Zankhua a lo tlai a, inchung-zawlah chuan kan pahnih chauhvin insi rialin kan thu dun a. Khua a thiangin ngaihtuahna pawh a fim em em a. Ka hawi chhuaka van dum pawl kara chhum var te pawh chu a fiahin a kal zut zut hian a hriat a, thla lah chu zan dang ang bawkin a eng leh na ngiang mai. Hun engemaw chen kan titi hnu chuan zawi muang fan nalh em em mai hian, “Without you, I’m not ok” tiin a rawn zai fawn ta hlarh hlarh mai a.
Aw!.. A ni tehlulin kei, hnamchawm tlangval mai, thiam leh hmachhuan tur engmah nei lo, “I tel lo chuan, D’ ka khawsa hleithei lo a ni” min han tih meuh chuan he mihring fapa hi lawm avanga thlawh theih chu ni se thla-sei a mamawh tawp lo ang le. A ni, mak ka ti a, a hmel ka en a, ka ennawn leh a, ka zawt a, ka zawt nawn leh a, mahse thu dik a ni tih a hmel atangin hai rual a ni si lo.
Awle, engchen chiaha thuk nge hmangaihna tuipui hi in lo dai ve tawh a, engchen chiahin nge hmangaihna hrual-hrui hian a lo vuak sil-awng ve tawh che u hi ka hre hauh lo. Mahse kei chu hei, hmangaihna vangin khaw dang ka hawi thei lova, sawi loh tur tur ka sawi a, ziah loh tur tur ka ziak leh ta nih hi. Dik tak chuan ka nu hnenah pawh ka hmangaih thu leh neih hial ka duh thu vawi tam ka hrilh tawh a.
A ni chuan, “Kan phu rual a ni lo, kan chhungkaw dinhmun enin kan phu lo, inthiar-fihlim phawt mai rawh” min ti a. Mahse, hmangaihna hian phu loh a neih ka hre lova, ka nu thusawiah chuan ka beng ka chhungawng lui a, ka mit ka ti del lui tlat a, tichuan, neih thinlungkhawng tak meuhvin ka nei ve ta rawih mai a ni.
A pian thiamzia leh a duhawmzia hi sawi fiah dawn ila ka tawng kam thiamna-in a daih dawn lova, sawi lohva lumah lah chuan ka ui bawk si. Inchei a thiamzia te leh thawmhnaw kan duh rawng a inan-zia te, a dum hlapa inthuam kara a hmai rawn paw vau te chu, aw!.. a paw a ni lo, a eng a ni. Mihring tawnga sawi fiah thiam rual a ni lo. Mite aia tha, duhawmna tinreng nena inbel, a hmelah ‘he lai chu chuti khati ni deuh ta zawk se’ tih tur reng awm lo khawpa sawisel bo a ni a. Tawng tam lo, han bia ila zak awm tak tawngkam fel tak si hian min chhang ang lawi a. Ka duh ang hi chu amahah hian a kim vek ti ila a fawmkim ber mai awm e.
Kum tam pawh kan la inzui lo mahse, a tel lo chuan nikhat hi a rei a, nikhat chu sawi loh minute khat pawh hi a tel lo chuan ka khawsa thei lo a ni ber e. A tel lo chuan ka kim tlat lo a, ka tel lo hian a kim bik lo tlata hriatna ka nei bawk thin. Chutihlai-chuan, ka hmangaihna aiin min hmangaihna hi a nep zawk fovin ka hre thin a, ka zam leh ruai thin. A bula ka awmin engdang mah ka ngaihtuah thei lova, a bula ka awm lohvin engdang ka ngaihtuah thei bawk hek lo.
Zan ka mut dawna ka theihnghilh ngai miah loh chu ka bula a awm leh a awm loh a ni a, chutiang bawkin, zing ka thawh vela ka tih hmasak ber chu duh taka kuah veng veng a ni mai. Aw, zingtaka min kaih thawhna tawngkam ka lo hnar thin te kha ka va inchhir tak em! Hmangaihna vang a lo ni reng si. Ka tan hian a inpumpek zova, ‘Ti rawh’ ka tih a piang hi tih hreh a nei lova, phun leh sel a nei ngai lo. A thik thu chhe lo lutuk te hi ka thik letling zawk hial thin a ni.
Ka zirnaah nasa takin min pui a, biak tur awmse hmun hla tak a mi pawh min biak sak zung zung thin. Ka ai hi a awh zo tak meuh a ni. Thu fing tak tak min hrilh kara fiamthu nuihzatthlak tak min hrilh thin te hian nun hi a va tihlim thin tak em! Hmangaihna thu mawi tak tak min hlan thin te, ka khawhar changa aw mawi taka a han zai vang vang ngaihthlak te hian khawvel hi a ti thar leh a, dam hi a thlak-hlehawm hliah hliah bik thin a ni.
Awle, chutifakauva ka hmangaih, ka nu phal lo chung pawha ka neih luih, a tel lova minute khat pawh rei ka tih em em, pian thiam leh duhawm, min tihlimtu leh khawhar chang pawha min hnemtu ber chu eng dang ni lovin he ka cell phone “Nokia E50” te mai hi a ni e.
Similar Posts:
- Ka hmangaih reng ang che
- Ka hmangaih reng ang che
- Ka ar thai
- Hmangaihna mak
- Hmangaihna Par – Lalrintluanga Varte
April 16th, 2010 at 1:12 pm
I hmangaih a a lawmawm. Mahse a che muang si, a aw a zawi bawk si, a thlalak a fiah lo thei si. Kei chu ka ning lutuk a ka nau ka pe daih.
Report this comment
April 16th, 2010 at 8:07 pm
@evergreen< i hmangaih chu phone teh daih maw lo ni a..????hehee
Report this comment
April 16th, 2010 at 8:07 pm
Va pehhel kawi mawi thiam ve a :lol:
Report this comment
April 16th, 2010 at 8:08 pm
Hmangai 4-na! :mrgreen:
Report this comment
April 16th, 2010 at 8:20 pm
I hmangaihna a nasat nen aw!! a chhanglet der mai si lo che a, Hmangaihna chhanlet loh bak a na hi a tam ual awm lo a sin le!!!!
Report this comment
April 16th, 2010 at 8:22 pm
I hmangaih em em hian nula engzat nge a biak chhuah toh?amah pon a inhmet zut zut thei toh lo mo?:8
Report this comment
April 16th, 2010 at 8:29 pm
@BMW : 2005velah Dopod 900 han hum vang chuan misual.com hi phone atrangkhan kan online ve thin a!
BSNL hotupa ‘Hmacchuana’ khan GPRS gateway kha Nokia Model nilo chu an chian loh lai a! https://www.epo….—-kan risk fuh ve tehmail kha le!
Report this comment
April 16th, 2010 at 8:32 pm
Lal evergreen, i over lutuk………
Tihdan lah chu i thiam zek a khi…..a ngaihnawm khop mai.mahse i nupui chu a rai thei don lo nih khi mole.
I ziak thiam khop mai,zualko atan i that don hi le……..
Report this comment
April 16th, 2010 at 8:36 pm
haha…i hmangaih ber culeh,ka NOKIA N95 hi pe ta ce ila,I E50 kha cu i paih daih ag mOle…hehe…xiak thiam khOps mai
Report this comment
April 16th, 2010 at 8:51 pm
Chu ti ‘kau a hmeltha chu a thlalak te han post la maw le, ka la hmu ve miah lo. N73 hi chu vawi sang tam ka hmu tawh thung, kan nu paw’n a thik deuh…mi(sual) vang vek :smile:
Report this comment
April 16th, 2010 at 8:52 pm
puarak atan chuan a lo tha ve phian mahna…
Report this comment
April 16th, 2010 at 8:54 pm
keipawh ka phone hi ka duh topz… 3G Sim ka hmang bawka, GPRS ti tel bawka, kalna, awmna apiangah ka misual reng thei a nuam tak ani. Mahse, ka hmangaih ka handset n86 8MP hian sum erawh min ti hek khawp mai. hairehai!!
Report this comment
April 16th, 2010 at 9:31 pm
ka phone hi ka duhtawk em,khawiah paw a biak thei
https://i41.tinypic.com/33lnpqp.jpg
Report this comment
April 16th, 2010 at 9:33 pm
@ceeagch – khatiang fone kha keima thochhuah liau liau a ka lei hmasak ve ber anih kha. a lunglen thlak
. phone tha tak chu a ni e…
Report this comment
April 16th, 2010 at 9:35 pm
Gold mb,a chhe maimai thei lo,tubo’n ka chhu keh lo chuan :wink: eng chen nge ka hmang dawn tih ka la hriat lo
Report this comment
April 16th, 2010 at 9:35 pm
I ngaihtuahna a reitawh ang hehu chuan i ziak tawi khawp alawm…
I hmangaih kha e,BIAKIN ikai pui dawn chuan i that daih zel awmsia ka lainat eee..
Report this comment
April 16th, 2010 at 9:44 pm
ka phone nei hmasa ber,hairehai 2005 velkhan ka hmang a hun lai chuan ka uar ve khawp mai,a chhungah pic/video etc a thei vek
https://i39.tinypic.com/4uw9rp.jpg
Report this comment
April 16th, 2010 at 9:52 pm
Evergreen-a nge nge, i titha thin e. Tawngkam lah hi tenawm khawpin i thiam lehnghal a!! I hmangaih ber hian nangmah hmangaih ve ber tur hi engtikah nge a hmeh chhuah sak ang che aw..!!!!
Report this comment
April 16th, 2010 at 10:02 pm
Hetianga hmangaih biahthu thiam deuh ho hi a tak takah chuan an dawih khawp mai an ti….
An sawi ngam loh tha zawng zawng hi thuziakah an chantir thin a..
Report this comment
April 16th, 2010 at 10:21 pm
Tum loh lamah min hruai kawi daih alawm le… A ho tih dawn in ngaihnawm phian sia… Nang nge nge, thu I thlep mawi thiam khawp mai..
Smiley hi engtin nge add dan le, min lo hrilh mai teh u a buaithlak loh chuan.
Report this comment
April 16th, 2010 at 10:42 pm
hetiang hian inbum fo lo teh ang u. :lol:
Report this comment
April 16th, 2010 at 11:09 pm
I ziak ngaihnawmin i thu ziakah min chen tir veng veng mai alawm le. Chhiar nawn fo atan a that hi le. A finishing erawh beisei loh lam daih ani mai.
Report this comment
April 16th, 2010 at 11:14 pm
@fancis vanchhawng: I thu type hnuah khan space han adah keuh phawt la, chuan : i chhu anga, space pe loin lol i chhu leh ang a, space dah chuanglo in : i chu leh ang. Han ti chhin teh a dik em ka lo en e. :lol:
Report this comment
April 16th, 2010 at 11:15 pm
@fancis vanchhawng: I thu type hnuah khan space han adah keuh phawt la, chuan : i chhu anga, space pe loin lol i chhu leh ang a, space dah chuanglo in : i chu leh ang. Han ti chhin teh a dik em ka lo en e. :lol: :!:
Report this comment
April 16th, 2010 at 11:29 pm
Ziak tha khawp mai! Mahse hetiang thil engemaw lam ziah emoptional vak hian ka lung a len lo tlat.
Mizo lo hian an ching vak lo a mi chu aw te ka ti mai mai.
Kerh kerh nena hmehbel phei chuan a lungkuai viau rualin a tawp dan a NOKIA em mai ka nang hrih lawk teh ang.
Kan khuaah chuan zanlai dar 11:29-ah pawh 33C a la ni hram!
Report this comment
April 17th, 2010 at 12:23 am
Mipa + Mipa = Gay/Homo
Hmeichhia + Hmeichhia = Lesbian
Mipa + Hand set(Nokia E50) = ?????????????????
Report this comment
April 17th, 2010 at 12:24 am
Report this comment
April 17th, 2010 at 12:46 am
Hetianga ang chi-a thu ziah hi kan nei ta nual mai. Ka hriat hmasak ber chu High School zir laia awm thin ‘Ka thu hre tu’ tih kha a ni. James Dokhuma ziah a ni ta em kha aw..?
Report this comment
April 17th, 2010 at 12:56 am
love story turu ka lo ti chiah mahse ending chu a va Nokia ve le. He technology hi Mizo te hian kan lawm zual over deuh inti ve em
Report this comment
April 17th, 2010 at 1:22 am
N0kia c0nnecting people like you.
I ziakthiam khawpmai..
Report this comment
April 17th, 2010 at 8:13 am
para 1-na leh 2-na hian i ziahchhan hi a kawh tum dan ka man phalo. Mb nena thut dun, titi :?: a hla play apiang a ilo in ngaihbel zel leh, nula/tlangval tana phuah mb tana lo gaihbel daih hi mihring chauh in a kan neih feeling i ti bawrhbang, i hmangsual. i khawngaihthlakawm bawk si
khitianga tawngkam i thluaithlum don nih rau2 chuan nula tan emaw, lei mawina tan nita zawk se ka ti! tun tum chu beisei aphalo tlat mai
Report this comment
April 17th, 2010 at 9:50 am
Nokia vang hian nikum April thla khan Colaba kawtthler, Mumbai ah ka bawk phek thlawp tawh
Shahrukh khan! in an Nokia dawr thar ribbon a rawn chep chat dawn , balloon pawl leh var hi an dah khat tlat mai. A rawn thlen hma chuan mipui an tam lutuk chu a chhan kan zawt a, Shahrukh Khan lo kal dawn vang chu alo ni a.
Ribbon a chep chat chiah kha halpuah ring zet mai leh balloon zawng2 kha a rualin an ti puak dur mai alawm mawle. Kawngpui ah ka bawk phek thlawp…terrorists ho an rawn che leh ta emaw ka ti :lol:
Report this comment
April 17th, 2010 at 11:03 am
@The_Chhamanator: i nau lalrinawma i pe ta daih a mi?
@Buizo: i ti dik lutuk.. ataka nula bul chu sawi loh misual ho bulah pawh NOKIA E50 ka la rawn hmang hram a nih hi.. dawih tak ka ni…
@rosanga: “khitianga tawngkam i thluaithlum don nih rau2 chuan nula tan emaw, lei mawina tan nita zawk se ka ti”
khi ka tawngkam tlawmte khi nokia E50 phu tawk vel a ni..nula tan emaw leimawina tan emaw chuan…a la nep lutuk!!!!!!. Tin, “khawngaihthlak-awm” ti lovin “khawngaihthlak” tih mai tur i taima mah mah
@ruat: mipa+ nokia= ruata
@kawnga: aw ni e, Pu James Dokhuma’n “Ka thu hre tu” a tih chu a ‘Fountain Pen’ kha a ni.
Report this comment
April 17th, 2010 at 1:50 pm
Nula ni tur awm takin i ngaihtuah anga, mobile mai mai a ni tih i hre ru kur si anga. Lehlama awr dum nan i ngiahtuahna a thu ril tha tak tak i ngaihtuah chhuah te kha rawn chhawp chhuak lo in, alaiah i rek bung zel dawn tih na ania. I peih, a ho sia, a uihawm.
Khawngaihthlakawm hian inhnialna tam tak a ti chhuak tawh. Tawng ania, chutin=chutichuan=tichuan. mahse leh nimahsela tih pawh hi hmanna tur a awm bik em em ka hre lo, pathianthu sawi tuten nimahsela an tih dam dam hian a puithu hmel deuh a, mahse tih hi a dik tho nangin an hmang khat zawk. a awlsam dan leh a inhmeh dan ang anga kawihlek hi atam. Third person va sawina atan chuan “a khawngaihthlak hle mai” “inva ti khawngaihthlak ve” tih hi a in hmeh viau. mahse first person leh second person, face to face, mobile mic to earphone, i E50 atang khan a lehlam nula bulah, nem dai maiin “khawngaihthlakawm ve oooo” han ti la, alo dawngsawngtu rilru a ti dang ve riau asin. Tin, “awm” tih telh hian a abstract noun noun bik alawm.
Mahse nang chuan i thil hriat ker kur luatah “chhanna nemin thinur a ti kiam thin” tih pawh i hre ve lo anih hi. khawngaihlo tawp ang che, :lol:
Report this comment
April 17th, 2010 at 1:51 pm
♪♫“Hmangaihna mak tak chu a lo ni” ♪♫ :lol: Ziak ngaihnawm khawp mai!
Report this comment
April 17th, 2010 at 6:25 pm
@pimpom:
Hei ka rawn ti chhin e :lol:
Hei a nui ve vur vur tawh a lom..
Report this comment