Times magazine chhiar tawh hnu, November ni 28,2011 a chhuak chu ka fanu chhiarkawp chawk ka villaiin ka keu leh vel mai mai a. Chumi lehkhabu a “The 50 Best Inventions” tih thupui hnuai a phek 61 ami, tawte a inziak chuan ka rilru ala ta riau pek a. Kan chhut-kir leh pawhin ka chhiar tawh awm reng ka hrelo. A dangdai em mai a, mahni a maimichhin pui veng veng phei chuan an thuziak chu, “Engemaw chenah chuan anih theih dawn hi a,” tihna rilru ka nei ve ta a ni.
Chu thu inziak chu, “Most Relaxing Song” tih a ni a, ‘song’ tih hmang mahse zai erawh a tello thung. A tir lamah chuan a ho ka ti khawp mai mahse, mahni a han ngaihthlak veng veng erawh chuan alo hahdam thlak khawp mai tih ka hre ta a, meditation ti thin tan phei chuan a hahdam thlak thei zual viau tur ania! Ngaihthlak thuak erawhin ho ti fe fe in tam khawp ang.
Engpawh chu nise, he rimawi hian awm hle hle theih lohna, helhhawlh te pawh kan ti thei ang chu (anxiety) 65% in tihniam theiin, lungphu pawh ti hahdamin a phût ran lam pawh 35% in a tihniam thei ani tiin mithiam te chuan an sawi a. Tin, scientist-te chuan mutchhuah theihna (somnolence) atan a that em avangin, mahni a motor khalhte chuan ngaithlalo turin an ngen nghe nghe a ni.
(more…)
