Aizawl chauh han sawi ila, VC 80 chuang a awma thlanmual pawh chuti zat vel. Thlan laih hi kan tlin ta meuh lo aniang YMA mike a thlangau te hian kan inphut na ta hle mai.
Chutih rualin thlan kan laih avangin kan eizawnna-ah kan absent a hei hian kan work culture a tichhia a, hmasawnna a dal.A that viau lohna sawi tur a tam thei hle ang.
Heng thlanmual 80 vel enkawl tur hian thlanmual pakhat ah chhungkaw 2 zel ruai ta ila. Thlatin Rs 5000 ve ve pe ta ila. Veng 80 ah chuan chhungkaw 200 dawnin eizawnna nghet an nei ang. A senso zawng zawng hi thlakhatah Rs 10 lakhs pawh a tlng lo. Aizawlah hian in 50000 ah Rs 20 in khawn ila kan manage thei reng. Thlan an lo lai lawk anga thlanmual plantation enkawl leh vawn fai nen. Abakah thlanmual a suahsual bawl ho an veng tel ang.
.
Similar Posts:
- Bawlhlawh Privatise ila
- Ui rinawm Capitan.
- Republic Vengin ruhro phawrh an remti
- Thlan laih hi
- Thlanmual
March 27th, 2009 at 11:10 am
comment hmasa ber tehang.
tiang thil hi chu a veng mi te remchan dan ang anga tih hi a thaber, pawng privatise vek hi a tul lemin ka hrelo, veng thenkhat ah chuan thlanlai hi anla tam khawpmai a, inriak pawh chuti bawk. chung vengah chuan provatise hi a tul kati lemlo.
Report this comment
March 27th, 2009 at 11:17 am
He topic hi tha kawp mai. Nia… Thlan chung chang hi ngaihtuah tham a tling a sin.Thlan laih, Khawhar In kal, Mitthi Thing/Buhfai Khawn te hi nakin ah chuan tlawmngaia tih mai mai chi a nih theih tawh lo nachen a la awm in ka ring. Mahse hei hi, Hnam dan kalsan na ni lovin Khawvel changkang chho zel ah Zofa ten hma kan sawn ve na rahbi ah ngai thei ila, a finthlak zawk in ka ring.
Report this comment
March 27th, 2009 at 11:26 am
Hlamzuih thi chungchang post-ah khan ka comment deuh zuai tawh a, a tha khawp mai. Mahse, ka duhdan chuan mahni veng bil chauh hi ni se, mi 100 dawn laiin hun tam tak senga thlan kan laih thin hi chu a pumpelh theih ngei ang.
Veng thenkhat chuan zinglamah an lai a, sorkar hnathawk leh hunbi tiama thawk tur tan chuan hun a chep lutuk. Mi 4/5 velin hlawhfain lai se a tha khawp mai.
Report this comment
March 27th, 2009 at 11:26 am
Thil dang a Privatise chu nise sawi em em pawh ka tum hran lo! Thlan laih ber kher hi chu Privatise ka duh lo hul hual! Kan tlawmngaihna neih chhun te hi thlanlaih te, khawhar lu-men te, khawhar ina thingpui lumpui tih te hi a nih deuh tawh mai a………. he mi leh zellllll kan privatise a nih chuan! Tlawmngaihna kan tih hi kan privatise tih na a ang ka ti! Thlalaih tih te hi chu… la ti trang trang ila tha ka ti. Tlawmngaihna hi la chawm nung thei hram ila a tha in ka hria.
Report this comment
March 27th, 2009 at 11:40 am
tunlai ah mi kan buai tawh a, tlawmngaihloh vang nilova hmanlo hi veng changkang ah chuan an tam tawh, chuvangin, mahni veng tana tha zawk tur chuan, lungrual taka kan inthlak danglam hi a trul chang a awmve thin. mahse lungrual tlanna hi a pawimawh berin ka hria.
trul tilo vengin provatise lo se trul ti vengin privatise se chu chu ka ngaihdan animai keichu. Veng changkangin an tih avang khan veng tlame rethei tamna veng khan tih ve kher tumlo bawk ila.
A chhan chu an hlawhtur tekha, veng mipui te thawhkhawm ani dawn si a, chhungkaw rethei tan chuan burden ani ve thei tih hriat a tha. chhungkaw pangngai tana cheng 10 engmah tham anihloh lai hian, chhungkaw rethei zual tan chuan uihawm tham tak ani ve tih hi hriat bawk a tha hle in ka hria.
Report this comment
March 27th, 2009 at 11:56 am
Thlanlaih kan privatise avanga kan tlawmngaihna dal ta emaw tawp mai turah chuan ka ngai lem lo. Hman deuh chuan Telephone awm hmain zualko an tlan thin a, tunah chuan zualko an tlan tawh lem lo, tul bik riau erawh awm theih a ni. Communication a tha tawh a, tunah a tul ta lo. Kan tlawmngaihna a dal phah pawhin ka hre lo. Just my thought….
Report this comment
March 27th, 2009 at 11:58 am
Thlan laih hi mimal hman lote chu thuhran nise tlangval hman lo tam lutuk avanga thlan lai tur inhmuh zawh mang loh avanga buaina hi kan tawk tawh em? Hman lo chu hman lo ni mai se, a lai hm,an leh tlawmngai thei an la awm chuan hlawhfa rawih kher engwe a ngaihna? Kan tlawmngaihna lan chhuahtir dan hi a impetrsonal tulh tulh anga a mawina a bo palh ange.
Report this comment
March 27th, 2009 at 11:59 am
nia mawle thlanlai hi tlawmngaih leh tlawmngaihloh tehna anilo, tlawmngaihna tur thildang ala tam emai. tlawmngaihna chu nitin nunah a langchhuak thin ani zawk..
Report this comment
March 27th, 2009 at 12:52 pm
thlanlaih leh mitthi buhfai khon hi chu a buaithlakna lai tunlai ah cuan a tam toh om e…mahse buai chung2ah kan la ti hram2 na hi a chhuanawm viau lawi si a.hnamdang te hian tiang ang a kan la in thurual dial2 thei te hi mizo mi kan la inlung rual zia leh kan hnam nih ti chak tu zing ami ani lawi si lo mow…?
Report this comment
March 27th, 2009 at 1:04 pm
Kan la tihngei tur chu a nih hmel,engtikah nge ni ang LALPA tih ang deuh a ni.
Report this comment
March 27th, 2009 at 1:25 pm
Ni e, Privatise leh tise loh chungchangah hian inhnialna tam tak a awm thei ngei ang. Comment 1-na funny sawi ang deuh khian a vaia privatise nghal burh lovin, a thei theiin ti hmasa ta se. Hemi avang hian Mizo tlawmngaihna a dal hauh lovang. Hmasawnnain a kentel emaw mihring kan hman tak loh avanga he thil tihhlawhtlin hi a huphurhawm viau nain, thil tha tak ani.
Report this comment
March 27th, 2009 at 1:29 pm
Hetiang lam a țhat leh țhat loh ngaihtuah dan atana țha ka tih chu:
Thlanlaih, Mitthi buhfai etc khawn tih tawp / danglam te hi, ka thihni ah emaw, chhungkaw zinga mi an thih ni a hman țan tur ni ta sela, kan duh a ngem? tih hi in zawt țheuh ila, kan duh tlang a nih chuan a țha a ni mai
Report this comment
March 27th, 2009 at 1:36 pm
kan Zonunmawi hi chu zawi te te in “changkan na in a ken tel” tih avangin kan la hloh zel dawn zong i chu a nih si hi. Hui Ham….
Report this comment
March 27th, 2009 at 1:49 pm
Tiang zela kan kal chuan Chhiatni thatni ah hian mahni chhungkhat laina hnai deuh te bak kan la in lenpui lo thuai ang. Mitthi te pawh hi nia, kan la privatise mai ang khawvel changkanna in a ken a nia kan tih hun a la thleng ngeiin ka ring e.
Report this comment
March 27th, 2009 at 2:17 pm
Khawpui lamah te chuan thlan enkawltu workers ten a lo peih fel veka, pawisa nei te tan chuan a harsa vak lo. Nula leh tlangval te’n Mithi chhungte tawiawmdan thazawk zawng tawh mai ila……
Report this comment
March 27th, 2009 at 2:29 pm
hna mumal neilo kan la tama, a tlangpui chuan kan la lai thei ngei a lawm thlan hi chu. mithi buhfai khawn nen.
mahse company lian te, private deptt. neuh2 hi an ron luh tam hunah chuan kan tih ngei2 angai don. tuna kan mizorama hnathok tam ber te hi chu an duh hun2 ah leave anla mai thei emaw tih tur ala nia..
tunah hrih chuan kan buai em2 vang ni lovin kan thatchhiat vang mai2 hrih ala ni.
M’rawhchu kan la privatize ngei chu angai ang.
Report this comment
March 27th, 2009 at 2:33 pm
#16 : Lily, hna mumal nei lo, awl deuh ho hi a chhawr tlak mang loh te an ni duh khawp mai, thlanlaihnaa kal taima hi chu hna thawk, mi taima deuh te an ni duh chawk. Thlan pawh lai tha peih mang lo hi chu hna dang pawh an thawh that peih ka ring mang lo, an kal ve a nih pawhin KO tlang ‘A’ team; thlanlaiha MAWNG kham tlat thin te hi an ni mai thei.
No offence,
Ka lawm e
Report this comment
March 27th, 2009 at 2:40 pm
Chhungkaw 200 lai enzawnna kan siamsak tur khi chu tha ka ti khop mai.
Insurance ang deuh ania Mizo in thihna a kan sawngbawl dan hi.
Entirnan: Kumtin kuang manah Rs.50 vel chhungkaw tinin kan thohkhom a, chutah vanduaithlak taka kan boral a nih chuan kan Rs.50 pek khan kan kuang man tur zong2 a cover vek. kumkhat lek poh la pe mahila min cover vek tho. Kuang man hi mahniin in tum don ila a to toh nasa mai si a.
Mizo pipu te khan an hriat miah loh hian insurance anlo apply reng a lawm le
Report this comment
March 27th, 2009 at 3:07 pm
Thil tha tak a ni, mahse a ti hmasa tu nih hi kan hreh tlang niin a lang.
Inneihnaah ka kal a, Kohhran zaipawl zai tura beisei an nih laiin an member tam zawk zirna leh hnathawhna a an buai tlan avangin an rawn thei ta lo. Mi tlem a zawng in group singing an rawn nei ta zawk a…
Report this comment
March 27th, 2009 at 3:30 pm
Mi hi kan tul ve tawh khawp a, inneihnaa mi tur hla kan zir a, inneih hun a lo thleng chiaha hman alawi kan awm leh mang si lo, tlamtein chhe zet maia hla rem hi chu a zahthlak duh. Inneih pawh hi privatise mai ang u.. hihih.
Lulian, berawah chaw i ei teuh dawn nia. No offence..
Report this comment
March 27th, 2009 at 3:32 pm
Thlan laih privatise hi chu nakina kan la tawn tho tho tur ani. Tunah rawn rawlthar chho ho zingah bawngtuthlawh leh suahdur lek thiam lo an tam ta hle.Khawpui lamah chuan a tam zawk an ni…Mahse hun in rawn her chhuah pui zel se,thlan lai tham kan la awm trek trek na vengah hi chuan tun a kan kal phung ang hian a rei thei ang ber kalpui a tha ka ti.
Report this comment
March 27th, 2009 at 3:35 pm
Khawvel hi a la vir ve reng avangin kan hun tawn chhoh hi a a danglam ve zel a, kan in adjust thiam a ngai…ni mai lawm ni?
@sillyBoy : chaw chu ka ei ta lo mai, ka hman ngang lo a ni, rawn online a ngai ve bawk sia…hahah
Report this comment
March 27th, 2009 at 4:56 pm
JCB-te lei ila, khawlin laihtir tawh mai ila tih nak alaia
Report this comment
March 27th, 2009 at 5:11 pm
A chhiartu Lily, hman deuh khan ka sawi tawh a invuina tur a an thawhkhawm insurance anih dan. Mahse tuemawni chuan insurance ti reng reng suh tlawmngaihna chuti khati ti in min rawn zilh ta nek a
Abikin khawpui lifestyle leh thlan laih hi a in mil ta meuh lo, thintlangah chuan lo lam hna an thawk tlangpuia hna thulh/tlai mai pawh a awlsam a, mahse office emaw tlaiphah nana hman kha a chi vak lo ani khawpuiah, a bikin private employee nih phei chuan. Chutianga healthy discussion annei tan ta te anih chuan a lawmawm anih chu, engtikah emaw chuan an la pvts ngei ang.
PS vawikhatmah thlan ka la lai lo, a zahthlak viau nangin lailo thei nih hi a nuam ang reng viau lawi si.
Report this comment
March 27th, 2009 at 5:18 pm
Aizawlah veng threnkhatah hi chuan tun atranga kum rei lo teah chuan an la privatise dawn chiang,kei a thra ka ti khawp mai. Thingtlang leh veng tlabirh deuhvah a trul hran lem lo ang.Tin, kan tlawmngaihna hi khawvel kalphung mila kan herrem thiam loh chuan kan chawh viau dawn,kha daih kha asin,unaute u.
Report this comment
March 27th, 2009 at 5:20 pm
Nia a hun tawh khawp mai. Kan veng YMA ah pawh sawi rik ret ret a awm tran tawh!
Report this comment
March 27th, 2009 at 6:22 pm
Aizawl ho hi chu Mizo dan zui lo law law teh u a… Duh hun hun ah in in ti Mizo a, duh hun ah Mizo dan tih ral in tum a. In sawi thei hlawm bawksi… Mizo deuh a che hi thring in ti kual a… In changkang bik mang si lo.
Report this comment
March 27th, 2009 at 8:29 pm
Thihna hian chhung tin a kan kual lawr dawn tho tho va; hmangchang hi chu a hunlai mil zela dap a ngai a, kan dap belh zel bawk. Tlawmngaihna hi bo vek pawh ni se; kan inphum a ngai dawn tho tho.
Lawmthu sawi ka duh — Tun hma khan (tunah pawh a la nih tho ka ring)All India Radio-ah zualkona thu kan thawn chhuak nasa hle thin; MPRO a rawn awm leh atangin zualkona thu kan thawntir nasa hle bawk. TV kan han nei ve leh ta a; zualkona thu bawk kan thawn chhuak nasa leh viau. Hengho chungah hian lawmthu ka sawi bang thei lo. Tunlai chhanah chuan mobile phone a lo awm leh ta a; MP Vanlalzawma chungah lawmthu awm bawk rawh se.
Kan Veng-ah telephone nei hmasa ve pawl kan ni a; tu-khawkha hriatpui vak loh hian a hahthlak thei teh asin! Zualko hian ka tlan hnem ve viau —telephone tlem laia min rawn entrust miau chuan; hlenchhuah a ngai khawp a. Kan va zualkonaten an lumen/vui ve hman a ngai si! Mi tlawmngai ka ni lo va; Mizo tlawmngaihna hi ka um pha ngai lo va; mahse, “dutiful is beautiful,” ti mi chauh ka ni.
Two-wheelers awm hnu phei chuan kan thalaite hian zualkova kal loh an hlau tawh zawk hial. MACHINE kan hmantir azirin kan thalaite hi an inti-thatchhe phal lo.
Fiamthu an thawh thin pakhat chu, mitthi buhfai khawn chungchang a ni, “Mitthi buhfai kan rawn khawn a,” tiin nulate an va dak dek dek a; anni chhungkua chuan, “Arreee-yar! Rice kan ei lohna a rei tawh lutuk a; rice aiah Apple pum li hi la ta mai che u,” an lo ti e, an ti. A dangdai viau nain, mitthi-buhfai kalphung a la hloh chuang lo; tih tak emah chuan THINGFAK aiah pawh Rs 5 kan khawn daih tawh! Aizawl-ah chauh a ni lo; khaw tam takah kan kalphung chu kan tidanglam hret hret ve tho.
Kolasib-a ruang kan dah thlak tumin INRALNA SUM hi bawmin an lo dawh a; kan vengah introduce ka tum nasa mai a —mahse, hmangchang hi kan lo nei inang chuang lo; ka hlawhchham ta a. A chhan leh vang pawh, “Mi thenkhat hian khawhar chhungte kutah ngei, hmai hmaah ngei pek an duh,” ti tawk an lo awm vang khan ka hneh zo ta lo a ni. Keini zakzum der thiam tan chuan BAWM-a thlak mai kha a zahthlak nep deuh lahtak a.
Milian nupuite pawh hi an lo inmelh ngun ve hle bawk, “Chumi nupui chu pangpar nen mi an tam tawh hnu; vui dawn ruaiah a rawn thleng ziah a; hma takah a haw leh thin,” ti te pawhin chhiatni chungchangah titi indeusawhna lek lek an lo nei ve tho mai.
Veng thenkhatah chuan zing dar 8 hnu lama thi chu LUMEN tur tiin dan leh hrai fel tak an nei a; chutih laiin kan Sorkar hi kan Mizo danah an la felin an la hawi zau rih a; thlan lai tur pawhin chhiatna TIMING azirin kan in-adjust thei a; a la fuh khawp tho mai!
Kan thawhna department-ah te hian vai khirh tak maite han awm khanglang se; kan Mizo dan leh hrai ner khum thiam tak —kan buai lohna tur ai chuan kan buai hret chu a rinawm.
Thlan laih chungchangah hian thlan lai tura kal kan tam teh reng thin nen; thlan khura suahdur leh bawngthuthlawh hum lut khera lut kan tlem thin hi ka ngaimawh hle. Sawmli kal zingah paruk vel chauhin an contact a ni ber thin a; Valupa-ho chu mawngkham hluiin titi vawrh rawh se … an luh ve pawh phut lo ila; mahse, vaibeldawn zem chhuak ve thei tawh tura ngaih —thlan kotlanga an han trhu thluanchhuak leh, mi khabe hnuai chang reng renga tawlsawn lote hi zilh harh an ngai ka ti thung. Khaukhurh put hun lai kha a liam tawh si. Engemaw GRADUAL CHANGE a awm tih hriaa kan dai luh hun ang zela kan chet thiam erawh chu a ngai khawp ang.
Mizoram-ah chuan (ngai haw lo se) Sangau-a thih ka hlau. Damlo enkawl nan an ranvulhte damdawi lei nana hman mai awm —an thih hnu chiahah khawtlang hrai nana an hmang saw … keini chhungkaw rethei tan chuan tih chi a ni ve lo ve. Tlawmngaihna hautak hian mual liam se; a tawk a fanga min hruai thiam LEADER kan mamawh rih zawkah ka ngai. Sap tihdan (mitthi ina inzalh zet leh ni engemaw hnua invui, thlanmual-a hmun lei) heng laia kan hmuh ang hi chu Mizoten Mizoram chhunga kan tih duh ka ring chuang lo.
Report this comment
March 27th, 2009 at 9:26 pm
Chhungkaw khiti zat khi kan chawm theih dawn chuan va tha dawn tak ve maw le? Amaherawhchu privatised kan uar mah mah deuh lo maw ka lo ti deuh a!
Heti zawng hian ka ngaihtuah mai mai a. Aizawl chauh ni lo thingtlang ah tak ngial pawh au rinna hi a rim tawh khawp mai! Chhungkaw khat a hnathawk nei tam pawlin 50% ah ngai ta i la. A bak zawng hi chu tlawngawl, lehkhathiam hna hmu lo emaw lehkha thiam lo hlo thlo peih lo emaw kan ni turah han ngai chhin ta i la.
Kum khatah hian veng mithi nei tam pawlin (Death Rate in India 2008 (Est)6.4 per 1000!) 1% thlengin han in dah ta ila. Veng khatah average in mi 500 ah han inngai chhin i la! Kum khatah mi thi 5 kan nei tihna a nia. Thlan lai thei chin thalai 20% ah han in dah leh chhin i la. Mi 500 ah chuan 100 thlanlai thei kan awm tihna a nia. Han inkal sem dawn ta i la tum 5 ah han then teh mi 20 zel chuan thlan khat lai thin ta ang se. YMA member duhawm tak khan kum khatah ni khat a hna a thulh khan workculture a ti bahlah lo in ka ring.
Ka lo ti ve vel mai mai a. Kan hnam nun, culture leh tradition te hi kan sawi hnawm tan ta a. Nia, tunlai thil nen a inhmeh lo tak tak chu a awm teh meuh mai. Amaherawhchu, kan tih dan phung hi sap thut lo hian kan kal dan erawh chu siamthat dan kawng a awmin ka ring! Tih dan thlak thut lo hian, vawng nung reng tho si hian kan siam rem thei maiin ka ring. Tunlai chhanah Zofa management guru kan ngah tawh a lawm. Han lepse se la, CHERAW mah step kan ngah tawh a lawm m aw le. A ORI kha bo lo in a DUP tal hmuhchhuah hi a INNOVATIVE zawk tlat a ka hriat chu le!
Report this comment
March 27th, 2009 at 9:52 pm
Zoramthanga leh a sorkarte khan an privatised deih tawh a maw ka lo tia !
Zarkawt ho chuan intichangkang tawkin – Khawharin riah – pawh an privatised deih tawh kha !
No offence !
Mizo Society & Culture, ask !
Ka lawm e !
Report this comment
March 27th, 2009 at 11:09 pm
Chhungkua, trhen leh rual, laina lamhla leh lamhnaia mite nena chenho nuam timi kan nih chhung hi chuan PRIVATISATION kher hi chu a awm lawk lawk rih lo vang (Zarkawt-te chu zingkarah pawh vai vek kawngpui anah an teichhuak tawh a ni ber a; phai-vai choak (raven) kan la nei em lo va; chengkawl tui kan hawp kerh kerh lai khan sap-saum duhtawkin an chawm tawh tih hriat tur. Kan tradition kalsiam a danglam dan tur kan thlir lawkna tur atan Zarkawt kalphung chu a tawk rih fu.) No offence.
Mizo taka kan la invui, kan la inralte hi i lawm ang u … a hahthlak chin —kan tlangvalten thlan laih, zualkova tlan, kan nulaten thing khawn, buhfai lakkhawm, thingpui sem an la ti trang trang te hi lawmthu i thlen let fo ang u. Thil hi chu inchophur a nuam zawk ngai e; inkar luih hrep ai chuan! Kawnghmang thar hriat lutukna lamah ngawng chuang lo ila; kal kalphung tha tinung turin kan nula leh tlangvalte i dawmkang thiam ang u.
Chhungkaw mumal nei lo te an vui dan, an phumna pawh kan hai hlei nem! Chungte kan ngaihtuah tel chuan kan la nihlawh hle a ni.
Mizoten kan Culture leh tradition mawi tak tak hi Lalpa Isua Lokal leh hun thlengin i chhawm nung ang u. Kan tlangvalte thlan laiha kan zalhluhte hi Lalpa tawtawrawt a rik huna BEISEINA LAWMAWM changtu ni vek se ka ti khawp mai!
Report this comment
March 27th, 2009 at 11:20 pm
@ Viking Zarkawt ho chuan INTI changkang tawkin….
Intih changkan hi angailo reng2… changkan mai tur.. Kan INTIH chhung chuan tuman an tuar donlo.. keimahni bokin kan tuar don. Kan nihna tak hian lang ila,, mi changkang chu kan ni maiin ka hria..
Report this comment
March 28th, 2009 at 1:29 am
I ngaihdan a tha khawp mai. Mahse, “KHAWPUI CENTRIC” lutuk deuh lo maw.? Urban space atang hian khawvel kan thlir vek hi a dik ber em aw. Thinghtlangah chuan thlanlaih rawih vek hi ala tul ber lo mai thei. Sum chu thuhran community feelig a ti chhe tel thei bawk a ni..
Thingtlang space atanga thlirna mai pawh nilo, an dinhmun diktak hrechiang deuh teh khai…! sorry for my long rambling
Report this comment
March 28th, 2009 at 1:32 am
Tin, Mizoram hi Aizawl-Lunglei etc chauh a ni lo tih kan hriat a hun in ka hria. Mizoram mi tamzawk thingtlang zawkte thatna tur hi kan dah pawimawh ve hmasa tur a ni. Aizawl space atang pawimawh kan tih chauh kan dah vung thin hi a fuh tawk lo…tih kimchang lo takin ka lo sawi ve lawk a ni e.
Report this comment
March 28th, 2009 at 1:38 am
Epis– dik chiah thing thlang khawte pawh kei mahnin kan tar mawi loh chuan tunge hria ang, pholan vek tur..kan zoram tlang nuam……………………….
Report this comment
March 28th, 2009 at 2:31 pm
Thlan laih privatise..ka thlawp zawng tak a ni.Mahse veng z.z leh khua zawng2 ah a tih chi loh.Veng commercial area deuh ho in ti hmasa se.Thingtlang leh Aizawl veng tla birh ah chuan a la trul teh chiam lo.
Mithi in riahpui poh hi a lusun te chhung duhdana kal a tha.A thenin an chhungkat laina riah pui an duh taw mai laiin a thenin khawtlang riahpui poh an lo duh thei.Zarkawt chuan mithi in riah an ti bo chiah chuang lo a,lusunte duhdanah an dah a nih kha.
Report this comment
November 14th, 2009 at 11:03 pm
Tun a kan kalphung hi chu a tha emaw tha lo emaw,kan duh emaw duhlo emaw, kan la change a ngaih hun a thlen tho2 a rinawm.
Report this comment