Archive for the ‘Event’ Category
Ethical Hacking Workshop
Monday, September 24th, 2012Camera trick a tello.
Friday, September 21st, 2012Ni 19, September, 2012 khan Champhai District Karate Association chuan Kumin a National Level a Gold 3, Silver 3 leh Bronze 1 an lak leh, Kumin vek a Inter-District Karate Tournament a an medals lak te chu Champhaiah an lawm a. Hemi tum a show an siam pakhat pics te hi kan tar chhuak ve ang e.
Stool 2 chungah Chi (salt) pava khat awm vel ve ve chhun vum a ni a. Chumi chhun vum chhipah chuan, artui hel dah a ni leh a. Chu artui 2 chungah chuan fu (sugarcane) tlawn kham a ni.
Stool te hi a nghet thei ang ber a chelh beh a ngai.
MZU Sports vawi 11-na tan a ni dawn ta!
Sunday, September 16th, 2012Mizoram University Sports vawi 11-na chu September ni 17 atangin tan a ni dawn ta. He college infiamna runpui hi opening ceremony a awm dawn lo va, hmun hrang hrang pali – Kulikawn Indoor Stadium, Chawnpui Basketball Court, Tuikual Indoor Stadium leh MZU-ah khelh a ni ang.
Infiamna chi hrang hrang chi 6-a inel tur a ni a, chu’ng te chu, Football, Volleyball, Basketball, Badminton, Table Tennis leh Chess te a ni a. Football hi Lunglei lamah khelh tawh niin, final hi Govt. Aizawl College leh Govt. Champhai College te’n a tawp ni, September ni 21-ah Lammual-ah an khel dawn a ni.
MZU Sports hi thalai thisen lum intihsiakna tih takah buaina a chhuak fo va, a buatsaihtute lam paw’n buaina chhuah loh nan ruahmanna chi hrang hrang an siam thin a. Kuminah pawh security tha leh khauh zawk a awm ngei a beiseiawm. Mipuite paw’n buaina a chhuak a nih pawhin college zirlai zawng zawng dem lovin buaina tichhuaktu kha dem mai tur a ni.
He sports hi Mizo infiammi tam tak, infiamna hrang hranga Mizoram players tam zawk mah telna tur a ni a, chuvangin a ropui leh mep mep hle dawn a ni. 
He post-ah hian chanchin lo update zel ila, a fuh phian awm e.
‘A changtunu’ a che dawn ta!
Tuesday, September 11th, 2012Misualdotcommer duhawm tak, Rosy K. Remsangpuii (A changtunu@misual.com) lehkhabu pakhatna, ‘Manners & Etiquette’ chu September ni 12 (Wednesday) chawhnu dar 2-ah Pi Lal Riliani chuan CM Bungalow Hall-ah a tlangzarh dawn ta!
He lehkhabu tlangzarh inkhawm hi Pu C. Lalthakima’n a kaihruai dawn a, Sangzuala (MZU)-in lehkhabu thlirlawkna a nei ang. Programme hlimawm tak hman tum a ni a, refreshment tuihnai tak a awm dawn bawk. A ziaktu, Rosy-i hian misualdotcommer tawh phawt chu a sawm a, a thei thei i kal ang u.
Lehkhabu hi phek 200-a chhah a ni a, cheng 150 man a ni dawn a, a tlangzarhna hmunah cheng 120-a lei theih a ni ang. He lehkhabu hian a hâwlkim hle dawn a, a thu hriatfiah a awlsam zawk nan a lem nen entirna siam a ni a, hei hian a tiphuisui hle.
Ka tel lo pawh hian
Monday, September 10th, 2012Kâr hmasa mai khân eng emaw avangin nikhat pum ka mi(sual) lo zuai a. A hnu-a ka’n luh leh chuan… ngai teh, heti ang thil hi ka hmu a… >>>
Ka tel lo pawh hian in tlei reng tho.
Ka tel lo pawh hian in awm thei tho.
Ka tel lo pawh hian in hlim reng tho.
Ka tel lo pawh hian in la nawi reng tho.
Ka tel lo pawh hian in nui ring reng tho.
Ka tel lo pawh hian thu paws in bâng lo.
Ka tel lo pawh hian hnangfâk in tlachham lo.
Ka tel lo pawh hian in la ‘tren tren’ reng tho.
Ka tel lo pawh hian inhnial in la hrât reng tho.
Ka tel lo pawh hian ‘hairehai’ in tîm chuang lo.
Ka tel lo pawh hian he site hi tlawh in bâng lo.
Ka tel lo pawh hian in ngaihtuahna in chawlhtîr lo.
Ka tel lo pawh hian thu ṭha ṭak tak in ziak reng tho.
Ka tel lo pawh hian a ṭhen chu in la khûnkhân reng tho.
Ka tel lo pawh hian thu khelho laih laih in sim chuang lo.
Ka tel lo pawh hian hmêl ṭha chu in la lâwm reng tho a nih hi!
Chuvangin ‘tel lo’ nih hi ka duh tawh lo va. Ka hman a, hunin min phalsak phawt chuan ka tel reng tawh ang! Ka tel lo hian in lo awm thei êm mai! Ka thîk tlat che u. Ṭhêm ṭhâwm hlawm che u hian! Min ngai lo hlawm si… 
Mi huaisen Bishnu.
Sunday, September 9th, 2012Facebook-a ka friend pakhatin a Like azarah ka lo hmu ve a. Facebook group pakhat Indian Army + Air Force + Navy group a mi a ni. Hmanni khan Zofate zinga hriatchian theih china palian leh chak ber ni a ngaih Kapkhawvunga chanchin kha ka rawn Paws tawh a. He mihuaisen chungchuang tak chanchin hi thu hlui deuh tawh ni mahse I han thai lang ve leh hrim hrim teh ang.
A hming chu Bishnu Shrestha a ni. Sipai niin, Kum 35 chauh ala ni nain, Voluntary pension-in a pension a. Chumi a haw lam chu kum 2010 September ni 2 khan, Maurya Express Train-in Ranchi atangin Gorkhapur(Gorakhpur?) lam a pan mek a ni.
Chutia lungmuang tak leh a chhungte hmuh nghakhlel taka a chuan lai chuan, an rel chu misual rual mi 40 vel zetin an rawn suam ta a. An neih thilte an laksak hnuah nula tleirawl pakhat kum 18 mi vel chu a nu leh pa hmuh lai ngei mai chuan pawngsual tumin a thawmhnaw an hlih luih sak tan ta a ni. A nu leh pa te chuan lainat teh mahse, engmah an tithei bawk si lo.
(more…)
Inngaihtuah fim thin rawh.
Sunday, September 9th, 2012Hun rei tak atanga a lo er ve tang tang a ni a, a tawp a tawpah chuan, Pu Rudolph-a chuan a it zawng tak mai Car nalh tle zak mai chu a lei ta nge nge a. A rilruah thil dang a leng meuh lova, naupang thil thar nei ang main, a hrufai a, a tihhtletna hriak chulhin a hrufai tle var mai a. Chawei theihnghilh lek lek khawpin a lawm a, chaw ei kham thuai thuai a, bazara han chhuah pui a chak tawh kher mai.
Tukthuan chu a ei sawk sawk a, a ei kham veleh chuan, a kam a thuah puat puat a, bazara chhuak tur chuan a insiam ta thuai thuai a. A insiam zawh a, bazara khalh chhuak tura hmanhmawh taka a han chhuah chuan, a thil hmuh chuan a thinphu a ti rang ta vek mai a, a thin ur chu a so bulh bulh mai a ni.
A fapa naupang kum 8 mi emaw lek chuan, thirzumin a lo thai rang mial mial mai a, eng lem lem emaw a ziak ve a nih ngei a ring a. Chta a thinur han so bulh mai chuan eng dang ngaihtuah tawh lovin, a hmuh hmasak ber Wrench(Motor nut herhna thirtlawn) chu a chuh lawk a, a fapa kut chu a hlap ta pawp pawp mai le.
A thil ken chu thir chang tha tak mai a lo ni a, patling thinur tak tak chuan a tha a lo sum kar reng reng si lo va, a thiltih pawizia a han hriatchhuah meuh chuan, a fapa chu na tiin a tap tuar tuar ta mai le. Chutah le, Damdawiin lam an pan pui ta chuk chuk mai a. Doctor ten an theihtawp an chhuah nain, patling thinurin dimdawihna tel miah lova, naupang kut no tak thirtlawna an han hlap chuan, a kut ruh chu a lo sawp hneh hle mai hi a lo ni a. Tihngaihna awm ta ngang hek lo le, a kutzungtang zawng zawng deuhthaw chu an tan a lo ngai ta a, an tan ta a ni.
(more…)
VANGPUI KUT (Khuangleng khua kum 125 na lawm turin a inbuatsaih mek)
Saturday, September 8th, 2012Mizoram khawchhak Champhai district chhunga awm Champhai a tanga Km 40 a hla , Burma border area a awm LEN TLANG pang leh Rihdil pawh lang theihna hmun a awm a ni a. Khuangleng khua chuan kan hmalawk November 2012 thlatir hian kum 125 na lawm turin kan inbuatsaih mek a . He khua hi Mizoram ah chuan khaw upa ber te zing a mi niin chanchin chi hrang hrang sawi tur pawh a nei ve nual a, Vaihlei a khua ti a hriat lar thin a ni. LAL HLAU LO THI thawnthu leh Vaihleia a tang a lar tan in kawng hrang hrang ah chanchin sawitur a nei ve nual a. Tunah hian in 350 atang a in 400 inkar bawr vel ni in East tuipui bial chhung a awm a ni a. ‘ S’ Khawbung RD block chhung a mi niin Tuipuiral kawtchhuah a ni. He khua ah hian zirna in Primary school 2 , Middle school 2 , english medium leh High school te awm in khaw inlung rual tak kan ni a.
Thingtlang khaw nuam panngai tak a ni a, fiamthu nei sang tak mi tam tak tan chuan leikuai tham khawp a infiam ching thin mahse an thinglung lam inpawhna that vang a nui liam thei zel an ni. An thalai te hian hna an thawk nasa hle a vaihlo leh sawhthing an ching nasa a zirna an uar hle bawk. Kum1987 kum khan Kum 100 na centenary an lo lawm tawh a. kum 2010 khan kohhran centenary an lo lawm tawh bawk a tun ah hian Presbyterian Kohhran biakin 2 a awm mek a ni. November 2012 chawlhkar hmasa ber hian VANGPUI KUT hming chawiin kum125 na chu Ruai nen Ropui tak a lawm turin kan inbuatsaih mek a. Hetah hian a duh a piang tel turin ZORAM MIPUITE kan sawm che u a, mizo zia rang chi hrang hrang pho chhuah tum a ni e.
khuangleng chanchin kimchang chhiar duh tan a hnuai a link ah hian a chhiar theih e. 
https://khuangleng.blogspot.in/2012/08/khuangleng-khaw-chanchin.html
Tum loh deuhin…
Wednesday, August 29th, 2012- Kan tleirâwl chhuah tirh khân tum loh deuhin ka nu leh pa awm tha duh lo lai ka phâwk pek alâwm le. Nuam lo rem rem.
- Pâwl VII kan zir laiin tum khat chu zirtirtuten pâwna chhuak tûrin min ti a. Tlar hma lama ka thiannu pakhat chu a dâra ben keuh paha “Chhuak ang” tih ka tum a, a lo che sawn khang lâng a, tum loh deuhin a hnute ka’n bêng thle sawk mai ah! Min melh rum teh asin.
- BA ka zir tirh lam khân tum loh deuhin ka thiannu laibu ka khawih palh leh pek a. “A pawi lo, a pawi lo” a tih mawlh mawlh lai chuan khawih nawn leh ka châk teh asin!
- BA ka zir tirh lam bawk khân ka thiannu pakhat chuan tum loh deuhin ka ‘thil’ a khawih palh alâwm le. Kei lah zak bawk, ka haider lui vêl! Ani lah sawi chhuak duh si lovin a nui khûr char char! A hrilhhai thlâk duh mai mai.
(more…)
Ni 4 chhûng khân…
Tuesday, August 28th, 2012Ni 4 chhûng khân ka nguai
Ni 4 chhûng khân ka hlim lo
Ni 4 chhûng khân ka bangbo
Ni 4 chhûng khân ka hawi hil
Ni 4 chhûng khân ka nui tam lo
Ni 4 chhûng khân ka khua a har
Ni 4 chhûng khân ka lung a lêng
Ni 4 chhûng khân tihtûr ka hre lo
Ni 4 chhûng khân khaw nge in awm?
Ni 4 chhûng khân min ngai ve viau em?
Ni 4 chhûng khân thian kawm tûr ka nei lo asin
Ni 5-naah erawh ka tha a tho ta!
Ni 5-naah erawh hlimin ka nui ta!
Ni 5-naah erawh ka harhvâng ta!
Ni 5-naah erawh ka lâwm a kim leh ta!
Ni 5-naah erawh thian kawm tûr ka nei ta!
Ka tawn...