Hmanlai tak tak kha chu a sawi theih loh angah, Dawr neih kan in tihhmuh hnu, ram buai kan la nih hma si kha chuan Dawrpui phei a dawr awm thenkhat te saw zanah an in hawng diah diah thina, engvang in nge tunlai hian kan dawr nghaktu thenkhat te (a tam zawk an ni ang chu) a in hawn tak loh ? Tin, hman ni khan Dawrpui tualchhung chanchinbu pakhat chuan “Zana dawr hawngrei kan awm leh tan ta, hei hi i ching chhunzawm lovang u” ti in a chhuah ka hmu.
Zan dawr hawn hi Zoram ah chuan kan tlin lo deuhvah kan la in ngai nge? Eng vanga hawng ta lo mai nge kan nih? Hausak ringawt kan duha hnamdang ang hian kan thawk tha leh peih silo nge, chawlh hahdam kan duh vang hrim hrim ni ang? Nge Social activities leh inkhawm tam ta lutuk ta hian min phuar hneh hrim hrim zawk, a KRISTIAN lo kan ti deuh em? Reilo te dawr hawna hlep tawk a, in hralh teuh duhna thinlung leh corruption (kan sel vak vak) hi a in zul viau lo maw?
Zan dawr hawn hi khap ni ta lo se Vai ho hlei hlei hi a chhawr tur an ni zawk ang em? Zan dawr hawn ti ta ila nula (K.S) inzuar an tam phah ang em? Kan nula leh tlangval zan bazaar chance la a sawn leh falak pai/nei an tam phah lovang maw? Chu ti ni se zan dawr hawn kan khap hi kan la ti fuh fe ah kan in ngai thei ang em? Eng dawr ho hi nge zana hawn chi a kan ngaih? Dawr hawn khap bur hian sumdawnga eizawng thin te dikna a palzut em?
Diktaka Sawrkar hnathawk thin tan chuan Bazarna hun hi a vang duh hlemai… Thaibawih institution a zirchhuak, nupuite leh naupang thawmhnaw zawng zawng su thin tan chuan Inrinni kan hun neih ve te insuk nan hman a ngai bawk si. Bazar chhuanlama zing rawngbawl tlansan tum lah in Mizo zingkar dawr hawng an tlem thei lutuk , i duhleh Inrinni ah chawhmeh bazaar pahin kal mai rawh an ti vin leh tuk bawk si… Kan thawmhnaw bazaar lian Solomon’s Cave leh Millenium shopping centre te hi an in hawng tlai thei ropui si.
Zan dawr hawn ni tase Traffic jam hi a a tlem phah a ngem? Kan sawrkar hnathawk te chhuna bazaar a an chhuah sek hi a reh thei mial mai thei asin!!! Zan dawr hawn ni ta se tuna kan dawr neitu(thenkhat) te hian an lak luh let vel hi la lut thei in kan ring em? Sumdawng te lo hausa thur thur ta se sumdawng kan tam phah a ngem? Sumdawng tam ta se Zoram khawvel hian hma a sawn phah dawn lawm ni?
Chhan senloh zawhna, kan sel a kan fak thul, rai maw railo maw ti chungin kan ti zel tho… Dik leh diklo a awm lo i ngaihdan khirhkhan leh kheuhbeuh tak mahse fing tak si kha, kan Sumdawng te ke chheh siam thatnan alo tangkai tak hlauhin han puang phawng phawng mai teh le, kan thiam kan fin kan theih na zawng te, kan sakruang Mizoram tan kan ti ta sa sa…
Similar Posts:
- Mizoram Private Sikul neitu te leh Sumdawnna
- Handset camera nen Inrinniah ka bazaar a…
- Mizo vs Vai Sumdawng
- Khawnge pawisa nawi?
- The Y2GOAL Agencies
June 3rd, 2010 at 10:56 pm
Zu khap leh zan dawr-hawn hi inanna riau a nei ka ti. A chhe lam leh tha lamin kan society a affect ve ve. Mahse hun lo kal zel tura kan hmachhawn tur tho tho tun atanga kan lo practise hi a tha ka ti. Social evil engemaw chu a tirah a hring chhuak ngei ang, mahse kan inzirthiam ve mai ang tih ka ring.
Khap theia pui kan tam lutuk hi chuan kan development a dal ngawt mai.
Report this comment
June 3rd, 2010 at 11:05 pm
Kan development nan leh tourist kan attract theih nan chuan night life leh MLTP hi ennawn ngaiin ka hria…ka OT em oh
Report this comment
June 3rd, 2010 at 11:10 pm
dawr hi in hawng rei se tha ka ti, damdawi dawr angte phei hi chu 24/7 inhawng se ka ti. Damdawi In bulhnaiah hian thingpui dawr te hi inhawng rei se ka ti, Dawrpui veng sawn ka hriatsual loh chuan dar 10:00 pm thleng chiah dawr hawn an phalin ka hria
Report this comment
June 3rd, 2010 at 11:15 pm
entirna pakhat ka telh duh chu phai lama kan pu te an rawn kal tum apianga an sawi tam ber chu day life is fine but night life is somewhat boring and we cannot get dinner at our exact timing….tih hi ania chuan durtlang thla vel khi pui an ti khawp mai enge a chhan poh ka hre lo kan kal ziah lehnghal…kalna tur tha dang min han hrilh teh u….
Report this comment
June 3rd, 2010 at 11:16 pm
chuan taxi driver ten zan rei poha traffic rules an zawm hi mak an ti hle bawk…Taxi driver ten kan ram min ti hmingtha khawp mai
Report this comment
June 3rd, 2010 at 11:35 pm
Ians’ quote: “Kan development nan leh tourist kan attract theih nan chuan night life leh MLTP hi ennawn ngaiin ka hria…”
Metros tih loh ah chuan zan dar 10 pelh a inhawng ta tuarh hi ka hre tlem khawp mai! MLTP Act erawh in nghawng a nei mai thei e. Mumbai ah meuh pawh hian zan dar 9 hnu lamah bazaar han tum teh… lei tur i hmu tlem ve khawp ang! Italian Cities (Palermo, Catania, Messina), Alexandria, Cairo, Dubai, Abu Dhabi, Muscat,Djakarta, Brisbane, Cairns, Manama etc etc ka kal ve tawhna ah chuan dan dar 9 hnu lam hi chu a reh thei khawp mai. Pub life leh discotheque chu sawi lo a lumah ni ta se laaa..
Report this comment
June 3rd, 2010 at 11:51 pm
Mizote hian hnathawh hun chhung hi kan duhreilo khawp mai.
Zanah lah kan hawng reilo, zing lamah lah kan hawng har.
Chubakah Mizo dawr nei reng reng te hi dawr kan hrehawm tlangpui, vairamah te chuan dawr nghaktute hian ” lo kal ru lo kal ru, engnge in duh? ” tih pah hian an thil neih ang angte min kawhhmuh zung zung a, an rawn phawrh zung zung thin bawk kan thil en loh thleng thleng hian an rawn phawrh zung zung bawk, dawr loh hrehawm khawp zok hian min siam thin.
Keini Mizote ve erawh hi chu dawr hi kan hrehawm thin zawng chu a nih hi…minlo dawr let dan thinte hi chu kan hre tlang awm e. Inthlahrung dekin min awm tir thin chu a ni ber e. Miretheite tan phei chuan en chhin ringawt pawh hi a ngamawmloh thin e.
Report this comment
June 4th, 2010 at 8:14 am
In thawhkhawm tha hlawmhlemai. Ka hmanloh avangin ka ngaihdan te ka lo thawh ve hmanlova a pawi ka ti hlemai. . . Tin, ka rinaiin misual hohi inlo fel
Report this comment