mi(sual).com

Euro 2012 semi-final hmasa zawk chu zanin hian Potugal leh Spain in an khel leh dawn a, Spain hi an chak chuan a zawna vawi thumna turin major tournament ah final an lut thei dawn a, Cristiano Ronaldo kaihhruai Portugal team hian champion lai Spain hi hneh thei tak maw? Zanin dar 12:15 ah an inkhel ṭan dawn e.

Spain leh Portugal hi vawi 34 intum tawhin spain hi vawi 16 an chak tawh a, Portugal hi vawi 6 chiah an la chak thung. An history han thlir mai chuan Spain hi an tha a tha zawk kan ti thei anga, 2010 World Cup pawh khan spain hian Portugal hi an pet chhuak tih pawh kan la hre vek anga, mahse nikum November thla khan Portugal hian Spain hi 4-0 laiin an lo sawp let ve thung anih kha.

(more…)

Zanin hi Euro 2012 quarter-final match hnuhnung ber leh nghahhlelhawm ber tih ngam, England leh Italy inkhelh zan a ni a, football I hria a nih chuan he inkhel hi I en dawn tih ka chiang! Quarter-final dang te aia zanin match a hmuhnawm na tur chu he team pahnih te hi an in tluk tlang em em a, Germany leh Greece inkhel a chak tur zawk hriat sa ang kha a ni ve ngawt lova, England game ‘bon’ tak mai, mizote hmuhnawm tih em em mai leh football thiam team, defensive game khel thiam hmingthang Italy an in tum dawn avangin tun Euro a mite match nghahhleh ber pawh ani reng a, zanin dar 12:15 thleng I dam thleng a nih chuan nang pawhin I nghak thleng ve tih na!

Quarter-final an luh dan sawi si se tawh lo ila, England hi Group D leader an ni a, France draw in Sweeden leh Ukraine an hneh ani kha. Italy paw’n champion lai Spain leh croatia an draw hnu ah Rep. of Ireland hnehin Group C atangin pahnihna niin Quarter-final an inhlang kai anih kha.

Team Bihchiang ang..

(more…)

“Zanin inkhel sawihona tur post rawh” tiin Tsa leh Chhangteval te nen kan in hnawn laih laih a, a tawng chak lo ber ka chungah a tla ta miau si a, post leh poh aniang chu

Euro Quarterfinal match hnih kan en ta a. Khang match te kha beisei ang he hu in a hmuhnawm loh tlat. (German leh Portugal fans chuan hmuhnawm in lo ti viau maithei :P) Inkhel inhnehtawk lo lutuk kan thlir a ni ber a. Group stage paltlang a, quarterfinal lai thleng ve football thiam ram inti khatiang em em a inhnehsawh kha chu a zialo lam deuh a ni.

Zanin inkhel tur Spain leh France te erawh hi players te enin a khelh hrim hrimah pawh inhnehsawh lutuk tawh lo turah ngai ila. France hian group stage ah Sweden an hneh loh avangin team boruak a tha vak lova, an defender Philippe Mexes hrem a tawk bawk a, Arsenal defender Laurent Koscielny hi zanin chuan a hmel kan hmu tawh ngeiin a rinawm. Spain erawh harsatna em em tawk lovin he match hi an khel thei dawn a, hetia ngaih mai chuan Spain hi chungnung hret turah ngaih a ni. Amaherawhchu football a ni a, a chak tur zawk rin thiam a har a, football khel hmuhnawm tak thlir turin inbuatsaih leh phawt ang.

Chak zawk tur inrinsiak leh sup sup ila, kei chuan Arsenal player awmna France hi Arsenal chhuahsantu (Fabregas) khelhna ai chuan ka dah chungnung zawk a Euro Quarterfinal match thumna Spain Vrs France inkhel en tui vek ule.

Zanin hian Euro 2012 game hnihna chu champion tura rinkai ber zinga mi leh champion ngun ber Germany leh vanneih(?) vanga group stage pal tlang ve tawk tawk, Greece in an khel dawn a, he match hi tun tum Euro Quarter-finals zinga match in khan lo ber ani hial awm e, mahse tu te emaw tih dan tak ah ‘game a nia, a hriat miah loh’ an tih ang deuh khan hei phei chu ‘game tak tak’ a nia, a hriat miah loh ‘tak tak’!

Quarter-final zinkawng..

Germany
Germany hi ‘Group of Death’ an tih mai, Fifa World Ranking pawh a top 10 a lang pha thiau awm khawmna, Group B atang rawn in pet tling thei kha an ni a, chu mai ni lovin an tumpuite an la hneh kim vek zui! An game hmasa berah Portugal chu (1-0) in an hneh nghal phawt a, an game 2na ah Netherlands chu (2-1) in an hneh leh a, an game hnuhnung berah Denmark chu (2-1) bawka hneh leh in point awm thei zawng zawng hmu fai vekin Quarter-final an thleng chiang hle.

Greece
Anni hi Group A atanga rawn in hlangkai hram kha an ni a, an game hmasa berah a thlengtu Poland nen 1-1 in an indraw phawt a, an game 2na ah Czech Rep. lakah (1-2) in an tlawm avangin quarter-final khel pha lova an haw kan lo rin thup laiin an game hnuhnung berah thih tha in Russia an khel a, chak lo tura rin zawk khan (1-0) in Russia an hneh daih avangin russia nen hian point inang hmu mahse head-to-head ah an chungnun zawk avangin an ni hi an tlang ta zawk anih kha.
(more…)

EURO 2012 chu League(Group) stage an lo zo fel ta a, Zanin atangin ram 8 ten Quarter Final an khel tan dawn a ni. Thenkhat tan chuan ninawm mai nimahse, thenkhat tan chuan mutmawh hnarmawh leh nunkhua tinuamtu alo tling ve bawk si! Game reng reng hi a dan leh hrai te leh a behbawm, an chak leh chakloh theih dante han hriat hian a tuiawmin a phurawm thin a, Khawnge Quarter Final khel tur ram 8 te hi I han thlirlawkin I han sawiho mai mai teh ang u. Sherlock Holmes an, “Londona sual kailo thil thianghlim awmchhun chu Football game hi a ni” alo tih khan keini ang pawh inthlahrung lutuk lovin min siam a, han sawi ve dawn teh ang.

1. Germany: Germany hi World Football a Super Power ram 4 an tihte zinga pakhat anni a, chetchhiat tak tak an nei ngai lo. World Cup ani emaw, EURO ani emaw, an players te that leh thatloh vang em em pawh nia lang lovin, Semi-Final hi chu thleng tura ngaih sa an ni deuh ta chawt mai, Tuntumah pawh hian Quarter Final-ah Greece an tum dawn a, tlang ngei tura ngaih anni. Striker(Centre Forward) ah duhthusam tak anneilo deuh nain, an ruakhauva, an rilru a huaisen bawk a, an goal bawh ana em em reng thin. Offensive game an khel tlangpui, Ka tan ngailo naa, ka tan ve ta khawp mai. (more…)

Le, zanin hian Euro 2012 Group Stage a tawpna chu Group D (England, France, Ukraine & Sweden) ten an khel dawn ta. Group stage an khelh zawh hian ni khat an chawl ang a, nilaithawhtan zanah inkhel hi an chhunzawm leh dawn a ni. Group D ah hian Sweden hi beisei bo an ni tawh a, a dang pathum te erawh hi chuan quarterfinals luhna chance an la neih theuh avangin inkhel hmuhnawm thlir beisei leh ila.

Inkhel turte
France Vrs Sweden : Sawi tawh ang khan Sweden hi an tla chiang tawh a, (khelh hnih an khelh tawhah ah an la chak lo ve ve) amaherawh chu hneh loh nei miah lova Euro atanga tlak hlawm tawp chu thil hrehawm a nih dawn avangin France tal hi chu hneh ngei an tum ang. Chutih rualin France pawh hian Group Winner nih ngei an tum dawn a, hetia ngaih mai ai hian anni pahnih inkhel hi a hmuhnawm phian ang. Olympic Stadium, Kiev a inkhel tur hi a nep hauhvin a rinawm loh.

England Vrs Ukraine : Anni pahnih inkhel tur hi en a chakawm tawh khawp mai. England hian an draw ringawt pawhin an lut thei dawn a, chutih laiin Ukraine hi chuan chak ngei ngei an mamawh thung. England tan hian Rooney in a khel thei tawh hmel a, hei hian England game a tidanglam mai thei. Chutih laiin chak ngei ngei mamawh Ukraine hi pawng ba sa ngam ngawt chi an ni hauh lovang. Donbass Arena, Donetsk a inkhel tur hi zanin football khawvel mit fukna tur niin a lang.

(more…)

Source: zofooty.com

Champion lai awmna group a ni a, football ram ropui Italy an awm bawk a, Euro 2012 Group C hi boruak nei lian lo chi a ni lo. Anni pahnih bakah team ṭha pangngai tak Croatia an awm a, a chhe bera ngaih Ireland pawhin fans an nei ṭha lehzel a, match tinah football hmuhnawm tak min entir thei zel a tih theih awm e.

Vawihnih ṭheuh an inkhelh kual hnuah quarter final lût chiang an la awm lo a, Ireland hi an tla chiang tawh thung. Point 4 hmu tawh Spain leh Croatia te hi dinhmun ṭha viau angin lang mahse an pahnih hi last match ah an intum dawn a, point 2 hmu tawh Italy in tla tawh Ireland an tum dawn bawk avangin tuna hmahruaitute hi an him bik lo a ni.

Group stage a match hnuhnung ber hi a ruala khelh zel a nih avangin inkhel a ṭang bik tih chu kan hmuh tawh kha.

Group C result leh fixture: 

June 10, 2012
Spain 1 – 1 Italy
Croatia 3 – 1 Ireland

June 14, 2012
Italy 1 – 1 Croatia
Spain 4 – 0 Ireland

June 18, 2012 (12:15 am)
Spain vs Croatia (Neo Prime)
Italy vs Ireland (Neo Sports)

(more…)

Member thenkhatin an ning tih kan hria e, mahse a hun lai ania, lo dawh hram hram teh u. “Post ziah rawh u” pawh ti ula, post ziah tur a awm dawn lo ania

Nizan inkhel result kan hre tawh a, thil mak kan hmu a nih kha. kan Bible-in ”Chutiangin, hnuhnung berte chu a hmasa berte an la ni ang, hmasa berte pawh chu a hnuhnung berte an la ni ang,” (Mat. 20:16 ) a tih kha a lo dik takzet e.

Zanin inkhel tur pawh hi tla thei dinhmuna ding vek, tlang thei dinhmuna ding vek an la nih avangin a hmuhnawm leh pek hle in a rinawm. German an chak chuan…Portugal chak ta se an tlang thei… tih angreng vel chu sawi tawh lo mai ang, en ila, a tawp result in quarterfinals lut leh lut lo chu a rawn tichiang vek mai ang. Chuvangin en leh ila, en hma in duh leh nawi leh ila…a chak zawk inrinsiak leh mup mup mai teh ang.

Inkhel en tui vek ule