Mizote hi hna chi hrang hrang thawka eizawng kan ni a. Chu kan eizawnnaa hlawhtling tur chuan a zeizia leh kawnghmang kan hriat a ngai a ni. Tûn tum chu kan hriat lâr vak lêm loh, pawimawh ém êm si quarry-a hnathawh chungchâng i’n bihchiang deuh tak tak teh ang!
1. Lung latu chuan lunglâkna hmanrua engkim a nei tur a ni a, nei lo va midang tà a hawh chuan a pe leh vat tur a ni. A tibo palh a nih chuan a chawi ang a, a chawi duh loh chuan back-kick thlenga hrem theih a ni.
2. Hlawhfa chhawrtu chuan a mi chhawrte hlawh diktak a pe ngei tur a ni. Chhûn thingpui in chawlh an neih laiin leimin hlauhawmah a chawlhpui tur a ni lo.
3. Lung latu chuan fûrah lei a min duh bîk a ni tih hriain a fîmkhur ém êm a ni. Lungpui an khawih hmain an enfiah hmasa tur a ni a. Leimin hlauhawm a awma, hlawhfa chhawrtuin a en ngam lo a nih chuan hlawhfa a entir bîk tur a ni lovang. Amahin huaisen takin kekawrte ha chungin a endik ngei tur a ni. A hlauhawm a nih chuan hlawhfate chu a tlànhawpui nal nal tur a ni.
4. Hnathawktute chu an fîmkhur ém êm tur a ni. Lungtum artui tiat lek pawh hi a rawn tlâkna sân dân azirin mi a delh na thei tih hriat kar tur a ni.
5. Lung khawihnaah hian nupuite hruai phal a ni lo, a chhan chu hmeichhe hna a nih loh vâng a ni. Amaherawhchu, nupuite tel lo va hnathawk thei ngang lo a nih chuan a hruai thei ang.
6. Hnathawhna hmuna leiminin lung lâkna hmanrua a vúr chuan a laichhuaktuin a neitu hnênah a pe leh ngei tur a ni. A neitu a hriat loh chuan a nei thei ang.
7. Hlawhfain lung lâkna hmanrua chi kim a thawhchhuahpui theih chuan a chhawrtupa hnênah a zah loh dân azirin hlawh pêk belh a dîl thei ang.
8. Hlawhfain lung lâkna hmanrua a ru a niha, chiang taka hriatchhuah a nih chuan bungrua neitupain Undertaker finishing angin metal road châr laiah dimna leh lainatna awm miah lovin a duh chuan a finishing thei ang.
9. Kan hnathawhna bula thawkte hmanrua kan hawh a nih chuan hman zawh veleh kan pe leh thlap tur a ni a, trick tih vêl awih a ni lo.
10. Quarry hnuaia kawng a awm chuan lung lum dâwnah fîmkhur hle tur a ni. Lung lum tur chuan kal an awm leh awm loh vawi nga vêl a au hmasa lauh lauh tur a ni.
11. Lung lumtu fîmkhur loh vânga mi kal laia a lum palh chuan delh lo mah se, a tihthlabâr manah hlawhfa chhawrtupa chu nau awih angin a awi mu tur a ni.
12. Quarry atanga lung lumtuten mi huan thlai delh chhe thei lo tur ang bera lum tur a ni a, a lo delh chhe palh a nih chuan huan neitupa hnênah an hotupa berin emaw, hlawhfa chhawrtuin emaw ngaihdam a dîl vat tur a ni. Huan neituin a lo ngaihdam theih chuan a ngaidam ang a, ‘ngaihdam nan beng vawi 500 in su tur a ni’ a tih chuan an hotupa pawh ni raw sek sek huan neitupa lungawina chu a tihhlawhtlinsak ngei tur a ni.
13. Lung lâkna hmuna intibuai an awm chuan a thiam lo zâwk an zawnchhuah hnuah an manbet ang a, tuboh kg 5-in a kezungpuiah an chhutsak thei ang. Mahse, inchhîra ti tawh lo tura a intiam theih chuan a kezungpui tin lehlam chu ama hleh thrin aia sángin thi deuh thratin an hlehsak tur a ni.
14. Hnathawh laia ruihtheihthil khawih emaw, rui chunga hnathawk emaw an awm chuan a thawhpuiten chheni hriam takin a bengêk an khersak thei ang.
15. Hlawhfa chhawr lai chu hrisel lohna avânga hna a thawh nilên theih dâwn loh chuan a hnathawhpuite chuan dimna tel lék lo va zàwn haw tur a ni a. Zàwn haw a duh loh pawn an zàwn lui réng rêng tur a ni.
A zirtîr: Mizote hi kan taima tâwk! :lol:
Similar Posts:
- Zokhaw mite tana First Aid hriat turte
- Mai a lum e, hui-ah!
- An in kap hlum leh ta
- Mizo Hmanrua/ thil thenkhat
- Doctor-in Nau Vei Hnawtchhuak
August 14th, 2010 at 2:33 am
Mr_Tsa chu post variety ve thei kher mai. Post tha thei fu lehnghal a. Well done!
Ka’n chhiar hmasaber ang e.
August 14th, 2010 at 2:36 am
Va ziak tha ve!!!
August 14th, 2010 at 2:39 am
Ekhai, lrlawm,,, a ziak tha lehpek khawp mai
August 14th, 2010 at 2:39 am
ka hlawkpui hle mai!lung la a ka inhlawh leh hun chuan ka apply chhin ngei2 ang!
August 14th, 2010 at 2:47 am
7. Hlawhfain lung lâkna hmanrua chi kim a thawhchhuahpui theih chuan a chhawrtupa hnênah a zah loh dân azirin hlawh pêk belh a dîl thei ang.
‘a zah loh dan azirin’ tih lai tak hi!! lol Nupuite hruai loh tur tih hi a dik chiah lo..an nupui ten rora nilenga an lo chhut ve khan, double income a ni mai dawn sin…i hisap fuh lo deuh
August 14th, 2010 at 2:55 am
Mr. TSA chu plagiarism vangin an khing palh che ange auh :lol: ka chhiar tawh i thil post hi. Sawrz dah thin la. Mizo tawnga i leh hian a nuihzathlakna a bo vek zel NOI
August 14th, 2010 at 2:57 am
pink floyd hla setanic ti tupa kha ni em Mr.TSA-a hi…
August 14th, 2010 at 2:57 am
Plagiarism bawk elaw!!!
August 14th, 2010 at 3:01 am
ka thil post ve hian darkar 2 pawh nghak ngai lo in thil post dang an release ziah bik a …sala …ka hre chhuak thar tlats
August 14th, 2010 at 3:13 am
8. Hlawhfain lung lâkna hmanrua a ru a niha, chiang taka hriatchhuah a nih chuan bungrua neitupain Undertaker finishing angin metal road châr laiah dimna leh lainatna awm miah lovin a duh chuan a finishing thei ang.
…Undertakera finishing hmanga a reh kan zawh loh chuan The Rocka finishing in finish theih ang
August 14th, 2010 at 3:24 am
No 13 khi hlauhawm ber mai, kezungpui tin tan chhin khi a na dawn e, thi deuh sak ngai leh nghal.
Zanlai pelh ah pawh mahni a ka’n nuih pui kur2 le. Mutchuak a ti reh vek a lawm.
August 14th, 2010 at 3:54 am
@Fonz ka rawn tih chhuah sak mai dawn che maw ni le!!!
August 14th, 2010 at 4:20 am
6
gothica Says:
Mr. TSA chu plagiarism vangin an
khing palh che ange auh ka
chhiar tawh i thil post hi. Sawrz
dah thin la. Mizo tawnga i leh
hian a nuihzathlakna a bo vek zel
NOI
7
Fonz Says:
pink floyd hla setanic ti tupa kha
ni em Mr.TSA-a hi…
nuizathlak ve tho
Gothica is gothic fan ruh em em..
August 14th, 2010 at 8:18 am
Point pawimawh ber. Kawng (highway) sira quarry nei ten kawngah lungnawi leh vaivut an hnutchhiah tur ani lo. Kawng an tifau han reng tur ani.
August 14th, 2010 at 8:38 am
Media lam hi ka tui khawp mai a, tih ngaihna ka hre bawk si lo a nih hi. Ka OT em em hran lo ang chu maw???
August 14th, 2010 at 9:27 am
thil thra tak a ni e, fur lai hi chuan quarry hi khoih loh top ila a him ber mai
August 14th, 2010 at 9:32 am
Lung la ho chu Rock Star :lol:
August 14th, 2010 at 10:25 am
Licence nei lova kawngkama lung la chu …. engtia tih tur nge ni ve ta ang ?
August 14th, 2010 at 10:39 am
Ho niah niah emai. Chhiartlak deuh hi mahni irawm chhuakin ziak ula, rawn post zawk ta che u.,
August 14th, 2010 at 11:28 am
@mr .TSA : quarry a thawk thin a mi a nih.. nge a nei tu zok… ho khawp mai
August 14th, 2010 at 12:28 pm
#14 & 17 ka thlawp che u… Tin. BMW pawh a dik full top… bak chu min sawi sak vek tawh e….
August 14th, 2010 at 12:38 pm
Pawisa an pek that phawt chuan, kawng sira a nawi pawh a awm lovang, an rut fai vek mai ang.
ka vahan thawktlawn nasa tak em… ni khata feet 5 zelin kua 4-6 ka verh thin te kha. lungchang phei chu kut a durh vek thei. an tan ka trawngtai e.
August 14th, 2010 at 6:43 pm
Lung cubic hi tling tha zenzawn, han chhermam hnu a a size diktling tur khawp a lian thra in la law law thrin se, a man hi chhiar to mai se thra tur a nia, tun a anlak ang tia lek2 hi chu a charna a ngai zing a cement a hek tlat,lung latu leh leitu pawh kan hlawklo kual vek, la lian se anhlawh pawh tam hret mai rawh se, chuan lung man pawh sang htret mai rawh se a thra zawk
August 15th, 2010 at 1:20 pm
#6 @gothica.. Khi post khi english-a i lo chhiar tawh bik a nih chuan min lo kawhhmuh ve teh.