Mizo hnam culture leh tawngte hi keini lo chu vawngnung leh tihmasawn tur kan awm lo. Chutihlaiin sap kan ngaihsanna avanga kan hnam dan leh thil ten a tuar ve zel hi ngaihtuah chian a ngai khawp mai.
Mizote tluka chimral hlau hi ni hnuaiah hian an awm lovang tih mai tur khawpin hnam kan vei a, a vei zual phei chuan salwar leh kurta hak thlengin hnam ral ziaah kan puh a, kan hmeichhiaten pasala Vai an neih lek phei chuan an faten Vai tawng kawi khat pawh thiam lo mah se kan hmu Mizo thei lova. Chuti ang a nih mek lai chuan makpa atana Sap neih theih chu vantlang chunglam nihnaah kan ngai emaw tih mai turin, Vai leh Sap chu kan class dan a insan hleih lawi si a nih hi!
Venghlui Pastor Bial Khawmpui chuan “Mizo tawng ngeia Elementary stage-a zirna hi uar zawka kalpui a nih theih nan Synod-in hma la rawh se” tih chu Presbytery-a kal zel turin an passed a; hetih lai vek hian Bungkawn Pastor Bial Khawmpui chuan Mizo sikul kan neih that ber(?), Mizo nunzia zir chhuahna hmunpui, Zosapten min lo dinsak P.C. Girl’s Sikul chu “English Medium-a leh ni rawh se” tiin Presbytery-a kal zel turin an lo passed ve hmak mai bawk a, khawmpui thurel ve ve, ram leh hnam tana zirna kawnga thahnemngaihna ve ve, a khawi zawk hi nge kohhran leh ram leh hnamin a thatpui zawk ang tih ram pum huapa vote lak mai châkawm tak a ni.
“English Medium-a P.C. Girl’s School leh an rawt maw!?”(C. Lalrosanga)
– https://vanglaini.org/
Khawvel hmasawnna mila hmasawn tur chuan kan Mizo tawng ringawt hi chuan a daih lo va, theih ang tawka English kan thiam pawh hi a tul ngei a. Chutiang karah chuan Engtin nge Mizo tawng humhalh tak si a English kan thiam em em ang aw?
Similar Posts:
- Zirna sikul hi
- Mizo tawng hmasawn nan leh hnam ro tling
- Phi-Ei-Ar-Ar-O-Thi = PARROT
- Mother tongue !
- Mahni hnam tawng thiamloh a zahthlak
May 24th, 2010 at 11:35 am
ka va hre mai lo e! :twisted:
Report this comment
May 24th, 2010 at 11:56 am
Aizawla seilian Mizo tawng thiam lo deuh ka tawng zeuh zeuh tawh, Delhi Mizo Inkhawmna ah pawh khan English deuh kher a inbia an awm thin :lol: A hun leh hmun a zir te hian hmang ve ila ka ti deuh….Mahni tawng theihnghilh khawpin Hnamdang tawng ka zir lemlo a, sawitur ka hre hauh lo :?:
Report this comment
May 24th, 2010 at 12:02 pm
A dik khawp mai. Han titi khawm nikhua te hian Sap tawng zep tel hauh lo a Mizo tawng hlang hlaka titi te hi a har riau asin(kerh2 a tel tawh phei hi chuan..
)
eg : Vawiin chu kan RIDE a, BEDROOM LIGHT kha han OFF teh, etc
PC Girls English mediuma leh chu a thalo ka ti chuang hauh lo.
Ka ngaihdan pakhat mai2 chuan school system ah hian Mizo hi Compulsory hian zir rei ta deuh ila. A zirlai (a mihring) hian kan tam hneh ve deuh te pawh a tulin ka hria, zirna sang lam bikah.
[Hmanah, 2004 vel khan, 8th schedule a Mizo Tawng dah luh tuma nawr anih lai vel mawlh kha ka ngaihtuah chhuak e a, MZP lah khan do namen loh khan alo do mai si a]
Report this comment
May 24th, 2010 at 12:05 pm
Nia Mizorama seilian Mizo tawng chhiar thiam manglo te, Mizo thil engmah hrelo an tam tawh lutuk, chutih laiin kum tamtak rampawna awm mahse Mizo tawng leh Mizo nunzia la thiam / hria em em an tam bawl.
PC Girls chu english medium ah let lo se awww… zirchhuak saptawng thiam deuh deuh ka hre teuh mai
Report this comment
May 24th, 2010 at 12:10 pm
Kan ram leh hnam hi economy leh politic lama kan sawh ngheh hun ah chuan Mizo nih hi kan chhuang anga, kan tawng pawh kan ‘zah pui’tawh lo vang. Japanese ho reng in saptawng thiam loh an zak lo em mai.
Report this comment
May 24th, 2010 at 12:23 pm
Mahni Mizo tawng thiam a tul em em laiin, alo berah saptawng English kan thiam a pawimawh tho mai. Chu tih laiin tawngthiam hnem apiangin, khawiah pawh rual an pawl thei. Tawng ber thiamloh chuan a hawi-at ve theih viau. In cheina lam ai hian ‘hnam dang tawng’ te hi zir melh melh peih ila..language School te hi kan uar ve tawh emaw?
A bik takin missionary, leh hnathawk tura Zoram pel a kal chhuak turte tan phei chuan, kan kal tumna ram tawng thiam loh pawhin, sap tawng tal thiam a tha. Mi tawng kan han zir a a hrilhfiahnan a an hman sap tawng pawh kan thiamloh chuan a buaithlak viau.
Zoram chhung a hna-awm hian, Zofa te hi min daihlo a ni tawh a, ram pawn ah hnazawng a pen chhuah te, hna leh rawngbawl avangin kan la pen chhuak zel ang. Zahzum lutuk leh a diklovang tih hlaua tawng ngam loh te hi a tha lemlo va, mahni tawng a nih loh avangin, kan thiam ang ang hman hreh loh athat rual rual in, Broken deuh deuh a tawng ve fo ai chuan ….a dik leh tawngkam mawi zir ve hram hram a tha…tet lai atanga School zirchhuak ngei hi chu an dang deuh…seilen na a pawimawh hle a ni. Korean News puangtu te English hi a nalh thei khawp. Mizote hi chuan a ziah lam kan thiam fu..saptawng pawh a tha tlangpui..tawnglamah hian kan accent hian rual a pawl tawk rihlo deuh. Kan lam ZO deuh tlat … mahse Mizo english a ni ve mai.
Chutih rualin, mahni pianpui tawng, thiamlo leh theih nghilh zawnga khawsak hi a thalo hle bawk. Hnam changkang apiangin, mahni tawng leh culture an in hlutsak ti ila, kan ti sual awmlo ve. Mahni tawng an zahpui lo va, mahni tawng pawh, hnamdang tawng pawh – a dik thlap a hman theih hi a zah awm bik bawk.
Report this comment
May 24th, 2010 at 12:26 pm
Mizo tawng hi i uar tawlh tawlh ang u khai, kan ram chhung chanchin, lui, tlang, sava, ramsa etc. hming te hi uar zawkin zirlaibuah te telh ni se. Mizoram a khua leh hmun/thil hming lamrik dan pawh hi uluk zawk a in zirtir a tul hle a ni.
Mizo medium sikulah pawh hian English hi uluk takin zirtirtu thiam (4 first ngat????) in zirtir se.
Report this comment
May 24th, 2010 at 12:27 pm
@ Uaiizzz MZP chungchang i rawn ziah khi hriatchiang a va chakawm ve… ka google chhina, “8th Schedule-ah Mizo tawng MZP-in duh lo; pawl dangin duh.” tih chu ka hmu zawlbuk.net ah, mahse a link chu a diklo, nikum vel a zawlbuk in an site an siam that khan hmana article zawng zawng link (leh comment) kha a buai vek a
uihawm tak tak a ni 
Report this comment
May 24th, 2010 at 12:28 pm
Tin, Hindi pawh hi tun ai hian a ‘spoken’ lam hi uar deuh a va tha em.
Report this comment
May 24th, 2010 at 12:57 pm
Sandman: Hei ka rawn dawi chhuak e
=========
8th Schedule-ah Mizo tawng MZP-in duh lo; pawl dangin duh
By Zawlbuk Wednesday Jul 05 2006 10:46 am
Delhi Mizo Zirlai Pawl (DMZP) leh Mizo Academy of Letters (MAL tangkawp chuan nimin nileng khan Vanapa Hall-ah, 8th Schedule-a Mizo tawng telh chungchang sawihona Seminar an buatsaih. He hunah hian Pu C. Chawngkunga, Ex-Minister chu Khuallian a ni. Seminar-ah hian Tv. Chawngchhuana, DMZP President leh, Prof. Laltluangliana Khiangte-te paper buatsaih zirho a ni a, sawihona neihah Mizo Zirlai Pawlte chuan, 8th Schedule-a Mizo Tawng telh an duh loh thu an sawi.
Seminar hawnna inkhawm hi MAL President, Pu Lalthangfala Sailo-in a kaihruai a, tawng hi Hnam inpumkhatna leh ram leh hnam humhalhna pawimawh tak nia a hriat thu a sawi.
MAL Secretary Dr. R.L. Thanmawia chuan MAL, hmalakna tlangpui report a pe a, MAL-in a tum ber chu thu leh hla a Mizo tawng tih changtlun leh, tawnga Mizo hnahthlak peng hrang hrangte insuihkhawm tir a nih thu a sawi a. Hemi atan h ian MAL chuan vawi tamtak Seminarte neiin hma a la tawh a. Zo hnahthlak hmun hrang hranga awmte tan pawh hma a la mek a ni tih a sawi.
Khuallian Pu. C. Chawngkunga chuan, “Tawng hi a pawimawh hle a, silaia ramawp ai chuan tawng hmanga ram awp hi a nghet zawk a, a tlo zawk bawk a ni. a ti a. Mizoramin Official-a kan hman mek, Mizo tawng hi 8th Schedule —a kan dah thei a nih chuan kan tawng kan humhim dawn a ni a, hei hian kan Zo hnahthlak hrang hrangte min phuar khawm dawn a niâ€. a ti a. India ram independent hnua tawng chi hrang hrang 48 zet chu a thi tawh a. Mizoramah pawh Lallula Sailo lal lai atangin tunah hian tawng chi hrang hrang 18 chu a thi tawh a. Hengte avang hian Mizo tawng hi a bika humhalhna 8th Schedule-a thun ngei hi a tul a ni a ti bawk.
He Seminar-a paper present tu pakhat Pu Chawngchhuana Chawngthu buatsaih, “8th Schedule kal hmang, tuna a dinhmun leh Mizo tawng†tih chu zir ho a ni a. Pu Chawngchhuana chuan Zofate hian kan hnam chawisanna hnam ropui leh dingchang ni tura kan duh a nih chuan kan hamthatna tur min ti nghet thei thilte hi kan ban a, kan bawh huam huam a tul ve bawk. Chumi atana kawng pawimawh tak chu 8th Schedule-a Mizo tawng dah ve hi a ni, a ti a. Mizo tawng thun a nih ve theih nan Mizo Mipui zawng zawng kan tanrual a pawimah thu a sawi a. Prof. Laltluangliana Khiangte chuan, “Mizo tawng 8th Schedule-a telh a tulna leh a pawimawhna†tih paper a present bawk.
Sawihona neihzui a ni a, kalkhawm zinga Mizo tawng India hnampui tawng, 8th schedule-a thun duh lo awm chhun MZP aiawhin Lalmuanpuia Punte chuan MZP-in a an duh loh chhan hrang hrang a tarlang a. 8th schedule-a Mizo tawng thun ve a nih a India hnampui zingah Mizo hnam a tel ve dawn tihna a nih thu leh, ‘Hnam pui in ni tawh e,’ tia Central Sorkarin ILP leh reservation hrang hrang Mizo neihte tih tawp an hlauhthawn thu a sawi. MZP aiawha thusawitu dang C. Lalrokhuma pawhin, Meitei Zirlai hruaitu, hmaichhan ngeia a kawmin, 8th schedule-a an tawng thun a nih avanga hamthatna an neih miah lo thu a sawi tih he hunah hian a sawi bawk.
Note: Paper Present tu zingah kan zawlbuk member Chhuana(Chawngchhuana Chawngthu)a tel ve tih kan hriatin kan chhuang hle. -zawlbuk
=========
https://zawlbuk.net/~zawlbuk/in.....38;nid=417
Report this comment
May 24th, 2010 at 1:01 pm
thank you!
Report this comment
May 24th, 2010 at 1:18 pm
Hindi hi a pawimawh khawp mai.,primary leh middle stage a kan zir bak kha awmna hmunin a zir tawh miau loh chuan a harsa tawh thrin…english leh hindi bikah chuan spoken lam hi stage hniam atanga uar taka inzirtir hram2 atha ka ti…hei hi mizo medium a kal chhuak te hniamna pawh ani in ka hria…ka ngaihdan ve mai2 chuan, a tlangpuiin mizo medium a zirchhuak tan chuan mizo tawng chu a har vak lovang an hman that duh phawt chuan..tichuan mizo medium tan english/hindi hi uluk fal taka zirtir nise spoken thlengin…english medium a kal tan mizotawng hi uluk fal lehzuala kal pui ni bawk se… mizo tawng hlamchhiah hauh lova tawng hran(foreign languages) kan inzirtir uar hi a pawimawh khawp mai…he thilah hi chuan naupang te piah lamah nu leh pa thleng hian mawhphurhna sang tak an nei in ka hria…
Report this comment
May 24th, 2010 at 1:27 pm
Engtin nge Mizo tawng kan humhalh ang? in ti maw?
Engtin vak nge ni chuang anga… kan tawng hi hmusit lo ila, hmang reng ila, zah pui lo ila, Kawlni te hi ti Colney kual vel lo ila.. hmang reng ila mizo kan awm chhung te chuan kan hum halh ani mawi lom.. easy..!
Report this comment
May 24th, 2010 at 1:28 pm
Kan news reader ho hi a hranpa a mizo tawng lam dan zirtir an chakawm hle mai.
Report this comment
May 24th, 2010 at 1:28 pm
A post tupa ngei pawh khian a thupui ah pawh ziah zawm tur a ziahzawm biklo em aw.. :twisted:
8th schedule a tawng dah chungchang hi chu inhnialna a tam khawpmai khatih lai khan. IAS exam velah te keimahni Literature tel theihna te, mahni tawng ngeia exam theihna kawng a hawng theia.. thil eng eng emaw ah hlawkna a thlen theih laiin kan ST quota leh ILP te kan hlauh theihna kawnga sul su tu ani hlauh thei bawk maithei.
Report this comment
May 24th, 2010 at 1:36 pm
Min thenkhat, Mizorama an awm hun aia rei lo hmun danga awmte’n Mizo tawng aia Sap tawng thiam intiin Mizo tawng theihnghilh then deuh niawm taka an han awm vel hi ka ngei thei khawp mai. Amaherawhchu, Mizorama seilian lem lo leh khawsak danin a zir avanga hnamdang tawng thiam ta zawkte erawh ka dem hran lo. Mahni pianpui tawng thiam tura hma lak leh mai kha a kawng a ni mai.
Tawng thiam chungchangah chuan eng tawng pawh hi thiam tum hram a tha, lehtawng takngial pawh hian tangkai hun a nei chawk a nia.
Tawng kan humhalh dan tur nia ka ngaih chu, kan tawng hman laia an lo hman tawh thin dan (originality) vawng nunga, tawng tihhausak zel a pawimawh ang. Mizo hnahthlak tawng dang hmangte tawng hausaknate lakluha chherchhuah zel kan mamawh a ni. Tin, Tawng lamah hian thuneitu Language Development Authority emaw (ka phuahchawp tawp :smile:)awm se. Mahni duhdan leh dik nia kan hriat hmang hrang nuai nuai lovin, chumi thuneitute pawmpuina nen thlapin tawng hi chherchhuah leh vawnhim ni ta se a that ka ring.
Report this comment
May 24th, 2010 at 2:01 pm
hindi thiam pawh hi a pawimawh, india ah kan awm si a.
Report this comment
May 24th, 2010 at 2:06 pm
Nu leh pa te theuh in, mahni fa-te, Mizo tawng an hman dikloh chuan, a dik zawk a hrilhfiah vat hi humhalh dan pakhat chu a ni awm e. Mizo thil hmingte hi hrilhfiah peih pawh a tha.
Report this comment
May 24th, 2010 at 2:09 pm
mizo animated film or tv seriel tehi awm se
Report this comment
May 24th, 2010 at 2:13 pm
fonz…siam la
Report this comment
May 24th, 2010 at 2:19 pm
funny khian a post-tupa a sawisel a, amah ngei pawhin sentence khat ah ‘ziah zawm…ziahzawm’ a ti a, hloh hmanna turah ‘hlauh’ a la ti zui :lol: :roll:
Report this comment
May 24th, 2010 at 2:27 pm
Kan tum phawt chuan mahni pianpui tawng thiam nal tak chunga tawng dang thiam tak nih hi atheih khawp mai.Eng tawng pawh hi zir ila, mahni pianpui tawng hi chu atheihnghilh theih tak tak arinawm loh.
Amaherawhchu, hman khat lutuk chuan eng tawng pawh hi a bah ve theih tih erawh kan hriat atha.
Mizo tawng kan hmumhalh zel theih nan :
Kan tawnga kan neih loh, English word a ngial angan a kan hman hi atam ta khawp mai. Hengte hi kan tawngah seng lut ve ta mai ila. Chinese ho hian engkim mai hi an mahni tawngin an nei / dah vek mai a. Inkhelthiam hmingte, Ram hmingte, electronics hmingte pawh hi an tawngin an dah vek mai. Hetianga kan seng luh chuan, Local News pakhata, inkhel thiam hming an lam dik leh dik lohvah te pawh kan inhnial kan inhnial tawh lo mai thei ani.
Thumal thar kan seng luh tam loh chuan, kan tawng hi kum 50 dang liam leh hunah chuan, kan thumal tam tak hi chu kan hmang tawh mang lovang.
English kan thiam em em theih nan
abikin speaking )
A ziah hi chu kan thiam hlawm khawp mai. Mahse, a tawng lamah hian, a ziah kan thiam ai hian kan hnufum leh tlat thin. Aizawl-ah te hian English a inkawmkhawmna, English Corner an tih ang chi te hi buatsaih ta ila. A tawng lama ham kan sawn theihna tur hamua pakhat niin alang.
Report this comment
May 24th, 2010 at 2:38 pm
seki.. chutichu word thar kan coin ange.. internet hi tun atangin ‘Hriatzauna Berhbu’ tih lo ni tawh rawh se
Report this comment
May 24th, 2010 at 2:44 pm
@ Sandman : sorry ltks, ka rawn lut leh chiah.
@ Ben : Thnx
# 23 : gothica hian “internet” saiw dan tur min pek rualin “coin” lai takah khian ka buai ta tlat
Hei hi ani reng asin
Report this comment
May 24th, 2010 at 3:27 pm
kei chu tunlaia cable tv vela film chi hrang hrang mizo tawnga an lehlin ho hi en a hahthlak ka ti, naupangin an en lo thei sivova. e.g. “excuse me” = “min lo hrethiam lawk teh” tumahin hetiang tawngklam hi real life ah kan hmang ngailo. hei lo pawh hi a tam mai, ziah sen anilo!literal translation an pe a, naupangin mizo tawng hmandan diktak an thiamloh phah!!!
misual ho ngaihdan enge?
Report this comment
May 24th, 2010 at 3:28 pm
Kan trawng hi hman tam a pawimawh a ni. Trul lovah trawng dang zeh kan ching a, thusawitu leh ziaktute hi an harhchhuah hun hunah kan HUMHALH turah ka ngai…
Report this comment
May 24th, 2010 at 4:33 pm
Pu muante: lol
Report this comment
May 24th, 2010 at 5:01 pm
Keichu mizo medium hi awm toh lo se,english mediumah mizo subject leh hindi hi compulsory ni chho reng zok se ka ti ngot mai………
Inchimral hlauh vangin english leh hindi te hi han hnuaichhiah ta mai ila chuh!!……mahni awmhmunah kan mawl hle anga ni ringot…….
Report this comment
May 24th, 2010 at 5:22 pm
28-na hi ka pawm zawng tak
Report this comment
May 24th, 2010 at 6:33 pm
Mizo tawng thiam em em tur.tawngdang zirna hei hian a dal hek lo.8th schedule ah tel se,hmasawnna hlir tur
Report this comment
May 24th, 2010 at 6:41 pm
Mizorama chuanchhuah a nawmna em em chu – Pitar,putar,naupang thlengin Mizotawngin an biak theih vek.A bak chu sawi lo teh ang.
Report this comment
May 24th, 2010 at 6:57 pm
@funny: Ka post hi i sawisel chak ve hrim hrim lom :lol:
Famkim bik chiahlo hian i rawn sawisel ve ziah a…
Report this comment
May 24th, 2010 at 7:49 pm
tawng hmandan dik te, ziakdan dik te hi ngai pawimawh ta ila..
Saptawng hi ngainep chuang lem lo ila…a hmang duh chuan mizo zingah pawh hmang mawlh mawlh mai se..a pawina em em ka hre hran lo. Mizo leh mizo pawh, saptawnga an inbiak duh nak hman chuan lo inbe mawlh mawlh sela..a pawi viau em ni?
Report this comment
May 24th, 2010 at 9:50 pm
Humhalh teh vak pawh a ngai em em em ni?A mahin a in ‘HALH’ ve mai ang!!!!!!!!!!!!!!!!!!!!
Report this comment
May 24th, 2010 at 11:22 pm
Coolsoul#33, nia….a poi ka tilo keipoh….prison break an ron dub ve ngei kha.go to hell tih te kha hremhmunah kal roh :lol: literally in zu han dub zela male.
Khoiah emo hmelhriat loh be don ila,tlanval kan u deuh ni ta se entin nge kan tih ang le…??? Ka u kan va ti ringot don nge?, thiana tih lah hi mahni aia u te bula hman chu nuam vak silova hetah chiah hian xcuse me te han ti ta mai2 ila…..tha fu long mawle…..
Report this comment
May 25th, 2010 at 1:52 am
Mizo tawng tih hmasawn na kawngah chuan nu leh pa te hi an pawimawh dan a ril riauin ka hria, ka sawifiah thiamlo mai pawh a..
Chuan kan naupan lai khan kan hotunu khan hming (mizo hming?) chu ziak zawm tur ti khan min zirtir thin khan ka hria eg, Lalthanhawla ( Lal Thanhawla nilo in),mahse, kan zir thin dan kha a lo dik lo nge, ofis tam takah a hrang a ziak ka hmu fo mai.. Eng zawk hi nge dik le???
Report this comment
May 25th, 2010 at 3:12 am
Mizoram a seilian, mizo tawng thiam lo ho chu tet te atang a english medium a kalho hi an ni tlangpui in ka hria. Hei hian english medium a mizo tawng an hlamchhiah zia a ti lang. Diktak in tawng mahse an han ziah chiah hian an buai fo. Entirnan:-“Min be tha khawp mai” tih hi “Min bia tha khawp mai” ti te hian an ziak chut zel.
Tin, tet te atanga vairam a awm ho zingah hian mizo tawng ai a sap tawng thiam an tam mai. Hindi erawh chu an thiam chuang lem lo.
@25
retrochic Says:
kei chu tunlaia cable tv vela film chi hrang hrang mizo tawnga an lehlin ho hi en a hahthlak ka ti, naupangin an en lo thei sivova. e.g. “excuse me” = “min lo hrethiam lawk teh” tumahin hetiang tawngklam hi real life ah kan hmang ngailo. hei lo pawh hi a tam mai, ziah sen anilo!literal translation an pe a, naupangin mizo tawng hmandan diktak an thiamloh phah!!!
Dik chiah. Sap tawng a an expression hman ang hi mizo tawngah dik thei lo a tam lutuk. Chuvangin @16 a Muantea sawi ang deuh hian control a ngai a ni ber mai. A tul a nih chuan sap ho expression pawh mizo tawng in, a thar siam ve a, mipuite hnenah information pek zel ni se, chuan entirna pe thlap zel bawk se la, a hmang hmasa thiam nihah te khan in el vel bawk i la..ti te in duhthu ka sam vel mai mai.
Mizo tawng a neih ve ka chak zual deuh deuh te 1. excuse me, don’t mind/never mind, ok,please, thank you, yes, no, etc.
Entirnan english a awlsam te a “yes please/no thanks” han tih mai ang chi hi mizo tawng chuan a har tlat, sawi deuh duah a ngai zel in ka hria. “Thingpui i duh em” “Aw, ka lawm e/ aw, khawngaihtakin” han tih ngial hi chu mizo tawngah hian a formal tlat a, nge kan hmang uar anga kan ti formal lo dawn!! Kan hmang uar a nih chuan hei tak hi chu ngaiah a neih theih mai ka ring. Tin, “i ti lawmawm lutuk” etc. tih te hi kan hman dan tlangpui a ni a, a tha tho, mahse standard felfai tak a “ka lawm e/ka lawm lutuk e” tih mai hi ngaia neih a tha ve hrim hrim in ka hria. Sap tawng a “thank you” kan hman naah hian mizo tawngah “ka lawm e” kan ti khat khawp mai, “ka lawm e” tih tawp aiah khan kan pelhel kual zel. Tawng kan lehnaah erawh chuan “ka lawm e” ti in kan let tho. Mahse atak a kan hman dan nen a in hmeh lo.
Tin, “yes” pawh hi “aw” hian a hrilhfiah zawh loh chang a tam,han ngaihtuah ve cheuh cheuh teh u
chutiang bawk in “no” pawh “aih” kan ti dawn em ni?
“aih” tih hi a naupangchhia deuh em??
Report this comment
May 25th, 2010 at 8:44 am
“yes please/no thanks” english chuan a ni mai a, an tawng a ni miau a, keini chuan khatianga english ang ang a va lehlin tum chu a tul lem emaw ni le? Ka ti deuh. Khi tianga tih kan tum talh chuan…keimahni origin ni lovin mi tawng bungrua kan hawh (imitate) emaw a nih hmel.
“Thingpui i duh em” ti a zawhna chu “Aw, ka lawm e/ aw, khawngaihtakin” tih ai ah Mizo chuan a ai a tawngkam mawi (indigenize – tualchher tawngkam i ti mai ang) “A va lawmawm awm ve, a chak-awm khawp mai”, “A ngawi teh, i ti buai lo mai ang, a lawmawm hle na-in..” te kan ti thei a lawm.
Keimahni tawngkam bungrua lo neihsa hi saptawng ang tur khera modify a tul in ka hrelo, kan lo neih sa hi, mawitakin kan hmang uar zawk tur niin ka ngai ve mai mai.
Sap hovin an ti ti kar a ‘you know’ an tih thin avang te a, tun hma a awmze nei tak a, hriat thiamleh thiam loh in zawhnan a “I hria em? ” kan tih thin, tunlai chuan, in tih tunlai nan, tul mang lemloah, tawngkam tinah “I hria em” kan inti sek ta mai te hi…a ho a ni ber e.
Report this comment
May 26th, 2010 at 3:34 pm
Ka hre chiah lo a a humhalh dan chu heh
mahse, sms te hi type(chhu? oops 
uluk ve deuh hlek ila. Tunlai kan thangthar te sms te phei hi chu keini val upa ho hi chuan hriatthiam tum hian beih fet a ngai zel mai hi a buaithlak mah mah ka ti. Mizo tawng hmang uluk deuh hlek tur hian in zirtir dan te hi a awm khiah lo maw? ka ti ve mai mai[
Report this comment
August 2nd, 2012 at 2:35 pm
Sâp ṭawng intithiam tam tak hian an thiam tak tak lo tih an inhriatchian hunah thil a fel duak mai ang
. Zah nachang an hriat hun nghah det a ngai mai thei bawk.
Report this comment