus) a kan han chuang tur ringawt pawh a nuam nghal em em mai a. Hnapkhawn pachang hmu ang mai kan ni nghal ngawt tawh a.

Bus chhung ah kan han lut a, thingtlang ah hnathawhna thlan rim leh zakkha rim, khaini rim thang har maiin a chawhpawlh chiaih mai te bula rimtui ti tak leh lungchim taka lo tal tlei ve thin khan perfume leh powder rimtui tak mai rim kan han hiplut vang vang thin te chuan kan vanram ngaihna pawh a khum thei hial dawn alawm le.

(more…)

The Fourth (other) Wise Man.(Christmas Pual) Part-2
Adapted from Henry Van Dyke by Joy Swartley Sawatzky

Mifing palina chuan Aigupta atanga tanin a zawng ta zel a, mi chi hrang hrang khawngaihthlak tak tak, Eitur neihloh avanga riltama thi turte eitur a pe a, Sal tang te a tlan chhuak a, mahse Pathian anga han biak tur em chu a hmu lo.

Chutiang chuan hun leh kumte chu a lo ral ve zel a. Kum sawmthum leh pathum chhung zet chu a zawng ta, a la beidawng bik chuang lova, a la zawng ta zel a. A sam te pawh chu alo tuak ve ta bum mai a, he khawvel a a zinkawng chu a lo zawh tawp hnai ve ta tih pawh a inhre chiang hle mai. A thih hma ngeiin tum khat na reng reng chu Jerusalem velah va zawn leh a tum ta a, hmu dawn ngeia inhriatna a nei tlat a ni.

Chutih hunlai chu Juda ho Kalhlen Kut hmang tura an inbuatsaih hun lai a ni a. Jerusalem chu mikhualin an lo zi nuai nuai mai a ni. Nimahsela, chumi ni kher kher chuan Khawpum mai chu thil pakhat buaiin an lo buai nuai nuai mai a. Chungho zing ami chu thil awmzia ahan zawhchian chuan, “Golgotha-ah kan kal dawn, I hre ve lo em ni? Suamhmang hmingthang deuh deuh mai pahnih an khengbet dawn a, Tin, an rual chuan Nazareth Isua an tih mai chu an khengbet tel dawn bawk a, Midangte tanpui an ngaihna a tanpui thin leh thilmak tam tak ti thin ani a, Mahse, Kan Puithiam ho leh Sakhaw rawngbawltute hovin “Pathian Fapaah a inchhal avangin thi tlak a ni” an ti miau si a, Roreltu Pilatan ‘Judate Lal’ a intih avangin Kraws a khenbeh turin thu a pe ta a ni. Tiin an lo hrilh a.
(more…)

The Fourth (other) Wise Man.(Sunday & Christmas pual)
Adapted from Henry Van Dyke by Joy Swartley Sawatzky.

Augusta Kaisaran Lalram tam tak a awp khawm lai khan Jerusalemah chuan Heroda’n Lal a lo hrawt ve bawk a. Chutih lai vek chuan Persia Ramah chuan Mifing pakhat Artaban Media mi chu tudang mah ngai bik lovin a awm ve bawk a ni.
Artabana chuan Arsi danglam tak lo lang chu a hmu a, Lal thar Ropui tak mai a piang dawn tih a hrechiang em em mai a, Nimahsela, a thiante leh thawhpuite chuan an awih sak si lo. Nimahsela ama lama a chian em em si avangin, a in leh Lo leh neih zawng zawng hralhin Chu Lal thar Ropui tak lo piang tur chu Chibai buk nan Lunghlu chi hrang hrang chi thum a lei a. Chung hun laia Van lam pang zirmi leh mifingte zingah chuan a ngaihdan ang chiah nei mifing dang pathum an awm ve bawk a, an hming chu, Gasper-a te, Melchior-a te leh Balthezar-a te an ni.

Artabana chuan a ip chu a han zen a, Lung mantam mawi em em mai pathum chu a han phawrhchhuak a. Pakhat chu Van thiang tak dumpawl kak ang maia dumpawl nalh hi a ni a, Pakhat erawh thung chu Zing nichhuak aimah a senlar nalh hi a ni bawk a. A pathumna ve thung erawh chu Zing nichhuak hlimin Vur tlang a chhun tlet sur ang maia thianghlim leh var nalh hi a ni bawk a. Lal tana thilpek atan pawh an hluin an tling tawk tak zet mai. “Sakhua ni ve si beiseina nung awm reng reng lo mai chu, Maicham mei mit duk ang chauh ani si a, awmzia reng a nei si lo. Artabana chuan chu nausen lo la piang tura chu mihringte tana chatuan nun neih leh theihna tur atana beiseina awmchhun ani tih hi a ringhlel hauh lo va, a ring nghet tlat zawk a ni.
(more…)

Elle-i chuan a fapa Frings-a chu kawrlum hak tirin a thuam lum mawlh mawlha. Ur lawk ni a ni a, Frings-a chu an in atanga km 4 vela hlaa awm a Pi leh a Pu ten an farmah leng tura an sawm avangin a phur hle mai a. A Pi  chhang ur lum leh sai ar sa siam, chhun chaw a a hmang tur mawlh mai chuan a ti phur zual a ni. A nu in a siam lai chuan Frings-a chuan, “A nu, zaninah Santa in eng thil nge min pek ang le, truck lem ka duh e..min lo pe se ka ti” tiin a tawng siam siama. Elle-i chuan a fapa sam chul sak hauh hauh pah chuan, “Mamte, santa chuan I duh ang thil chu a rawn pek ngei che ka ring, Sunday sikul a in thuvawn kha I la hria em?” tiin a han zawt nghal a.

Frings-a chuan phur zet hian Sam 25 na chu Sunday sikula an zirititu Pa in a hrilh ang chuan a sawi zat zata. A nu chuan, “Ka hmangaih che Mamte” tih pah chuan a biangah chuan a fawp zauha. Pawn lama Frings-a Pa hnathawk pawh chu a rawn luta. Frings-a hi an fa mal neih chhun a ni a. Duat theih pa tawpin an duat a ni. Frings-a Pi leh a Pu te hi a Nu Elle nu leh Pa te an ni.
(more…)

Help ti ve leh pawp mai ang, thupui hlapui a han vai chi em em phei chu a ni chiah pawhin ka hre lem lova.
Englo ania, hei kumin chu thingtlang atangin Aizawl lamah masi hmang turin kan rawn chhuk ve a. Kan rawn chhuk dawn atang khan ka rilru ah,’Kumin chu misual charity an siam leh ngei anga, Aizawl-a ka awm dawn avangin thawh ve ngei teh ang,’ ka ti rilru ve a.

Tichuan kan rawn thleng ta ale, naupang masi thawmhnaw leia kan bazar kha thingtlang mi tih takah it zawng leh duh zawng kan lo ngah hle mai a. Kan pawisa neih ve chhun tlemte chu kar lovah kan hmang zo titih der mai a, misual charity a thawh tur pawh ka nei ta hauh lo mai.

Tichuan kan han sawihova, kan chhungkua chuan thawh ve ngei kan duh bawk si avang chuan kan inbul dawrkai te kuhva rah thel a inhlawh kan rel ta a.

(more…)

Dithlifarfem ah dai a far ri kauh kauh a, chhun lama an lam khawmsa, iskut leh awmpawng kuang an hum far a, thenkhatin an lo tankai mek bawk a. Chumi zan reh tak chu an ta a ni a, an tan chuan kumkhata zan awmchhun a ni, pawh ti i la  a mawhlo hial ta ve ang. Exam pui chawlh an hman tik ata- ni nang, zirtirh bu an keu atang tawh khan he zan lo thleng tur hi an thlir a, an nghak a, an nghakchhuak ta. An tana Lalthar lo pian hun tur chu.

An buk thehlep tak chu thlifim vawt tak maiin ri miah si loin a chhem che dar dar a; Anmahni phuloa lian kawrchung lum leh lukhum phiar phawkphawhraw tak tak an khum nen chuan an meihawl thuk lem neihchhun chu an kil bial laih a, tuma’n tawng zai an rel lo. Chumi zan reh takah chuan Lal thar alo piang dawn tih an hria a, chu chu an lo hmuak a ni. An zinga upa leh hotu chan chang deuh ber, he buk an sak hlim atanga thawnthu leh thlahrang sawi tur hre thei ber pawh chuan chu zan reh tak mai han tibuai turin a rawl a chhuah lo a, kut khur hlau hlau chungin an meihawl thuk te takte chu a ai ve mai mai a ni. An kep silai leh an iptea halpuah leh eng hlo hlo emawni an ah pawlh te pawh chu phawrha hal pawh an tum chuang lo. An masi kawrmawi hak avanga an hlim phulhlut hun a la thleng chiah bawk si lo.

(more…)

KRISMAS DẦWN HIAN Ruth-i chuan lehkhathawn mak deuh mai hi a dawng nawlh mai a. A han hawn chuan ti hian a lo inziak a:

Duh tak Ruth, vawiin tlai hian in thenawmah ka rawn kal dẩwn a, zanriah rawn kǐlpui che ka tum ang.
I thian, Isua

Mak a ti hle mai a, ‘Isua hian eng vảnga min rawn tlawh duh nge a nih? Mi ropui leh hriat hlawh ka ni si lo va, eng nge ka lo buatsaih ang aw?’ tiin a inngaihtuah buai hle mai a. A pawisa neih a han en a, “ Isua zanriah kilpui nan chuan a tlȇm mange aw,” a ti a. Hmanhmawh takin bazar turin a chhuak ta a. A bazar zo in lam pana a kal lai chuan mi pakhat hian a lo ko ding a. “ Ka pi, khawngaih takin min tanpui the, inhlawhna tur ka hmu si lo va, ka nupui leh fate nen riltamin, mi khawngaihna kan lo dil chawt mai a ni,” tiin a bula a nupui leh fanu riltam hmȇl leh vawt ti taka khǔr bauh bauh te chu a kawhhmuh a.

(more…)