Archive for the ‘Politics’ Category

Ngaihtuah zui peihte tan

Monday, December 3rd, 2012

Middle East kan tih ramah te hian Shia muslim leh Sunni muslim te an awm hrang hlawm a. Anni pahnihte hi Prophet Muhammad thih atang khan “tunge Musliam ramte enkawl ang,” tih thu a ngaihdan inpersan ta kha an ni a. Anni, Shia leh Sunni te chung a rorel tur chu, an hlauh zawng tak nih a ngai.

Iraq ram chu alo chak ta thur thur a, US President Reagan chuan 1982 khan Iraq a thlawp tih kan hria ang chu. Iran pawh 1950′s chho velah chuan US hian thianah alo siam tawh thin kha ani a! Rei tak, million chuang Irag leh Iran indonaah an thi a, chumi karah chuan US intelligence te an vir kual zak zak em?

Hman kum lawkah chhuanlam fahrah lutuk hmangin US chuan Iraq a run a, an thian thin Saddama chu an man a, an khaihlum ta a nih kha. Tichuan, Iraq chu US duh danin democracy ang a rorelna hnuai a awm tir an han tum ta a. Shia leh Sunni te hi mahni a inrelbawl duh, tu zawk zwwk mah an chung a lal tur a duh lo an ni ve ve tih an hai ang em? Tunah an buai chho mek a ni a…

(more…)

Posted in Opinion, Politics | 5 Comments »

RAH BEH ATA ZALÈNNA

Saturday, December 1st, 2012

Dàwn sûkthlêk min bawih bet ang maw?
Nawr luiin min sãl nghet ang maw?
Dawt fir, thudik suaka sepin an fîn,
Thiang ngai lo tur tawktarhin an sîn.

Lairil zawng pheiriata rílin a zêm khat zova,
Suangtuahna pawh chukan a chù zeng ta.
Thlunglú kha veng rawh, i thluak an sù e,
Hmuichukchuriduninu’n a dawtsak mek che.

Mutmú i tuah nghet lua, i kamchhuak reng a vài,
Mãng leh tak ram zawng chiang teh khài.
Thuneihna uanpui, tiamthu sût ching ten,
Bum fo che suh se, hnehna hladó chawi len.

Posted in Mizoram, Poetry, Politics | 6 Comments »

Mizoram a Autonomous District Council lo pian dan… (Chakma ten Zofate min pawngsual e!)

Monday, November 26th, 2012

(He post hi CYMA leh ADC lam chungchang piah lama thalaiten a kan hriat tur a bulfuk atangin kimlo takin ka rawn ziak ve a ni a. Tin, Mara leh Lai naute hi Lakher leh Pawi ti a hriat thin an nih avangin ka hman pawlh bawk)

India a lo Independence hnu kum 1952 ah Constitution hnuai a Sixth Schedule zuiin Assam state hnuai a ADC pakhat, Lushai Hills Autonomous District Council a lo piang a. Hetih lai hian Lai leh Mara unaute (Pawi leh Lakher tih thin) chuan Lusei hnuaia awm ai chuan tiin mahni a ro inrel ve an dil zui nghal a. April ni 23, kum 1952 ah Pu CH. Saprawnga (Parliamentary Secy to the Govt of Assam) chuan Lungleiah Pawi-Lakher Regional Council chu a hawng ta a. Lushai Hills tih pawh chu Mizo Autonomous District Council tih in 1954 ah thlak a ni ta bawk a.

Regional Council vawikhat inthlanna neih nghal a ni a. Mahse, CEM post chungchangah Pawi leh Lakher unaute an inlungrual theih loh avangin Assam sawrkhar in PLRC enkawl turin sawrkar hnathawk kum khat chhung atan a rawn ruat nghe nghe. Kum 1958 inthlan tum hnihna neih a ni a. Heimi tumah ah hian Lakher lam hi Pawi unau lam ten key executive post an hlan duh tak lo vah chuan an ti tau a.

1963 ah Mara Freedom Party din a ni a, an thil tum ber chu Mara ADC a hrang a neih a ni. Tichuan inthlan pawh chu an boycott zui ta a. Interim Council dinin Regional council parallel in an kal ve ta zel a. Pawi lam unau te hi Chakma ten support in rorelna an kal pui a.He term chhungah hian Mizoram a lo buai takah chuan hna mumal in Regional Council te hian hna an thawk thei ta lo a ni.

Term lina, kum 1968 a lo her chhuah meuh chuan Mara unau te chuan boycott in awmzia a nei lo tih hria in inthlan hi an chuh ve ta a. Mara Freedom Party hmingin inthlanna ah dingin an candidate pali zing a pathum te chu uncontested in an tling ta a ni. (more…)

Posted in Information, Mizoram, Politics | 20 Comments »

CHAKMA TE HI TU TE NGE AN NIH?

Saturday, November 24th, 2012

By – Lalthara IAS.

Kan naupan lai chuan “Tuikuk” leh “Takam”ho hi kan hlau thei em em thin a. Kan khua Reiek chu an Aizawl kal na kawngah an hman thin avangin saruak a hrenpereng chuah kaih a an kal dum dum kan hmu thin a. Nauoang tap thlem leh tihthaih nan pawh, “I ban loh chuan Takamin an man ang che,” kan ti fo mai. Khanglaia Takam ti a kan hriatte kha ‘Chakma’ hi an lo ni reng mai a.

Tun hnai mai a Chakma hovin Mizoram leilung atang ngei a UT sahthlak an ngiat tak avang leh Rajya Sabha Committee On Petitions in an dilna chu an lo recommend chungchang hi kan buaipui zual tat hut mai a. Chakma te hi tu te nge maw an nih a; engtia Mizoram chhunga rawn lut nge an nih a; engtia Chakma Autonomous District Council hi lo piang a; Chakma Minister te meuh pawh lo nei ta zel mai nge kan nih? tih zawhna angte chuan Mizo thangtharte rilru a luah tan ta a. All Mizo Post Graduate Students Union in min rawn ngen na angin he Article hi ka han ziak ve a ni.

An tobul: Chakma hote hi awmna ram bik nei mumal lo (Nomadic Tribe) anga rei tak an khawsak avangin a tobul pawh hi chiang faka chhutchhuah a harsa a. History ziaktute pawhin chiang leh mumal tak a ziah tur an hre tlem hle a, an rinsiak vel mai mai a ni ber. Mongolian thlah zinga Tibeto-Burman pengkhat an nih ring an awm lain thenkhat erawh chuan Tai-Shan emaw, Mon-khmer thlah emaw atnga lo chhuak niin an ring bawk.

(more…)

Posted in Information, Mizoram, Politics | 43 Comments »

MNF leh PC inchhunfin chungchang hi.

Saturday, November 17th, 2012

Kan hriat angin,MNF leh PC Party te chu an in zawm ta a,MNF party president Pu,Zoramthanga chuan, MNF leh PC party an inchhunfin chuan pawl dangte a barakhaih hle nia sawiin, a party chu atirah ‘a phal’ nen an an rawn lutah, hemi hnu hian ‘a vawnga’ lutin, tunah chuan ‘a hruih’ nen an inlawmlut mek niin a sawi bawk.

Zoramthanga chuan party pahnih infin a, party lian zawk din mai piah lamah an tum ber chu ram leh hnam leh sakhua hum-halh a nih thu a sawi a. Kum 10 chhungin Mizoram sum thawh-chhuah (per capita income) chu a sang bera siam theih anih laiin, economic khawvela Mizoram sa-huat ber retheihna hmanga vote zawn nan mipui te chu beih an ni tih a sawi a, sorkar laipui-ah tualto party ten thil an ti thei tawlh tawlh a, hei hi national party te chuan hria in rethei taka state mipui te siam hnuah sum hmanga thlem leh an ching niin a sawi bawk.

Mizoram chu hnam leh sa-khaw hrang hrangin a hual chung-in ruahtui, sik leh sa, ramngaw leh thlai chikim lo theihna anih bakah tuialhthei leh gas lipui chunga awm a nih thu a sawi. Zoramthanga chuan Party dangte chirthehna chu awmze nei lo ani tih sawiin, “Tunlai khawvel technolgy hunah chuan thangthar ten facebook an tih tawh laia, political ball atan Sertawk rawn ken-chhuah hi thangthar ten an pawm tawh lo,” a ti bawk.

(more…)

Posted in Politics | 12 Comments »

Khawvela President hausa ber

Thursday, November 15th, 2012

Source: BBC.co.uk

Jose Mujica: The world’s ‘poorest’ president … hei hi BBC report ah ka hmu a, hmanni Zonet Fakselna ah “USA ah politicante chu an lal rei tial tial a, an cher tial tial a, Mizoram ah chuan an thau tial tial”, tih leh a hma lawka “Ram dangah chuan pawisa hmangin kawng an siam a, kan ramah chuan kawng hmangin pawisa an siam”, tia thiam taka kan ram nawm bik zia an sawi min ti hrechhuak uar uar mai. Uruguay ram President His Excellency Mr. Jose Mujica hian a thlakhat hlawh $12,000 atanga 90 vel lai charity atan a sem ral a, thla khata a kuta hman ral chu Uruguay rama thla khat chhung per capita share of GDP (per capita income, tih hi a dik lo nasa mai ania, khawi ramah mah GDP inzat thlapin an sem ral lo) $775 aia tam deuh awrh chauh ani. 2010 khan a asset a declare chu $1800 chiah, ama ta ve Vokswagen Beetle, 1987 model man.
A hlawh ah a lungawi hle aniang, sawma pakua lawih midang tanpui nana a hmang. Hetiang hi kan ramah an awm ve nual ka ring, Kristian tamna ram ani si a.

Posted in Economics, Politics | 11 Comments »

DANIELA HAPTA v.4.1(1948-2018)

Friday, November 9th, 2012
DANIELA HAPTA INTHUAHTHIP
A kum leh Bible chang leh thildang pawh a diak diak in ka sawi dawnlo a nia aw, in man a, in rin a, in singsak nachang in hriat chuan chu chu a tawk der.  :)

KUM 70 saltan chhan:Khatia Israel Lalram chu Solomona hnu a lalram 2 a an lo inthen darh tak khan, nasa tak in ram chu a khawlo ta a, Hmar lam Lalram, Israel hnam 10 te chu Assuria Lal Tigleth Pilesar II  in 722* BCE ah khan a rawn tuktlawm ta a. (Chu chu hnam 10 te an bo tanna an chhui tanna point lar zet pawh chu a ni. Joshua hova Jordan lui an kan dawn khan kan ve duhlo hnam kha an lo bo tawh bawk a nih kha aw, chumi hma leh khan Aigupta a Mosia ho a tuipuisen an kan khan kan ve duhlo an lo bo tawh bawk, tah hian Josefa fapa 3-na, ro luahtu tur, Ephraim leh Manasia naute thlah pawh a tel maithei a ni ??)

Chuan hmar lam chu sawilo law law tawh ila, Puithiam an neive tawhlo a, Jerusalem an nei ve tawh lo bawk a, chhui zui lo ila. Sabbatical years, kum 7 dan a ram an awltir thin chu an lo bawhchhe nasa ta em em mai a, a vai chuan sabbatical years 70 an lo bawhchhe hman(weekly sabbath nen ngaihpawlh loh tur aw, an hrang a nia). Chu an bawhchhiat kum 70 chu Pathian in a enliam mai mai ta hauhlo mai le, Ram chu kum 70 a awl tur a ni ta tlat. Chu chu kum 70 Babylon sal a an va tanna chhan bulpui chu a ni e.

Jeremia 29:10 “LALPA chuan heti hain a ti si a, Babulon tan kum sâwmsarih chu a kin veleh ka rawn kan ang che u a, in hnêna ka thutiam tha tak chu ka hlen ang a, he hmunah hian ka kirtir leh ang che u.”

Chhimlam Lalram, Judah erawh chu a la kal zel a, Babulon Lal Nebukadnezzar an vawi thum a rawn run ta a ni. BCE 607*, BCE 598* leh BCE 586* ah te. A run vawikhatna ah hian Daniela te thianho 4 pawh hi sal a hruai zing ah an tel a ni. Nebukadnezzara khan a duhsak em em a, mahse a hnu a Babylon Lalte khan an hre zui ta lo, kum 70 a liam dawn ruai a, Medo-Persia in Babylon chu a rawn run a, a hneh a, Daniela chu chawisan a ni ve leh ta chauh a, kum 80/90 lai a upa a lo ni tawh a ni. Chuan putar Daniela chuan Jeremia sawi kum 70, mi ram a an saltanna chu a zo dawn tih a hrethiam ta a, chuta a mite awmdan tur ah chuan a buai em em a, Messia lokal a, Juda lalram ropui tak indin tawh tur a beisei nen, Pathian hnen ah ni 21 chaw ngheiin a tawngtai ta a, he Hapta 70 hrihlfiahna hi a dawn ta a ni.
(more…)

Posted in Politics, Religion | 26 Comments »

I han thlir tlang mai mai teh ang u!

Thursday, November 8th, 2012

Tun hma a kalo sawi ṭhin tawh angin, vun rawng emaw, ram chhawr chhuahna emaw, an hna-chelh vangin emaw tumah ka en sangin ka en hniam phah ngailo tih ka sawi tawh ṭhin a ni a. Tin, chutih karah chuan, mimal zawkin ka ngaihsan tur leh ngainat tur emaw ka thlir zawk ṭhin thu pawh ka lo sawi tawh ṭhin bawk.

Awle, chutiang lam a thlirna ka nei lo tih ka insawi ta bawk a, United States ram miten an thlan tlin nawn leh tak Barak Hussein Obama-in, tun inthlan dawn hnaih a an party, ‘Democrat Party’ hma a a pharh, an party platform (a document stating the aims and principles of a political party) in a pawm tak pahnih lek hi I han sawi ho mai mai teh ang u.

1. Obama leh a pawlte chuan an party platform pawm tur a thu an buatsaih, mipa leh mipa, hmeichhia leh hmeichhia inneih remtihna chu August ni 11, 2012 chuan, The national Democratic Party’s platform committee chuan a vote thlu ta a nih kha. Tun inthlanah hian state pahnih, Maine leh Maryland mipui tam zawkte chuan an duh vangin chutiang chu phal a ni dawn ta a, US state 50 zing a phal hmasa ber pahnih leh awmchhun an la ni.

Hei hi Pathian nung bia (Founding Fathers) ten an biak A inghat tak chung a an ram sual chhuah leh an din chhan zingah a tel thei dawn em ni?
(more…)

Posted in Ask | Help | Suggest, Information, Opinion, Politics, Whatever | 63 Comments »

Mr. Obama Re-Elected as President of The US

Wednesday, November 7th, 2012

 

obama

Barack Obama is the third consecutive president of the US to retain office after his predecessors George W. Bush and Bill Clinton. His predecessor George W. Bush served as US president from 2001 to 2009. William J. Clinton, better known as Bill Clinton, became president in 1993 and went on to retain his office till 2001.

President Barack Obama won re-election on Tuesday night despite a fierce challenge from Republican Mitt Romney as well as the weak economy and high unemployment that encumbered his first term and crimped the middle class dreams of millions.

The President sealed his victory in Ohio, Iowa, New Hampshire and Colorado, four of the nine battleground States where the two rivals and their allies spent nearly $1 billion on dueling television commercials.

11:26 AM – Mitt Romney concedes defeat, congratulates Barack Obama.
11:36 AM – This is a time of great challenges. I pray President Obama will be successful in guiding our nation, says Romney.
11:36 AM – I have just called President Obama to congratulate him on his victory. I wished him, his wife, his daughters: Romney.
11:35 AM – I pray President Obama will be successful in guiding our nation, says Romney.

PS. Live Update atang hian ngaihven theih reng a ni. Tin, hmun dang atang pawhin update a awm zel bawk e.

Live Update from TOI
Daily mail
The Express
NY Times
The Hindu

 

Posted in Information, News, Politics | 51 Comments »

Mizoram a Political Party hrang hrang te !

Wednesday, October 31st, 2012

Mizoramah Political Party hrang hrang 1946 atanga hriat theih te i lo tarlang ang u. [Source : District Councils in the Mizo Hills (updated) - H.C.Thanhranga]

1. Mizo Union (M.U) :- 9th April 1946-ah Mizo Common People’s Union hming pu in din a ni a. Mizo Commoners Union ti a thlak a ni a, a tawpah chuan Mizo Union ti a thlak a ni ta a, kum 1974-a Congress Party nen an in fin thleng khan Mizo Union hming hi a pu a ni.

2. United Mizo Freedom Organisation (UMFO) :- Mizo Union a din veleh an mahni eptu Party chu 5th July 1947-ah UMFO hmingpuin a lo ding ve a. Burma lam zawm sawi mawi pawl an ni a, 2nd October 1957 thleng khan Eastern Indian Tribal Union lo pian hma thleng khan a ding a ni.

3. Tribal Union (T.U) :- Political Party pathumna chu Lawngtlai lamah kum 1950 khan Tribal Union hmingin din a ni a. An dinna bial hi kum 1953 khan Pawi-Lakher Region Council-ah puan a ni a. Kum 1963-a Mara Freedom Party leh Chin National Front a pian thleng khan a ding a ni.

4. Eastern Indian Tribal Union (EITU) :- Mizo Union kha rei lo teah khan an phel ta mai a, UMFO ho leh a phel ho chu an in dawr a, 2nd October 1957 khan EITU hi an din ta a ni.

5. Indian National Congress (INC) :- 11th April 1961 khan din a ni a. An OB hmasate chu Pu te A.Thanglura (President), Lalsawia (Vice President), Lalthankima(Gen Secy) leh Hrangchhuana (Treasurer) te an ni. New Congress Party chu 20th December 1967 ah din a ni.

6. Mizo National Front (MNF) :- 28th October 1961-ah Mizo National Front hi a lo piang a. A hming hmasa (Kum hmasa-a a hming) chu Mizo Famine Front a ni a, tahrik ni kan sawi tak ah hian Political Party ah an inlet a, a hming pawh MNF tiin an thlak a ni. An OB hmasate chu Pu te Laldenga (President), Lalnunmawia (Vice President), S,Lianzuala (Gen Secy), P.B.Rosanga (Asst. Gen Secy), Rochhinga (Treasurer), Lalkhawliana (Fin Secy) te an ni.

(more…)

Posted in Copy Paste, Mizo Society & Culture, Mizoram, Politics | 19 Comments »

« Older Entries
Newer Entries »