Fapa mal ka ni. Ka nu leh pate paw’n an theih ang tâwk chuan min duat ve. Mahse, chhûngkaw harsa-ah chuan fapa mal nih chu hahthlâk mai a ni. Hmánah chuan ka nu leh pate nen kan khawsaho thîn. Ka pa’n min zilhhau a, min fuih a; ka nu’n min hnêm a, min thlamuan thîn. Mahse, tûnah chuan an awm tawh lo, an hun a liam tawh.
Thian dang ka kâwm tam lo. Ka unaute nen kan inkâwm thîn. Kan kawtah kan inkhualtelem a, kan infiamho thîn. Unau kan tam tham a, tuvakmah kan ngai bîk lêm lo – hmánah chuan. Mahse, tûnah chuan ka unaute kha an bo vek tawh.
Unau tam mah ila, thian chu ka nei ve tho. Ka kâwm tam lo tih mai a ni. Chu’ng ka thian kawmte nen chuan high school tlângah kan lêng thîn a, ramhnuaiah pipu suihin kan uai thîn. Tawlhpahrit-ah kan tawlh a, kekawr mawng pawp huauvin kan awm thîn. Pawi kan ti lêm lo; kan hlim tlat. A pawi ber zâwka chu kum tam liam tawh thil ka sawi tlat.
Kha’ng ka thiante khân nupui pasal an nei tawh. Tu leh fa pawh. Chhûngkaw enkawlin an buai a, an chhûngkaw hma lam thilah chiah an rilru an sêng. A then erawh pialrâl ram nuamah an bei thlep tawh. Damlai thawnthu sawi tur an nei tawh lo. Ka tâna inpe hman tumah an awm lo; a awmte paw’n engmah mi rawn tihsak thei chuang lo – mahni hna hnaa buai kan nih tawh avângin. Eng emaw châng chuan hmánlai hun kha an ngaihtuah lêt ve thîn mai thei – keimah ang an nih chuan.
Chhûngkhat lainâ an tih ang chî pawh ka nei ve thîn – hmánah chuan. Awmna hmun a dang a, ngaihtuah a dang zêl a. Khawvêl inher zêl hian hmasâwnna a hring a, chumi rualin mihring rilru pawh a inher zêl. Chumi vângte pawh a ni mahnâ, ka chhûngkhat lainâ anga ka lo ruat ho kha hmuh tur an awm tawh lo – tûnah chuan.
Hmánah chuan khawvêl mite chêt leh khawsak ruala khawsain, tumah dang ngai bîk lovin ka awm thîn – chhûngkhat lainâ, nu leh pa, unau leh thiante avâng liau liauvin. Mahse, tûnah erawh chuan hmána tudangmah ngai lova ka chênna lei-ah tho hian khawvêl mi tam tak zîngah khawhar takin ka khawsa mêk zêl a ni.
a tha khawp mai
August 28th, 2010 at 2:28 am
Thian ka kawm tam lo khawp mai. Mahniin kan awm a, hun kan ngah lo hlauh zawk a. Mut paha inngaihtuah vak vak ka ching roh a.. A tha tehchiam lo. Mahse, lunglen leh khawhar erawh pawi ka ti lutuk lo.
Report this comment
August 28th, 2010 at 2:42 am
Ngaihtuahna a kal ding tak tak chuan mittui te hi a hnam sak sak thei nia mawle.. Thalo letling tak ani.
Report this comment
August 28th, 2010 at 2:53 am
Englo a nia.. Khi post khi ka suangtuahna a nia, nizanah ka inngaihtuah vak vak a, (nizan hmasa a ni tawh zawk!) Nimin chhunah ka ziak a, ka post nghal a nih khi. Ka inngaihtuah bing lutuk a, nakin hun tur thleng ka ngaihtuah a. Hla ka ngaithla pah a, ka mittui chu a tla vel a. Ni e, ngaihtuahna keipawn ngaihtuahna tha lo tak a nih ka ring.
Report this comment
August 28th, 2010 at 3:12 am
Engmah hi ka sawi peih tawh lo..
Report this comment
August 28th, 2010 at 3:14 am
E, gothica chu! La mu lo a ni maw??
Report this comment
August 28th, 2010 at 3:16 am
i first sentence atang khian keima nihna ani ve tho mai a. Enge ka an chhoh dawn ni. Unau ah lah a naupang lam ka ni si. Ka nu leh pa te hian rei min la dampui angem aw, te ka ti thin, -tawngthuchhelovah. Dawn lo ta se ka nep zia hi, ka va mal dawn tak em! Engkimah in haikuak chawp an ngai anga. Tunah te hi chuan ka kekawrte min suk sak lo chauhva. Mahse tun atanga kum 5 ah chuan a dan adang viau dawn. Chumi tur atan chuan ka taksa leh thiamna chu a in peih hman hram ka ring. Mahsela RILRU hi a lo puitling mawh em a ni!
Report this comment
August 28th, 2010 at 3:20 am
weekend sas inah ka awm tawr2… mahse naktukah hmun dangah… mahse thilsual ka ti tawh ngai lo
Report this comment
August 28th, 2010 at 3:21 am
Unau-ah chuan a laiah chiah chiah ka awm. hehe. Mahse, tunah chuan unau chu ka nau hmeichhia nen chiah kan ni tawh. :cry: because, thihna.. :evil: Tunah chuan ka intodelh rih viau, ka chhungte tel lovin engmah ka ni lo nachungin.
Khi post an chhiar atanga mi khawhar ka nihzia mai ni lova nu leh pa, unaute hlutzia hre thei hi mi engzat tak awm maw????
Report this comment
August 28th, 2010 at 3:25 am
bipolar depression ka hrechhuak zawk mai
Report this comment
August 28th, 2010 at 3:30 am
gothica, kei chu ka roomah keimahin ka awm. Kan va in awm nawm hleih ve a. Mi5ual ah te hian thawven hmel deuhva comment te hian ka zan phah ve hawk thin. Awm ta lo se ka khua a har ngawt ang.
Report this comment
August 28th, 2010 at 3:30 am
V-a_USA sawi, ‘Big D’ ang kha chu ka ni miah lo!! Mahse, eng depression-sion emaw chu ka nei ve e!!
Report this comment
August 28th, 2010 at 3:33 am
hahaha weekend te hi chu hman nawm tum ve ula… means… in dah awl ve ru, in exam a hnai viau nain. Lehkha zir mai r’u
Report this comment
August 28th, 2010 at 3:36 am
gothica nimin piah khan kan zo tawh. Ka leng ve thin. Thiante ka kawm a, an zingah chuan a nuih ve bawk bawk theih. Mahse nin chin ka nei thin a, mahni a awm a ngaihtuahna kawm melh melh hi a hahdamthlak zawk tih tlat chang a awm thin.
Report this comment
August 28th, 2010 at 11:29 am
Mr.tuaisek i bauh tha thin hle mai a. .lolz
Report this comment
August 28th, 2010 at 5:18 pm
Gary Moore hla “Empty Rooms” kha i khawhar changin lo ngai thla rawh…..
“Loneliness is your only friend.
A broken heart that just won’t mend
is the price you pay.
It’s hard to take when love grows old.
The days are long and the nights turn cold
when it fades away.”
Report this comment
August 28th, 2010 at 5:36 pm
lushai_er, hostel awm laia, tutute emaw ngai chung a ‘Empty Rooms’ ngaihthlak kha chu awwww… lunglen thak duh kher mai…
Report this comment
August 28th, 2010 at 5:45 pm
Tlai lamah, kawlah ni tla tur a sen phut maia, chutih hun lai velah chuan hei hi…
https://www.youtube.com/watch?v=GHSfaEHgUPE
Report this comment
August 28th, 2010 at 5:47 pm
Shai, Hostel ka awm ve lai chuan Abba leh Vulmawi kan ngaithla nasa thin khawp mai.
:rawn inrawlh ve zuai:
Report this comment
August 28th, 2010 at 10:15 pm
Lung a len tak tak hian kei han ti ve khanglang ila, Mizo Hla lo chuan a kal a kim thei lo.
Lalnunmawia hla a mawi ka tih ve ber pakhat chu hei aw…
“Ka bel ngam lo kan runthim riai
Ana lua e suihlung len hi
Ngaiin ka au ruai ruai a che
A van na em ka tuar zo lo
I zun ngaih hi ana em mai ngaih lai mamte
Vulmawi ka tuar zo lo, i zun leng ngaih
Awmkhua a har a leng vawng vawng (2)”
Report this comment
August 29th, 2010 at 12:05 pm
Thanks for allllll….
Report this comment