Ka phuah khat khawp mai hla hi. Mahse hla post kan awm zauh zauh a, inthlahrung vak lovin he thil hi ka rawn sezawl chhuah ve tawp mai a ni. In duh dan danin in ching phar thei ang.
Di Mampuii
Romei zamin mual tin an bawm a,
Hlim lai ni an chen aw tuah vau mawi te’n,
An dâwn si lo, Di Mampuii ngai reng reng a,
Tlai ni ka vui len rual sirva leng te’n.
Mampui zing zin i cham rei em mai,
Min thlau em ni i thai riang hi,
An sawi Zawlkhawpuian ka lo vai,
A riang min ti chhim thlang val hi.
I ngai reng renga lunglên chu e,
Kei ka tuara’n a na chuang mi û,
Enga’n hmanah min hrilh loh le,
Chûn lunglian hrâng tur chu.
Tlai khua lo ngui lenkâwl a lo hnîm a,
I ngaihna ni khûa âw a liam si lo,
A riang lawm nan min tiam si a
Chung chhawrthlapui, aw khua hmun si lo.
Ka chhing thei lo ka iang nang e,
Fam hnu ngha leng fim ngei chu.
Min han dawn la, sirva te,
Aw..Di Mampuii ngaia thâm ngei chu.
Similar Posts:
- message not delivered
- Tha Ainawn
- Nang ngaih a zual chang hian sirvaah chang dawn ila
- Phengphe Khua
- Thal Awiin
October 4th, 2010 at 11:00 pm
Hetiang lampang hi chu muangchanga chhiar chhuah HMASAK phawt a, a mood a awm a comment chauh chi a ni.
Engtin nge ni, eng ang rilru puthmanga in chen in nge ni ziakmi te hian thu leh hla hi in phuahchhuah thin ni.
Ziak lama ram tang ve thiam ta lo chu a chhiar leh comment lamah hian tan in la ve teh ang.
Mi kutchhuak hi chik deuhin lo thlir dauh dauh ila, nakinah engemaw tak chu ziakin ka la Post ve ngei ang.
Report this comment
October 4th, 2010 at 11:05 pm
2nd ve mai mai teh ang, …. :lol:
chhiar phawt ila chuan comment chauh ang…. :mrgreen:
Report this comment
October 4th, 2010 at 11:05 pm
Thiam hle mai a..
Ka D thlanghar tuiluan,
Zamanhmawng thing ang mi phuar vel e…
Report this comment
October 4th, 2010 at 11:09 pm
Ku Dolerich a chu i lung a leng ve hle mai maw, phuah thra khawps mai. ka hnuk iti ulh… :cry: :cry: :cry:
Report this comment
October 4th, 2010 at 11:09 pm
Ka tanglaiah beimai teh la,
A dam ngeiang ka zawltlingvawn nat hi..
Report this comment
October 4th, 2010 at 11:16 pm
a thu a nalh reuh e.
mahse hriatthiam loh ka nei tlat. di Mampuii tan i phuah ni in a langa, mahse tlar 6-na ah ” min thlau em ni i thai riang hi” tih kan hmu a, chuan tlar 8-na ah “a riang min ti chhimthlang val hi” tih a awm leh bawk sia.
A phuahtu hi Di Mampuii ‘ Thai’ nge ‘chhimthlang val’ ?
ku Dolerich, ka man phalo zawk a maw ni? :inthlahrung deuh:
Report this comment
October 4th, 2010 at 11:23 pm
i i hman aiah khian nang tih han hmang ta la, chuan ‘i ngaihna’ aiah khian ‘nang ngaih’ tih ni ta bawk se tun ai hian chhiara nawm ka va ring e, ka phuah ve thiam hauhlo mahse kar awn sawi ve mai2 :inthlahrung:
Report this comment
October 4th, 2010 at 11:30 pm
Ngaihtuah peihte tan-
” Sikni ianga khêl loten maw,
Hun leh ni kan tiam vawng zelin;
Chun leh zua ten min tuahrema, run hmuna nangnen kan lendun ve hun chuan maw:
Silhpuan nem zawnin ka tangah i bahsam chul leng siau siauvin,
Tawn mang ram nuama chen thlengin ka pawm nang che”
Ka chhunzawm peih tawh love a.
Report this comment
October 4th, 2010 at 11:39 pm
CFL pawh chu va bawn ve..
Report this comment
October 4th, 2010 at 11:47 pm
#8 cfl…..heti hi chuan hmeichhia i duh2 i nei thei ng mawle….
Report this comment
October 4th, 2010 at 11:52 pm
#10 kobain, anmahni ka hrilh ngam lohna tak hi ka buaina ber chu a ni leh thin.
Report this comment
October 5th, 2010 at 12:04 am
@dolerich chu.. A Music Track nen rawn post lo lo la..kan zai dual dual dawna lawm..
HE hla hi LPS Icon a ka tlak pui hla anih hi .:P
Report this comment
October 5th, 2010 at 12:12 am
An sawi Zawlkhawpuian ka lo vai,
A riang min ti chhim thlang val hi….
Aizawl nulain Tlabung lam Chakma, Bawm, Bru, Tlanglau tlangval a lo ngaizawng ve deuh em ni dawn le?
Hmangaihna hi chuan engmah a pawisa ngai lo! A mit a del duh tlangpui! A dik vek e, lung erawh, khua hmuna len loh chuan, a leng duh vual vual a ni! :lol:
Report this comment
October 5th, 2010 at 12:27 am
Han sawi zel teh u. Nakinah ka rawn sawi ve ang!
Report this comment
October 5th, 2010 at 12:30 am
Hei zet chu… hehehe, nizana kan khel ang ngawt chu anilo deuh anih hi, ka chhiar chhuak a, a tha kati hle… mahse tlem ka’n critic ve lawk ange…
Tlar khatna:
“Romei zamin mual tin an bawm a,” tih ah hian singular nge plural hman tur aw… a or an ?. C.Vansanga hla ( a phuahtu erawh ka hrelova) kha chuan, “Romei zamin tlang tin mual tin a bawm chiai e” a ti in kalo hria a…
Tlar li na:
“Tlai ni ka vui len rual sirva leng te’n.” tih hi a hma lam tlar nena ngaihtuah pawhin a inremlo deuh em aw.. kati deuh!!!
Hemi sentence bik ah hian singular leh plural a in pawlh in ka hre deuha… “Tlai ni ka vui lenrual sirva leng nen”.. tih emaw, “Tlai ni kan vui lenrual sirva leng ten”
tih te anih chuan ala zia deuh te ka ti mai mai, an thusawi inanglo mahse.. hehehe
Tlar ruk na:
“Min thlau em ni i thai riang hi,” tih lai hi… min thlauh thla ta emni… a tihna anih ka ringa, hemi pawh hi, thlau nilovin thlauh tih awmtak kalo ti ve mai mai, Pu muantea ten thloh anti nge ka hrelova… hloh tih atanga derive ngawt chi chu ani in ka hre lemlo…
A sei wm emai duhtawk rih ang. ka first thought ka rawn sawi mai mai. Ka thil sawi a dik bik ka tihna anilo…
Report this comment
October 5th, 2010 at 12:35 am
“Tlai khua lo ngui lenkâwl a lo hnîm a,”
ka memory hi a thalo khawpa, dik ni a ka ngaih 40% vel hi chu dik angin ka sawi ngamlo, diklo hi alo awm ve sel bawka. lolzzz
tih ang deuh hian, Lalnunmawia hla emni mizo hla hlui deuh ah, “Tlai khua lo ngui sumtual lo dai… chhak a’n mawiten… etc etc…” tih tepawh a awm lo maw.
Report this comment
October 5th, 2010 at 12:36 am
@tristinabelvawtu#6: ‘Thai’ tih khi ka hman dawn pawhin rei ngial ka ngaihtuah. A tawpah a pawi lovin ka hria a, poetic license-ah ngaiin ka hmang ta a ni ber. A ta ka nihna lam thu sawi ka tumna a ni e.
@chawnghilh#13: Poetry chu poetry ni mai rawh se..hairehaiiii
Ka awmna hmun azirin chhim thlang hi a dang thei maithei asin…CFL chu ka tluk loh hmel khawp mai a!!!!!!hairehaiii
Report this comment
October 5th, 2010 at 12:36 am
#15 funny, ‘Buannel ramdai’ tih hla C.Vansanga sak kha pasaltha Ch.Malsawma phuah a ni e.
Report this comment
October 5th, 2010 at 12:40 am
tlar li na ka sawi ngawt khi, “tlai ni ka vui lenrual sir va leng tenen” atihna ni awmtak ani… “lenrual tih lai khai ziah zawm tur nge ziahzawm loh tur. hihihi. Zirsangzela hla a “Lenrual an kim talo” tih ah kha chuan ziah an ziahzawm chuan ka hria. ziah dan tur dik a efine chuanglo na a…
Report this comment
October 5th, 2010 at 12:46 am
@funny : “tlai nî ka vui, lènrual sîrvà lêngte nèn”
Report this comment
October 5th, 2010 at 12:48 am
@funny #15: tha khawp mai. Rawn tizel rawh. A leh an khi chu a dik thei ve ve ang ka ring. A tlar lina khi chu a hma chiahah “an dawn si lo” ka tih ve bawk khi maw le! A awmzia chu, han ti hluai ila, khawhar taka tlai ni ka vui liam tih reng reng hi thian anga ka ngaih savate hian min dawn pui pha ve si lo ka tihna a ni ber, zut zut mai a!!!
Thlau hi chu ka hriat ve dan chuan kalsan tihna a niin ka hria, thlauh lam ni lovin. Thlauthla atanga lo kal a nih ka ring.
Lenkawl hnim khi chu a inang ve duh chawk a nia. Lenrual khi ka zawm lo lui deuh chhin a ni, MAL lam hian zawm loh an uar em a!!!
Report this comment
October 5th, 2010 at 12:50 am
Tunlaia mizotawnga poem kan phuah dawn emaw hla kan phuah dawn emaw anih chuan hetiang tur hi aniin ka hre ve tlat, tawngkam un leh thu har tak tak hmang lo hian thu mawi tak a phuah thei tlat…
a thu khian flow leh rhyme scheme a nei… tunlaia Rhyme-free kan han tih ho pawh hi flow awm anni tlangpui…
BD-a ten hla mawi tak an phuah khan thu un leh har hmang niamlo in zai tham takin a sak chuan alo ngaithla tute tana mittui tlak zawih zawih na khawp an phuah thiam anih chuan ART ah ka ngai, Bd-a khan rui chunga a phuah leh phuah loh lam ka care lo… chutiang chiah chuan Pu Mafa-a ten thu thiam taka an han ziah chuan, a chhiar tute feelings a khawih… chungtiang chu ART anih na lai tak niin ka hria… ve mai mai ana keichu engmah kani ve hleilova. hihihi
Report this comment
October 5th, 2010 at 12:51 am
A thluk a nalh phawt chuan..
Vallunglenga, vallunglenga..vawi sawm nga vel pawh ti nawn ila a tha ka lo ti mai a sin.!!hehe!
Report this comment
October 5th, 2010 at 12:53 am
Pu chawnghilh rawn tel teh.. “leng tenen” tih leh ‘lengte nen” tih hi a in angin ka hrelo ve mai mai. hihihi
Report this comment
October 5th, 2010 at 12:57 am
#17, dolerich, nia thai han tih khan ‘nupui’ sawina lam niin ka hre deuh sia, ka lo buai ani e.
chuan funny rawn sawi ‘tlaini ka vui, lenrual sirva lengte’n’ tih lai khi chu i khawhar zia sava te’n an dawnpui lo che tihna a ni mai ang chu a. a tlar hma chiah han en hian.
Report this comment
October 5th, 2010 at 12:59 am
dolerich: A leh AN chungchanah hi chuan keichuan, mizotawng leh grammar hi English grammar atanga re-invent nilo reconstruct ni a ka hriat avang hian, a danglam chuan ka hria… Tin, kan tawng lo hman tawh thin nena inmil tak anih bawk avang tepawh ani ang… chhum emaw romei emaw hi. quantity khat… singular angah kanlo hmang thin in ka hria a… Chuvang tepawh ani mahna C.Vansanga hla pawhin Singular anga a hman tlat khi… example ka rawn sawi ve mai mai anih chu… kan grammar famkimloh zia erawh hi chu MAL hmalak natur tepawh ani mahna…
Report this comment
October 5th, 2010 at 1:00 am
“Lengte’n” khi chu lengte chuan tihna a ni ve thei a nia. Ka inchhan lem lo ania, duh duh sawi theih.
24#funny:”leng tenen” hi a dik lo, ‘lengte nen’ tihtur. ‘Te’ hi plural zawm nan kan hman chuan ziah zawm ngei ngei tur.
Khaw’nge maw Pu Muantea hi a awm le?
Report this comment
October 5th, 2010 at 1:05 am
Pu muantea chu an nu in a hrem a ni mahna..lol. I tel lo chuan misual ho ar ng kan vai,sial ang kan ngir,ar ang kan ngui te han t vel ila..
Report this comment
October 5th, 2010 at 1:07 am
26@funny: Khi hla bikah khi chuan romeiin tlang chi hrang hrang an bawm thu sawi ka tum zawk asin. Romei te chu singular alawm.
25@tristinabelvawtu: Tlar li dan zelah khian space ka dah asin maw le, admin lamin an siamtha aniang. Chuvangin a inzawm ta put a, hriat thiam a har ta deuh a ni maithei e. I rawn sawi khi ka sawi tum a ni e.
Funny chu ‘death of the author’ chungchangah chuan kan ngaihdan a inang dawn hle mai. Ka hre sual em ka hre lo, Shakespear-a pawh kha zu vang thovin a thi an ti! Mahse a thu leh hla te chu an ngaisang tho. Keiniah chuan JF-a zu in thu hi a thu leh hla thiamna ai chuan kan mi challang-ho hian sawi nuam an ti zawk! Mafaa pawh hi ka ngaisang khawp. Amah ni lovinn a thuziaka kha alawm en tur ka ti.
Report this comment
October 5th, 2010 at 1:08 am
dolerich: Lengte’n I ti hleinem, leng te’n I tia lawm. hihihi
Pu Muanteea leh Pu chawnghilh hi rawn telve sela aw… anni hi an inla profe tawh lutuka hetiangah hian an tel tha duh mai mai lova, an inla to deuh emawni… hahahaha
Report this comment
October 5th, 2010 at 1:08 am
Mizote hi chuan thilnung lo, pakhat aia tam sawi nan ‘a’ kan hmang thin.
Entirna: Vawiin chu romei leh meikhu a va zâm nasa ve le.
* Thilnung sawi nan erawh chuan ‘an’ kan hmang thin.
Entirna: Bawng rual an lo kal dum dum mai.
# Hei hi mizo grammar chîk taka kan zirna atanga ka rawn lak chhuah a ni e.
Report this comment
October 5th, 2010 at 1:10 am
Kei ai chuan i thiam fe a nih hi le.
Report this comment
October 5th, 2010 at 1:19 am
#funny@30:A hranga ziah ka lo tuipui lutuk deuh a nih khi maw le…hihihi. Ka lawm lutuk e.
CFL i sawi dik khawp mai. Poetry-ah hian chuan exception siam a tha lo ang maw ka ti deuh. ‘mual tin an ngir’ tih te pawh hi thilnung lo chu an ni ngei a, mahse plural a ni tlat asin.
Report this comment
October 5th, 2010 at 1:22 am
Kaihlek:
Pawnfen hian a khuh rei avangin a lo ngo zo ta a,mite thilung pawh a englo hial ta e!
Khawvel hian a nghah rei avangin a lo ngui zo ta a, ite thilung pawh a beidawng hial ta e!
Report this comment
October 5th, 2010 at 2:21 am
@CFL 31,
Pawl sawmpahnih Mizo grammar-a kan zir thin dan chuan ” Bawng rual an lo kal dum dum mai” ni lovin ” Bawng rual a lo kal dum dum mai”. Mihring tih lohvah chuan AN hi plural sawi nan hman a ni lovin ka hria. Mak ka ti khawp mai kei paw’n.
@ dolerich
Romei zamin mualtin an bawm. AN ni lovin A hman a dik ka ring.
“Tlai ni ka vui len rual sirva leng te’n”. Te’n i tih hian sawi chhunzawm zel tur nei i ang ka ti a, mahse, full stop i dah leh bawk si a. ‘Te nen’ lamtawi tihna em ni? Te nen lamtawi chu te’n a ni thei lovang. ‘Te in’ tih hi te’n tiin kan hmang thin.
Thai hi nupui sawina a ni lawm ni?
Engpawh nise i phuah thiam, lung a kuai raih mai. Ka lung i ti leng tlat.
Report this comment
October 5th, 2010 at 3:14 am
Tun hnai chu Misual ho in va Romantic hnup hnup hlawm ve a!!
Report this comment
October 5th, 2010 at 3:33 am
#35 Nie..Bawngrual kha ‘a’ lo kal dum dum an ti tlat a ni. Mak ka ti lutuk a,chhutsual emaw ka lo ti mai maia..
Report this comment
October 5th, 2010 at 7:38 am
In comment zawng avang hian ka lo inzir zel ang a, a lehpekah chuan a fuh lehzual thei tawh ang. Ka lawm lutuk e.
Report this comment
October 5th, 2010 at 8:03 am
Inngaihzawn lai vel kha a nuam thei eee :!:
Report this comment
October 5th, 2010 at 8:23 am
IN vaiin Darling line ah kal vek mai teh u.In eizawnna line inhai a niang he he he….lolzzz.
Report this comment
October 5th, 2010 at 12:03 pm
“Min thlau em ni i thai riang hi” he tlar hi ka chhiar dik thei hauh lo nia… a siamtu hi Mipa niin ka ring che a, ‘i thai riang hi’ tiin i insawi leh bawk niin ka chhiar a, ka chhiar sual pawh a ni thei e…? Min han hrilhfiah keuh teh.. a tlangpui thuin a tha hle mai.. amaherawhchu, “Romei zamin mual tin an bawm a,” tih laiah hian mizotawng tluang pangngaiah chuan mihring nilo sawi nan (pakhat aia tam pawh nise) ‘an’ an hmang ngai lo tlangpui, (e.g. Bawng tam deuh a lokal dum dum.. tih tur..) mahse, literature huangah chuan a phuahtu i nia.. zalenna i nei e….
Report this comment
October 5th, 2010 at 1:16 pm
Nizana ka comment ho teh duah chu…
Thlarau sual a thawh hi chuan ka tlak leh duah thrin
Report this comment
October 5th, 2010 at 3:39 pm
Nichin deuh khan ka rawn faksel vaka, mahse ka network a that loh thut avangin a lut thei lo a nih hi. Hun chep tak karah ka rawn lang zawk, nakin deuhvah ka rawn sawi teh mai ang.
Report this comment
December 25th, 2010 at 5:54 pm
test vanneihtluanga.blogspot.com/2010/12/aw-va-mawi-em.html
Report this comment