Upa Pawl member an han thi a, Upa Pawlin thla an han lakpui a, kum 50-60 inkar an han ding thelh sung mai hi chu, engemawti zawng takin, rapthlak tih chang ka nei. Upa kan inti hma lutuk em? tih hi ka ngaihtuah fo thin.
Kan pi leh pute kha an lo fimkhur khawp mai. An tawngkamah pawh tawngkam malsawm lo a ni palh ang tih an hlau a, “Kan naupan laiin han ti ve khanglang ila” an lo ti kher kher a; “ve khanglang” an telh chhan hi, upa intih hi dam rei thil a nih avangin, naupang te upa anga inchhal kha chapona a ni thei a, chuvangin, “Kan naupan lai” han ti tur em chuan an inthlahrung a, “ve khanglang ila” tih hi an belh kher thin a ni.
Malsawmna an dawn thu an sawi dawn pawhin, “Tawng thu chhe lo” tih an belh hmasa phawt thin. “Tawng thu chhe lo, keini unau hi kan dam rei a” emaw, “Tawng thu chhe lo, ka dam lo ngai lo,” te an ti thin. Tawng chapo a ni palh ang a, an intawng chhiat ang tih an hlauh vang a ni.
Mizo te hi kan dam rei lo. Statistics mumal tak chu kan nei lo. Mahse, Lunglei khawpui chhung thlanmual zawng zawng kan en chhuak vek tawh a, chawhrualin kum 52-54 dam ang vel chauh kan ni. Khawhar chhungte pual en ila, kum 50 hnuailam thi an tam khawp mai. Aizawl thlanmual pawh ka hmelhriat mi pakhatin a lo en ve a, Lunglei nen a danglam lo.
Japanese ho hi khawvela dam rei pawl an ni. Mi in chhung an luha an ngaihpawimawh hmasak chu ‘Lu tuak var vek khawpa dam rei an awm em?’ tih hi a ni an ti. An awm chuan, kha chhungkua khan ‘Blessing of Life’ an dawng niah an ngai.
Mizo Upa Pawl kan nei hi a tha tihna ka nei. Member valai, la chak tha, viak tha tak tak an duhthawh pawh hi ka hrethiam. Ka hriat sual loh chuan, kum 50 chin chu member a nih theih tawh a ni awm e. Kum 50 chin Upa Pawlah kan inchhiar tel ta hi, mal a sawm ang em? Kan nunna chunga thuneitu Pathian hian engtin nge a ngaih ang? ka ti mai mai thin. Kum 50 vela thi chu upa thi angin kan ngai phal leh chuang si lo. Malsawmna dai baw zawng hian kan kal vak ang tih ka hlau ru deuh thin. Engnge in ngaihdan le?
.
Similar Posts:
- Nu Lehkhathawn. (Mothers’ Day Pual)
- Mizo tawng hi engber nge dik ang?
- Manipur-a cheng Mizo tak tak te khi in hmet tel palh ang e aw!
- MIN DER LE.
- Mizoram Kawng
April 16th, 2009 at 6:01 am
Ka rualpuite ai chuan upa ka la inti lem lo na a, ka aia naupang te kiangah na na na chuan, ka inti upa ve khawp mai. Upa chu damrei chhinchhiahna alawm.
Report this comment
April 16th, 2009 at 6:26 am
A dik a lawm, Lal-KL, mizote hi chu kan inla upa hma lituk, entirnan, lal-pi-amanda te, lal-pi-blackmagicwoman-i te, lal-pi-elcee-i te lai lai hi
Sap ho chu kum 60 chung lam anih tawh pawh lehkhate hi an la zir a, an fakawm ngawt mai. Sap nge nge, kan lo tluk lo khawp mai !
Ka lawm e !
No offence.
Report this comment
April 16th, 2009 at 6:37 am
Mizo Nula leh Tlangval te hi an senior hma bik, a ‘siiiii” lutuk tih an ching in ka hria, kum 30 chunglam pang phei chu neih enah pawh an en meuhlo ni ten a hriat
Report this comment
April 16th, 2009 at 6:48 am
life starts at 40 te an tia…50 ah upa pawl member kan nih nghal bok si chuan!awi…a rei lo e…hmanah pasal ka lo nei daih lo a
Report this comment
April 16th, 2009 at 7:01 am
Kei chu 18 till i die a ni tawp mai..hehe
Report this comment
April 16th, 2009 at 7:16 am
Count your age by friends not years tih a nih kha mawle.
Report this comment
April 16th, 2009 at 7:23 am
Mizo in tih upat nuam kan tih dan hi chu..! 44 vel a Upa pawl a tel phet tum k hre nual mai male!
18 k nih ve lai te kha chuan naupang chia ang chiah male k la nih!
kan inti western ta sa sa bok a! inneih age lamah poh hian copy ve thin ila a tha ngot ang! chuan viking an Hming a soi diat2 te tan khian in lak young leh na chance ani mai…
Report this comment
April 16th, 2009 at 8:51 am
Malsawmna dai buak leh buak loh lam thuah chuan sawi tur ka nei lem lova. Mahse, Mizo hrim hrim hi kan inti upa hma tih chu ka pawm. Tin, Kohhran-a inhmang tam tak zingah hian inlak upat nuam ti kan tam lehzualin ka hre bawk. Kohhran Upa-a an thlan hnua lang upa, chetziaah pawh an kum phu lohva che upa ta tlat hi ka hre nual mai.
Report this comment
April 16th, 2009 at 9:06 am
Upa pawl zawm thei chu a nihna a rei ta mahse UPA ka la inti phal lo kan YMA zel dawn MUP hi chu 60 -70 ah ka zawm ang dan erawh hauh ila.
Mizo te hi kan inti upa hmat bakah kan PUITLING har khop mai. Nu leh Pa sum ring kum 30+ zingah an tam em mai.
Report this comment
April 16th, 2009 at 9:37 am
Pu mzvision, tel duh reng reng suh. Upa Pawl a tel, a naupang lam pawh hi, rei lo teah an kal dem dem mai asin! Kum 70 i tlin hunah i tel dawn nia.. I sawi ang hian kum 30 chuang tawh, nu leh pate thawhchhuah sa ringa inpenparh, a hmei a pain kan la tam mai. Vote nei rual nih tawh chuan, kan inchawm zo lo deuh a nih pawhin, kan top-up man tur te, kan pheikhawk man turte tal hlawhchhuah dan hi zawn a ngai. Thiamna engmah nei lo tan pawh, kut leh ke kim nei tan chuan he khawvel hi awmna tlak tura Pathian siam a ni.
Report this comment
April 16th, 2009 at 9:43 am
@Aryan: sap ho anga nghei hlei lo, nei hlei lo a kan Mizo nula te hi lentir thuau thuau i rem ti em ni? Lol… No offence
Kei pawh tlem chuan upa kan inti hma deuh ka ti! Ram hna thawk a, maian bai leh antam tlak zawng mai hmeh leh naktuk enge ka ei ang? Tih ngaihtuah tur a tlem deuh hunah chuan kan la inla YOUNG ve chhawm mai ang chu. Lal-funny a te hoin ram hi han kaihhruai tak tak se, a fel duak mai ang
Report this comment
April 16th, 2009 at 9:44 am
Kei chu pasal pawh ka hmuzo tawh lovang, mizo tlangval ho lah hian tleirawl te te hi an thur zel bawk sia, Pathlawi tal kan zawng mai ang chu
Damrei te hi an ngaihsanawm an hrisel tha a, an nun an vawng uluk tlangpui a,Pathian malsawmna an dawng bawk a ni.
Mizo te hi kan inti upa hma tih ah chuan a mihring a zir a ni mai in ka hria, thenkhat te chu kum 60 pawh la ni vah an tam ve tho alawm.
@mzvisioan : Nia mizo zing ah puitling thei thlawt lo nu leh pa sum ring (abikin) mipa zingah an la tam, nupui fanau te pawh Nu leh Pa chawmsak ka hre teuh mai.
Report this comment
April 16th, 2009 at 10:04 am
Religious person tend to live longer!!
(cristian kher tihna nilo )
Report this comment
April 16th, 2009 at 10:23 am
Ngaihtuah chhuak tha khawp mai. A ziaktupa hian kum 50 a hnaih deuh tawh a, Mizo Upa Pawl (MUP) member-ah an sawm tan tawh emaw ni aw, te ka ti deuh..:)
Tunhma khan life expectancy kha a sang lova, kum 50-60 thleng kha chu kan society-ah khan upa kha an ni mai a. Ram a thang a, a changkang a, dam chin pawh a rei tial tial a, upa kan tih pawh an kum a tam chho tial tial ang a, kan la inthlak ve zel mai ang chu maw. Lo lungngai duh suh.:))
Report this comment
April 16th, 2009 at 12:30 pm
Mizote hi (han ti thla ngot zel ila) duh ai chuan kan inti upa in thalai kawppui la neilo te pawh hi ‘senior’ kan ti hma mah mah deuh chu ka ti
Report this comment
April 16th, 2009 at 12:37 pm
MUP membership kum bithliah vang mai mai hi a ni lo maw upa kan inti hma, kan tih? KTP/TKP ah hian kum 40 thleng an tel thei a. Sapram kal tawh hovin an sawi ve dan thung chuan, Mizoramah hian kan KTP rei lutuk, sapram KTP te chu naupang teenagers rual vel lek lek an ni, Mizoram Thalai pawl member-te chu an senior thulh mai, an ti ve thung.
Report this comment
April 16th, 2009 at 12:41 pm
kei hi aia upa bulah hlir awm ka ni thin bawka, ka inti upa nge min chei upa pawh ka hrelove, kei aia kum 5 vela upa anni deuh vek mai kan in bula ka thian pawm thin te kha. kei pawh hian ka U ngai lem hleilova (U pawh an phut biklo). thian kawmin kan inkawm animaia, thil tamtak ah phei chuan min rawn thin hial zawk
mahse keimah ah chuan aia upa te bula ka awm kha thil tamtak ka zir phah in ka hria, bakah ka rilru a puitlin phah in ka hria,(naupang na na na chuan naupan nalai nei mah ila). a thalo zawnga mi in, “inti upa/inti tlangval” min tih thin pawh ka hrelo. minlo ti pawh nise ka care lem hleilova.
Report this comment
April 16th, 2009 at 1:01 pm
Thalaite hian alawm upa siam chawp thin! Pension hnaih tawh kum zat ina kawl kan awm chuan TAR kan kawl kan ti ta thin a.
Tin, tlem a kum upa tawh lam an hawi harh deuh chuan ‘Tar H*r’ te, ‘Tar Modern’ te kan ti mai mai! Upat tir hi kan tum tlat in ka hria kei chu
Jai Hind
Report this comment
April 16th, 2009 at 2:13 pm
naupan lai in upat kan chak a upat hnuah naupan kan chak………. AN TI
Report this comment
April 16th, 2009 at 2:15 pm
@rinliana, min sawm mah se, ka la tel lawk lovang (haha!). Tak2a, Kohhranah ka inhman hma vang emaw ni, kum 20 pelh awrh atangin ‘Pu’ tih hi ka hlawh tawh a, min u tu aiin min pu tu hi an tam zawk mahin ka hria. Mahse, upat ka tum lo. Bill Clinton-a thusawi, “Kan hun kal tawh chanchin ringawt kan tuipui chuan naupang te pawh ni ila kan upa tan tihna a ni a, hma lam hun beiseina nena kan thlir chuan kum lama upa tawh pawh ni ila, kan la naupang tihna a ni” a tih ang deuhin, hma lam hun hi beiseina nen ka thlir reng a, ka la upa lo ni hmiang ka ti.
Report this comment
April 16th, 2009 at 2:27 pm
Age does not make us childish, as some say; it finds us true children. [Johann Wolfgang von Goethe]
Fifty is the youth of old age. [Victor Hugo]
A diplomat is a man who always remembers a woman’s birthday but never remembers her age. [Robert Frost]
We grow old because we stop playing! [George Bernard Shaw]
Whenever a man’s friends begin to compliment him about looking young, he may be sure that they think he is growing old. [Washington Irving]
Retirement at sixty-five is ridiculous. When I was sixty-five I still had pimples. [George Burns]
Report this comment
April 16th, 2009 at 2:29 pm
Jai hind…’Hindustan is great’ ti te pawhin a lehling thei ang chu..Hindustan chu Land of Hindus tihna a ania..Mahse India ramah hian Hindu lo pawh kan tam bawk sia….Hindu ho chawimawina tawngkam hi chu a nalh lo ka ti…keima mimal private ngaihdan ve te mai mai…no offence..:-)
Report this comment
April 16th, 2009 at 2:32 pm
Ka quotations duh deuh pahnih chu –
A man is not old until regrets take the place of dreams. [John Barrymore]
Judge your age by the amount of pain you feel when you come in contact with a great new idea. [Cf. Pearl S. Buck]
Report this comment
April 16th, 2009 at 2:48 pm
Damrei (upat) hi malsawmna a ni e..Pi leh Pu te paw’n..”Ngalfim in dam rawh ” tia tawngkam malsawm an lo hman thin kha. Bible pawhin “……..chutichuan lei ah hian i damrei bawk ang ” a lo tih kha.Chuvangin upa te hian Pathian malsawmna an dawng a…ZAH leh CHAWIMAWI an phu a ni.
Report this comment
April 16th, 2009 at 3:53 pm
Kan pi leh pute kha chu, tu mawngbeng, kum 50 an pelh hnuin tlangval /nulat ( ka tlangval lai/ ka nulat lai) an ti ngam chauh thrin asin maw aw !!
Report this comment
April 16th, 2009 at 5:12 pm
Ekhai, keini pawhin upa kan la intih loh hi..:)
Sawrkar hna emaw, vantlang hna emaw, company hna emaw thawk tan ngat phei chuan kum 60 hnuah an pension ve chauh va, ram leh hnam, society leh kohhra tan an thluak lungfing tawh tak an la hmang dawn chauhah ka ngai a. Rilru puthmang a zir erawh a ni thei viau. Kan taksa hi kan rilruin a thunun em avangin. Kum 60-80 inkar hi mahni vei zawng thawh nana hun tha tak niin ka hria.
kan MLA zinga upaber Pu Thena pawh kum 86 a ni a. MLA a la ni fan.
Report this comment
April 16th, 2009 at 6:36 pm
Dik khawp mai!!Tluang taka lehkha zir chhoh zela matric pass chuan kum 16, graduate meuh chuan 21,P.G la zir zawm leh chuan 23/24, Ph.d la tih duh zel phei chuan 27/28….abik takin nula tan phei chuan ‘nula senior’ brand dawn hi a lo har lo bawk em a ni.
Mahni senior intih loh pawhin midang hoina min lo boss/ni/nutei/pi vel chuan kan senior len chho vel mai mai anih hi maw te ka tia.
Report this comment
April 16th, 2009 at 7:51 pm
Pathian khawngaihna zarah dam taka kum 70 ka pel te nih chuan Upa pawl member-ah ka la in ziak lut ve ang chu, a hmalamah erawh tumna ka neilo a, ka in phal na hek lo.
Ni e, kan intih upat hma ang aiin kan puitling har khawp mai. 30 hmalam a life enjoy a chumi hnu a eizawnna lam dap tura puitlin hi kan tum e maw ni chu aw, ka ti fo thin. Fuih harh, zilh harh, Ben harh emaw chu kan mamawh hle in a lang, kan tia ni.
Report this comment
April 16th, 2009 at 9:12 pm
A ni telin ka upa hret hret mai lahtak a! Intih-upat ngai lo hian ka zawhte upat ve fang mai a; mahse, ka inla-YOUNG reh thei map si lo. ZUP nge MUP? tih chungchang pawh ka la hre chiang trha duh lo vel …ka QUALIFY triah triah tawh nen! “Ka rualpuite hmel leh chetzia hi KA PU RUAL an ni tlat!” tia ka ngaihtuah chang a tam mai. Ka hmel hi a upa hmel thei si lo; hei hi ka chhiat hlen phahna a ni ta! Ka inveng so lo!
Rual u zawkte ka kawm —tleirawl leh rawltharin min bawr.
Earl Wilson-a chuan, “When you stop wondering how to dodge temptation and start wondering if you’re missing any,” tiin UPAT a thual thlum a; ka la VUAI BIK lohzia ka chiang telh telh a — “Twenty-one years younger than I am” ka ni kumkhua mai dawn. A tak takah chuan erawh chuan UPA LUNGFING RUAL, eng ni chai chuang map si lo ka ni ber e. Keimah ang thuak ka tawng ve nual tho. Uangpui chang suh ila, “tawngthuchhelovah” tih ka’n telh zauh ang e —in thin dam nan!
Report this comment
April 16th, 2009 at 9:16 pm
keichu hetiang lam comment tur chuan ka la naupang mah2 tlats
Report this comment
April 16th, 2009 at 10:23 pm
Mahni inla upa lo mah ila kan society en hian upa nih a awl..kohhrana inhman te,pawla inhman te hian pi pu title kan inpe lo thei si lo va..thrang thar an rawn chhuak zel bawk nen,min chei upa lo thei lo..foreyer young..haha.
Report this comment
April 17th, 2009 at 11:38 am
keichu ka thianpa expiry date a pel tep tawh
Report this comment