Fakhla mawi tin rengte an sa,
Chawimawina nopui an hlan;
Chawimawi tlak Pathian tan chauh,
Hlan ve ka nuam fak hla mawi.
A pianna hmun a tlawm lua,
Ran thlengah a lo piang e;
Silhpuan nei lovin a chawi
Sakhming tha a chun Marii’n.
Tlawm takin bul a tana,
Rethei taka hun hmangin;
Mualpho takin a thi e,
Lal riangvai a va ni em!
A lenlaiin thlawm mah se,
Ka thinglungah erawh zawng,
Lal ber i ni reng ang a,
I ta ka ni kumkhua ang.
Piang lo tùra mawi, Chûnnu-in min chawi;
Ram nuam ka fang lo, Chhîngmittui a ko.
Khawiah mawina chu? Khawiah hlimna chu?
Sakruang a mawi e, Ka dem hauh lo che;
Seih zùnah uaiin, Finna kalsanin,
Tlân bosan mah la, I thinlung mawina.
Mahse e, ka thian, Rilruah a lian;
Pâwn lam hlim siin, I seih mawi viauin,
Thinlung ngui si se, Dam i ni em le?
Nuih a zawngah chuan, Pâwn lam seih ai chuan;
Thinlung nuihza hi, Seih mawi ber a ni.
Pâwn lam tap mah se, Thinlung nui rawh se.
(He hla hi hmanni chu naupang ho zirtir ka tum a, ka lo thiam chhuak tawh mang hauh lo mai a. Kan google ngial a, ka hmu mai bawk si lo. Song book hlui tawh tak atangin ka hre kim thei ta. A mamawh tana zawn chhuah tur a awm nan leh he hla lo lunglenpui ve tawh thin tute zawng zawng tan ka rawn vawm bei ve leh thawr mai.) 
Lungduh inthenna ram khawvel hmun zauvah hian,
Hlim leh lawmin leng thin mah ila;
Thenna tur ni kawlah a lo chhuak leh si thin,
Rualduh thenna biahthu ‘Damtakin’
Tih reng a bang thei lo.
Laikhum zalin tinkim ka dawn vel a,
Ami zawng zingah rai ka rah hluan e,
A pawi em mai, zuapa’n fam a chan kha.
Zaleng zawng laikhum belin an chhing e,
Rianghluan val erawh rai ka rah vang a,
Zanmu chhing lo laikhumah tham vel e.
Tinkim dawnin lunglen kimte’n a tho e,
chhimtiang ramhlaah riahrun ka rem ta si,
Ka ngai mange chhungkim chhenna kan run mawi.
Lenthiam ila, chungsirvate iangin,
Fan ka nuam kan lenna vangkhua tual nuam,
Min ngai ve ang maw, lungduh lenrual khan?
Ka zuam mawlh lo, di tel lova tlaini len zawng,
Mahse tlaikhua lo nguiin, chhawrhthla kai mah se,
Bawihte, kar a hla lua e, in run lawi nan zawng.
Enin a thlir, a kimtlang
Thlekin a chik, a sakruang
Helin a dil, a thinlung
Nemte’n seih in a lo chhang.
Par ang vul, atan khuavel
Dar ang hlu, atan khuarel (more…)
[Source : Mizo leh Vai Chan Chin Bu – Bu 8-na August 1912 ]
Khawvel a ka thian te u, ka hming hre phak tawh phawt chu, lehkha ka thawn a che u; Nangni’n ‘Awi-Thang pa chu a thi ta’ min lo ti a : tun a zawng Pathian zar a ka la dam rih ani. A chang leh “Pathian thu a awi ta e” min lo ti bawk a, ka la awi bawk hek lo, misual ka ni avanf in.
Tun a ka thian Makthanga Borsap khawl Babu hnen atangin ka rawn thawn a che u. Tun hnu an pawh ka thian Makthanga’n a awi chuan, ka la han hrilh leh thin ang che u. Dam tak in lo awm theuh bawk ula.
1. Fam a awl kher mang e di ngaih chu,
Tuah khaw awm thing len-tu zing ri riai hnuaia,
Awi-Thang pa nau ang ka nuar ngawi e.
2. Mi hal lo la I an-ka ka dawng nuam e,
Sap-bawi-pui pa hmar tlang sial mah hian lung-di,
Sih-zawl an buan ang a pawm leh thin.
3. A sakhming tlai-len pui ka bang nem maw,
A par a par ka ngai chul thei lo mi u,
Ka ngai zual mang e hlei hluan a.
4. Ka tawng-mang reng Nikhum pa’n ka tuar zo lo,
Lung-len zai nem ka vawr ang dawl lung shang a,
Tah ruai ruai Lalhniang a awl ngei e.
Awmlai lunglian lo hrângin a fam ta!
Heti éma liam tura’n ka phal lo;
Nun khawhar hnêmtu i zai rimawi kha,
Ka chan leh tâwk mai a lo ni ta maw!
An hril a sakhmingah ‘Samthang Lelte’
Ka chawi nang e ‘Zoram Lelte’ tiin;
A nghilh lo’ng Zoramin Zoram Lelte,
Zaikhata min luantir thintu tiin.
Min dem lul s’u Zofa lêng zawngte u,
Ka ui ém a ni Hmangaih CFL!
Ka tuar thiam thei dawn lo, aw Remruattu!
Engah nge fam i chantir CFL?!
Tahlai ka bâng thei lo, a na vawng vawng;
Mangtha aw CFL, mangtha vawng vawng.
* Shakespearan Sonnet a ni a, a, ka ui ém a ni!
He hla hi 18th June, 2008-a ka phuah a ni a. He hla ka phuah laia ka rilrua awm ber chu Pathian ropuina nasatzia te, chawimawi leh fak a phuzia te a ni. Amaherawhchu, Pathian hi kan fak avanga ropui ta a ni lova, kan chawimawi avanga thiltithei ta a ni chuang bawk hek lo. Keini mi tling lote hi Krista thisen tlanna a zârah kan fakna leh kan chawimawina hi lâwm takin a lo pawm mai zâwk a ni. Khawngaihna avang liau liaua fak leh chawimawi thei kan ni tih kan inhriat chian zawh poh leh kan fak nasa ting mai dâwn a ni. He hla hi The Salvation Army Central North Division Songster-ten min dîl a, ‘A hmangaih a ngai reng fo’ tih Music Video Album an siamah an telh ve a, nimin (8th September, 2012) khân an released. Pathianin ropuina chang rawh se!
Allegrezza con Brioso (phùr leh tha tho, rang deuh hleka sak tùr)
Verse 1
Aw, ropuina zawng ka hlân che kumkhuain,
I hming ropui zêl se aw, he khawvêlah;
Aw, chawimawina zawng ka hlân che chatuanin,
Khawvêl ram zauvah hian aw, lo mawi zêl la.
Chorus
Amen! Haleluia!
I hming ropui hi kan fak;
Ropuina, chawimawina zawng,
Chatuanin i ta a ni.
Aw, Lal ropui ber, chatuanin Amen!
Verse 2
Vân zai mawi ri leh seraf thianghlim aw nên,
I thianghlim zia puang se aw, van chung sângah;
Hringmi ânka leh nungcha lêng zawng zawngten,
I hming fak zâi vâwr se aw, he pialleiah.
Verse 3
Van mipui zawngten fak zai rêng châwl lo u,
Leia hringmi zawngten aw, kan châwl bîk lo’ng;
Perhkhuang tingtang leh rimawi tinrêng remin,
Lalpa chawimawi ula aw, Haleluia!
Thiam zirna rún sáng ka rawn kai ve a,
Min pawmin min fah zo ngei, thiamna te;
Ka tân auvin a thlantui a far e,
A rawn lang e, hmân ka duhaisam kha.
Mi të ber atanga min chher chhuah kha,
Hring chan chhûngin nghilh hian ka mawi lo ve;
A thiam finna kimte’n min hlân zel se,
Chu ngei chuan mi chantir ang, malsawmna.
Duhaisamah sâm luat a awm em ni?
Ka suangtuah ram luahtu chu zirtirtu –
Midang tâna thiamna petu nih hi.
Hlimin hmang la dam chhûng hun tawitë chu,
Thang chhuak se, i aw râwl mawi thangkhâwk ri;
Khuavelah vul nang che, aw zirtirtu!
* Italian Sonnet a ni a, hlathu-a dah ka tum lui tlat sia, ka thiam mang der si lo va, a khiti ta nuai mai a nih khi – hei lo liama thu leh hla. 
Heti ang mi hi awm ta se…
Nupui/pasal/fate atân kan duh âwm si, phû kan inti âwm bawk si lo! Te ka tia 
