Vietnam War hunlai khan America sipai pakhat indo naa kal mahni in lama lo haw tur chuan San Francisco atangin a chhungte a bia a. “Ka nu, ka pa, indo na a zo ta a, in fapa hi ka lo haw dawn ta e. Mahse thil pakhat ngen duh che u ka nei, thian pakhat kan ina lo hruai haw duh ka nei a” a ti a.
A nu leh pa te chuan, “Lo hruai haw mawlh rawh, kan lo enkawl tha viau ang” an ti a. Mahse sipai chuan, “Amaherawhchu thil pakhat in hriat tur hrilh che u ka duh a, he ka thianpa hi indo naah hmelma a beihna avangin a kut leh a ke a chan a. Tunah hian hmun dang kalna tur a nei si lova, rawn hruai haw a, kan hnena chentir ve ka duh a ni” a ti a.
Chu veleh a nu leh pate chuan “Kan fapa, a pawi kan ti khawp mai. Hmun danga a chenna tur ngaihtuahsak theih erawh kan inring” tiin an chhang a. Sipai chuan “Nilo ka nu, ka pa kan zinga cheng ve turin ka duh a lawm” a ti lawm lawm a, mahse a pa chuan “Ka fapa,i thil dil hi i hrechiang lo a ni.
Kan chhungkhat pawh nilo mi hran daih, piangsual lehnghal enkawl hi kan tan phurrit lutuk a tling dawn asin. Keimahnin nunna kan nei a, he kan nunna neih hlu tak hi midang nunna in a pawlh hnawk kan phal tur a ni lo. I thianpa chu kalsan la, dam takin lo haw mai rawh. Amahin a awmna tur chu a in zawng hmu ve mai ang” tiin a chhang a.
Chumi hnuah chuan an fapa chuan phone chu a dah a. Chuta chin chu an fapa chanchin chu an hre lo vang vang a. A hnu ni engemawti ah chuan Sanfrancisco Police atangin phone an dawng a, an fapa chu inchhawng atangin a tla hlum tih thu an rawn hrilh a. Police te chuan mahni inthat anih an ring nghe nghe a.
Chu mite nupa chu lungngai tak chung chuan San Francisco ah chuan rang takin an kal nghal a. Damdawi Ina ruang dahna hmunah chuan an fapa ruang chu an va endik ta a. An fapa a ni ngei tih chu an va finfiah a, mahse thil mak danglam tak an va hmuchhuak a; an fapa chuan kut pakhat leh ke pakhat chauh a lo nei a!
He mite nupa ang hi mi tam tak chu kan ni, boruak tha tak hnuaia chuan hmangaihna hi lantir hreh hauh lova, mahse harsatna leh tawrhna hian mi tam zawkten a hmangaihna kan neih hi a chiah zawp fo thin. Mi bawrhsawm leh hrisel lo te chu kan bula awm reng turin kan duh lo fova, a let leh tur beisei awm lohna hmunah kan kristianna leh kan hmangaihna kan up bet fo thin. Kan chunga that chhuah let ve turte chu nasa takin an chungah that kan chhuahin kan duhsak a, mahse kan chunga that chhuah let ve thei lo tur leh lukhawng neilo tur deuh te chu kan rilru in a hnawl fo thin. Hei hi mihring zia a ni.
Amaherawh chu hetih lai hian kan hrisel emaw kan bawrhsawm emaw, kan chak emaw, kan chaklo emaw englai pawha Hmangaihna ngai renga min hmangaihtu leh min dawngsawng duhtu a awm a chu chu LAL ISUA a ni. Khawvel hmangaihna te, dawhtheihna te leh thatna te a chuai vek lai pawhin Lal Isua hmangaihna erawh a ngai reng a ni.
Similar Posts:
- (Sunday Pual) Lalpa lo kal a hnai ta
- Ka ṭap ṭhin
- I Duhlai Hlu Ber Kha…!
- Dawn ti sei…….
- Hmangaihna 131
October 18th, 2009 at 9:24 am
A van lungchhiatthlak ve le, rilru pawh a khawih zar alom!
Thawnthu mah nise, kan ngaihtuah ta mai2 a, an fapa khan ka thianpa ti lo khan,a chanchin dik tak kha hrilh ta se, a nu leh a pa khan an pawm tho lovang tih a sawi theih si lova.
Communication gap hi a pawi thin zawng anih hi, tin, mahni in sit lutuk hi a pawi ka ti bawk, kan nihna ang2 hian lang/sawi ngam thin ila, mite pawh hi an lo sual em2 love.
Report this comment
October 18th, 2009 at 9:33 am
Thawnthu mah nise…lolzzzz….
Report this comment
October 18th, 2009 at 9:34 am
Kasper ngaihdan hi ka thlawp khawp mai
Report this comment
October 18th, 2009 at 9:50 am
Inkhawm bana comment tur a nih hi … Ahem! Ti hian tuman lo khawih s’u aw! (True Story a nih chu ka ring lo deuh mang e)
Report this comment
October 18th, 2009 at 11:34 am
A chungte phone a a thianpa chanchin a hrilh thleng k chiar khan, a thanthu om dan tur ka hrelawk deuh uar thei..mase k chiar zo tho mai..
Report this comment
October 18th, 2009 at 11:53 am
A lungchhiatthlak khawp mai… mahse mi tam zawk (eng % vel nge ni ang tih chu ka hre lo) rilru put hmang tur chu a ni si a le..!!!
Report this comment
October 18th, 2009 at 12:16 pm
Ngaih nawm hle mai ! Sunday a chhiar chi tak ea ni e. A dang pawh han ti jel teh
Report this comment
October 18th, 2009 at 1:22 pm
a tha hle mai, a dang rawn ti leh ula,chhiar a nuam alawm kasper ngaihdan hi ka thlawp e
Report this comment
October 18th, 2009 at 1:29 pm
uluk takin ka’n chhiar a, comment dan tur hriatthiam a har hle a ni. A chhan chu, thil thleng tak tak turah kan ruat chhin a, ni theiin ka hre tlat si lo hian comment a ti harsa. Tin, a thu hi a awihawm lohna riau chu, a nu leh pa hnena a dinhmun dik tak a sawi mai lo kha. Chubakah, an hotute pawhin khati khawp a nih chuan a chhungte hnenah info. chu an pek ngei a rinawm, a thiante tal pawhin.
A nu leh pa chhanna hmasa kha ‘chhanna dik’ niin ka hria. Thui tak tanpui an inhuam hle a ni. Tin, a’n nawr luih tak zela an chhanna pawh kha a awm fu mai. Mi khawsa thei tak an nih loh phei chuan … … … mmmmmmm, he thil thleng hi tak tak a nih loh ka beisei.
Report this comment
October 18th, 2009 at 1:38 pm
zo_pa comment ka thlawp.
Report this comment
October 18th, 2009 at 10:38 pm
Vietnam a mi pawi sawi lo sang chuang an thah te kha ka khawngaih fe zawk. Tun thleng pawhin chemical warfare vangin
an thangtharten cancer an la vei teuh phah kha maw.
Report this comment
October 18th, 2009 at 10:55 pm
US leh China hi khawvelah chuan ka ngei ber. Ka ten top. (top ten ni lovin)
Report this comment
October 19th, 2009 at 12:18 pm
a va ‘born on the 4th of july’ ve
Report this comment
October 20th, 2009 at 4:52 pm
Eheu! Kha Sap Sipai ang kha A NGAM awm ve tak ang mawh, keini Zofate zingah hian le.
Report this comment
December 30th, 2013 at 4:53 pm
awihaa.. ngaih tuah van ti thui ve aw.
Report this comment