mi(sual).com

Tuk khat chu office hnathawk pakhat hi a office kalkawngah mi tereuhte mai hian a kalna kawng dal a lo ding in a lo cho a. Han bei let se awlsam takin a hmet hlum mai awm si a. Mahse a tet em avang chuan chu pa chuan thutak a khuk pui lovin a nuih liam san a, a kalsan ta daih a.

A tukah pawh chuan, chu mi te bawk chuan a hma ni ang bawk chuan kawng dal a lo dingin alo cho leh a. Nimin ai in a lo lian deuh hret in a hria a. Mahse, a tet hrim hrim  avang leh a hmanhmawh deuh avangin  khin en a en lovin a kal pel tha leh ta mai a. Chutiang chuan tuk tin mai hi chu mi te chuan a office kal tur chu kawng dalin alo cho ziah mai a, amah lah chu a ni telin a thanglian ve hret hret lehnghal .

Chutia thutak khuka a khukpui lemloh chhung chuan mite pa chuan, amah pawh a rawn tiat ta thuak mai a, harsa ti taka a kal pelh a lo ngai tan ta a. Tuk khat phei chu amah aiin a lo lian ta nghe nghe a, kal pel leh tur chuan a chakna-in a tlin ta lo hial a, a mang- ang rilru takin, “Aw… te tak te i nih lai khan lo tiboral daih che ila chuan tun ang buaina hi ka pumpelh daih tur a nia le, ka lo ngainep lutuk che kha ka thih phah ngei dawn ta a nih hi” a ti vawng vawng .

Natna kan taksa a lo awm tantir te hi kan ngaihsak that loh chuan thihna ah min hnuk lut thei. Corruption te hi a tirah kan buaipui tha duh lo a nih chuan – a zungchawp a karphawh a harsa tawh thin. Fate pawh hi an naupan laia sim tur an neih chuan ngaihthah loh a tha.

Similar Posts:

• Sumo Fare
• Zu in leh love song sak hi sual a ni lo.
• Mumang mai mai
• Krismas Card
• Isua Pathian a ni lo

Recent Posts:

• C.P. Road
• Thalai ni si:
• Ruatfela Nu thu leh hla
• Thingkha Par Lai – Nghatun Mut Hun (Ka tawn hriat te) !
• Chiahpuam Part II

This entry was posted on Friday, July 16th, 2010 at 2:43 pm and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.